ИИМ кызматкерлери. Архив

ИИМ: Футбол күйөрмандары менен кагылышта 10 милиция кызматкери жабыркаган

63
(жаңыланган 15:58 18.06.2015)
Стадионго кире бериште 12 милиция кызматкери ар кандай жаракат алып, анын бешөөнө медициналык жардам көрсөтүлгөн. Баш мээси чайкалган деген диагноз менен эки кызматкер ооруканага жаткырылса, дагы бешөөнө оорукана баракчалары ачылган.

БИШКЕК, 18-июнь — Sputnik. Кыргызстан-Австралия оюнунда футбол күйөрмандары менен кагылышуудан ИИМ Атайын даярдыктагы аскерк полкунун (АДАП) 12 кызматкери жабыркаганын Ички иштер министрлигинин маалымат кызматы билдирди.

Оюн учурунда коомдук тартипти көзөмөлдөө үчүн милиция менен бирге АДАПтын кызматкерлери да тартылган. 

Маалыматка ылайык, стадионго кире бериште 12 милиция кызматкери ар кандай жаракат алып, анын бешөөнө медициналык жардам көрсөтүлгөн. Баш мээси чайкалган деген диагноз менен эки кызматкер ооруканага жаткырылса, дагы бешөөнө оорукана баракчалары ачылды.

Ооруканада жаткан милиция кызматкерлерин ички иштер министринин орун басары Рыскулбек Жапаркулов барып көрүп, материалдык жардам берди. 

Учурда күйөрмандар менен кагылышуудан жабыр тарткан милициянын башка кызматкерлерин да сыйлоо маселеси каралууда.

63
Белгилер:
стадион, милиция, футбол, атайын даярдыктагы аскер полку, Ички иштер министрлиги, Рыскулбек Жапаркулов, Кыргызстан
Тема:
Кыргызстан – Австралия беттеши (27)
Тема боюнча
Кыргызстандык оюнчулар гол киргизгенден кийин, күйөрман футбол талаасына чуркап чыкты
Ысык-Көл. Архив

Ысык-Көл жүрөктү дарылайт. Россиялык космонавт өзгөчө сүрөт жарыялады

3
Кадрдан Ысык-Көлдүн түштүк-чыгыш тарабындагы булут бурганагын көрүүгө болот. Сүрөт Эл аралык космостук станциядан тартылган.

БИШКЕК, 1-мар. — Sputnik. Россиялык космонавт Сергей Кудь-Сверчков Эл аралык космостук станциядан тартып алган Ысык-Көлдүн уникалдуу сүрөтүн Twitter-аккаунтуна жарыялады.

"Ысык-Көл — бул кар баскан тоолордун ортосундагы баалуу аквамарин. Ал адамдын денесин гана эмес, жан дүйнөсүн дагы дарылаган бальзам. Жүздөгөн жылдардан бери адамдарга дем берип келе жаткан Кыргызстандын бермети", — деп жазылган сүрөттүн алдына.

Кадрдан Ысык-Көлдүн түштүк-чыгыш тарабындагы булут бурганагын көрүүгө болот.

Интернет колдонуучулары космонавттан ушул сыяктуу сүрөттөрдү байма-бай чыгарып турууну суранышкан.

3
Белгилер:
сүрөт, космонавт, Ысык-Көл
Тема боюнча
Reuters Кыргызстандагы тоңуп калган Ара-Көл көлүнүн видеосун жарыялады
Президент Садыр Жапаров. Архивдик сүрөт

Садыр Жапаров эртең Казакстанга барып кимдер менен жолугары белгилүү болду

43
(жаңыланган 12:02 01.03.2021)
Жапаров коңшу өлкөнүн биринчи адамдары, тунгуч президенти жана ишкерлери менен жолугушары күтүлүүдө.

БИШКЕК, 1-мар. — Sputnik. Президент Садыр Жапаров 2-3-март күндөрү Казакстанга мамлекеттик иш сапары менен барат. Бул тууралуу президенттик апараттын тышкы саясат бөлүмүнүн башчысы Дастан Дүйшекеев билдирди.

Сапардын алкагында мамлекет башчы коңшу өлкөнүн президенти Касым-Жомарт Токаев менен сүйлөшүүлөрдү жүргүзүп, эки жана көп тараптуу кызматташуунун актуалдуу маселелерин, ошондой эле өз ара байланыштардын мындан аркы келечегин талкуулай турганы белгиленди.

"Казакстан менен кызматташтыгыбыз жогорку деңгээлде жана иш жүзүндө бардык чөйрөлөрдө эки жана көп тараптуу өз ара кызматташуунун оң динамикасы бар. Биз Казакстан Республикасы менен стратегиялык өнөктөштүктү жана союздаштык мамилелерди мындан ары чыңдоо максатын көздөйбүз", — деп белгиледи Дүйшекеев.

Мындан сырткары, Жапаров Казакстандын тунгуч президенти Нурсултан Назарбаев, Парламенттин Мажилисинин төрагасы Нурлан Нигматулин жана премьер-министр Аскар Мамин менен жолугушары күтүлүүдө.

Соода-экономикалык мамилелерди өнүктүрүүнүн маанисин эске алып, Казакстандын ишкерлер чөйрөсүнүн өкүлдөрү менен жолугушуу дагы каралган.

43
Белгилер:
иш сапар, жолугушуу, Казакстан, Садыр Жапаров
Тема боюнча
Садыр Жапаров 2-3-март күндөрү Казакстанга барат
Коңшулук мамилени арттыралы. Жапаров Өзбекстандын ТИМ башчысын кабыл алды