Анализ иштери. Архив

Испаниялык альпинисттердин өлүмүн сот-медициналык экспертиза аныктайт

27
(жаңыланган 11:26 23.06.2015)
Алдын ала маалыматтар боюнча, испаниялык альпинисттер Ала-Арча капчыгайындагы тоого чыгып баратканда кар көчүп, көчкүнүн алдында калышкан.

БИШКЕК, 23-июнь — Sputnik. Ала-Арча капчыгайында каза болгон альпинисттерге сот-медициналык экспертиза дайындалганын Чүй ИИББдин маалымат кызматы билдирди.

Алдын ала маалыматтарга ылайык, испаниялык альпинисттер Ала-Арча капчыгайындагы тоого чыгып баратканда кар көчүп, көчкүнүн алдында калышкан.

Каза болгон үч жарандын сөөгүн кароо учурунда алардын башында жана моюндарында тытылган жерлери бар экени аныкталган. Ошондой эле сандары, балтырлары, колдору, көкүрөк сөөктөрү жана жаактары сынган.

Алдын ала изилдөөлөр боюнча, 2015-жылдын 17-июнунда бул чет элдик жарандар башка альпинисттер менен чогуу Испаниядан Кыргызстанга келишкен.

18-июнда алар Ала-Арча капчыгайындагы "Актоо" тоосуна чыгышкан. 20-июнда  "Рацека" деген жерге чыгышмак, бирок топтун мүчөлөрү белгиленген күнү ал жакка келишкен эмес. Андыктан 21-июнда аларды издөө башталып, "Ак-Тоо" тоосунан алардын сөөгү табылган. Хорхэ Балис Белалдын (Ииспаниялык альпинисттердин бири) айтымында, жаш альпинисттер кар көчкүдөн улам каза болушу мүмкүн.

Топтолгон материал боюнча сот-медициналык экспертиза дайындалып, текшерүү жүрүүдө.

27
Белгилер:
Ала-Арча капчыгайы, Кыргызстан, Испания, Чүй ИИББ, ИИББ, альпинист, альпинизм
Тема:
Испаниялык альпинисттердин өлүмү (4)
Тема боюнча
Испаниялык туристтердин өлүмүнүн себептери такталды
Испаниялык үч турист Кыргызстандын тоолорунда каза болгонун Associated Press билдирүүдө
Коронавируска кабылган бейтаптарды караган медик. Архивдик сүрөт

“Омикрон” менен пандемия аяктайбы? Вирусологдун божомолу

5
Буга чейин окумуштуулар жаңы штаммдын башкаларга жугуу жөндөмдүүлүгүн жана эмдөөдөн өткөндөрдүн коргоочу антителолоруна туруктуулугун көрсөтүп жатканын айтышкан.

БИШКЕК, 4-дек. — Sputnik. Коронавирустун “омикрон” штаммынын пайда болушу менен COVID-19 илдети мурдагыдан жеңилирээк өтүп, кесепети дагы мурдагыдай оор болбой калышы мүмкүн. Мындай пикирин Sputnik радиосунун эфиринде Гамалея борборунун профессору, вирусолог Анатолий Альтштейн билдирди.

Адис ДССУнун бул вирус дүйнө жүзүнө жыл жаңырганга чейин жайылып кетет деген пикирине кошулбай турганын айтты.

"Жаңы жылга чейин жайылып кетүүгө үлгүрбөйт. Мисалы, "дельта" 2020-жылдын күзүндө пайда болуп, дүйнөнүн ар тарабына быйылкы жылдын май-июль айларында жетти. Андыктан “омикрондун” канчалык жугуштуу экенин азырынча так кесе айтууга эрте”, — деди Альтштейн.

Ошондой эле ал омикрондун кандай алсыз жактары бар экенин айтып, дал ушул штамм менен пандемия аякташы мүмкүн экенин божомолдоду.

“Штаммдын S-белогу 32 жолу мутация болгон. Бул өтө көп, демек, геному алсыз. Буга чейин жуктуруп алган 100 киши жеңил формада ооруп жатат, каза болгондор жок. Коронавирустан өлгөндөрдүн саны кадимки грипптен көз жумгандарга теңелип калганда пандемия бүттү деп айтсак болот. Бул жаатта алганда пандемия “омикрон” менен бүтүп калышы дагы ыктымал”, — деди вирусолог.

Анткен менен адис сөзүнүн соңунда бардыгы бул штамм улгайган адамдарга жеткенде гана белгилүү болорун кошумчалады.

Буга чейин ДССУ Түштүк Африкадагы Ботсвана өлкөсүндө коронавирустун B.1.1.529 аттуу жаңы штаммы катталганын, анда патоген клеткаларды жугузуучу S-белоктун 32 мутациясы бар экенин билдирген. Окумуштуулардын айтымында, SARS-CoV-2 геномундагы жаңы өзгөрүүлөрдүн көбү бул варианттын башкаларга жугуу жөндөмдүүлүгүн жана оорулуулардын, эмдөөдөн өткөндөрдүн коргоочу антителолоруна туруктуулугун көрсөтүп турат.

5
Белгилер:
коронавирус, 'омикрон' штаммы, вирусолог, божомол
Тема:
Дүйнөгө жайылган коронавирус
Тема боюнча
"Омикрон" штаммынан коргонуунун жападан жалгыз жолу айтылды
Дарбазачыга гол кирип атат. Иллюстративдик сүрөт

Египетте гол киргенине катуу сүйүнгөн машыктыруучунун жүрөгү кармап каза болду

14
(жаңыланган 18:55 04.12.2021)
Көз жумган машыктыруучунун командасы чечүүчү голду киргизген. Клуб алты күндүк аза күтүү жарыялап, машыгуулар менен оюндарды жылдырган.

БИШКЕК, 4-дек. — Sputnik. Египетте гол киргенине катуу сүйүнгөн башкы машыктыруучунун жүрөгү кармап көз жумду. Бул тууралуу Gulf News басылмасы жазды. 

Посмотреть эту публикацию в Instagram

Публикация от نادي المجد السكندري (@almagdsportsclub)

Окуя Египеттин экинчи дивизионунун оюндарында болгон. "Аль-Мадж" клубу мелдештин 93-мүнөтүндө чечүүчү топту киргизип, оюнчулар менен машыктыруучулук штаб жеңишти майрамдаган. Бөтөнчө клубдун башкы машыктыруучусу Эль-Сельхедар маңдайы жарыла сүйүнгөн.

Оюн кайрадан уланган, көрүүчүлөрдүн көңүлүн эси ооп жыгылган машыктыруучу бурган. Ал жактагы медиктер көмөктөшүп, андан кийин Тез жардам кызматын чакырганы менен ооруканага жетпей көз жумган. Дарыгерлер жүрөгү токтоп калганын айтышкан. Ал 53 жашта болгон.

Клуб алты күндүк аза күтүү жарыялаган. Команда машыгууларын токтотуп, оюндарды жылдырган.

14
Белгилер:
Египет, футбол, оюн, машыктыруучу, өлүм
Тема боюнча
Нидерландда футбол фанаттары турган трибуна оюн учурунда урап түштү. Видео