Доллар жана рубль акчалары. Архивдик сүрөт

Чет өлкөдөгү мекендештер кайрадан көп суммада акча которо баштады

206
(жаңыланган 12:44 12.09.2020)
Жаздын келиши менен Кыргызстанга чет жактан акча которуулардын көлөмү кескин түрдө азайып кеткени байкалган.

БИШКЕК, 12-сен. — Sputnik. Үстүбүздөгү жылдын январь-июль айларында мигранттар Кыргызстанга 1 миллиард 225,3 миллион доллар которду. Бул тууралуу маалымат Улуттук банктын сайтында жарыяланды.

Өткөн жылдын дал ушул мезгилинде, башкача айтканда, жети айда өлкөгө чет жактан 1 миллиард 351 миллион доллар келген болчу. 

Белгилей кетсек, жылдын башында акча которуулардын көлөмү кыскарган, бирок июнь, июль айларында кайра былтыркыга салыштырмалуу көбүрөөк каражат жиберишкен. 

Кыргызстанда пандемия маалында кредит алгандар менен депозиттердин саны өстү

Жыл башынан берки маалымат (кашаанын ичиндеги 2019-жылга салыштырмалуу өзгөрүүлөр):

  • январь — 148,5 миллион доллар (16,7 миллионго аз) 
  • февраль — 161,1 миллион доллар (14,3 миллионго аз);
  • март — 144 миллион доллар (51,8 миллионго аз);
  • апрель — 76,3 миллион (123,8 миллионго аз);
  • май — 165,3 миллион доллар (29 миллионго аз);
  • июнь — 277,9 миллион доллар (86,3 миллионго көп);
  • июль — 248 миллион доллар (23,3 миллионго көп).

Мигранттардын акча которуусу Кыргызстан үчүн өтө маанилүү. Анын көлөмү өлкөнүн ички дүң продукциясынын үчтөн бир бөлүгүнө барабар.

206
Белгилер:
Улуттук банк, Акча которуулар, Мигрант, Кыргызстан
Тема боюнча
Жыл башында калктын акчалай кирешелери көбөйгөн
КРде алтындын кору жыл ичинде 13,5 миллиард сомго кымбаттады
Добуш берип жаткан адам. Архив

Шайлоодо канча мигранттын добуш берери айтылды

235
(жаңыланган 15:27 24.09.2020)
2015-жылдагы парламенттик шайлоого чет өлкөдө жүргөн 15 312 мигрант добуш берүүгө укук алган. Бул ирет шайлоочулардын саны эки эсе өскөнү байкалат.

БИШКЕК, 24-сен. — Sputnik. Быйыл чет өлкөдө жүргөн 32 582 кыргызстандык парламенттик шайлоого катышууга укук алды. Бул туурасында БШКнын төрайымы Нуржан Шайлдабекова шайлоонун даярдыктары туурасындагы маалымат жыйыны учурунда билдирди.

Анын айтмында, чет мамлекеттерде 45 шайлоо участкасы ачылган.

"Быйыл шайлоого катышууну каалаган чет жактагы кыргызстандыктардын саны көбөйдү. Албетте, буга түшүндүрүү иштери жакшы жүргүзүлгөнү түрткү болду десек болот. Кайрылуулар көп болгонуна байланыштуу Москвага дагы бир кошумча шайлоо участкасы ачылды", — деди Шайлдабекова.

Белгилей кетсек, 2015-жылдагы парламенттик шайлоого чет өлкөдө жүргөн 15 312 мигрант добуш берүүгө укук алган. Бул ирет шайлоочулардын саны эки эсе өскөнү байкалат.

Быйыл парламенттик шайлоо 4-октябрда өтөт. Ага 3 миллион 523 миң 532 шайлоочу катыша алары белгилүү болду.

235
Белгилер:
Нуржан Шайлдабекова, мигранттар, шайлоо
Тема:
Шайлоо-2020
Тема боюнча
Шайлоо: Башкы прокуратура ЖМКлардагы макалалар боюнча 26 кылмыш ишин козгоду
Факты болсо, жаза да болот. Жээнбеков добуш сатып алуу боюнча пикирин айтты
Москвада Кыргызстандын мигранттары түзгөн Аян ышкыбоздор театры көрүүчүлөргө алгачкы спектаклин тартуулады.

Москвада мигранттар кыргыз тилинде "Кыямат" спектаклин койду. Видео

65
(жаңыланган 14:11 24.09.2020)
Чыңгыз Айтматовдун "Кыямат" романынын негизинде даярдалган спектакль Москванын "Яблоко" жаштар театрында коюлду. Зал толо көрүүчүлөр келгени айтылууда.

БИШКЕК, 24-сен. — Sputnik. Москвада Кыргызстандын мигранттары түзгөн "Аян" ышкыбоздор театры көрүүчүлөргө алгачкы спектаклин тартуулады. Бул тууралуу Sputnik агенттигинин кабарчысына театрдын негиздөөчүсү Айнаш Козубаева билдирди.

Анын айтымында, кыргыз жана орус тилиндеги спектакль Чыңгыз Айтматовдун "Кыямат" романынын негизинде даярдалып, Москванын "Яблоко" жаштар театрында коюлду. Маданий жайды Россиянын эл артисти Вячеслав Спесивцев жетектейт.

Козубаева белгилегендей, спектаклди коюуга дал "Яблоко" театрынын жетекчиси жардам берген. Ал кыргыз мигранттарына (болочок актерлорго) ишемби күнкү спектаклдерге акысыз билет алып берип турган, андан кийин мастер-класстарды өткөргөн. Топту бир нече ай бою белгилүү актер, КРдин маданиятынын мыктысы Садыр Сагынбаев жетектеп, балдарга театрдын чеберчиликтерин үйрөткөн.

"Биздин актерлор "Яблоко" театрынын жетекчиси менен былтыр октябрда таанышкан. Ал "Кыямат" спектаклин биргелешип коюуну сунуш кылды, себеби убагында Чыңгыз Айтматовдун жакын досу болуптур. Ошондой эле жазуучунун көзү тирүү кезинде "Кыямат" спектакли биринчи жолу Москвада Вячеслав Спесивцевдин жетекчилиги астында коюлган экен. Бул 20 жыл мурун болуптур", — деди Козубаева.

"Кыямат" романы тууралуу кызыктуу 13 факты. Айтматовго "айланган" карышкыр

Ал учурда театрда сегиз актер эмгектенерин айтты. Мигранттар негизги жумушунан кийин кечинде чыгармачылыкка убакыт табышат.

"Туулуп-өскөн жерден алыс жүргөн мекендештердин маданият менен жакын болгону маанилүү нерсе. Себеби көбү эртеден-кечке иштеп, театрга барууга убактысы жок. Бул маданий жайдан алар жан дүйнөсүн азыктандырып турса деген ниетибиз бар", — деди театр жетекчиси.

Репетиция ар кайсы жакта, анын ичинде Козубаеванын батиринде дагы болгон.

Спектакль по мотивам повести Чингиза Айтматова Плаха на русском и кыргызском языках был поставлен в Московском молодежном театре Яблоко.
© Фото / Айнаш Козубаева
Кыргыз жана орус тилиндеги спектакль Чыңгыз Айтматовдун "Кыямат" романынын негизинде даярдалып, Москванын "Яблоко" жаштар театрында коюлду

"Кыямат" спектаклине 200 киши келди, негизи зал 400 кишини батырат. Бирок пандемияга байланыштуу адамдар жакын отурбашы керек болчу. Мындайча айтканда, орундун бардыгы толду", — деген Козубаева.

Чыңгыз Айтматов жазган "Кыямат" чыгармасы биринчи жолу 1986-жылы "Новый мир" журналына жарыяланган. Роман эки адамдын — Авдий Каллистратов менен Бостон Үркүнчиевдин тагдырын баяндайт. Алардын турмушу Акбаранын образы менен байланыштуу.

65
Белгилер:
театр, спектакль, Чыңгыз Айтматов, Москва, Кыргызстан
Тема боюнча
Кыргызстандык кыз "Ты супер!" шоусунун кийинки туруна өтпөй калды. Видео
Украинада аскер учагы кулады

Украинада аскер учагы кулады. 23 адамдын өмүрүн алган кырсыктын видеосу

111
(жаңыланган 01:46 26.09.2020)
Бортто экипаж мүчөлөрүнөн сырткары аскер-аба күчтөрүнүн Харьков университетинде билим алган курсанттары бар болчу.

БИШКЕК, 26-сен. — Sputnik. Украинанын Харьков облусунда Ан-26 деп аталган аскер учагы кулады. Андан каза болгондор жана жабыркагандар бар. Бул тууралуу РИА Новости Украинанын аскер-аба күчтөрүнүн маалыматына таянып кабарлады.

Кырсыктын видеосу басылманын Telegram -каналына жарыяланган.

​"25-сентябрь күнү кечинде Харьков облусунда Украинанын аскер-аба күчтөрүнө тиешелүү болгон АН-26 учагы кырсыктады. Учак жерге коноюн деп жатканда кулаган. Бортто экипаж мүчөлөрүнөн сырткары аскер-аба күчтөрүнүн Харьков университетинде билим алган курсанттары бар болчу. Арасында каза болгондор, жабыркагандар бар. Маалымат такталып жатат", — деп айтылат билдирмеде.

Ички иштер министрлиги билдиргендей, учак кырсыгынан 23 адам каза болуп, эки адам оор абалда ооруканага жеткирилген. Акыркы маалыматтар боюнча жеринде куткаруучулар, өрт өчүрүүчүлөр иштөөдө.

Украинанын президенти Владимир Зеленский кырсык болгон жерге чыгып кеткени кабарланды.

111
Белгилер:
өрт, кырсык, учак, Харьков, Украина
Тема боюнча
Бразилияда учак автожолго кулап, талкаланып калды. Видео
14 киши көз жумду. Индияда учак экиге бөлүнүп кетип, кырсыктаган видео