Архив: город Стамбул

Чет жактагы кыргыз ишкерлери КРге өнөр жай аймагын салуу керектигин айтышты

42
(жаңыланган 13:54 22.12.2014)
Түркиянын Стамбул шаарында өткөн кыргызстандыктардын III бизнес форумунун катышуучулары Кыргызстанга атайын өнөр жай аймагын салуунун маанилүү экендигин белгилешти.

БИШКЕК, 22-дек — Sputnik. Чет жакта ишкердик кылып жүргөн кыргызстандыктар КРге атайын өнөр жай аймагын салуу керектигин белгилешти. Бул тууралуу Sputnik сайтына Стамбул шаарында 12-13-декабрь күндөрү өткөн III бизнес форумдун катышуучусу Тыныбек Жукешев билдирди.

Анын айтымында, түркиялык тарап мындай өнөр жай аймагын салып берүүгө даяр.

"Кыргызстанда атайын өнөр жай аймагы керектигин бизнес форумдун катышуучулары бир ооздон белгилешти. Бизди сүйүндүргөнү — түркиялык тарап мындай аймакты салып берүүгө даяр экендиги болду. Учурда алар Эфиопия мамлекетине ушундай аймакты салып берип жатышыптыр. Алардын бизге мындай аймакты куруп бериши үчүн мамлекет тарабынан атайын макам, тактап айтканда президент же премьер-министрдин деңгээлиндеги уруксат керек экен", — деди ал.

Жукешев ошондой эле, эгер өнөр жай аймагы ачылса, кичи жана чакан ишкерлик менен алектенгендерге абдан жакшы шарт түзүлөрүн, экспорт жагы алдыга жыларын кошумчалады. Бир эле мисалы катары, Ысык-Көлдүн жана Баткендин өрүгүн КМШ мамлекеттерине гана эмес, жакынкы чыгыш, Европа өлкөлөрүнө экспорттоого мүмкүнчүлүк жаралмактыгын айтты.

III форумдун дагы бир катышуучусу, "Замандаш" ассоциациясынын координатору Азамат Айтбаев бул кезектеги көп жолугушуунун бири эмес, натыйжа бере турган форум болгондугун айтты.

"Форумда ири инвестициялык чоң долбоорлор талкууга алынып, ага түрк бизнесмендери да катышып, өз тажрыйбалары менен бөлүштү. Андан сырткары дүйнө жүзүндөгү кыргыз ишкерлеринин базасын топтоо туурасында сөз болду. Ал үчүн атайын платформа түзүп, алардын өз ара байланыштарын чыңдоо зарылдыгы айтылды", — деп билдирди ал.

Бул форумга Кыргызстандын бийлик өкүлдөрүнөн — Бажы жана Салык инспекцияларынын, Экономика министрлигинин өкүлдөрү да барган.

Бизнес форумда Кыргызстандын айыл чарба продукцияларын чет жакка системалык түрдө алып чыгуу маселеси каралганын, анын ичинде төө буурчактын баасын мамлекет да көзөмөлдөшү керек деген пикирлер айтылганын Айтбаев кошумчалады.

42
Белгилер:
Бизнес форум, Азамат Айтбаев, Тыныбек Жукешев, Стамбул, Түркия
Тема боюнча
Экономика министрлиги текшерүүлөр боюнча маалыматты ачык берген сайт ачты
Россия, Кыргызстан премьерлери экономикалык кызматташтыкты талкуулайт
Операция жасап жаткан дарыгерлер. Архив

Катардан дарыгерлер келип, кулагы начар уккан 29 балага операция жасайт

7
(жаңыланган 19:02 14.06.2021)
Катардык медиктер кыргызстандык кесиптештери менен бирге операция жасайт. Кеткен чыгымды толугу менен Катар мамлекети көтөрөт.

БИШКЕК, 14-июн. — Sputnik. 23-июнь күнү Бишкекке Катар мамлекетинен жогорку квалификациялуу дарыгерлер келип, угуусу начар 29 балага акысыз операция жасап, өздөрү ала келген атайын импланттарды коюп беришет. Бул тууралуу Саламаттык сактоо жана социалдык өнүктүрүү министрлигинен кабарлашты.

Маалыматка караганда, бүгүн, 14-майда, ведомство жетекчиси Алымкадыр Бейшеналиев Катардын Кыргызстандагы элчиси Абдулла бин Ахмед Аль-Сулайти менен жолугушту.

"Катардык медиктер кыргызстандык кесиптештери менен бирге операция жасайт. Элчинин айтымында, кеткен чыгымды толугу менен Катар мамлекети көтөрөт. Чет элдик дарыгерлер өздөрү менен чогуу угууну жакшырта турган 150 кохлеардык импланттарды ала келишет. Жыл аягына чейин 50 операция жасалып, калган аппараттар 2022-2023-жылдары пайдаланылат", — деп айтылат министрликтин билдирүүсүндө.

Зарыл болгон учурда Катар тарап дагы 50 имплант берүү маселесин карайт. Министр Бейшеналиев бул жардамы үчүн Катар өкмөтүнө ыраазычылык билдирди. 

7
Белгилер:
бала, операция, дарыгер, Алымкадыр Бейшеналиев, Катар, Кыргызстан
Тема боюнча
16 жумалык түйүлдүктүн жүрөгүн текшерүүгө болот. Кардиолог Аматовдун маеги
ГКНБ выявил налаженную схему ввоза контрабандных автомашин из Абхазии

УКМК: Абхазиядан унааларды мыйзамсыз ташуу схемасы аныкталды

149
(жаңыланган 17:43 14.06.2021)
9-июнь күнү "Чалдыбар" өткөрүү пунктунан жүк ташуучу Volvo унаасы менен жүргүнчү ташыган сегиз автоунааны ташып келе жаткан Кыргызстандын И.Т.К. аттуу жараны кармалган.

БИШКЕК, 14-июн. — Sputnik. Кыргызстанга "Чалдыбар" көзөмөл өткөрүү пункту аркылуу Армениянын жасалма каттоо документтеринин негизинде Абхазиядан автоунааларды аткезчилик жол менен ташуу схемасы аныкталды. Бул тууралуу УКМКдан билдиришти.

  • ГКНБ выявил налаженную схему ввоза контрабандных автомашин из Абхазии
    Кыргызстанга "Чалдыбар" көзөмөл өткөрүү пункту аркылуу Армениянын жасалма каттоо документтеринин негизинде Абхазиядан автоунааларды аткезчилик жол менен ташуу схемасы аныкталды
    © Фото / пресс-служба ГКНБ
  • ГКНБ выявил налаженную схему ввоза контрабандных автомашин из Абхазии
    Маалыматка караганда, Кылмыш жана жоруктардын бирдиктүү реестрине катталган сотко чейинки өндүрүш ишинин алкагында Кылмыш-жаза кодексинин 223-беренесинин 2-бөлүгүндө ("Экономикалык контрабанда") каралган кылмыш белгилери боюнча иликтөө жүргүзүлгөн
    © Фото / пресс-служба ГКНБ
  • ГКНБ выявил налаженную схему ввоза контрабандных автомашин из Абхазии
    Жүк ташуучу унаа сегиз автоунаасы менен айып короого киргизилди
    © Фото / пресс-служба ГКНБ
  • ГКНБ выявил налаженную схему ввоза контрабандных автомашин из Абхазии
    Улуттук коопсуздук мамлекеттик комитети, ЕАЭБдеги Бажы кодексинин 264 жана 275-беренелерине ылайык, бажы жол-жобосун сактабастан Абхазиядан алып келинген автоунаалардын иштөөсү мыйзамсыз экендигин эске салат.
    © Фото / пресс-служба ГКНБ
1 / 4
© Фото / пресс-служба ГКНБ
Кыргызстанга "Чалдыбар" көзөмөл өткөрүү пункту аркылуу Армениянын жасалма каттоо документтеринин негизинде Абхазиядан автоунааларды аткезчилик жол менен ташуу схемасы аныкталды

Маалыматка караганда, Кылмыш жана жоруктардын бирдиктүү реестрине катталган сотко чейинки өндүрүш ишинин алкагында Кылмыш-жаза кодексинин 223-беренесинин 2-бөлүгүндө ("Экономикалык контрабанда") каралган кылмыш белгилери боюнча иликтөө жүргүзүлгөн.

"9-июнь күнү "Чалдыбар" өткөрүү пунктунан жүк ташуучу Volvo унаасы менен жүргүнчү ташыган сегиз автоунааны ташып келе жаткан Кыргызстандын И.Т.К. аттуу жараны кармалды", — деп айтылат маалыматта.

Ошол эле автоунааларды текшерүүдө төмөнкүлөр табылган:

  • Абхазиянын мамлекеттик автоунаа номерлеринин 8 документи;
  • Абхазиянын автоунааларын каттоонун 8 күбөлүгү;
  • Армениянын мамлекеттик каттоо белгилеринин 10 жасалма документи;
  • Армениянын автоунааларын каттоонун 10 жасалма күбөлүгү;
  • Кыргызстандын Чек ара кызматынын мамлекеттик жасалма бир номери.

Жүк ташуучу унаа сегиз автоунаасы менен айып короого киргизилди.

Улуттук коопсуздук мамлекеттик комитети, ЕАЭБдеги Бажы кодексинин 264 жана 275-беренелерине ылайык, бажы жол-жобосун сактабастан Абхазиядан алып келинген автоунаалардын иштөөсү мыйзамсыз экендигин эске салат.

Унааны ЕАЭБ аймагына ташып келүүдө бир жылга берилген убактылуу бажы декларациясын толтуруу керек. Андан кийин бул унаа ЕАЭБдин аймагынан чыгып кетиши керек же бажы жол-жобосунан өтүшү керек.

149
Белгилер:
мыйзам, Евразиялык экономикалык биримдик, бажы, Абхазия, УКМК, Кыргызстан
Тема боюнча
Бишкекте Абхазиянын номери тагылган автоунаалар кармалууда
Министрлик: Абхазиянын номери тагылган унааларды мамлекет алып коюшу мүмкүн