Такси айдап бараткан беткапчан айдоочу. Архив

Чет өлкөдө эмгек келишими жок иштебеш керек. Адистин түшүндүрмөсү

106
Азамат Айтбаевдин айтымында, мигрант бара жаткан өлкөнүн мыйзамдарын билип алганы жакшы. Мыйзамды билбестик оор кесепеттерге алып келиши мүмкүн.

БИШКЕК, 19-май — Sputnik. Кыргызстандык мигранттардын көйгөйүн чечүү менен алектенген "Замандаш" ассоциациясынын координатору Азамат Айтбаев чет өлкөдө иштөөдөгү эмгек келишиминин артыкчылыктарын айтып берди.

Анын пикиринде, чет жакта мыйзамдуу түрдө иштеген адамга андан ары өнүгүүгө жакшы шарттар түзүлөт.

"Мигранттардын басымдуу бөлүгү тааныштары аркылуу жумушка кирип, чет жакта келишим түзбөй эле иштей берет. Бул учурда алар чоң тобокелдикке барып, коркунучка кептелишет. Ал эми жумуш берүүчү менен мамилени мыйзамдаштырган адам эч нерседен коркпой иштей берсе болот", — деди адис.

Айтбаевдин айтымында, мигрант бара жаткан өлкөнүн мыйзамдарын билип алганы жакшы.

"Мыйзамды билбестик оор кесепеттерге алып келиши мүмкүн. Мисалы, ар бир өлкөдө анын аймагына кирериң менен каттоого туруп, жумуш берүүчү менен эмгек келишимин түзүү керек. Бул эрежелерди аткарбаган адам "кара тизмеге" кирип же кайра келүү укугунан ажырап, өлкөдөн чыгарылып калат", — деди ал.

Сөзүнүн аягында Айтбаев эмгек келишиминин артыкчылыктарын санап өттү.

"Эмгек келишими маянаны камсыздандырууга, эмгек шартын жана иш убактысын аныктоого жардам берет. Ошондой эле мыйзамдуу түрдө иштеген адамга эмгек стажы жазылып, келечектеги пенсиясына төлөм кете берет", — деп түшүндүрдү координатор.

Мындан тышкары, ал келишим менен иштегендер милдеттүү медициналык камсыздандырууга ээ болуп, медициналык кызматтарды тоскоолдуксуз пайдалана аларын кошумчалады.

106
Белгилер:
укук, мыйзам, жумуш, адис, келишим, Мигрант
Тема боюнча
Россияда ар бир мигрантка QR-код ыйгаруу сунушталып жатат. Максаты
Россияда мыйзамсыз жүргөн мигранттар жоопко тартылбастан каттоого тура алат
Москва районундагы миграция борбору жанында киши. Архив

Россия мигранттарды кабыл алуу жол-жобосун жөнөкөйлөтөт 

948
(жаңыланган 17:11 26.07.2021)
Буга чейин Россияда ири масштабдагы иш-чара өтсө мигранттарды ишке тартуу боюнча  мыйзам кабыл алынган.

БИШКЕК, 26-июл. — Sputnik. Россиянын мыйзам долбоорлору боюнча өкмөттүк комиссия эл аралык иш-чараларды уюштурууга жана өткөрүүгө, анын ичинде стадион курууга келген мигранттардын түйшүгүн жеңилдетүү демилгесин жактырды. Бул туурасында РИА Новости Россиянын юристтер ассоциациясынын жетекчиси Владимир Груздевге таянып жазды. 

Анын айтымында, эми ири спорттук мелдештерди, түрдүү эл аралык фестиваль, көргөзмөлөрдү уюштурган тараптарга чет өлкөнүн жарандарын чакыруу укугу берилет. Мындай учурда мигранттардан иштөөгө уруксат кагазы талап кылынбайт. 

Груздев буга чейин Россияда ири масштабдагы иш-чара өтсө мигранттарды ишке тартуу боюнча мыйзам кабыл алынганын белгиледи. 

Мында бардык эрежелер системалаштырылып, ар бир мелдеш сайын жаңы мыйзам кабыл алуу практикасы токтойт. Жөнөкөйлөтүлгөн тартипте келген чет элдиктердин даярдык учурундагы мезгилин жана курулуш объектилеринин тезмеси Россия өкмөтү тарбынан бекитилет.

948
Белгилер:
кабыл алуу, тартип, Мигрант, Россия
Тема боюнча
Тольятти шаарындагы хостелде жашаган 23 мигрант ууланды
Көйгөй бар экенин билебиз. РФ муфтийи Москвада мушташкандарга кайрылды
Кыргызстандын Россиядагы элчилиги. Архивдик сүрөт

РФтеги элчилик кыргыздардын массалык депортациясы тууралуу маалыматты төгүндөдү

170
(жаңыланган 13:25 24.07.2021)
Кыргызстандын Россиядагы дипломатиялык өкүлчүлүгү Кыргызстан жарандары өлкөдөн массалык түрдө чыгарылып жатат деген маалыматты четке кагып, абалды түшүндүрүп берди.

БИШКЕК, 24-июл. — Sputnik. Кыргызстандын Россиядагы элчилиги Жогорку Кеңештин депутаты Айбек Осмоновдун кыргызстандыктардын Россиядан массалык түрдө депортация кылынып жатат деген билдирүүсүн төгүндөдү.

"Россиянын аймагында камактан бошотулган, ошондой эле алардын улуттук коопсуздугуна коркунуч келтирген чет өлкөлүк адамдарды кошпогондо, Кыргызстандын жарандарын массалык түрдө депортациялоо фактысы катталган эмес. Ал эми 15-июндагы Россия президентинин коронавирус инфекциясынын жайылып кетишин алдын алуу боюнча жарлыгына ылайык, чет элдиктерди же жарандыгы жок адамдарды өлкөдөн чыгарып салуу жолу каралган эмес", — деп айтылат билдирүүдө.

Ошондой эле элчилик быйылкы жылдын июль айында Россиянын бардык региондорунан канча кыргызстандык чыгарылганы тууралуу маалымат берди.

"Ар кандай себептер менен Кыргызстандын 18 жараны чыгарылган. Ушул тапта Москва облусунун Сахарово айылындагы Чет өлкөлүк адамдарды жана жарандыгы жок адамдарды убактылуу кармоочу борбордо тогуз жаран кармалып турат. Алардын бешөө РФтин  мыйзамдарына ылайык 25-июлда, калгандары август айынын башында жөнөтүлөт", — дешти элчиликтен.

Ошону менен бирге дипломатиялык өкүлчүлүк 12-июлдагы "Кузьминки" метросунда болгон окуя боюнча маалымат берди. Учурда административдик жаза боюнча камакка алынган кишилерди кармоочу жайда Кыргызстандын 65 жараны бар.

Элчиликтен түшүндүргөндөй, Россиянын укук коргоо органдарынын бул аракеттери өлкө аймагында тартипти орнотуу жана коопсуздукту камсыздоого багытталган.

Буга чейин Россиядагы телеканалдардын бири Москвада 180дей мигранттын мушташын көрсөткөн. Анда 11-июлда Химкиде тажик мигранттары эки кыргызстандыкты бычактаганы айтылган. Мындан улам тирешүү башталып, шаардагы "Кузьминки" метростанциясында массалык мушташ чыккан. Урушта жалпысынан 102 адам кармалса, анын 71и кыргызстандык болгон. Сот 102 материалды карап, 15 күнгө камаган.

170
Белгилер:
маалымат, элчилик, депутат, депортация, жаран, Кыргызстан, Россия
Тема боюнча
Сот Москвадагы мушташка катышкан дагы 42 адамды жазага тартты
Такси. Архив

Бишкекке жакын жерде жүргүнчүлөр таксистке кол салып, ал бычак менен коргонгон

0
(жаңыланган 22:13 29.07.2021)
Милициянын маалыматы боюнча, эки жүргүнчү 58 жаштагы таксистке кол салган. Кийинчерээк шектүү катары 19 жана 29 жаштагы кишилер кармалган.

БИШКЕК, 29-июл. — Sputnik. Аламүдүн районунда белгисиз адамдар таксистке кол салды. Бул тууралуу Чүй ОИИБдин маалымат кызматы кабарлады.

Милицияга 58 жаштагы К.А. аттуу адам кайрылып, такси кызматында иштерин айткан.

"Алдын ала маалыматтар боюнча, 27-июлда ал "Ош" базарынан кардар салып, жүргүнчүлөр ГЭС-5 районуна жеткирүүнү суранышкан. Болжол менен саат 21:00дө такси көрсөтүлгөн жерге жеткенде автоунаанын артында отурган кардар таксистке кол салып, муунткан. Экинчиси автоунаанын ачкычы менен телефонун тартып алган. Бирок таксист автоунаасындагы бычакты алып, аны менен коргонуп, каракчылардын колунан бошонгон. Андан соң шектүүлөр качып кетишкен", — деп айтылат маалыматта.

Бул боюнча Жазык кодексинин 202-беренеси ("Каракчылык") боюнча сотко чейинки өндүрүш иштери башталып, экспертиза дайындалган.

Милиция кызматкерлери шектүүлөрдү издеп, эки адамды колго түшүргөнү маалым болду. Алар 19 жаштагы Ш.Ж. жана 29 жаштагы Б.Н. аттуу кишилер болуп чыккан.

Азыркы тапта милиция кызматкерлери кармалгандардын бул ишке тиешеси бар-жогун текшерип жатканы айтылды. Колго түшүрүлгөндөр убактылуу кармоочу жайга киргизилген. Сотко чейинки өндүрүш иши уланууда.

0
Белгилер:
милиция, бычак, кол салуу, таксист
Тема боюнча
Бишкектеги батирлердин биринен 84 жаштагы кемпирдин сөөгү табылды
Бишкекте жол кырсыгы болуп, бир киши көз жумду. Видео