Банктан кредит берүү. Архивдик сүрөт

Россиядагы мигранттарга берилчү насыя: кемчилиги жана артыкчылыгы

504
(жаңыланган 10:43 12.10.2021)
Адис Россияда мигранттарга насыя берүүнүн тобокелдиктерин санап, бирок пандемиядан кийин Россияга чет элдиктерди тартуу үчүн пайдасы тийиши мүмкүн экенин кошумчалады.

БИШКЕК, 12-окт. — Sputnik. Россиянын акча которуу системалары 11-октябрдан тарта эмгек мигранттарына чакан насыя бере баштады. Мындан улам Электрондук акча жана акча которуулар рыногунун мүчөлөрүнүн ассоциациясынын башчысы Павел Шуст мигранттарга кредит берүүнүн тобокелдиктерин жана пайдасын санап өттү.

РИА Новости агенттигинин адистин пикирине таянып жазганына караганда, мигранттарга кредит берген банктарды бир катар тоскоолдуктар күтүп турат.

"Мигранттар банктар үчүн кызыгуу жараткан кардар болушу мүмкүн. Бирок аларга акча берүүдө бир катар тоскоолдуктар болушу ыктымал. Биринчиден, Россиянын кредиттер боюнча маалымат базасында алардын "насыя тарыхы" жок. Экинчиден, чет элдиктер өлкөдөн чыгып кеткен учурда акчаны кантип кайтарып алса болору белгисиз", — деди Шуст.

Ошондой эле адис чет элдиктер Россиянын жарандарынан айырмаланып насыя алууда аралыктан туруп банктын кызматын пайдалана албагандыктан, өздөрү банкка келиши керектигин эске салды. Мындай учурда убаракерчиликтен качкан кардар келбей деле коюшу мүмкүн экени айтылды.

Мындан тышкары, адис мигрантка карызга берилген акчаны көйгөйсүз кайтарып алуу үчүн коңшу өлкөлөрдүн финансылык уюмдары менен келишим түзүп, алар аркылуу иштөө туура болорун айтты.

Сөзүнүн аягында финансист бул идеянын татаал экенине карабай, пандемиядан кийин Россияга мигранттарды тартуу үчүн пайдасы тийиши мүмкүн экенин кошумчалады.

Буга чейин саамалык 11-октябрдан тарта "Золотая корона" төлөм системасы аркылуу ишке ашары айтылган. Насыяны "Страна экспресс" компаниясы берет. Баштапкы этапта мигранттар үйүнө акча которуу үчүн 5-15 миң рублдин тегерегинде каражат ала алышат. 21 күндүн ичинде пайыз алынбайт, андан соң күнүнө 1 пайыздык коюм болот.

504
Белгилер:
Россия, Мигрант, насыя, банк, Акча которуулар
Тема боюнча
ИИМ Россияда спорт менен машыккан мигранттарга түшүндүрүү иштерин жүргүздү
"Россиядагы кыргыздар": Москвада мигранттар үчүн жаңы портал ачылат
Коронавируска экспресс-тест тапшырып жаткан кыз. Архив

Москвада мигранттар COVID-19га акысыз экспресс-тест тапшыра алат. Шарты

107
(жаңыланган 10:58 15.10.2021)
Акысыз экспресс-тестти чет элдиктер дагы тапшыра алат. Болгону иштөөгө урусат кагазы жана убактылуу болсо дагы медициналык полиси болушу шарт.

БИШКЕК, 15-окт. — Sputnik. Москвада COVID-19ду аныктоо үчүн акысыз экспресс-тесттерди тапшыруу жайларынын кызматын эмгек мигранттары дагы колдонсо болот. Бул тууралуу россиялык инфекционист, медицина илимдеринин кандидаты Евгений Тимаковго шилтеме берип Sputnik Өзбекстан агенттиги жазды.

Дарыгер экспресс-тест ПЦР-анализден эмнеси менен айырмаланарын жана анын кандай зарылдыгы бар экенин түшүндүрүп берген.

"Экспресс-тесттин жыйынтыгы 15 мүнөттө даяр болот. Бирок юридикалык күчү жок. Ал вирустун бар же жогун аныктоо максатында гана жасалат. Эгер жыйынтыгы вирус бар деп чыкса, диагноз коюу үчүн баары бир ПЦР-тест тапшыруу зарыл. Негизги максат — адамдын жөнү жок эле ПЦР-тест тапшырып, акчасын жана убактысын коротуусун алдын алуу", — деди Тимаков.

Ошондой эле ал мигранттар бул тестти кантип тапшырса болорун айтып берди.

"Акысыз экспресс-тестти чет элдиктер деле тапшыра алат. Болгону иштөөгө урусат кагазы жана убактылуу болсо дагы медициналык полиси болушу шарт", — деди адис.

Учурда мындай жайлар Москванын мектептеринде жана коомдук жайларда эксперимент иретинде ачылды.

107
Белгилер:
Россия, Москва, мигранттар, коронавирус
Тема:
Дүйнөгө жайылган коронавирус
Тема боюнча
Мигранттарга Россияда жүрүү жана жарандык алууну жеңилдетүү каралууда. Шарты
Темир жол вокзалдагы мигранттар. Архив

Россия 300 миң мигрантка мунапыс берди. Тизмеге кимдер кирет

297
"Миграциялык мунапыстын" Россиянын аймагынан соттун чечими аркылуу чыгарылгандарга тиешеси жок экени айтылды.

БИШКЕК, 14-окт. — Sputnik. Россия бийлиги мурда кирүүгө тыюу салынган 300 миң мигрантка кайтып келүүгө уруксат берди. Алар Тажикстан менен Өзбекстандын жарандары экенин РФтин Мигранттар федерациясынын башчысы Вадим Коженов өзүнүн YouTube-каналында айтты. 

"Узакка созулган сүйлөшүүлөрдөн кийин Россиянын бийлиги Өзбекстандын 150 миң, Тажикстандын 150 миң жаранына миграциялык мунапыс берди", — деди Коженов.

Ошол эле учурда ал кайсы беренелер боюнча мыйзам бузган мигранттарга кечирим берилгенин так айткан жок.

Шаршемби күнү Өзбекстандын Россиядагы элчилигинин баракчасына мыйзам бузган 158 миң жаранга өлкөгө кайтып келүүгө уруксат берилгендиги тууралуу маалымат чыккан. Анда Россиянын аймагынан соттун чечими аркылуу чыгарылган өзбекстандыктар бул тизмеге илинбегени айтылган.

Миграция иштери боюнча юрист Насим Абдуллаевдин "360" телеканалына билдиргенине караганда, мындай кадамга барууга жумушчу күчтүн тартыштыгы себеп болууда. Курулуш жана айыл чарба тармактарында иш токтоп калды. Ошондой эле ал бизнестин иши жүрбөй жаткандыктан, мигранттарды кайтарып келүү үчүн болгон аракеттер жумшалып жатканын кошумчалады.

"Кызыгы, 10 жылга чейин өлкөгө кирүүгө тыюу салынган мигранттарга жаңы жеңилдик берилди. 10 жыл — мамлекет тарабынан берилген өтө оор жаза", — деди Абдуллаев.

Буга чейин мигранттарга Россияда жүрүү жана жарандык алууну жеңилдетүү каралып жатканы айтылган.

 

297
Белгилер:
Россия, мигранттар, мунапыс, жеңилдик, Өзбекстан, Тажикстан
Тема боюнча
Мигранттарга Россияда жүрүү жана жарандык алууну жеңилдетүү каралууда. Шарты
Россиядагы мигранттарга берилчү насыя: кемчилиги жана артыкчылыгы
Күрөш. Архив

Роман Сарыбаев ардагерлердин дүйнө чемпионатынан күмүш медаль алды

0
(жаңыланган 10:10 22.10.2021)
Бул Кыргызстандын капчыгына түшкөн төртүнчү медаль. Буга чейин ата мекендик спортчулар эки алтын, бир коло байге алган.

БИШКЕК, 22-окт. — Sputnik. Кыргызстандык балбан Роман Сарыбаев эркин күрөш боюнча ардагерлердин дүйнө чемпионатында күмүш медалга ээ болду. Бул тууралуу өлкөнүн Күрөш федерациясынын маалымат кызматы билдирди.

88 килограмм салмакта ат салышкан Сарыбаев финалда россиялык Булат Дашинимаевге 10:0 эсебинде жеңишти алдырып жиберди.

Кыргызстандын ардагер балбаны баштапкы этапта өзбекстандык Усманжон Юсуповду, чейрек финалда казакстандык Абай Смагуловду, ал эми жарым финалда америкалык спортчу Жеймс Медейрону уткан.

Бул Кыргызстандын капчыгына түшкөн төртүнчү медаль. Буга чейин ата мекендик спортчулар Талант Бегалиев (70 килограмм) 56-60 жаштагылар арасында, Чынарбек Изабеков (100 килограмм) 56-60 жаштагылар арасында чемпион болуп, алтын байге тагынышты. Ал эми 130 килограмм салмакта ат салышкан дагы бир балбан Сааданбек Ниязов коло медаль утту.

Эркин жана грек-рим күрөшү боюнча ардагерлер арасындагы дүйнө чемпионаты 19-октябрда Грециянын Лутраки шаарында башталды. Ал 24-октябрга чейин созулат.

0
Белгилер:
күрөш, Греция, дүйнө чемпионаты, Кыргызстан, Лутраки
Тема боюнча
U23: дүйнө чемпионатына Кыргызстандан эки балбан кыз барат