Блокадный Ленинград

Бул менин өмүрүмдөгү биринчи салют болчу деп эскерет Ленинграддын блокадачысы

118
(жаңыланган 17:06 27.01.2015)
"Биз, Ленинграддын балдары, күйгөн топуракты жеп, булгары курларды кайнатып суюк тамак жасап ичкенбиз, бирок ошол согуштун каргашасына туруштук бере алдык", — деп айтып берди Блокадачылар коомунун жетекчиси Анна Кутанова.

БИШКЕК, 27 янв — Sputnik. Ленинграддын блокадачылар коомунун жетекчиси Кутанова Sputnik сайтынын кабарчысына фашисттик курчоодо калган шаарда өткөн күндөрү тууралуу эскерет. 

Председатель Общества блокадников Ленинграда Анна Кутанова
© Sputnik / Таалай Ороcкулов
Председатель Общества блокадников Ленинграда Анна Кутанова

Өлүм курчоосу

Фашисттик Германияга каршы согуш бүтүндөй совет эли үчүн оор кайгы болгон. Баскынчылар менен 1 миң 418 күнгө созулган бул кандуу кармашта 20 миллиондон ашык адам курман болгону баарына белгилүү.

1941-жылы душман өлкөнүн ичин көздөй тез басып кирип отуруп, 8-сентябрда Ленинград курчоо алдында калган. Гитлерчилер Лениндин шаарын жер менен жексен кылгылары келген. Күн сайын замбиректерден атылган октор, абадан кол салуулар жана бомбалоолор шаардыктарга, ал кездеги 11 жашар кичинекей кыз – мага чыныгы тозок болгон. 

Башында биз мектепке барып жаттык, бирок бир күнү артиллериялык ок жаныбызга жакын түшүп жарылды. Анын толкунунан мен ары учуп түштүм, колумда кармаган портфелим болсо ыргып кетти. Ажал менин түбүмдө турганын түшүнбөй, чачылган китеп-дептерлеримди шашкалактап чогулта баштадым. Бир жолу авиациялык бомба мектептин балдар тамак иче турган ашканасына түштү. Каардуу согуштун мындай күндөрүн унутуш кыйын …

Ал кезде атам шаардын абадан урган соккудан коргонуу кызматында болчу. Мен болсо апам жана эжем менен Васильев аралындагы үйүбүздө калганбыз. Бабаевдеги атактуу азык-түлүк кампалары алоолонуп күйгөнү азыр да эсимде. Аларды фашисттер биринчи кезекте жок кылышкан. Жалындан чыккан жарык бир нече чакырымга чейин көрүнүп турду. Бир топ убакыттан соң биз өрт болгон жерге барып, азык-түлүктүн күйүк калдыктарын жана күйүп эриген шекерден таттуу даамданып калган топуракты чогултканы барып жүрдүк. 

Биздин тамак эле жегибиз келе берчү 

1941-жылдын кышында ачарчылык башталды, биз тамак жегибиз эле келчү. Атам кызматынан берген бир сынык нанын, суюк тамагын бизге алып келчү. Биздин үй-бүлөдөн баарынан биринчи 1942-жылы атам каза болду. 

Биздин күнүмдүк жеген тамагыбыз апамдын 250 грамм наны жана эжем экөөбүзгө ар бирибизге берилчү 125 грамм нан болчу. Мен аны кичинеден кестирип алып, нандын даамы оозумда көпкө калсын деп абдан жай жечүмүн. Эсимде, апам өзүнүн алтын шакегин бир бөлкө нанга алмаштырып келген. Биз кыйраган үйлөрдөн.чатырлардан, огороддордон тапканыбыздын баарын жээр элек. Булгары курду кайнатып апам суюк тамак бышырчу. Бир күнү болсо ал капкара топурак салынган эки баштык алып келди. Андан биз токоч ийлеп жасап, "буржуйкага" кактап бышырып алып, эптеп курсагыбызды алдаш үчүн ошол майлуу кара топуракты жегенбиз. 

Элдер ачкалыктан көчөдө бара жаткан жеринен эле жыгылып калышчу. Бүт жерде тоңуп калган адамдардын сөөктөрү жатчу, биз аларды бир жерге топтоп, анын жүк ташуучу машина келип алып кетчү. Ачкалыктан биздин башка эч бир сезимди туйбай калганбыз. Ал турсун, балага табиятынан мүнөздүү болгон ойноюн деген ниети да унутта калган эле. Биз таштай болуп ыйлаганды да билбей калганбыз. 

Баары жеңиш үчүн 

Ал кезде көпчүлүк өспүрүмдөр аскер заводдорунда аялдар менен тең иштешкен. Мен анда кичине болгондуктан станокко боюм жетпей, ишке жараксыз болчумун, ошондуктан короодо өзүм курактууларды топтоп алып телефондук байланышчы болгом. Биз бомба таштоолор жана абадан кол салуу коркунучу тууралуу билдирүүлөрдү кабыл алып, элге билдирип жана абадан кол салгандык жөнүндө штабга жеткирип турчубуз. Бир түндө душман абадан беш-алты, айрым учурда он жолудан кол салчу. Мотордун үнүнөн биздин учакпы же душмандыкы учуп келе жатабы, айрый алчубуз. Мен учуп түшүп келе жаткан бомбанын ышкырыгын эч качан унута албайм. 

Биз үйлөрдүн үстүлөрүн тазалап бошотуп, үйлөргө тийгенде өрт чыгаруучу фугастуу бомбаларга каршы суу толтурулган идиштер менен кум толтурулган кутуларды койчубуз. Күнү-түнү кезектешип кайтарып, укмуштай оор кычкачтар менен түшкөн бомбаларды алып баягы идиштерге салып өчүрчүбүз. Биз дагы фашисттер шаарга жиберип турган көп сандагы тыңчыларды аныктап табыш үчүн көчөдө ары-бери өткөндөргө үңүлүп карачубуз. 

Кичинекей жүрөгүбүздөгү атуулдук сезим бизге күч-кубат, жашоого үмүт жана жеңишке ишеним берип турган. Менин бардык курдаштарымдын фронтко, согуштун алдыңкы катарына качып кетүүгө болгон тилегибиз чоң болчу. 

Менин көкүрөгүмдө музыка ойногон

1943-жылдын 18-январында биздин жоокерлер шаардын курчоосун жарып киришти. "Жеңиш жолу" аркылуу дары-дармектер менен азык-түлүк келе баштады. Ошол күнү шаардын радиосу Левитандын үнү менен сүйлөп, көптөн күткөн кабарды билдирди. Эмне үчүн экенин билбейм, мага дал ошол күнү биринчи салют атылгандай эсимде калыптыр. Мындай болбогондугун акылым менен туйсам да, адамдар ал кезде үйдөн чыкканга алдары келбесе да мага ошол күнү салют болгондой сезилет. Ал күнкү кубаныч жана тегеректе угулган музыка азыркыга чейин менин көкүрөгүмдө толуп турат.

Менин өмүрүмдөгү биринчи салют

Курчоо толук алынган күнү, 1943-жылы 27-январда шаар тургундары кичине күчкө келип калган болчу, ошондуктан көчөлөргө эл толуп кетти. Биз, майда балдар, топтошуп алып алдыга карай чуркап бир баратабыз. Кайда чуркаганыбызды деле билбейм. Бирок кубанычтуу кыйкырык, тегерекке толгон ый биз үчүн эң жакшы үн болгон. 

Курчоонун алынышы чыныгы майрам болду. Баарыбыздын кубанычыбыз көкүрөгүбүзгө батпай, туш-тараптан музыка жаңырып, кечинде болсо чыныгы салют атылды. Менин өмүрүмдөгү биринчи салют. 

Жан биргелердин коому 

Бүгүнкү күндө Кыргызстанда бардыгы болуп 33 блокадачы жашайт. Ал жан биргелердин үчөө Караколдо, бирөө Кара-Балтада, дагы бирөө Кантта турат. Экөө Лебединовка айылында, калган 26 адам Бишкекте жашайт. 

Блокадачылардын коому биз башыбыздан өткөргөн күндөрдү азыркы муундар эстен чыгарбашы үчүн, каргашалуу согуштун кайгылары унутта калбашы үчүн көп иш-чараларды өткөрөт. Жыл сайын жаңы муундарга насаат катары эскерүү митингдери өтүп турат.

2002-жылдан бери коомдун төрайымы катары аз гана санда тирүү калгандардын турмуш шартын жакшыртуу жагынан көп нерсеге жетиштим. 

Бизге бүгүн Саламаттык сактоо министрлиги жакшы көңүл бурат. 2006-жылы блокадачылар менен концлагерлерден кайткандар Улуу Ата Мекендик согуштун ардагерлерине теңештирилген. Блокадачылар турак-жай жана коммуналдык кызмат акылары жагынан жеңилдиктерди алышкан. Президенттин жарлыгы менен блокадачыларга быйыл өмүрүнүн акырына чейин 3 миң сомдон пенсия чегерилди.

118
Белгилер:
согуш, ачарчылык, блокада, Улуу Ата Мекендик согуш, Анна Кутанова, Ленинград
Тема:
Улуу Жеңишке 70 жыл (117)
Россиянын коронавируска каршы вакцинасы

Коронавируска каршы вакцина: гениалдуу нерсенин баары жөнөкөй

99
(жаңыланган 22:59 12.08.2020)
Россия дүйнөдө биринчилерден болуп коронавируска каршы вакцинаны каттоодон өткөргөнүн жар салды. Колдоп ыраазычылык айткандар, сындап нааразы болгондор да кездешти дейт дарыгер Сергей Царенко.

Биз, дарыгерлер, коронавирус жуккан бейтаптарды дарылап айыктырууда моноклоналдык антителону, стероиддерди, вируска каршы дарыларды колдонуп, ийгиликке жеттик. Ооругандар азыраак көз жума баштады, ал эми оор абалда жаткандарды баары бир өпкөнү жасалма дем алдыруучу аппаратка туташтырууга аргасыз болдук.

Ар бир он кишинин алты-сегизи оорукана ичиндеги инфекциядан каза тапты. Андай ноокастарды жаңы антибиотиктер сактап калмак эле. Бирок аларды иштеп чыгуу үчүн көп жылдар керек. Дагы башка жолу бар. Ал – адамдарды оору жуктурбай аман алып калуу. Бардык жагынан алганда бул жакшы. Адам оорубайт, айланадагыларына илдетти жуктурбайт. Негизи адам кеселге канчалык туруштук берсе, коомчулуктун иммундук катмары калың болуп, эпидемия эртерээк кайтат.

Путин COVID-19га каршы россиялык алгачкы вакцина каттоодон өткөнүн кабарлады

Азырынча ооруга болгон туруктуулук эгерде ал ооруп айыкса гана калыптанат. Дагы бир коопсуз жолу бар, ал — иммунизация. Анан калса Гамалея институтунун адистери иштеп чыккан майнаптуу жана коопсуз вакцина бар. Бул институт автомобиль курууда "Мерседес" кандай кадыр-барктуу бренд болсо, микробиологияда дал ошондой дөө-шаа.

Мен академиктер Гинцбург менен Логуновду көп жылдан бери жакшы билем. Алардын кызматкерлери менен туруктуу бактерияларга каршы күрөшүү боюнча жаңы ыкмаларды иштеп чыгып келе жатабыз. Мындан сырткары, Эбола жана MERS вирусуна каршы вакцина чыгарышты. Жөн гана ойлоп чыгарып коюшпай, аны майнаптуу жана коопсуз кылышты.

Адам үчүн коопсуз болгон аденовирус ташып жүрүүчү ракета сымал орбиталдык станцияга коронавирустун кичинекей бөлүгүн жармаштырып койду. Аны адамдын ичине, организмине кое берди. Мындан улам экөөндө тең иммунитет пайда болду. Ийгиликти бекемдеш үчүн ошондой эле "орбиталдык станцияны" башка аденовируска "ташып жүрүүчү ракетага" кое беришти. Кайрадан иммунитет пайда болду. Жыйынтыгында эки аденовируста алсызыраак (себеби ал организмге кереги жок да), ал эми коронавирустан — туруктуу жана ишенимдүү иммундук коргоо жаралды. Сонун, гениалдуу.

Каттоодон өткөн россиялык вакцина жапырт колдонууга качан чыгары айтылды

Вакцинаны ыктыярчы адамдарга сынап көрүштү. Алардын бардыгы Гамалея институтунун кызматкерлери эле. Алар аркылуу биринчи поезд өттү! Мындан кийин вакцинаны аскер кызматкерлерине сынашты. Биринин да ден соолугунда көйгөй жаралган жок, бардыгында кубаттуу бир иммунитет пайда болду.

Албетте, бүткөн ишке сынчы көп. Басылмаларда сындар жаады. Көп сөздөр айтылды. Акыркысына эле токтолсок, чочуй тургандай нерсе. Инфекцияны толук жок кылбайт же антитело вирустун клеткага киришинин натыйжалуулугун күчтөндүрөт (ADE) дешти. Бул адис эместер үчүн коркунучтуу. Ал эми вирусологдор ADE натыйжасы Денге лихорадкасы үчүн эле эмес, вакцинация менен да байланышпагандыгын билишет. Калган учурларды майнапты пробиркадан гана көрүшөт.

Ушул жерден суроо жаралат. Басылмалардагы бул кампанияны ким каржылап жатат? "Көз карандысыз" эксперттер кимден көз каранды? Полишинель сыры: россиялык окумуштуулардан артта калып калган башка вакциналардын өндүрүүчүлөрүнөн көз каранды. Дагы вируска каршы дарыларды чыгаргандар бар. Кээде ал препараттар оору менен күрөшүүдө майнабын берет. Бирок ал оорунун жеңил түрүнө кабылганда жардамчы, бирок башка кыйыр таасирлери толтура.

Россияда COVID-19га каршы вакцина алгандар ооруканадан чыкты. Видео

Иштеп жүргөн бизге окшогон дарыгерлер, мисалы, ушундай майда нерселерди көргөндө уяласың. Бизге качан коронавирус жуктурган бейтаптар келбей калат, эпидемиядан улам кол жетпей жаткан башка ооруларды качан дарылайбыз деп күтөбүз.

99
Тема:
Дүйнөгө жайылган коронавирус
Тема боюнча
Россия: коронавируска каршы чыгарылган бир вакцина баарына жарай бербейт
Россиянын учкучсуз Охотниги. Архивдик сүрөт

Россиянын учкучсуз "Охотниги" АКШ менен НАТОну санаага салууда. Себеби

174
(жаңыланган 22:51 12.08.2020)
АКШ Куралдуу аба күчтөрүнүн оор учкучсуздары айрыкча "үчүнчү дүйнө" өлкөлөрүндөгү көтөрүлүшчүлөр менен күрөшүүгө багытталган. Ал эми Россия жасалма интеллект, Су-57 менен өз ара аракеттешүүгө жөндөмдүү 5-муундагы бутасын соо калтырбаган истребителдерди даярдоодо.

Россиянын жогорку технологиялык курал чыгаруу тармагындагы ийгиликтери батыштагы "өнөктөштөрүн" тынчын алып жаткан өңдөнөт. Абройлуу каржылык-экономикалык Forbes журналы 7-августта өз темаларынан четтеп, россиялык S-70 Okhotnik (Hunter) оор учкучсузу менен АКШнын ушундай эле аппаратын өзгөчө кооптонуу менен салыштырышы муну айгинелеп тургандай. Макалага жана аталган куралдын мүнөздөмөлөрүн аскерий баяндамачы Александр Хроленко талдаган.

Америкалык басылма АКШ Куралдуу аба күчтөрүнүн "атка жеңил, тайга чак" MQ-9 Reaper аппаратынан айырмалана россиялык чалгындоочу-сокку уруучу дрону көтөрүлүшчүлөр менен күрөшүүгө эмес, толук масштабдуу аскердик жаңжалдарга багытталганын баса белгилейт. Чалгындоо каражаттарын жана 6 тоннадан ашык бомба же "жер – аба" жана "аба – аба" багытындагы ракеталарды 5000 чакты аралыкка ташый алат. "Охотник" ыраактык жана куралдануусунун ар түрдүүлүгү жагынан "болуп көрбөгөндөй мүмкүнчүлүктөргө" ээ.

Түпкүрдөгү купуя сыр же касташкандын катыгын берчү "Скиф"

Сыртынан X-47B Northrop Grumman долбооруна түспөлдөшүп кетет, бирок багыты башка. "Охотник" көзгө анча илинбес сокку урууга багытталган учкучсуз аппаратты иштеп чыгууну алда канча тездетүү пландары жарыяланды. Сериялык өндүрүшү 2024-жылы башталганы турат.

Ушундай эле долбоор АКШда учурда жылбай турат. Америкалык оор БПЛА X-47B аппараты алгач ирет 2011-жылы учурулган (ошол тушта "Сухой" корпорациясы жаңыдан "Охотникти" иштеп чыгып жаткан эле). Пентагон аскердик-деңиз күчтөрү үчүн келечектүү учкучсуз аппаратты адаптациялоо программасын 2013-жылы баштаган. Анда ал машинанын оперативдик даярдыгына 2020-жылы жетишүүнү көздөгөн (долбоорго катышкан төрт компания 15 млн доллардан алган). 2015-жылы эле Аскердик-деңиз күчтөрүнүн адистери палубалык сокку уруучу дрондун натыйжалуулугунан шек санап киришкен. Ошондон уламбы, иш тетири кеткен. UCLASS программасынын алкагында учкучсуздун макамы акырындап сокку ургучтан чалгындоочуга, андан кийин жөн эле учуучу май куйгучка чейин төмөндөтүлгөн.

АКШнын Куралдуу күчтөрү бүгүнкү күндө "ынанымдуу жол көрсөткүч" (loyal wingman) катарында башканы, салыштырмалуу чакан XQ-28 Valkyrie сокку уруучу аппаратын сыноодо. Ал болгону 450 кг. пайдалуу жүк ташыйт (бир-эки бомба же ракета), анан да "стелс" (радиолокациялык станциялардын "көзүнө" чалдыкпас) касиети жок.

"Искандерлер" РФтин деңиз чегин коргомокчу. Себеби эмнеде?

Forbes учкучсуз аппараттар багытында алгачкылардан болуп баштаса да "АКШ Россиядан кийин бүтүрөрүн" белгилөөгө аргасыз болгон. Чындап эле жогорку технологиялык куралдануу жаатында мындай көрүнүш тенденцияга айланып барат.

Аскердик интеллектуал

Бир аз мурдараак америкалык The Drive басылмасы россиялык оор учкучсуз учуучу аппаратка макалалардын бүтүндөй түрмөгүн арнаган эле. Анда "Охотник" истребителге окшош, узундугу 38, канаттарынын керилиши 62 футка, башкача айтканда, 11 жана 19 метрге жетери айтылат. Мындай өлчөмү ичинде курал-жарак жайгаштырууга, ал эми конструкциясы үндөн ыкчам ылдамдыкта учууга, жаңы Су-57 истребители менен эриш-аркак иштей алышына мүмкүндүк берет деп сүрөттөлгөн.

Кызыгуулар мыйзам ченемдүү. Оор чалгындоочу-сокку уруучу, учкучсуз-көзгө чалдыкпастарды чыгарган өлкөлөрдүн чөйрөсү өтө тар. Ал эми 5-муундагы истребителдер менен сокку уруучу учкучсуз аппараттарды интеграциялоо технологиясын азырынча эч ким өздөштүрө элек. Россия бул багытта алгачкы карлыгач болору ажеп эмес.

F-35ти модернизациялоо. АКШнын доо кеткен беделин бийиктетүү аракети

"Охотниктин" так мүнөздөмөлөрү, аскердик багыты, жабдылышы жана куралданышы дагы бир топко чейин купуя сакталат. Белгилүү тарабы – учкучсуз "учуучу канат" схемасы боюнча душмандын радиолокациялык станцияларга көрүнүшүн төмөндөтүүчү композиттик материалдарды колдонуу менен аткарылганы. Тескелүүчү тартылуу вектору бар реактивдүү кыймылдаткыч менен жабдылган, ылдамдыгы саатына 1000 чакырымга чейин чыгат. 5-6 тонна аскердик жүктү ташууга жөндөмдүү. Учуш салмагы – 20 тоннага дейре. Абадан коргонууга каршы туруу шарттарында да иштей алат. Эки жылдан бери уланып келе жаткан сынамык учуштар мына ушул артыкчылыктарын далилдеди.

Андан тышкары, "Охотникке" жана анын "өзүнөн кичине туугандарынын" бүтүндөй катарына жасалма интеллект жалгаштырылууда. Су-57 оор истребителдеринин (РФ Коргоо министрлиги баштапкы баскычта 76 машинага буюртма берген) топторунда "Охотник" учкучсуз учуучу аппаратынын аскердик мүмкүнчүлүктөрү жол салгыч катары кыйла артарын боолголоого болот. Себеби Су-57 аба жана жердеги буталарын 400 чакырымга чейинки аралыктан кармоого, 62 объектиге чейин коштоп, сокку уруучу учкучсуздарга бута көрсөтмөлөрүн жөнөтүүгө жөндөмдүү.

Су-57 бешинчи муундагы америкалык истребителдеринен айныгыс артыкчылыктарын (пилотаждык сапаттары жогору, бортунда 10 тонналык арсенал (гипер үндүү куралды кошо санаганда) уникалдуу негизги радиолокациялык станциясы жана буталарды кармоонун оптикалык-электрондук тутуму) эске алсак, "Охотник" тибиндеги учкуч жана аскердик роботторду натыйжалуу өз ара аракеттешүүсүнүн ири мүмкүнчүлүктөрү жаралат.

Артиллеристтердин кыялы. Талаа-түздө сыналган "Тюльпан" миномёттору

Оор чалгындоочу-сокку уруучу учкучсуз аппараты Россиянын Космостук аба күчтөрү жана Аскердик-деңиз күчтөрүнө кызмат өтөй алат. Ошону менен бирге келечегинен көптү үмүттөндүргөн авиаташуучу "Охотник" кемелери жана модификацияланган Су-57 да бирге жайгаштырылып, аскердик тапшырмаларды чогуу аткара алышат. Келечекте россиялык оор учкучсуз аппаратынын абада аткарчу аскердик иши мол болчудай.

Абада артыкчылыгы арбын

АКШнын Аскердик аба күчтөрү 7-августта Невада штатындагы үч күндүк окуунун аяктаганын жарыялады. Ага F-22 Raptors жана F-35A Joint Strike Fighter стелс-истребителдери, бомбалоочу-көзгө чалдыкпас B-2A Spirit, стелс-дрон RQ-170 Sentinel (өтө жашыруун 44-чалгындоочу эскадрильядан), ошондой эле Аскердик-деңиз күчтөрүнүн "көзгө чалдыкчу" F-15E Strike Eagle истребителдери жана радиоэлектрондук күрөштөгү EA-18G Growler учагы оголе көп санда катышты.

1,4 млн доллар каражат жумшалган бул иш-чара жогорку технологиялык душманына (АКШнын Түндүк жана Түштүк Америкасында болбогон) каршы агрессияга олуттуу даярдык сымал көрүнөт. Машыгууларда учактар эшелондолгон абадан коргонуу аймактарына тымызын кирүү, радиоэлектрондук басуу жана шарттуу душмандан коргонуу каражат жана тутумдарын талкалоо ыкмаларын аткарышкан.

Кургакта да, сууда да… Россиялык флот Бе-200 амфибиялык учагына ээ болду

Эмнеге даярданышканын деле болжош татаал эмес. Былтыр сентябрда АКШнын Европадагы Куралдуу аба күчтөрүнүн командачысы Жеффри Харриган Калининград облусунун көп катмарлуу абадан коргонуу тутумун жырып өтүү боюнча Пентагондун планы бар экенин жар салган, ал эми андан бир ай өтпөй Калининград облусун Польша жана АКШ тарабынан басып алуу планы жарыяланган.

Пентагон Россияны россиялык чек араларда улам катуулай, акылга сыйбаган тейде "ооздуктап" келет. Балтий жана Кара деңиздин үстүндөгү аба мейкиндигинде америкалык чалгынчыларды окко учууга эле коюшкандай. Бул – куралдуу тегиздиктеги концептуалдык жаңжалды трансформациялоо ниетиндеги ачык жана жоопкерчиликсиз чагым. Ал ортодо 2020-жылы Кошмо Штаттардын чалгындоочу учактарынын кармалышы РФтин чек арасына жакын учуп келүүлөрүнүн көп кармалышынын аягы да кайгылуу кесепеттерге кептеши мүмкүн.

The National Interest америкалык журналынын серепчилери бул окуяларга Вашингтонду түз эле айыптаган. Болбосо, Россия реакция кылууга, тагыраагы, сокку уруучу жана коргонуу каражаттарын бардык чөйрөдө – жерде, деңизде, абада да пайдаланууга аргасыз. Горизонтто "Охотник" оор сокку уруучу учкучсуздун пайда болушу да мыйзам ченемдүү жана өз маалында чыгарылганы айкын. Global Firepower маалыматына таянсак, НАТО боюнча союздаштарынын аскердик авиациясын эсептебегенде эле Кошмо Штаттардын 2000дин тегерегиндеги сокку уруучу учагы, Пентагондун 5000ден ашуун учуучу аппараты бар.

Салыштырсак, Россиянын Коргоо министрлигинин 870 чакты истребители, бомбалоочу жана чабуулчусу, жалпы 4000дин айланасындагы учуучу аппараты бар. Балким, Вашингтонду Мексика же Кубанын аймагынан "ооздуктоого" россиялык учактар аздык кылар, бирок Москва андай максатты көздөбөйт.

Саатына 155 чакырым! Аэромобилдик "Стрела" сооттолгон унаасынын арышы

Евразиялык континентте РФтин Аба-космостук күчтөрү коргоо маселелерин гана чечет, сокку уруучу авиациянын мүмкүнчүлүктөрүн Абадан жана Ракетага каршы коргонуу тутумдары жана каражаттары толуктайт. Алар россиялык чек аралар периметрлери боюнча жайгаштырылган.

Невадагы абадан коргонуунун эшелондоштурулган тутумун жырып өтүү планы жана АКШнын Куралдуу-аба күчтөрүнүн "көзгө чалдыкпастарынын" тийиштүү машыгуулары деле майнапсыз жана "реалдуулуктан учуп чыккан" америкалык аскерлердин өмүрү үчүн өтө кооптуу.

Учкучсуз "Охотник" — келечекке чоң кадам, абада үстөмдүк кылууга жетишүүнүн перспективдүү россиялык жүздөгөн инструменттердин бири гана болуп саналат.

Россиянын жогорку технологиялык коргонуу мүмкүнчүлүктөрү күчөп келе жаткан коркунучтарга каршы тура алат жана батыштагы "өнөктөштөрүнүн" эмитен эле жанын жай алдырбагандай эле күчкө ээ. Бул жагынан Пентагон жана НАТОнун сан боюнча артыкчылыгын РФ мындай кубаттуулугу менен теңдеп коёт десек жарашат.

174
Белгилер:
Аскерлер, Аскер, курал, НАТО, Батыш, Россия, истребитель
Тема боюнча
Россиянын топ жарышы. Аскердик роботтор адам менен "тил табышат"