Москванын полиция кызматкерлери рейд учурунда. Архив

Москва: мигранттар мушташы "өзгөчө кырдаал" деп бааланып, рейд жүрүүдө

274
(жаңыланган 17:49 16.07.2021)
Учурда Россиянын баш калаасында тартип коргоо органдары мигранттардын документтерин текшерип, ИИМдин аймактык бөлүмдөрүнө жеткирип, ким экендигин тактап жатат.

БИШКЕК, 16-июл. — Sputnik. Россиянын тартип коргоо органдары Москвада рейд жүргүзүп жатат. Бул туурасында Кыргызстандын Ички иштер министрлиги билдирди.

Анын алдында Москва шаарынын мэриясынын Регионалдык коопсуздук башкармалыгынын аймактык департаменти ведомстволор аралык жыйын өткөргөн. Ага Федералдык коопсуздук кызматынын, тергөө комитетинин, прокуратуранын жана полициянын өкүлдөрү катышкан. Алар баш калаанын түштүк-чыгышындагы массалык мушташтын келип чыккан жагдайларын жана себептерин талкуулап, "өзгөчө кырдаал" деп баалашкан.

Кеп Россиянын борборундагы борбор азиялыктардын эки жаатка бөлүнгөн урушу тууралуу болууда. Россиядагы телеканалдардын бири Москвада 180дей мигранттын мушташын көрсөткөн. 11-июлда Химкиде тажик мигранттары эки кыргызстандыкты бычактаганы айтылган. Мындан улам тирешүү башталып, шаардагы "Кузьминки" метростанциясында массалык мушташ чыккан.

Урушта жалпысынан 102 адам кармалса, анын 71и кыргызстандык болгон. Сот 102 материалды карап, андан сырткары 15 күнгө камаган.

"Учурда Москва шаарынын укук коргоо органдары мигранттардын документтерин текшерүү боюнча рейддерди уюштуруп жатат. ИИМдин аймактык бөлүмдөрүнө жеткирип, ким экендигин тактап, ошондой эле алардын катышуусундагы чыр-чатактуу кырдаалдардын болушун алдын алуу боюнча профилактикалык, түшүндүрүү иштери жүрүүдө. Алдын алуу иштеринин маалында аймактык полиция бөлүмдөрүнө 900дөн ашуун адам жеткирилген", — деп билдиришти министрликтен.

КРдин Ички иштер министрлигинин РФтеги өкүлчүлүгү ар бир кайрылуусунда мекендештерди Россиянын аймагында улуттук маселелерге тиешелүү жалган билдирүүлөрдү таратпоого чакырып жатат.

274
Белгилер:
мигранттар, мушташ, Москва, Россия, Кыргызстан
Тема боюнча
Сот Москвадагы мушташка катышкан дагы 42 адамды жазага тартты
Элчилик Москвадагы массалык мушташтын чоо-жайын айтып берди
Кыргызстандын Россиядагы элчилиги. Архивдик сүрөт

РФтеги элчилик кыргыздардын массалык депортациясы тууралуу маалыматты төгүндөдү

101
(жаңыланган 13:25 24.07.2021)
Кыргызстандын Россиядагы дипломатиялык өкүлчүлүгү Кыргызстан жарандары өлкөдөн массалык түрдө чыгарылып жатат деген маалыматты четке кагып, абалды түшүндүрүп берди.

БИШКЕК, 24-июл. — Sputnik. Кыргызстандын Россиядагы элчилиги Жогорку Кеңештин депутаты Айбек Осмоновдун кыргызстандыктардын Россиядан массалык түрдө депортация кылынып жатат деген билдирүүсүн төгүндөдү.

"Россиянын аймагында камактан бошотулган, ошондой эле алардын улуттук коопсуздугуна коркунуч келтирген чет өлкөлүк адамдарды кошпогондо, Кыргызстандын жарандарын массалык түрдө депортациялоо фактысы катталган эмес. Ал эми 15-июндагы Россия президентинин коронавирус инфекциясынын жайылып кетишин алдын алуу боюнча жарлыгына ылайык, чет элдиктерди же жарандыгы жок адамдарды өлкөдөн чыгарып салуу жолу каралган эмес", — деп айтылат билдирүүдө.

Ошондой эле элчилик быйылкы жылдын июль айында Россиянын бардык региондорунан канча кыргызстандык чыгарылганы тууралуу маалымат берди.

"Ар кандай себептер менен Кыргызстандын 18 жараны чыгарылган. Ушул тапта Москва облусунун Сахарово айылындагы Чет өлкөлүк адамдарды жана жарандыгы жок адамдарды убактылуу кармоочу борбордо тогуз жаран кармалып турат. Алардын бешөө РФтин  мыйзамдарына ылайык 25-июлда, калгандары август айынын башында жөнөтүлөт", — дешти элчиликтен.

Ошону менен бирге дипломатиялык өкүлчүлүк 12-июлдагы "Кузьминки" метросунда болгон окуя боюнча маалымат берди. Учурда административдик жаза боюнча камакка алынган кишилерди кармоочу жайда Кыргызстандын 65 жараны бар.

Элчиликтен түшүндүргөндөй, Россиянын укук коргоо органдарынын бул аракеттери өлкө аймагында тартипти орнотуу жана коопсуздукту камсыздоого багытталган.

Буга чейин Россиядагы телеканалдардын бири Москвада 180дей мигранттын мушташын көрсөткөн. Анда 11-июлда Химкиде тажик мигранттары эки кыргызстандыкты бычактаганы айтылган. Мындан улам тирешүү башталып, шаардагы "Кузьминки" метростанциясында массалык мушташ чыккан. Урушта жалпысынан 102 адам кармалса, анын 71и кыргызстандык болгон. Сот 102 материалды карап, 15 күнгө камаган.

101
Белгилер:
маалымат, элчилик, депутат, депортация, жаран, Кыргызстан, Россия
Тема боюнча
Сот Москвадагы мушташка катышкан дагы 42 адамды жазага тартты
COVID жок саякаттайм тиркемеси. Архивдик сүрөт

25-июлдан тарта Россияга "COVID жок саякаттайм" тиркемеси менен гана кирүүгө болот

198
(жаңыланган 17:01 23.07.2021)
Коронавируска ПЦР-тест тапшыруу үчүн жаран App Store же Google Play интернет-дүкөнүнөн "COVID-19 жок саякаттайм" тиркемесин көчүрүп алышы керек.

БИШКЕК, 23-июл. — Sputnik. 25-июлдан тарта Кыргызстандын жарандары Россия Федерациясынын аймагына кирүүдө ПЦР-анализдин жыйынтыгын "COVID жок саякаттайм" уюлдук тиркемеси аркылуу көрсөтүүгө тийиш. Бул тууралуу өкмөттөн билдиришти.

РФ өкмөтүнүн 2021-жылдын 20-июлундагы № 1998-б буйругунда Россиянын аймагына ЕАЭБ мамлекеттеринен аба түйүндөрү аркылуу кирген чет элдик жарандар жана жарандыгы жок жактар ПЦР-анализдин жыйынтыгын тиркеме аркылуу көрсөтүү зарылдыгы тууралуу талап бекитилген.

Анализ аталган өлкө аймагына кирүүгө үч күндөн эрте эмес мөөнөттө жүргүзүлүшү керек.

Россияга үчүнчү өлкөлөрдөн ЕАЭБ мамлекеттеринин аймагы аркылуу транзиттик жол менен же бир аз тыныгуу менен киргендердин ПЦР-анализи терс болсо жана Россияга чейинки маршрут боюнча билеттерди же отургузуу талондорун көрсөткөн шартта артыкчылык берилет.

2021-жылдын 1-сентябрынан тартып Азербайжандан, Армениядан, Беларустан, Казакстандан, Кыргызстандан, Молдовадан, Тажикстандан, Түркмөнстандан жана Өзбекстандан Россия Федерациясына аба түйүндөрү аркылуу кирген чет элдик жарандар жана жарандыгы жок жактар үчүн өтүүдө тиркеме милдеттүү болот.

Белгилей кетсек, Кыргызстандын чегинен тышкары жакка саякаттагандар үчүн ПЦР-анализди эки мамлекеттик лабораториядан тапшырса болот. Алар: Бишкек шаарындагы Улуттук вирусологиялык референс-лабораториясы жана Ош шаарындагы вирусологиялык лаборатория. Ошондой эле "COVID жок саякаттайм" маалымат тутумуна кошулган жеке лабораториялар жүргүзөт.

Тиркеме кандай иштейт

Коронавируска ПЦР-тест тапшыруу үчүн жаран App Store же Google Play интернет-дүкөнүнөн "COVID-19 жок саякаттайм" тиркемесин көчүрүп алышы керек. Ал тест тапшырууга мүмкүн болгон жакынкы жердеги лабораториянын дарегин көрсөтүп берет. Лабораторияга барган кезде тесттин жыйынтыгын тиркеме аркылуу алуу ниетин билдирүү зарыл. Мындай учурда жаранга анын жеке маалыматтарын иштеп чыгууга макулдугун сураган бланк берилет. Бланктагы QR-кодду мобилдик тиркеме аркылуу сканерлеп алуу кажет. Жүргүнчү учардан мурда тиркемеден тесттин жыйынтыгын бир карап, мөөнөтүн текшерип коюшу шарт (ПЦР-тестти учарга чейин 72 сааттан эрте эмес убакытта тапшырышы керек).

Учакка отургандан кийин жаран тиркеменин жардамы менен телефондогу QR-кодду көрсөтөт.

198
Белгилер:
ПЦР-тест, Россия, Кыргызстан
Тема:
Коронавируска каршы эмдөө
Тема боюнча
"COVID жок саякаттайм" тиркемесин колдонгон кыргызстандыктар 5 миңден ашты
Бишкекте акимчиликтер жамаат менен эмдөөдөн өтүүгө жардам берет
Шахта. Архивдик сүрөт

Тажикстан: Исфарадагы көмүр шахтасында жарылуу болду, каза тапкандар бар

0
(жаңыланган 00:28 25.07.2021)
Алдын ала берилген маалыматта, бир адамдын көз жумуп, дагы сегиз кишинин жарадар болгону айтылды.

БИШКЕК, 25-июл. — Sputnik. Тажикстандын Согду облусуна жакын жердеги Исфара көмүр шахтасында катуу жарылуу болгондугун Sputnik Тажикстан жазды. 

Кырсык Согду облусундагы Шураб аймагынын жанындагы кенде болгон.

"Шураб" шахтасындагы жарылуу газдын чыгышынан улам болгонун айтышты", — деди Исфара мэриясынын маалымат катчысы Зубайдулло Шомадов.

Алдын ала берилген маалыматка таянсак, бир адам каза таап, дагы сегиз киши жаракат алган.

Учурда кырсык болгон жерде Өзгөчө кырдаалдар комитетинин кызматкерлери, куткаруучулар жана дарыгерлердин жүргөнү айтылды.

Шураб кени Тажикстандын түндүгүндөгү эң ири кендердин бири. Ал Түркстан кырка тоолорунун этегинде жайгашкан. Бул жерден алынган көмүрдү негизинен медициналык жана билим берүү жайлары колдонот. Бийликтин билдиргенине караганда, мындай кырсык ондогон жылдардан бери болгон эмес.

0
Белгилер:
жарылуу, шахта, көмүр, Тажикстан
Тема боюнча
Дубайда катуу жарылуу болду. Видео