Москвада мигранттар вакцина алуу учурунда

Москвада мигранттар вакцина алууда. Эмдөөнүн жүрүшүнөн репортаж

309
(жаңыланган 13:21 01.07.2021)
Эки медициналык жайга мыкты уюшкандыкта мигранттарды алып келишти. Бюрократия байкалбайт, баары сылык-сыпаа, эң башкысы, эмдөөгө алар өз чөнтөгүнөн төлөбөйт.

Данара Курманова, Sputnik

Россиянын борборунда эмгек мигранттарын эмдөө кампаниясы старт алды. Анын жүрүшү тууралуу Sputnik агенттигинин репортажынан билүүгө болот.

Москвада 29-июнда сырттан келген жумушчуларды коронавируска каршы эмдөө программасы башталды. Бир нече күн мурун эле бул процессти РФ президенти Владимир Путин табыштаган.

Чет өлкөлүк жарандарды эмдөөгө Москвада коронавируска каршы күрөш боюнча кампаниянын башталышы себеп болду. 18-июнда Россиянын баш калаасынын бийлиги соода, тейлөө жана коомдук тамактануу жаатындагы ишканаларды 60 пайыздан кем эмес кызматкерлерин эмдетүүгө милдеттендирген.

© Sputnik / Виталий Белоусов
Москвада 29-июнда сырттан келген жумушчуларды коронавируска каршы эмдөө программасы башталды

Москвадагы мигранттар үчүн атайын эки ири эмдөө жайы уюштурулган. Алар Сахаров кыштагындагы миграциялык борбордо жана "Садовод" соода борборунун аймагында жайгашкан. Күн сайын таңкы 8ден кечки 8ге дейре тыныгуусуз иштейт. "Садоводдогу" эмдөө жайын көзөмөлдөгөн №175 шаардык бейтапкананын башкы врачы Андрей Федорук Sputnik агенттигине билдиргендей, Россиянын борборунда чет өлкөлүк жарандарды эмдөө бекер эмес, бирок анын чыгымын мигранттар өздөрү көтөрбөйт.

"Вакцинация акысы – 1 300 рубль, бул жаңы, бир компоненттүү "Спутник Лайт" эмдөөсү, – дейт ал. – Мигрант жумушчуларын эмдөө үчүн ишканалар шаар жетекчилигине кызматкерлердин тизмесин тапшырышат, биз келишим түзөбүз. Күнүн, убактысын такташабыз. Мигранттар уюшкандыкта эмдөөчү жайларга жеткирилет".

Москвадагы компаниялар чет өлкөлүк кызматкерлерин "Садовод" соода борборуна автобустар менен алып келүүдө. Ар бир кийинки транспорт аталган борбордун дарбазасына туура жарым саат өткөндө токтойт.

"Садоводдогу" эмдөө пункту – чакан чатыр лагери. Оозунда медайымдар жана полиция кызматкерлери нөөмөттө турат. Эмделүүчүлөрдүн дене табы текшерилет.

© Sputnik / Виталий Белоусов
Чет өлкөлүк жарандарды эмдөөгө Москвада коронавируска каршы күрөш боюнча кампаниянын башталышы себеп болду

Укук коргоо органдарынын кызматкерлери бет кап тагынуу жана аралыкты сактоого көз салышат. Бул чаралардын баары эмдөө алдында илдетти жуктуруу тобокелдигин азайтуу үчүн көрүлүүдө.

Бир күндө эле эки эмдөө жайында 4 миң чет өлкөлүк жаран эмдөөдөн өттү, алардын арасында коронавируска кабылып, сакайгандар да жок эмес.

"Антителонун болушу негизи вакцинацияга жолтоо эмес", — дейт Андрей Федорук.

Ал ортодо медициналык кызматкер Фарндун Якубов аталган жайларга келгендерге вакцинанын маанисин түшүндүрүп, коронавирустун индиялык штаммынан коргонуу үчүн эмделүү зарылдыгын түшүндүрүүдөн жадабайт. Ал үчүн "Спутник Лайт" да таасирдүү. Орус тилин жакшы өздөштүрө элек айрым мигранттарга Фарндун өз эне тилинде – тажикче айтып берүүдө.

"Брянск облусундагы медициналык колледжде окугам, – дейт ал. – 2017-жылы аяктап, Москвага жер которуп, ушул шаарда иштеп калдым. Пандемия башталгандан тарта ковиддик бригаданын катарында эмгектендим, ал эми азыр эмдөө пунктунда кызматтамын".

© Sputnik / Виталий Белоусов
18-июнда Россиянын баш калаасынын бийлиги соода, тейлөө жана коомдук тамактануу жаатындагы ишканаларды 60 пайыздан кем эмес кызматкерлерин эмдетүүгө милдеттендирген

Азырынча сынамык режимдеги эмгек мигранттарын эмдөө процессин тездетүү үчүн Москва бийлиги эмдөө үчүн керектелчү документтер тизмегин болушунча кыскартты. Евразиялык экономикалык биримдикке мүчө өлкөлөрдүн жарандары үчүн паспортто камтылган маалыматтарды гана көрсөтүү жетиштүү. Башка мамлекеттерден келген мигранттар патент тууралуу, Россияда утурумдук жүрүүгө уруксат же убактылуу жашоо укугун тастыктаган маалыматтарды да тапшыруусу кажет.

Өзбекстан жараны Назира Тошболтаева документ топтоо жана эмделүү жеңил эле болгонун айтат. "Эмдөөдөн кийин абалым жакшы", – дейт ал. Назиранын дагы бир мекендеши, ашпозчу Хусанбой Эркабаев да процедурага ыраазы.

"Баарына эмделүүгө кеңеш берер элем. Ковид дагы эле арабызда жүрөт, — дейт ал. — Тез эле бүттү, башкысы абдан сылык мамиле жасашты. Сени жылмаюу менен күтүп алышканы баарынан маанилүү эмеспи".

Анын жообун медайым Екатерина Борисовага айтып берсек, ал: "Кантип жылмайып тосуп албайсың? Бөтөн өлкөдө жүрүшөт. Биз аларга баарын түшүндүрүп жатабыз. Айтмакчы, аларды эмдөө абдан жеңил өтүүдө, ар бирине беш мүнөт эле жумшалууда".

© Sputnik / Виталий Белоусов
Москвадагы мигранттар үчүн атайын эки ири эмдөө жайы уюштурулган.

Чатыр лагеринен чыкканда мигранттарды Ольга медайым күтүп алууда. Ал эмдөө жөнүндөгү бардык суроолорго жооп берүүдөн сырткары, ар бир бейтапка жылуу тилегин айтып узатууда.

"Медицинада иштеген соң негизи эле адамдарга жылуу мамиле жасайсың, бирок биз чет өлкөлүктөр менен иштөөдө мурдагыдан да кылдат болууга аракет кылуудабыз, – дейт ал. – Эмделгендердин саны дагы арбып, ковид жагдайын жөнгө салып алсак болот эле".

309
Белгилер:
эмдөө, вакцина, Москва, мигранттар, коронавирус, пандемия
Тема:
Дүйнөгө жайылган коронавирус (1566)
Тема боюнча
"Спутник V" алгам, антитело калыптанды. Путин жалпы вакцинация тууралуу
Президенттер сүйлөшүп алган дешет. Путин COVID-19га ишенбегендер боюнча оюн айтты
Улукбек Марипов кайсы вакцина менен эмделгени айтылды
Екатеринбург аэропортундагы жүргүнчүлөр. Архив

Россия 2030-жылга чейин мигранттарды тартуу үчүн кандай аракет көрөрүн айтты

166
(жаңыланган 11:34 27.10.2021)
COVID-19 пандемиясы күч алып кетпесе, Россия алдыдагы он жылдын ичинде мигранттарды тартуу үчүн жакшы шарттарды түүзүп берерин билдирди.

БИШКЕК, 27-окт. — Sputnik. Россия өкмөтү 2030-жылга чейин өлкөдө мигранттардын саны өсүп, улуттук программалардын туруктуу ишке ашышына шарт түзүлөт деп үмүт артууда. Маалымат РФтин Экономикалык өнүктүрүү министрлигинин сайтына жарыяланды.

Документте айтылгандай, Россия келечекте коомго бат аралашып кете турган чет элдик адистерди тартуу жолу менен мигранттардын санын жогорулатууну көздөп жатат.

"Ал үчүн Россия өзү кам көрөт. Мисалы, чет элдиктердин Россияда билим алышына шарттар түзүлөт. Социалдык-маданий жактан бат көнүп кетүү үчүн аракеттер көрүлөт. Ошондой эле жаш жана таланттуу кадрларды тартуу үчүн аларга ыңгайлуу шарттар каралат", — деп айтылат маалыматта.

Мындан тышкары, мигранттар көп келчү өлкөлөрдө орус тилин өнүктүрүү боюнча программалар ишке ашары кошумчаланды.

166
Белгилер:
Россия, миграция, аракет, план
Тема боюнча
Москвада мигранттар COVID-19га акысыз экспресс-тест тапшыра алат. Шарты
Коронавируска экспресс-тест тапшырып жаткан кыз. Архив

Москвада мигранттар COVID-19га акысыз экспресс-тест тапшыра алат. Шарты

139
(жаңыланган 10:58 15.10.2021)
Акысыз экспресс-тестти чет элдиктер дагы тапшыра алат. Болгону иштөөгө урусат кагазы жана убактылуу болсо дагы медициналык полиси болушу шарт.

БИШКЕК, 15-окт. — Sputnik. Москвада COVID-19ду аныктоо үчүн акысыз экспресс-тесттерди тапшыруу жайларынын кызматын эмгек мигранттары дагы колдонсо болот. Бул тууралуу россиялык инфекционист, медицина илимдеринин кандидаты Евгений Тимаковго шилтеме берип Sputnik Өзбекстан агенттиги жазды.

Дарыгер экспресс-тест ПЦР-анализден эмнеси менен айырмаланарын жана анын кандай зарылдыгы бар экенин түшүндүрүп берген.

"Экспресс-тесттин жыйынтыгы 15 мүнөттө даяр болот. Бирок юридикалык күчү жок. Ал вирустун бар же жогун аныктоо максатында гана жасалат. Эгер жыйынтыгы вирус бар деп чыкса, диагноз коюу үчүн баары бир ПЦР-тест тапшыруу зарыл. Негизги максат — адамдын жөнү жок эле ПЦР-тест тапшырып, акчасын жана убактысын коротуусун алдын алуу", — деди Тимаков.

Ошондой эле ал мигранттар бул тестти кантип тапшырса болорун айтып берди.

"Акысыз экспресс-тестти чет элдиктер деле тапшыра алат. Болгону иштөөгө урусат кагазы жана убактылуу болсо дагы медициналык полиси болушу шарт", — деди адис.

Учурда мындай жайлар Москванын мектептеринде жана коомдук жайларда эксперимент иретинде ачылды.

139
Белгилер:
Россия, Москва, мигранттар, коронавирус
Тема:
Дүйнөгө жайылган коронавирус (1566)
Тема боюнча
Мигранттарга Россияда жүрүү жана жарандык алууну жеңилдетүү каралууда. Шарты
Колбаса азыктары. Архив

Жумасына жарым килограммдан көп жебеш керек. Эттин кооптуулугу эскертилди

0
(жаңыланган 09:57 28.10.2021)
Адис "жаман" майлар туурасында да эске салып, алар майонезде, маргаринде жана чочко майында бар экендигин айткан.

БИШКЕК, 28-окт. — Sputnik. Адам ичегисинин былжыр челин жакшы абалда сакташ үчүн кооптуу деген азыктардан баш тартып койгону дурус. Бул туурасында немец дарыгери Томас Фрилингдин башка басылмаларга айткандарына таянып РИА Новости жазды.

Адис колдон келсе жебей койгондон өтөрү жок деген азыктардын башына кантты койгон. Дарыгер таттуу болгон жерде бактериялардын кайсы бир түрү жакшы көбөйө тургандыгын эскертти. Андан аркы тизмесине туздалган, ышталган тамактар жана колбаса азыктарын кошкон.

"Булар канцероген заттары бар делген тизмедеги тамактардын катарына кирет, ошон үчүн кадимки кызыл этти (балык менен тооктукунан башкасын) да жумасына 500 граммдан ашык жебеш керек", — деген Фрилинг.

Адис "жаман" майлар туурасында да эскертип, алар майонезде, маргаринде жана чочко майында бар экендигин айткан.

Фрилинг пайдалуу азыктарды да санап берген. Биринчи орунда жашылча жана буурчактар турарын, алардын курамында клетчатка сыяктуу азыктар бар экенин айткан. Андан кийинки орунга банан, балык, жемиштердин пюреси, мундир кылып жасалган картошка жана кара нан чыккан.

0
Белгилер:
ден соолук, азык, дарыгер, кеңеш, колбаса, зыяндуу, банан, пайдалуу
Тема боюнча
Диетолог суукта, локдаунда кантип салмак кошпой жүрүүнүн жолун айтып берди
Дарыгер пиязды ашыкча колдонуунун кесепетин айтты