Демонстранттар Ислам мамлекетинин желегин кармап турушат. Архив

ИМдин согушчандары Малайзияда адамдарды уурдап, банктарды тоноону пландоодо

48
(жаңыланган 12:58 21.05.2015)
Террористтер көп сандагы чет өлкөлүк жарандар иштөөчү ишкердик борборлоруна жана мамлекеттик мекемелерге да кол салышы мүмкүн.

БИШКЕК, 21-маЙ — Sputnik. "Ислам мамлекети" террористтик тобунун согушчандары азыркы учурда өз ишин каржылоо үчүн Малайзияда адамдарды уурдап, банктарды тоноону пландап жатат. Бул тууралуу РИА Новости падышачылыктын борбору Куала-Лумпур Тажуддин Мохаммад Иса (Tajuddin Md Isa)шаарынын полиция башчысына таянуу менен билдирет.

"Малайзияда бул террористтик уюмдун иш-аракеттери өзүнө жаңы мүчөлөрдү тандап даярдоонун биринчи баскычынан өтүп, эми экинчи баскычына чыкты", — дейт полиция кызматкери. 

Исанын айтымында, террористтер көп сандагы чет өлкөлүк жарандар иштөөчү ишкердик борборлорго жана мамлекеттик мекемелерге да кол салышы мүмкүн. Андан тышкары, "Ислам мамлекетинин" террористтери курал-жарактарды тартып алуу максатында аскердик лагерлер менен полиция бөлүмдөрүнө да кол салууну пландап жатат дейт ал.

Бир айча убакыт мурун Малайзиянын борбор калаасынын ортосунда жана анын четиндеги Улу-Лангат деп аталган жерде террорист деп шектелүүчү 12 адам кармалып, жардыруучу каражаттар табылган. Падышачылыктын полиция башчысы Халид Абу Бакардын (Tan Sri Khalid Abu Bakar) айтымында, алар өлкөдө тополоң уюштурууну пландап жаткан. Ал эми апрелдин башында Малайзиянын коопсуздук кызматы Куала-Лумпурдагы маанилүү объекттерде бир катар теракттарды жана аскердик лагерлер менен полиция бөлүмдөрүнө да кол салууну даярдап жаткан 17 адам кармалганы туурасында билдирген.

Ирак менен Сириянын орчундуу аймактарын басып алган "Ислам мамлекетинин" күч алышы 2014-жылы дүйнөнүн башкы көйгөйүнө айланды. АКШнын БЧБнын маалыматы боюнча 30 миңге жакын согушчандар кирчү бул топ өзү басып алган жерлерде халифаттын орногондугун жарыялаган жана өз таасири алдындагы аянтты кеңейтүү аракетин көрүүдө. 

ИМге каршы күрөшүүнүн бирдиктүү фронту жок: ага каршы менен Сирия менен Ирактын өкмөттүк күчтөрү, ошондой эле ирактык жана сириялык курддар күрөшүп жатат. АКШ башчылык кылган эл аралык коалициянын көргөн аракеттери азырынча абадан сокку уруулар менен чектелүүдө.

Малайзия "Ислам мамлекетин" террористтик топ деп эсептейт. Падышалыктын премьер-министри Нажиб Разак өткөн жылы анын өкмөтү экстремисттерге каршы чечкиндүү күрөшө тургандыктарын билдирген. Улуттук ЖМК маалыматтары боюнча 2013-жылдын февралынан тартып Малайзияда терроризмге шектелүүчү жүздөн ашык адам кармалган.

48
Белгилер:
Куала-Лумпур, Малайзия, 'Ислам мамлекети' террордук тобу, террористтер
Мотоциклчен киши. Архивдик сүрөт

Мотоциклчен киши аэропортко кеткен трассадан жөө адамды коюп, жол жабылды

80
(жаңыланган 23:34 19.09.2021)
Жолго 50дөй киши топтолуп ызы-чууга түштү. Кырсыктын кесепетинен болжол менен 50 жаш курагындагы киши каза болду.

БИШКЕК, 19-сен. — Sputnik. "Манас" аэропортуна кеткен жолдо мотоциклчен киши жөө адамды коюп кетти. Бул тууралуу Чүй облустук милиция билдирди.

Окуя бүгүн саат 20:00дө болгон. Маалыматка караганда, кырсыктын кесепетинен жөө киши набыт болгон. Болжол менен ал 50 жашта. Активист Болот Ибрагимов авариядан кийин тартылган видеону соцтармакка жарыялады.

Посмотреть эту публикацию в Instagram

Публикация от Болот Ибрагимов SFR (@bolotibragimov)

Кадрдан жол убактылуу жабылып калганын көрүүгө болот. Топтолгон 50дөй киши ызы-чууга түшкөн. Милициянын божомолу боюнча, алар жергиликтүү тургундар менен мотоциклчен кишинин достору болушу мүмкүн.

Чүй ОИИББдин маалымат кызматы саат 21:00дөр чамасында Манас айылынын жашоочулары Бишкек — аэропорт жолун тосуп, жол кырсыктарына нааразычылыктарын билдиришкенин кабарлады.

"Учурда милиционерлер жергиликтүү тургундарга түшүндүрүү иштерин жүргүзүп жатат", — деди ОИИББден.

Түнкү саат 11лер чамасында эл тарай элек болчу.

80
Белгилер:
Бишкек, милиция, жол кырсык, мотоцикл
Тема:
2021-жылдын башынан бери Кыргызстанда болгон жол кырсыктар
Тема боюнча
Бишкекте жүк ташыган поездге урунуп 21 жаштагы жигит каза тапты
Кыргызстандын экономика жана финансы министри Акылбек Жапаров. Архивдик сүрөт

Жапаров Лондондогу ассоциациянын "Кыргыз алтын" боюнча чечимине комментарий берди

112
(жаңыланган 23:30 19.09.2021)
Буга чейин "Кыргыз алтын" ишенимдүү жеткирүүчү компаниялардын тизмесинен чыгарылган. Акылбек Жапаровдун айтымында, санкциялар киргенден кийин экономикалык абал дайыма жакшырат.

БИШКЕК, 20-сен. — Sputnik. Кыргызстандын экономика жана финансы министри Акылбек Жапаров Лондондогу Баалуу металлдар рыногунун ассоциациясынын "Кыргыз алтын" ишканасын ишенимдүү жеткирүүчү компаниялардын тизмесинен чыгарганы боюнча комментарий берди.

Кечээ күнү ассоциация мындан ары "Кыргыз алтын" аффинаждык заводунун продукциясын албай турганы маалым болгон.

Жапаровдун айтымында, баары болжолдонгон сценарий боюнча баратат жана Лондон ассоциациясынын чечими күтүлгөн иш болчу.

"Жокко чыгаруу убактылуу гана иш, жакында калыбына келтирилиши мүмкүн экенин белгилеп кетким келет. Канадалыктар Кыргызстандын элине, республиканын экономикасына жана экологиясына келтирген зыяны үчүн кечирим сурап, бардык жоготууларды кайтарып, тынч жол менен кетет деп эч ким күткөн эмес. Алар тараптан башка тоскоолдуктар жана "кыйынчылыктар" болушу мүмкүн экенин айта алам, бул да алдын ала божомолдонууда, биз муну да эске алабыз", — деди Жапаров.

Министр азыркы шарттар мурдагыдан начар болбоорун белгилеген.

"Баштаганда эле биз алтынды жеткирүүнүн жаңы каналдарынын үстүндө иштөөдөбүз. Учурда да сүйлөшүүлөр жүрүп жатат. Азырынча шарттар мурдагыдан начар болбойт деп айта алам. Ошондой эле Нью-Йорктун банкроттук иштер боюнча соту 15-сентябрда Centerra Gold Inc. компаниясынын адвокаттарынын доо арызына Кумтөр кени боюнча Кыргызстандын өкмөтүнө айып пул салуудан баш тартканын да эстен чыгарбоо керек. Бул биздин туура жолдо бара жатканыбыздын дагы бир далили", — деди ал.

Министр кандай болгон күндө да бул кампания бүтүндөй Кыргызстан үчүн оң мультипликативдик эффект берет деп ишенерин айтты.

"Көптөр үчүн бул ачык эмес, бирок санкциялардын киргизилиши менен экономикада кырдаал дайыма жакшырат. Бул нерсе Россияда жана башка көптөгөн өлкөлөрдө болгон. Мындай шарттар технологиялык өнүгүүгө жол ачып, өзүбүздүн инновациялык өндүрүштү пайда кылат жана жаңы экспорттук байланыштарды түзүүгө жардам берет", — деди Жапаров.

Ал ошондой эле көңүлдү зергерчилик индустриясына буруу керектигин белгилеген.

"Биз зергерчилик индустриясын, жогорку сапаттагы өндүрүш базасын, маданиятыбызды өнүктүрүшүбүз керек. Алтынды зергерчиликке сатсак, анын баасы бир нече эсе кымбат болот. Болуп жаткан нерселердин баары баалуу металлдарды колдонгон жогорку технологиялуу өндүрүштөргө жана технологияларга көңүл буруунун эң сонун себеби. Дагы бир, жарым-жартылай парадоксалдуу жагдай пайда болууда. Санкциялар республикада алтынды көбөйтүү үчүн иштейт жана алтын — бул жогорку категориядагы резервдик валюта, алар менен иштөөгө олуттуу эл аралык кредиторлор кубанычта болот", — деди ал.

Жапаров дүрбөлөңгө түшүүгө негиз жок экенин белгиледи.

Кырдаал тууралуу кыскача

Июнь айында LMBA "Кыргыз алтын" тарабынан алдамчылык жасалышы мүмкүн делген фактыны карап жатканын билдирген. Анда канадалык Centerra Gold Inc. компаниясы уюмдун иликтөөсүн кубаттай турганын айткан.

"Кыргыз алтынды" толугу менен кыргыз өкмөтү көзөмөлдөйт. Мындан улам алардын 29 миллион доллар каражатты жасалма төлөм инструкциясын колдонуу менен чыгарып кетүү аракети азыркы администрация жана аны менен бирге иштешип жаткандар биздин келишимди бузуп Кумтөр кенин экспроприациялап, активдерин басып алышынын бир мисалы болуп саналат", — деп жазылган маалыматта.

Буга чейин The Wall Street Journal каржылык кызматтарды көрсөтүү менен алектенген америкалык StoneX Group Inc. компаниясы "Кыргыз алтын" ААКсын 1 миллион долларга сотко бергенин жазган. Доо арыз Лондондогу соттордун биринде каралат. Басылманын маалыматына караганда, үстүбүздөгү жылдын май айында "Кыргыз алтын" жарым тонна алтындын жеткирилишин үзгүлтүккө учуратып, 29 миллион долларды алууга аракет жасаган.

"Кыргыз алтын" мындай дооматтар чындыкка дал келбестигин айтып келет.

112
Белгилер:
Кыргызстан, Акылбек Жапаров, министр, Кыргызалтын, Лондон
Тема боюнча
Лондондогу уюм "Кыргыз алтынды" ишенимдүү компаниялардын катарынан чыгарды