Тренировка танкового полка Киргизии перед Танковым биатлоном-2014

Чек ара кызматы Афганистандан НАТО күчтөрү кеткенден кийинки кооптуулукка даяр

42
(жаңыланган 12:00 14.01.2015)
Мамлекеттик чек ара кызматы Афганистандан НАТО күчтөрү чыгып кеткенден кийин жарала турган кооптуулукка даяр туруп, чек аранын көйгөй жарата турган жерлерин бекемдеп жатат.

БИШКЕК, 14-янв — Sputnik. Чек арачылар Афганистандан НАТО күчтөрү чыгып кеткенден кийинки кооптуулукка даяр экендигин Мамлекеттик чек ара кызматынын жетекчиси Райымберди Дүйшембиев Sputnik маалымат сайтынын кабарчысына билдирди. 

Мамлекеттик чек ара кызматынын жетекчисинин айтымында, кооптуулук жарала турган аймактарга 2014-жылы кошумча заставалар орнотулган.

"Кыргызстан-тажикстан мамлекеттик чек арасындагы ашууларынын ачылышы менен Мамлекеттик чек ара кызматынын атайын бөлүктөрү жана КРдин куралдуу күчтөрүнүн Башкы штабынын бөлүктөрү иликтөө-издөө иштерин жүргүзүп жатат. Мындан сырткары ал аймактарды жакшы билген жергиликтүү жашоочулар да тартылууда", — деп айтты Дүйшембиев. 

Дүйшембиевдин маалыматында, бир катар аймактарда мүмкүнчүлүгү кеңири болгон "Фокус-д" деп аталган оптикалык-электрондук модуль орнотулган. 

"Жөнөкөй тил менен түшүндүрүп айтсак, оператор бир жерде туруп эле, мамлекеттик чек араны 10 чакырымга чейин байкап, көз салып турганга мүмкүнчүлүгү бар", — деп билдирди ал. 

Декабрдын аягында Афганистандагы НАТО күчтөрүнүн 13 жылдык миссиясы аяктады. 

РИА Новости "Аль-Жазира" араб каналына таянуу менен, жабылуу иш-чарасы талибдердин кол салуусунан кооптонгондуктан, Кабулда жашыруун өткөндүгүн билдирди. Аскерийлердин акыркы маалыматтарына караганда, радикалдашкан динийлер өлкөнүн борборунда террордук иштерин улам арбытууда.

42
Белгилер:
Райымберди Дүйшембиев
Тема боюнча
Дүйшөмбиев: чек араны бекемдөө – комплекстүү иш алып барууну талап кылат
Кыргыз-кытай чек арасын бузган 3 кытай жараны кармалды
Өткөн жылы Кыргызстандын чек арасында болгон олуттуу окуялар
Бишкектеги Кыргызфильм киностудиясын имараты. Архив

"Кыргызфильм" киностудиясына жаңы жетекчи дайындалды

13
(жаңыланган 15:17 22.10.2020)
Тиешелүү буйрукка маданият, маалымат жана туризм министри Нуржигит Кадырбеков кол койгон. Бекболотов буга чейин "Айтыш" коомдук фондунун жетекчиси болуп иштеген.

БИШКЕК, 22-окт. — Sputnik. Акжолтой Бекболотов Төлөмүш Океев атындагы "Кыргызфильм" улуттук киностудиясынын директору болуп дайындалды. Бул тууралуу Маданият, маалымат жана туризм министрлигинен кабарлашты.

Ага ылайык, тиешелүү буйрукка министр Нуржигит Кадырбеков кол койгон.

"Эмгек кодексинин 55-58-беренелерине жана өкмөттүн 2013-жылдын 3-майындагы №236 токтому менен бекитилген "КР маданият, маалымат жана туризм министрлиги жөнүндө" жобонун 13-пунктуна ылайык, Акжолтой Бекболотов Төлөмүш Океев атындагы "Кыргызфильм" улуттук киностудиясынын директору болуп дайындалды",— деп жазылат маалыматта.

ЖК депутаттары Тилек Токтогазиевди айыл чарба министри кылып бекитти

Бекболотов буга чейин "Айтыш" коомдук фондунун жетекчиси болуп иштеген.

13
Белгилер:
дайындоо, жетекчи, кызмат, Кыргызфильм
Тема боюнча
Жапаров Зулушевди Башкы прокуратура жамаатына өзү барып тааныштырды
Аял шайлоо учурунда добуш берип турат. Архив

Эки шайлоонун мөөнөтү жылып, Конституция өзгөрүшү мүмкүн. Жаңы сунуш

150
(жаңыланган 15:15 22.10.2020)
"Ала-Арча" мамлекеттик резиденциясында Жогорку Кеңештин жыйыны өткөнү жатат. Анда шайлоо мыйзамдарына өзгөртүү киргизүү маселеси экинчи окууда каралат.

БИШКЕК, 22-окт. — Sputnik. Президенттик жана парламенттик шайлоонун мөөнөтүн жылдыруу боюнча мыйзам долбоору Жогорку Кеңешке сунушталат. Бул туурасында депутат Талант Мамытов парламенттик жыйын башталар алдында журналисттерге билдирди.

Анын айтымында, өзү менен кошо он чакты депутат азыркы саясий-экономикалык кырдаалды, эпидемиологиялык абалды эске алуу менен шайлоолорду өткөрүү мөөнөтүн жылдыруу боюнча мыйзам долбоорун иштеп чыккан. Эл өкүлү бул аралыкта Конституциялык реформа дагы жасалышы мүмкүндүгүн кошумчалады.

Белгилей кетсек, бүгүн, 22-октябрда, "Ала-Арча" мамлекеттик резиденциясында Жогорку Кеңештин жыйыны өтөт. Анда шайлоо мыйзамдарына өзгөртүү киргизүү маселеси экинчи окууда каралат.

Шайлоо мыйзамдарына өзгөртүү киргизилсе кандай эрежелер менен иш алып барыларын материалдан окуңуздар.

150
Белгилер:
шайлоо, Парламент, президент, Кыргызстан
Тема боюнча
ЖК депутаттары Тилек Токтогазиевди айыл чарба министри кылып бекитти