Самолет Air Asia

Airbusтун сыныктары табылган жерде учкучтар учактын сөлөкөтүн көрүштү

22
(жаңыланган 09:07 31.12.2014)
Куткаруучулар учак кулаган жерде суунун тереңдиги 30 метрге жакын деп болжошууда.

БИШКЕК, 30-дек — Sputnik. Индонезиянын Аскердик Аба Күчтөрүнүн учкучтары Airbusтун сыныктары табылган жерде учкучтар учактын сөлөкөтүн көрүштү деп билдирет РИА Новости Индонезиянын Улуттук издөө салуу жана куткаруу башкармалыгынын жетекчиси Хенри Бамбанг Сулистьонун билдирүүсүнө таянуу менен.

Индонезиянын Унаа министрлигинин аба унаа башкармалыгынын башкы директору Жоко Мурьяатмоджо мурдараак Яван деңизинде табылган объекттер Air Asia Indonesia авиакомпаниясынын жоголгон Airbusунун сыныктары экендигин билдирген.

Ошондой эле Индонезиянын ААК Суматра жана Калимантан аралдарын бөлүп турчу Каримата кысыгынан адамдын өлүгүн табышты. Ал жерге вертолёт жиберилген. Операциянын жүрүшүндө вертолёттун экипаж мүчөлөрүнүн бири аркан менен ылдый түшүп, каза болгондун сөөгүн бортко көтөрүп чыкты. 

Airbus Индонезиянын Сурабая шаарынан Сингапурга 28-декабрда учуп чыккан. Бир саатка жетпеген убакыттан кийин учкуч аба ырайынын өзгөрүүсүнө байланыштуу учуу багытын өзгөртүүгө уруксат сураган. Ага өйдө карай учпай, булуттуу аймакты айланып өтүүгө уруксат берилген. Себеби ал аймакта башка учактар да бар болчу. Андан соң авилайнер кырсык болгондугу тууралуу эч белги бербестен эле радарлардын экранынан жок болуп кеткен. Ошондо ал Индонезиянын Банка-Белитунг провинциясынын Танджунгпандана шаарынан түштүк-чыгышты карай болжол менен жүз деңиз мили аралыгында учуп бара жаткан. Учактын бортунда 162 адам бар болчу. 

 

22
Белгилер:
Air Asia, Жоко Мурьяатмоджо, Хенри Бамбанг Сулистьо, Танджунгпандан, Сингапур
Тема боюнча
ЖМК: Моряктар Airbus кыйраган жерде курман болгон 40 адамдын сөөгүн алып чыгышты
РФ дайынсыз жоголгон Aэробусту издөөдө Индонезияга жардамын сунуштады
Куткаруучулар Air Asiaнын лайнеринин деңизге кулаганын божомолдошууда
Премьер-министр Садыр Жапаров. Архивдик сүрөт

Садыр Жапаровдун биринчи кайсы өлкөгө иш сапар менен барары айтылды

19
(жаңыланган 17:19 24.10.2020)
ЖК төрагасы Канат Исаев президенттин милдетин аткаруудан баш тарткандан кийин бул кызматты премьер-министр болуп бекиген Садыр Жапаров аркалап калган.

БИШКЕК, 24-окт. — Sputnik. Президенттин милдетин аткарып жаткан Садыр Жапаров чет өлкөгө болгон алгачкы сапарын Россияга жасайт. Бул тууралуу тышкы иштер министри Руслан Казакбаев билдиргенин Sputnik радиосу жазды.

"Биз чет өлкөгө чыгуу маселесин көп талкуулайбыз. Айрым мамлекеттерден чакыруу түштү. Бирок биз үчүн, албетте, Россия артыкчылыктуу мамлекет болуп саналат", — деди Казакбаев.

Министр бул тема Россия ТИМ башчысы Сергей Лавров, ошондой эле РФ президентинин администрациясы менен талкууланганын кошумчалаган.

Казакбаев: Россия Кыргызстандын союздашы болуп келген жана боло берет

Эскерте кетсек, Кыргызстандын экс-президенти Сооронбай Жээнбеков парламенттик шайлоонун жыйынтыгына нааразы болгон элдин талабынан улам отставкага кеткенин Жогорку Кеңештин кезексиз жыйынында билдирген. ЖК төрагасы Канат Исаев президенттин милдетин аткаруудан баш тарткандан кийин бул кызматты премьер-министр болуп бекиген Садыр Жапаров аркалап калган.

19
Белгилер:
чет өлкө, иш сапар, Россия, Руслан Казакбаев, Садыр Жапаров
Тема боюнча
Садыр Жапаров эки шайлоо тең март айына чейин бүтүп каларын айтты
Садыр Жапаров: "Манас" аэропортунун жаңы жетекчиси кызматынан кетмей болду
Россиянын Коопсуздук кеңешинин төрагасынын орун басары Дмитрий Медведев. Архивдик сүрөт

Медведев пандемия маалындагы мамлекеттердин башкы милдети тууралуу айтты

5
(жаңыланган 17:08 24.10.2020)
Эпидемия саясий эркиндиктер адамдын өмүрүн өзүнөн-өзү эле коргоп жибербестигин көрсөттү. Ал үчүн майнаптуу жана элдин бардыгы колу жетип, дарылана ала тургандай медициналык система керек.

БИШКЕК, 24-окт. — Sputnik. Коронавирус пандемиясынан улам жаралган кырдаал — экономиканын төмөндөшү бардык мамлекеттерди баалуулуктарды кайрадан карап чыгып, алдыңкы орунга адам ден соолугун, жашоосун, укугун коргоону коюу зарылдыгын көрсөттү. Бул тууралуу Россиянын Коопсуздук кеңешинин төрагасынын орун басары Дмитрий Медведев БУУнун 75 жылдыгына арналган макаласында айткан.

"Глобалдуу пандемиядан келип чыккан учурдагы экономикалык төмөндөө адамдардын татыктуу жашоосуна мамлекеттердин кепилдик берип, камсыздоосун кароого мажбур кылууда. Алар биринчи орунга адамдардын ден соолугун, жашоосун, укугун коргоо милдетин коюп, баалуулуктарды кайрадан карап чыгуусу зарыл", — деген Медведев.

Медведев БУУда "өзөктүк бештиктин" жеке саммитин өткөрүүнү сунуштады

Ал планетаны каптаган оору адамзаттын баарынын башына бирдей түшкөндүгүн айткан.

"COVID-19 эпидемиясы саясий эркиндиктер адамдын өмүрүн өзүнөн-өзү эле коргоп жибербестигин көрсөттү. Ал үчүн майнаптуу жана элдин бардыгы колу жетип, дарылана ала тургандай медициналык система менен социалдык коргоо керек. Санитардык коопсуздукту камсыздай алган мамлекеттик жалпы программалар жана бардык деңгээлдеги бийликтин иши так жөндөлүп турушу зарыл", — деп кошумчалаган Медведев.

Анын пикиринде, экономикасын мобилизация жасай алуучу дал ошол күчтүү мамлекеттер менен пандемияга каршы иштеген саясий институттар тумоонун кесепети менен натыйжалуу күрөшүп, миллиондогон өмүрлөрдү сактап калды.

БУУ пандемия учурунда байыган миллиардерлерди элге жардам берүүгө чакырды

"Цивилизациялуу элдин атынан түптөлгөн БУУ 1940-жылдын аягында 1950-жылдары пайда болгон, бул сыяктуу башка эл аралык уюмдарга Дүйнөлүк экинчи согуш сыяктуу алааматтардын кайталанышына жол бербөө чакырыгы ташталган. Алар көптөрдүн жүрөгүн үшүткөн геноцид, аскердик кылмыш, адам баласынын укугу менен эркиндигин тепсөө, кишилерди мазактоо, басынтуу эле. Бул максатка жетүү үчүн ири алдыда мамлекеттин социалдык өнүгүүгө киришүүсүн чектөө, жеке эркиндиктин абсолютташтырылышы, коомдук кызыкчылыгына таасирин тийгизүү менен субъективдүү укуктардын үзгүлтүксүз кеңейип турушу болгон. Бир эле учурда улуттук мамлекеттерге "позитивдүү милдеттер" алкагында бир топ милдеттер конкреттүү бир адамдын укугун бузуудан алыс болуу максатында эле жүктөлбөстөн, аны менен камсыздоону, мамлекеттик "туура" башкарууга кепилдик берүүнү сактап турат", — деген Медведев.

Россиянын Коопсуздук кеңешинин төрагасынын орун басарынын макаласын толугу менен RT телеканалынын таап, таанышууга болот.

5
Белгилер:
милдет, мамлекет, пандемия, Дмитрий Медведев, БУУ, СССР, Россия
Тема боюнча
Путин ДССУнун потенциалын жакшылап бекемдөөгө чакырды