Ан-2-110 самолету. Архив

Кыргызстанда жүк ташуучу учак жүргүнчүлөрдү ташып, өмүргө кооптуулук жараткан

67
(жаңыланган 17:01 22.07.2015)
Учакты кеме командири Ильяшенконун уруксаты менен Усенов абага алып чыккан, бирок пилоттун учууга укук берген күбөлүгү болгон эмес.

БИШКЕК, 22-июль — Sputnik. Транспорт прокуратурасы тарабынан учууга уруксат берилбеген жүк ташуучу АН-2 учагы жүргүнчүлөрдү ташыган фактыны аныкталганын Башкы прокуратура билдирет.

Маалыматка ылайык, үстүбүздөгү жылдын 12-июлунда "G.R.A." компаниясына тиешелүү АН-2 учагы КРдин Аба кодексин бузуп, жүргүнчүлөр менен абага көтөрүлгөн. Аталган учак жеңил самолет түрүнө киргендиктен, эреже боюнча, өлкөнүн аба кемелеринин мамлекеттик реестринде катталышы керек. Бирок агенттик тарабынан бул учакка жүргүнчүлөрдү ташууга лицензия берилген эмес.

Мындан тышкары, АН-2 учагына бензиндин Б-95/115 түрү пайдаланышы керек. АИ-95 майын колдонууга өзгөчө учурларда жүк ташуу жана авиахимиялык иштер үчүн гана уруксат берилет. 

Мекеме учакты кеме командири Ильяшенконун уруксаты менен Усенов абага алып чыкканын, мында пилоттун учууга укук берген күбөлүгү болбогонун аныктап, бул мыйзам бузуу учак ичиндеги жүргүнчүлөрдүн өмүрүнө кооптуулук жаратканын билдирди.

Аталган факт боюнча Транспорт прокуратурасы тарабынан Кылмыш жаза кодексинин 353-беренесинин (Өзүм билемдик) негизинде кылмыш ишин козгоп, тергөө иштери жүрүп жатат.

67
Белгилер:
аба кодекси, аба каттам, учак, мыйзам бузуулар, Транспорт прокуратурасы, Кыргызстан
Тема боюнча
Жүк ташуучу унаалар үчүн жол кыймылына убактылуу чектөө коюлду
Сариев оң рулдуу автоунаада жүк ташуунун жолун тапты
Атамбаев ШКУ алкагында жүк ташуу тууралуу макулдашууга кол койду
UFC чемпиону Хабиб Нурмагомедов. Архив

Көк бөрү көрөбүз! Хабиб машыктыруучусу менен Кыргызстанга келет

72
(жаңыланган 00:06 26.11.2020)
Нурмагомедов Кыргызстанга 2018-жылы келген. Анда ал өлкөдө ушунчалык атактуу экенине таң калганын билдирген.

БИШКЕК, 25-ноя. — Sputnik. UFC чемпиону Хабиб Нурмагомедовдун машыктыруучусу Хавьер Мендез Instagram баракчасына Кыргызстанга келип, көк бөрү оюнун көрүү каалоосу тууралуу жазган.

Посмотреть эту публикацию в Instagram

Публикация от Javier Mendez (@akajav)

Мендез менен Нурмагомедов азыр Бириккен Араб Эмирлигинде жүргөнү маалым болду. Машыктыруучу Кыргызстанды кайрадан көргүсү келип жатканын кыргыз ишкери менен жолукканда айткан.

"Кереметтүү Кыргызстанга барууну чыдамсыздык менен күтүп жатам, ошондой эле көк бөрү оюнун да көрсөк дейбиз", — деп жазган Мендез. 

UFC чемпиону да Instagram баракчасынын сторис бөлүмүнө "Жакында Кыргызстанга барам" деп жазган.

Белгилей кетсек, 2018-жылы Хабиб Нурмагомедов Улуттук олимпиада комитетинин чакыруусу менен өлкөгө келип кеткен. Анда ал КРде ушунчалык атактуу экенине таң калганын билдирген.

72
Тема боюнча
Миссиямды аткардым. Хабиб кайра октагонго чыгар-чыкпасын айтты
Легендарлуу футболчу Диего Марадона. Архив

Легендарлуу футболчу Диего Марадона көз жумду

103
(жаңыланган 22:50 25.11.2020)
Аргентиналык спортчу 60 жашта болчу. Ал 30-октябрда медициналык көзөмөлдөн өтүү үчүн ооруканалардын бирине жаткырылган.

БИШКЕК, 25-ноя. — Sputnik. Футбол боюнча 1986-жылы дүйнө чемпиону болгон легендарлуу футболчу Диего Марадона көз жумду. Бул тууралуу РИА Новости Аргентинанын TN телеканалына таянып кабарлады.

Аргентиналык спортчу 60 жашта болчу.

30-октябрда "Химнасия жана Эсгрима" футбол клубуна башкы машыктыруучулук кылып жаткан Марадона бир катар текшерүүлөрдөн өтүү үчүн ооруканага жаткырылган. Кийинчерээк анын мээсине операция жасалгандыгы кабарланган. Марадона ооруканадан 12-ноябрда чыгарылганы айтылган. Футбол адисинин акыркы жылдары басканы оорлошуп, өзүн начар сезип калган.

103
Тема боюнча
Роналду, Зидан, Марадона... Дүйнөлүк футболчулардын атын алган кыргызстандыктар