Калининград шаарындагы мигранттар. Архив

Жеңилдиктердин мөөнөтү бүттү. Россиядагы элчилик эмгек мигранттарына кайрылды

493
(жаңыланган 20:22 18.03.2021)
15-мартта пандемияга байланыштуу мигранттарга берилген жеңилдиктер алып салынды. Буга байланыштуу элчилик кыргызстандыктарга кайрылуу жасады.

БИШКЕК, 18-мар. — Sputnik. Кыргызстандын Россиядагы элчилиги пандемияга байланыштуу эмгек мигранттарына берилген жеңилдиктердин мөөнөтү аяктаганына байланыштуу РФ аймагында жүрүүсүн мыйзамдаштырып алууга чакырды.

Элчиликтин сунуштары:

  • Россиянын мыйзамдары талап кылган документтерди каттоодон өткөрүү (убактылуу жашоого уруксат кагазы, миграциялык карта, каттоо) керек;
  • керек учурда эмгек келишимдеринин мөөнөтүн узартуу;
  • административдик эреже бузуулар боюнча айып пулдарды төлөө;
  • эгер Россиянын аймагынан чыгарып салуу боюнча административдик чечим чыккан болсо, өз ыктыяры менен чыгып кетүү керек;
  • паспорттун жарактуу мөөнөтү (ID-карта же жалпы жарандык паспорт) 2020-жылдын 1-январынан 2021-жылдын 31-августуна чейин аяктай турган болсо документтин мөөнөтүн узартуу үчүн Кыргызстандын Россиядагы мекемелеринин бирине кайрылуу керек.

Элчилик жарандарды ортомчулардын кызматын колдонбоого чакырды.

493
Белгилер:
документ, элчилик, Россия, Кыргызстан
Тема боюнча
Мигранттар Кыргызстанга январь айында канча акча которду
Садыр Жапаров мигранттардын кайрылуусуна жооп берди
Киши телефонунда QR-кодду карап жатат. Архив

Россияда ар бир мигрантка QR-код ыйгаруу сунушталып жатат. Максаты

208
(жаңыланган 14:58 27.04.2021)
Бул сунуш Россиянын 2030-жылга чейинки социалдык-экономикалык өнүгүү стратегиясынын алкагында өкмөттө жана адистер арасында кеңири талкууланып жатат.

БИШКЕК, 27-апр. — Sputnik. Россияда мигранттардын так санын билип, алардын өлкөдө мыйзамдуу түрдө жүргөнүн аныктоо үчүн QR-код системасын киргизүү пландалып жатат. Бул тууралуу Россияда Куруучулардын улуттук бирикмесинин жетекчиси Антон Глушковго шилтеме берип "Известия" басылмасы жазды.

Бул сунуш Россиянын 2030-жылга чейинки социалдык-экономикалык өнүгүү стратегиясынын алкагында өкмөттө жана адистер арасында кеңири талкууланып жатат.

"Биз Россияга келип иштеп жүргөн мигранттардын так санын билип, алардын ар бири менен мамилебизди мыйзам чегинде жөнгө салышыбыз керек. Учурда ар бир мигрантка QR-код ыйгаруу сунушталып жатат. Жумушка алуу же документтерди текшерүү учурунда дал ошол код аркылуу адамдын мыйзамдуу жүргөнүн биле алабыз", — деди Глушков.

Буга чейин Россияда курулуш тармагында иштеген мигранттардын реестрин түзүү сунушталган. Бул нерсе мигранттарга жумушка оңой орношууга, айлык акысын убагында алып, жакшы шарттарды талап кылууга жардам берери айтылууда. Мындан тышкары, салык жагынан ачык-айкындуулук пайда болот.

208
Белгилер:
документ, мыйзам, Мигрант, Россия
Тема боюнча
Россияда мыйзамсыз жүргөн мигранттар жоопко тартылбастан каттоого тура алат
Россия мыйзамсыз келген мигранттардын өлкөдө жүрүү мөөнөтүн узартты. Шарты
Документ текшерип жаткан ФМС кызматкери. Архив

Россияда мыйзамсыз жүргөн мигранттар жоопко тартылбастан каттоого тура алат

289
(жаңыланган 19:34 23.04.2021)
Үстүбүздөгү жылдын 15-июнуна чейин РФ аймагында мыйзамсыз жүргөн мигранттар каттоого турса аларга карата административдик чара колдонулбайт жана өлкөдөн чыгарылбайт.

БИШКЕК, 23-апр. — Sputnik. Россиянын аймагында мыйзамсыз жүргөн кыргызстандык мигранттар 15-июнга чейин каттоого тура алышат. Бул тууралуу Россия өкмөтүнүн төрагасынын орун басары Алексей Оверчук 21-апрелде Кыргызстандын биринчи вице-премьери Артём Новиков менен жолукканда билдиргенин өкмөттөн кабарлашты.

Маалыматка караганда, үстүбүздөгү жылдын 15-июнуна чейин РФ аймагында мыйзамсыз жүргөн мигранттар каттоого турса аларга карата административдик чара колдонулбайт жана өлкөдөн чыгарылбайт.

"Россия тарап эмгек мигранттарынын укугун чектөө боюнча эч кандай иш-аракеттерди жүргүзбөйт. Бирок мигранттар каттоодон өтүп коюшу керек", — деди Новиков.

Ал ошондой эле жалпы диаспора өкүлдөрүн ишке тартып, ар бир мигрантка жеке статусун тастыктоосу зарыл экенин жеткирүү керектигин кошумчалады.

289
Белгилер:
статус, мыйзам, Мигрант, Россия, Кыргызстан
Тема боюнча
Россияда мигрант куруучулардын реестрин түзүү сунушталууда. Максаты кандай
Кыргызстандын желеги. Архив

Өкмөт эгемендүүлүк майрамында кыргыздардын дүйнөлүк курултайын өткөрүүнү сунуштады

13
(жаңыланган 20:26 15.05.2021)
Буга чейин президент Садыр Жапаров кыргызстандыктардын бүткүл дүйнөлүк курултайын өткөрүү демилгесин көтөргөн.

БИШКЕК, 15-май — Sputnik. Министрлер кабинети эгемендүүлүктүн 30 жылдыгына карата
кыргыз элинин бүткүл дүйнөлүк курултайын өткөрүүнү сунуштады. Бул тууралуу өкмөт башчы Улукбек Марипов аталган күндү майрамдоо боюнча уюштуруу комитетинин кеңешмесин өткөрүп жатканда сөз болду.

Өкмөттүн маалымат кызматынан билдиришкендей, республиканын түптөлүшүнүн 30 жылдыгын майрамдоо боюнча иш-чаралардын планына Бишкек шаарында жана аймактарда өткөрүлчү 100дөн ашуун иш-чара киргизилген.

“Кеңешменин жүрүшүндө өлкө президентинин кайрылуусуна ылайык, планга кыргыз элинин бүткүл дүйнөлүк курултайын өткөрүүнү киргизүү сунушталды. Министрлер кабинетинин башчысы 30 жылдыкты майрамдоо боюнча иш-чаралар планын толуктап иштеп чыгууну жана сын-пикирлерди эске алуу менен үч күндүн ичинде уюштуруу комитетинин талкуулоосуна сунуштоону тапшырды”, — деп айтылат билдирүүдө.

Маалыматка караганда, юбилейлик датага карата театрлаштырылган оюн-зооктор уюштурулуп, бир катар ири көргөзмөлөр жана ат оюндары өткөрүлөт. Ошондой эле улуу Кыргыз каганатынын түзүлүшүнөн баштап, азыркы мезгилге чейинки басып өткөн жолу тууралуу сүрөт китебин түзүү пландаштырылууда.

Марипов белгилегендей, бардык иш-чаралар республикадагы эпидемиологиялык кырдаалды эске алуу менен санитардык ченемдерге жана талаптарга ылайык жүргүзүлүшү керек.
Буга чейин президент Садыр Жапаров кыргызстандыктардын бүткүл дүйнөлүк курултайын өткөрүү демилгесин көтөргөн. Анткени жаңы Конституцияга Курултай институту тууралуу киргизилген.

13
Белгилер:
план, курултай, Кыргызстандын эгемендүүлүк күнү, майрам, Улукбек Марипов, Кыргызстан
Тема боюнча
Жапаров кыргызстандыктардын бүткүл дүйнөлүк курултайын өткөрүүнү сунуштады