Мигранттар Москвада. Архив

ИИМ Россияда спорт менен машыккан мигранттарга түшүндүрүү иштерин жүргүздү

382
(жаңыланган 13:33 06.10.2021)
ИИМден кабарлашкандай, айрым кыргызстандыктар Россияда баңгизат жана психотроптук заттарды мыйзамсыз сатуу же өткөрүп берүү аракеттерин жасаган учурлар катталууда.

БИШКЕК, 6-окт. — Sputnik. ИИМдин Россиядагы өкүлчүлүгү бош убактысын машыгуу залдарында өткөргөн кыргызстандыктарга түшүндүрүү иштерин жүргүздү. Бул тууралуу ведомствонун маалымат кызматынан кабарлашты.

Билдирүүгө караганда, айрым кыргызстандыктар Россияда баңгизат жана психотроптук заттарды мыйзамсыз сатуу же өткөрүп берүү аракеттерин жасаган учурлар катталууда.

"ИИМдин кызматкерлери спортчуларды келген өлкөнүн мыйзамдарын сактоого чакырды. Эки же андан көп административдик укук бузуулар үчүн мигранттар "кара тизмеге" кирип, өлкөдөн чыгарылып калышы мүмкүн экени айтылды", — деп жазылат кабарда.

Ошондой эле Москва шаарындагы "Кузьминки" метросунун жанында болгон улуттар аралык жаңжалга катышкан адамдарга карата аймактык укук коргоо органдары тарабынан көрүлүп жаткан чаралар жөнүндө айтып беришти.

Ал эми спортчулардын машыктыруучулары элчилик, ИИМ өкүлчүлүгү, кыргыз диаспорасы менен дайыма байланышта болуусу керек экени белгиленди.

Жолугушуунун соңунда мигранттарга туура маалымат алуу үчүн расмий сайттарга жана КР элчилигинин социалдык тармактардагы баракчаларына кирип туруу сунушталган.

382
Белгилер:
Россия, Кыргызстан, ИИМ, жаштар, түшүндүрүү, элчилик
Тема боюнча
"Россиядагы кыргыздар": Москвада мигранттар үчүн жаңы портал ачылат
КР элчилиги: Россиядагы кыргыз мигранттарынын теңинен көбү аялдар
Екатеринбург аэропортундагы жүргүнчүлөр. Архив

Россия 2030-жылга чейин мигранттарды тартуу үчүн кандай аракет көрөрүн айтты

106
(жаңыланган 11:34 27.10.2021)
COVID-19 пандемиясы күч алып кетпесе, Россия алдыдагы он жылдын ичинде мигранттарды тартуу үчүн жакшы шарттарды түүзүп берерин билдирди.

БИШКЕК, 27-окт. — Sputnik. Россия өкмөтү 2030-жылга чейин өлкөдө мигранттардын саны өсүп, улуттук программалардын туруктуу ишке ашышына шарт түзүлөт деп үмүт артууда. Маалымат РФтин Экономикалык өнүктүрүү министрлигинин сайтына жарыяланды.

Документте айтылгандай, Россия келечекте коомго бат аралашып кете турган чет элдик адистерди тартуу жолу менен мигранттардын санын жогорулатууну көздөп жатат.

"Ал үчүн Россия өзү кам көрөт. Мисалы, чет элдиктердин Россияда билим алышына шарттар түзүлөт. Социалдык-маданий жактан бат көнүп кетүү үчүн аракеттер көрүлөт. Ошондой эле жаш жана таланттуу кадрларды тартуу үчүн аларга ыңгайлуу шарттар каралат", — деп айтылат маалыматта.

Мындан тышкары, мигранттар көп келчү өлкөлөрдө орус тилин өнүктүрүү боюнча программалар ишке ашары кошумчаланды.

106
Белгилер:
Россия, миграция, аракет, план
Тема боюнча
Москвада мигранттар COVID-19га акысыз экспресс-тест тапшыра алат. Шарты
Коронавируска экспресс-тест тапшырып жаткан кыз. Архив

Москвада мигранттар COVID-19га акысыз экспресс-тест тапшыра алат. Шарты

133
(жаңыланган 10:58 15.10.2021)
Акысыз экспресс-тестти чет элдиктер дагы тапшыра алат. Болгону иштөөгө урусат кагазы жана убактылуу болсо дагы медициналык полиси болушу шарт.

БИШКЕК, 15-окт. — Sputnik. Москвада COVID-19ду аныктоо үчүн акысыз экспресс-тесттерди тапшыруу жайларынын кызматын эмгек мигранттары дагы колдонсо болот. Бул тууралуу россиялык инфекционист, медицина илимдеринин кандидаты Евгений Тимаковго шилтеме берип Sputnik Өзбекстан агенттиги жазды.

Дарыгер экспресс-тест ПЦР-анализден эмнеси менен айырмаланарын жана анын кандай зарылдыгы бар экенин түшүндүрүп берген.

"Экспресс-тесттин жыйынтыгы 15 мүнөттө даяр болот. Бирок юридикалык күчү жок. Ал вирустун бар же жогун аныктоо максатында гана жасалат. Эгер жыйынтыгы вирус бар деп чыкса, диагноз коюу үчүн баары бир ПЦР-тест тапшыруу зарыл. Негизги максат — адамдын жөнү жок эле ПЦР-тест тапшырып, акчасын жана убактысын коротуусун алдын алуу", — деди Тимаков.

Ошондой эле ал мигранттар бул тестти кантип тапшырса болорун айтып берди.

"Акысыз экспресс-тестти чет элдиктер деле тапшыра алат. Болгону иштөөгө урусат кагазы жана убактылуу болсо дагы медициналык полиси болушу шарт", — деди адис.

Учурда мындай жайлар Москванын мектептеринде жана коомдук жайларда эксперимент иретинде ачылды.

133
Белгилер:
Россия, Москва, мигранттар, коронавирус
Тема:
Дүйнөгө жайылган коронавирус
Тема боюнча
Мигранттарга Россияда жүрүү жана жарандык алууну жеңилдетүү каралууда. Шарты
Учительница во время уроков в школе № 96 в городе Бишкек. 1 сентября 2019 года

Кыздар кара далы болбойбу? Жапаров мугалимдердин маянасы качан көбөйөрүн айтты

0
(жаңыланган 17:14 27.10.2021)
Жапаров буга чейин мугалимдердин маянасы тууралуу Финляндиядагы сурамжылоонун жыйынтыгын мисал келтиргенин айтты.

БИШКЕК, 27-окт. — Sputnik. Жогорку Кеңештин депутаты Абдывахап Нурбаев министрлер кабинетинен мугалимдердин маянасы качан көбөйтүлөрүн сурады.

"Акылбек Үсөнбекович, өткөндө мугалимдердин айлыгын көтөрүп, кыздарды "мен мугалимге турмушка чыгам" дегендей кылып кызыктырарыңызды айткансыз. Эми алар кара далы болуп кетпеши үчүн 2022-жылы мугалимдердин маянасын эки эсе жогорулатканга мүмкүнчүлүк барбы?" — деп сурады.

Өкмөт башчы Акылбек Жапаров кийинки жылдын 1-апрелинен тарта мугалим, дарыгер жана маданий, илимий кызматкерлердин маянасы көтөрүлөрүн айтты. Биринчи кварталдагы кирешенин жыйынтыгына карап маяна 50 пайызга же 100 пайызга жогорулайт.

Жапаров буга чейин мугалимдердин маянасы тууралуу Финляндиянын мисалын келтиргенин кошумчалады.

"Ал жакта жыл сайын сурамжылоо жүргүзгөндө кыздар биринчи мугалимге, экинчи архитекторго турмушка чыгарын айтышкан. Бирок менин ошого жеткирүү үмүтүм бар. Балким, биз дагы кийин ушундай сурамжылоо жүргүзөбүз", — деди министрлер кабинетинин төрагасы.

Белгилей кетсек, Жапаров өкмөт башчылыкка дайындалып жатканда маянаны көтөрүп, "кимге турмушка чыгасың?" десе "мугалимге" деген деңгээлге чейин чыгаруу планы бар экенин билдирген.

0
Белгилер:
Акылбек Жапаров, мугалим, маяна
Тема боюнча
Жапаров Бажы кызматынын жаңы жетекчиси кандай милдет менен дайындалганын айтты
Жапаров: маянасын көбөйтүп, кыздарды мугалимге турмушка чыккыдай кылабыз