Наручники

Мелис Мырзакматов Интерпол аркылуу изделет

34
(жаңыланган 07:40 23.12.2014)
Ош шаарынын мурдагы мэри Мелис Мырзакматов жакын арада Интерполдун каналдары аркылуу да издөөгө алынышы ыктымал.

БИШКЕК, 23-дек — Sputnik. Ош шаарынын мурдагы мэри Мелис Мырзакматов Интерпол аркылуу издөөгө алына турганын КР Ички иштер министрлиги билдирди.

Маалыматка ылайык, Мырзакматов тууралуу бардык документтер Интерполго берилген жана алар документ менен таанышып чыккандан кийин эл аралык издөө жарыяланат.

Белгилей кетсек, бир катар жергиликтүү ЖМКлар Мырзакматов учурда Синьцзян-уйгур автономдуу районунда жүрөт деп жазышкан. Бирок, ИИМ бул маалымат тактала электигин, эгер такталып кала турган болсо, Мырзакматовду кыргыз тарапка өткөрүп берүү аракети көрүлөрүн билдирди. Себеби, Кыргызстан менен Кытай Эл Республикасынын ортосунда издөөгө алынган кылмышкерлерди бири-бирине өткөрүп берүү боюнча макулдашуулар бар. Буга чейин да кылмышкерлерди бири-бирине өткөрүп берүү фактылары болгонун ИИМ билдирет.

Ош шаарынын мурдагы мэри Мелис Мырзакматов 27-ноябрда издөөгө алынган. Ага карата Ош шаарындагы Навои көчөсүндөгү көпүрөнү курууда кызматтык абалынан кыянаттык менен пайдаланган деп кылмыш иши козголгон. Ош шаардык соту аны камакка алуу чечимин чыгарып, издөө жарыяланган.

34
Белгилер:
Ош, Мелис Мырзмактов, Интерпол
Тема боюнча
Ош шаарынын мурдагы мэри Мелисбек Мырзакматовго издөө жарыяланды
Оштун мурдагы вице-мэри 100 миң сомду жеп койгон деп күнөөлөнүүдө
ИИМ: Оштун экс-мэри Мелисбек Мырзакматов жакын арада кармалат
ӨКМ кызматкери өрт өчүрүү учурунда. Архив

Кеминде май куюучу жай өрттөнүп жатабы? Видео

48
(жаңыланган 00:46 03.08.2021)
Өрт боюнча азырынча ӨКМдин маалымат кызматынан комментарий алууга мүмкүн болбой жатат. Видео социалдык тармакка жүктөлдү.

БИШКЕК, 3-авг. — Sputnik. Чүй облусунун Кемин районунда ири өрт чыкты.

Видео "Короче" Telegram каналына жарыяланды.

Күбөлөрдүн айтымында, күйүүчү май куюучу жай өрттөнүп жатат.

ӨКМдин маалымат кызматынан комментарий алууга мүмкүн болгон жок. Бирок Чүй облусунун башкармалыгынын нөөмөт бөлүмү тастыктап, эки өрт өчүрүүчү бригада чыгып кеткенин билдирди.

Алдын ала маалымат боюнча, май куйган бекеттин жанында кичи автобус күйүп жатканы тууралуу чакыруу түшкөн.

Кененирээк маалымат кийинчерээк берилерин айтышты.

48
Белгилер:
Кемин, өрт, Күйүүчү май, май куюучу бекет, ӨКМ
Тема боюнча
Беловодское айылында кичи базардан өрт чыкты. Элди чуу түшүргөн видео

Аябай бактылуу болуп турам! Акаевдин сурактан чыккандан кийинки маеги видеодо

83
Кыргызстандын тунгуч президенти Аскар Акаев Бишкекке 16 жылдан кийин кайтып келип, УКМКга сурак берди. Ал Кумтөр кенине байланышкан кылмыш иши боюнча тергөөнүн алкагында чакырылган.

Мурдагы мамлекет башчы УКМК имаратынын ичинде суракта бир нече саат отуруп чыкты. Ал чыгып бара жатып журналисттердин суроолоруна да жооп берди.

Акаев билген маалыматтарын бөлүшүүгө жана мекенине келүүгө уруксат бергени үчүн Кыргызстандын жетекчилигине ыраазычылыгын билдирди.

Ошондой эле тергөө иштери менен өлкөдө бир жума жүрүп кайра Москвага кетерин айтты. Ал эртең дагы сурак берүү үчүн УКМКга келет.

Акаев бүгүн мамлекеттик резиденцияда президент Садыр Жапаров менен жолукканын белгилеп, ага ыраазычылык айтты.

"Мен бүгүн өзүмдү абдан бактылуу сезип турам. Себеби 16 жылдан бери биринчи ирет Ата журтка, элибизге келип отурам. Кумтөр боюнча билгенимдин баарын айтып берип, өлкөгө жардам берем. УКМК төрагасына ыраазычылык билдирем, мени жакшы тосуп алып, көңүл буруу менен мамиле кылышты. Болгон чындыкты чын жүрөктөн айтуу үчүн келдим ", — деди мурдагы президент.

Буга чейин УКМКнын жетекчиси Камчыбек Ташиев "Кумтөр" долбоорун ишке киргизүүдөгү коррупция фактысы боюнча ачылган кылмыш ишинин алкагында Аскар Акаевге издөө жарыяланганын билдирген.

Ушул эле иш боюнча бир катар аткаминер, депутаттар кармалды. Анын арасында экс-президент Сооронбай Жээнбековдун иниси Асылбек Жээнбеков, мурдагы премьер-министр Өмүрбек Бабанов (кийин дарылануу үчүн чет өлкөгө чыгууга уруксат берилди) да бар.

83
Белгилер:
Аскар Акаев, кылмыш, Кумтөр, сурак, келүү
Тема боюнча
Аскар Акаев Кыргызстанга канча убакытка келгенин айтты
Аскар Акаев: Садыр Жапаров менен жолуктум, ага ыраазымын!