CoVID-19 эмдөө сертификаты. Архивдик сүрөт

ЕАЭБге мүчө мамлекеттердин жарандары үчүн Россияга кирүү эрежеси өзгөрдү

515
(жаңыланган 19:34 07.07.2021)
7-июлда Россиянын башкы санитардык дарыгеринин токтому күчүнө кирген. Анда аталган мамлекетке кирүү үчүн бир катар эрежелер жаңыланган.

БИШКЕК, 7-июл. — Sputnik. Россиянын Кыргызстандагы элчилиги ЕАЭБге мүчө мамлекеттердин, анын ичинде Кыргызстандын жарандары үчүн Россияга кирүү эрежеси өзгөргөнүн билдирди.

Маалым болгондой, бүгүн, 7-июлда, Россиянын башкы санитардык дарыгеринин токтому күчүнө кирген. Анда аталган мамлекетке кирүү үчүн бир катар эрежелер жаңыланган.

"10-июлдан тарта Кыргызстандын жана ЕАЭБге мүчө мамлекеттердин жарандары Россияга кирерде "COVID-19 жок саякаттайм" тиркемеси аркылуу ПЦР-тесттин жыйынтыгын көрсөтүшү керек. Тесттин жыйынтыгы 72 саатка чейин жарактуу", — деп айтылат маалыматта.

Чет мамлекеттен барган Россиянын жарандары келгенден кийин үч күндүн ичинде бир жолу ПЦР-тест тапшырып, анын жыйынтыгы чыккыча жашаган жеринде обочолонуп турушу керектиги айтылган.

Белгилүү болгондой, эгер жаран коронавируска каршы эмделсе (сертификаты 12 айга жарайт) же коронавирус менен ооруса жана бул тууралуу мамлекеттик кызматтын порталында маалымат болсо, ПЦР-тест тапшыруу зарыл эмес.

"COVID-19 жок саякаттайм" тиркемеси кандай иштейт?

Коронавируска ПЦР-тест тапшыруу үчүн жаран App Store же Google Play интернет-дүкөнүнөн "COVID-19 жок саякаттайм" тиркемесин көчүрүп алышы керек. Ал тест тапшырууга мүмкүн болгон жакынкы жердеги лабораториянын дарегин көрсөтүп берет. Лабораторияга барган кезде тесттин жыйынтыгын тиркеме аркылуу алуу ниетин билдирүү зарыл. Мындай учурда жаранга анын жеке маалыматтарын иштеп чыгууга макулдугун сураган бланка берилет. Бланкадагы QR-кодду мобилдик тиркеме аркылуу сканерлеп алуу кажет. Жүргүнчү учардан мурда тиркемеден тесттин жыйынтыгын бир карап, мөөнөтүн текшерип коюшу шарт (ПЦР-тестти учарга чейин 72 сааттан эрте эмес убакытта тапшырышы керек).

Учакка отургандан кийин жаран тиркеменин жардамы менен телефондогу QR-кодду көрсөтөт.

Система ЕАЭБ аймагында гана инфекциянын жайылып кетүү коркунучун алдын алуу максатында иштейт.

515
Белгилер:
тест, тиркеме, эреже, кирүү, Россия, Евразиялык экономикалык биримдик, Кыргызстан
Тема боюнча
Кыргызстанга кирүүнүн эрежеси. Кандай документтер талап кылынат?
Москва районундагы миграция борбору жанында киши. Архив

Россия мигранттарды кабыл алуу жол-жобосун жөнөкөйлөтөт 

242
(жаңыланган 17:11 26.07.2021)
Буга чейин Россияда ири масштабдагы иш-чара өтсө мигранттарды ишке тартуу боюнча  мыйзам кабыл алынган.

БИШКЕК, 26-июл. — Sputnik. Россиянын мыйзам долбоорлору боюнча өкмөттүк комиссия эл аралык иш-чараларды уюштурууга жана өткөрүүгө, анын ичинде стадион курууга келген мигранттардын түйшүгүн жеңилдетүү демилгесин жактырды. Бул туурасында РИА Новости Россиянын юристтер ассоциациясынын жетекчиси Владимир Груздевге таянып жазды. 

Анын айтымында, эми ири спорттук мелдештерди, түрдүү эл аралык фестиваль, көргөзмөлөрдү уюштурган тараптарга чет өлкөнүн жарандарын чакыруу укугу берилет. Мындай учурда мигранттардан иштөөгө уруксат кагазы талап кылынбайт. 

Груздев буга чейин Россияда ири масштабдагы иш-чара өтсө мигранттарды ишке тартуу боюнча мыйзам кабыл алынганын белгиледи. 

Мында бардык эрежелер системалаштырылып, ар бир мелдеш сайын жаңы мыйзам кабыл алуу практикасы токтойт. Жөнөкөйлөтүлгөн тартипте келген чет элдиктердин даярдык учурундагы мезгилин жана курулуш объектилеринин тезмеси Россия өкмөтү тарбынан бекитилет.

242
Белгилер:
кабыл алуу, тартип, Мигрант, Россия
Тема боюнча
Тольятти шаарындагы хостелде жашаган 23 мигрант ууланды
Көйгөй бар экенин билебиз. РФ муфтийи Москвада мушташкандарга кайрылды
Кыргызстандын Россиядагы элчилиги. Архивдик сүрөт

РФтеги элчилик кыргыздардын массалык депортациясы тууралуу маалыматты төгүндөдү

137
(жаңыланган 13:25 24.07.2021)
Кыргызстандын Россиядагы дипломатиялык өкүлчүлүгү Кыргызстан жарандары өлкөдөн массалык түрдө чыгарылып жатат деген маалыматты четке кагып, абалды түшүндүрүп берди.

БИШКЕК, 24-июл. — Sputnik. Кыргызстандын Россиядагы элчилиги Жогорку Кеңештин депутаты Айбек Осмоновдун кыргызстандыктардын Россиядан массалык түрдө депортация кылынып жатат деген билдирүүсүн төгүндөдү.

"Россиянын аймагында камактан бошотулган, ошондой эле алардын улуттук коопсуздугуна коркунуч келтирген чет өлкөлүк адамдарды кошпогондо, Кыргызстандын жарандарын массалык түрдө депортациялоо фактысы катталган эмес. Ал эми 15-июндагы Россия президентинин коронавирус инфекциясынын жайылып кетишин алдын алуу боюнча жарлыгына ылайык, чет элдиктерди же жарандыгы жок адамдарды өлкөдөн чыгарып салуу жолу каралган эмес", — деп айтылат билдирүүдө.

Ошондой эле элчилик быйылкы жылдын июль айында Россиянын бардык региондорунан канча кыргызстандык чыгарылганы тууралуу маалымат берди.

"Ар кандай себептер менен Кыргызстандын 18 жараны чыгарылган. Ушул тапта Москва облусунун Сахарово айылындагы Чет өлкөлүк адамдарды жана жарандыгы жок адамдарды убактылуу кармоочу борбордо тогуз жаран кармалып турат. Алардын бешөө РФтин  мыйзамдарына ылайык 25-июлда, калгандары август айынын башында жөнөтүлөт", — дешти элчиликтен.

Ошону менен бирге дипломатиялык өкүлчүлүк 12-июлдагы "Кузьминки" метросунда болгон окуя боюнча маалымат берди. Учурда административдик жаза боюнча камакка алынган кишилерди кармоочу жайда Кыргызстандын 65 жараны бар.

Элчиликтен түшүндүргөндөй, Россиянын укук коргоо органдарынын бул аракеттери өлкө аймагында тартипти орнотуу жана коопсуздукту камсыздоого багытталган.

Буга чейин Россиядагы телеканалдардын бири Москвада 180дей мигранттын мушташын көрсөткөн. Анда 11-июлда Химкиде тажик мигранттары эки кыргызстандыкты бычактаганы айтылган. Мындан улам тирешүү башталып, шаардагы "Кузьминки" метростанциясында массалык мушташ чыккан. Урушта жалпысынан 102 адам кармалса, анын 71и кыргызстандык болгон. Сот 102 материалды карап, 15 күнгө камаган.

137
Белгилер:
маалымат, элчилик, депутат, депортация, жаран, Кыргызстан, Россия
Тема боюнча
Сот Москвадагы мушташка катышкан дагы 42 адамды жазага тартты
Крым Республикасынын туруктуу өкүлү Георгий Мурадов. Архив

Кыргыз-орус ишкерлер кеңешинин директору Крымдын туруктуу өкүлү менен жолукту

0
Жолугушууда Кыргызстан менен Крымдын ортосундагы ишкердик жана коомдук байланыштарды кеңейтүү мүмкүнчүлүгү талкууланган.

БИШКЕК, 26-июл. — Sputnik. Кыргыз-орус ишкерлер кеңешинин аткаруучу директору Болот Дүйшөналиев Крым Республикасынын туруктуу өкүлү Георгий Мурадов менен жолукту. Бул тууралуу өкүлчүлүктүн маалымат кызматы билдирди.

"Жолугушууда Евразия экономикалык биримдигинин интеграциялык процессинин алкагында Кыргызстан менен Крымдын ортосундагы ишкердик жана коомдук байланыштарды кеңейтүү мүмкүнчүлүгү талкууланды.  Ошондой эле ЕАЭБ өлкөлөрүнүн коомдук палатасын түзүүнүн келечеги тууралуу кеп болду", — деп айтылган маалыматта. 

Андан сырткары Крым менен ЕАЭБ өлкөлөрүнүн региондорунун активдүү кызматташуусун өнүктүрүүдө жаралган тоскоолдуктарды анализдөө темасына көңүл бурулган.

0
Белгилер:
Кыргызстан, Крым, жолугушуу, Евразиялык экономикалык биримдик
Тема боюнча
ЕЭК менен Азык-түлүк коопсуздугу боюнча Ислам уюму маанилүү документке кол койду