Кулаган дарак. Архив

Кечээги шамалдан дарак кулап, Аламүдүндө 13 жашар кыз каза болду

202
(жаңыланган 11:53 09.06.2015)
8-июнда Кыргызстандын аймагында болгон бороон-чапкындуу аба ырайы адам өмүрүн алып кетти.

БИШКЕК, 9-июнь — Sputnik. Кечээ Чүй аймагындагы бороон-чапкындуу аба ырайынан улам кулаган дарак Аламүдүн районундагы ГЭС–5 айылында барак тибиндеги үйдүн чатырын жана 2002-жылы туулган кызды басып калган. Бул туурасында ӨКМдин маалымат кызматы кабарлады.

"Кырсык болгондон кийин жабыркаган кыз ооруканага жеткирилип, алган жаракаттарынан улам ооруканада каза тапты", — деп билдирди ӨКМдин маалымат кызматынан Элмира Шерипова.

Борбор шаарда 8-июнда кечки сегизден кийинки болгон катуу шамалдан улам бактар, жарнамалык ири шиттер кулап жолдорду тосуп, жеңил унааларды басып калып, электр линиялары үзүлдү.

202
Белгилер:
жаан-чачын, шамал, жаратылыш кырсыгы, аба ырайы, ӨКМ
Тема:
Катуу шамалдын кесепети (17)
Тема боюнча
ӨКМ: бүгүн, эртең Кыргызстан боюнча жамгыр, кар жаап, катуу шамал коштойт
Бороон-чапкын шаардыктардын шаштысын алды
Бишкектеги шамалдан улам шаардын көп жеринде бактар кулап, кыймылды кыйындатып жатат
Уюлдук станциянын мачтасы. Архив

Быйыл Нур-Султан шаарында 5G интернет ишке кирет

10
(жаңыланган 11:22 07.03.2021)
Өкмөт ал үчүн жаңы мыйзам долбоорун иштеп чыгат. Анын негизинде жыштыктар сынак же аукцион аркылуу бөлүштүрүлөт.

БИШКЕК, 7-мар. — Sputnik. Быйыл Нур-Султан шаарында 5G интернет түйүнү ишке кирет. Бул тууралуу Sputnik Казакстан агенттиги премьер-министрдин расмий сайтына шилтеме кылып жазып чыкты.

Санариптик өнүгүү, инновация жана аэрокосмикалык өнөр жай министринин орун басары Асхат Оразбектин айтымында, бешинчи муундагы түйүнгө өтүүгө өлкө аймагындагы байланыш операторлору даяр.

"2022-жылдын аягына чейин 5G түйүнүн республикалык маанидеги башка шаарларга да киргизүүнү пландап жатабыз. Ал эми 2025-жылга чейин бардык облус борборлору камтылат. Биз тараптан мыйзам долбоору ишке кирет. Анын негизинде жыштыктар сынак же аукцион аркылуу бөлүштүрүлөт. Мунун аркасында байланыш операторлору атаандаштыктын негизинде жыштыктарды алып колдоно баштайт", — деди вице-министр.

Ошондой эле ал жеке тараптар жыштыкты сатып алып эки жылга чейин колдонбосо, мамлекет аны тартып ала тургандай ченемдер киргизиле тургандыгын кошумчалады.

10
Белгилер:
5G, өкмөт, интернет, Казакстан
Тема боюнча
Исмаилов: 5G түйүнүн киргизүүдө коомчулукка түшүндүрүү иштери жүргүзүлөт
Эксперт интернет уурдалып жатканын кантип билсе болорун айтты
Медициналык кызматкер COVID-19 алынган үлгү менен. Архив

COVID: көз жумгандар болгон жок, айыккандар арбын. 7-марттын статистикасы

20
(жаңыланган 11:19 07.03.2021)
Кыргызстанда соңку суткада COVID-19дан каза тапкандар катталган жок. Ооруну жуктургандарга караганда айыккандардын саны арбын болду.

БИШКЕК, 7-мар. — Sputnik. Өлкөдө учурда коронавирус жуктурган 14 бейтап ооруканада өтө оор абалда жатса, 44 адамга аталган илдет жуккан. Бул тууралуу Республикалык штабдан кабарлашты.

Өткөн суткада COVID-19дан көз жумгандар болгон жок. Ал эми оорудан 46 адам айыгып кетти.

Маалыматтарга таянсак, ооруканаларда учурда коронавирустан 344 адам дарыланууда.

"Стационардагылардын ичинен 88 бейтап оор, 14 киши өтө оор абалда жатат", — деп айтылат штабдын маалыматында.

Амбулатордук дарыланууда 261 бейтап бар экени кабарланды.

Бир сутка ичинде COVID-19 U07.1 жана U07.2 катталган жаңы учурлар:

  • Бишкек - 21;
  • Ош - 2;
  • Чүй облусу – 5;
  • Нарын облусу - 4;
  • Ысык-Көл облусу – 12.

Бир сутка ичинде COVID-19дан сакайып чыккандар, пневмонияны эсепке алганда:

  • Бишкек – 17;
  • Чүй облусу – 14;
  • Ош облусу – 4;
  • Нарын облусу – 1;
  • Ысык-Көл облусу – 8;
  • Баткен облусу – 2.
20
Белгилер:
статистика, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
Коронавирустан айыккандар чалдыгышы мүмкүн болгон оорулар. Тизме
"Спутник V" Pfizer вакцинасын озду. Аны дүйнөдө 45 мамлекет жактырды
Билим берүүнү баалоо жана окутуу усулдары борборунун директору Чынара Батракеева

Батракеева: ЖРТга катталгандан кийин телефон номерди өзгөрткөнгө болбойт

0
Билим берүүнү баалоо жана окутуу усулдары борборунун директору Чынара Батракеева ЖРТга катталгандан кийин абитуриенттер телефон номерин өзгөртпөй турушу керектигин айтты.
Батракеева: ЖРТга катталгандан кийин телефон номерди өзгөрткөнгө болбойт

Онлайн катталууда бүтүрүүчү өзүнүн же болбосо ата-энесинин туруктуу номерин бериши керек. Анткени системага кирүү үчүн логин катары пайдаланылат. Бул тууралуу Чынара Батракеева Sputnik Кыргызстан радиосунун эфиринде маек куруп жатып билдирди.

Анын айтымында, быйыл ЖРТга каттоо www.testing.kg дарегиндеги борбордун сайтында жүргүзүлөт.

"Жалпы республикалык тестирлөөгө катталгандан кийин абитуриенттер телефон номерин алмаштырбай турушу зарыл. Себеби ЖРТга катталууда арыз ээси сайттагы жеке кабинетине кирүү үчүн өзүнүн телефон номерин көрсөтөт. Ал кирүү үчүн логин болот да, ага сыр сөз  берилет. Кийин ушул эле логин келечекте ЖОЖдорго онлайн кабыл алуу үчүн колдонулат. Ошондуктан окууга тапшырып бүтмөйүн номер алмаштырбай туруңуздар", — деди Батракеева.

Адис негизги жана ар бир кошумча предмет үчүн каттоо акысы 370 сом экенин кошумчалады.

0
Белгилер:
окуу, ЖОЖ, абитуриент, ЖРТ, Чынара Батракеева
Тема боюнча
Быйыл бүтүрүүчүлөр ЖРТга жаңы эреже менен катталат. Шарт-талабы