Газ трубалары. Архив

Кытайга газ алып өтүүгө айыл чарба жерлери берилген. ЖКда айтылган доомат

440
(жаңыланган 12:30 03.06.2020)
Буга чейин Өзбекстан — Тажикстан — Кыргызстан — Кытай газ түтүгүнүн курулушу 2019-жылы башталып, үч жылда бүтө турганы айтылган.

БИШКЕК, 3-июн. — Sputnik. Айыл чарбага жарактуу жерлер аз болуп жатканда Кыргызстан Түркмөнстандан Кытайга газ алып өтүү үчүн айдоого жарактуу жерлерди берип салган. Мындай дооматын Жогорку Кеңештин депутаты Азиз Турсунбаев парламентке келген Жер ресурстары боюнча мамлекеттик агенттиктин директору Каныбек Ботобаевге койду.

Белгилей кетсек, бүгүн Жогорку Кеңеште "Жерди пайдалануу боюнча мыйзам актыларына өзгөртүүлөрдү киргизүү" боюнча долбоор экинчи окууда каралды.

"Газ түтүгүн алып өтүүгө Тажикстан өз аймагынан жалаң тоолуу жерлерди берген, бизде эмнегедир айыл чарба багытындагы тилкелер бөлүнгөн", — деди депутат.

Ал эми Ботобаев бул үчүн жер ээлери Кытайдан компенсация алганын белгиледи.

"Ал түтүк Чоң Алай районунун аймагы аркылуу өтөт. Айдоо жерлерден өтпөгөнгө аракет жасалган, бирок өтүп кеткен учурлар дагы бар. Жер ээлери менен Кытай тарап келишим түзүп, компенсациясын төлөп берген. Газ куурлары айылдардан өтө алыс. Анткени ал абдан кубаттуу болгондуктан, эл жашаган аймакка жакындатуу кооптуу", — деди директор.

Буга чейин Өзбекстан — Тажикстан — Кыргызстан — Кытай газ түтүгүнүн курулушу 2019-жылы башталып, долбоор боюнча үч жылда бүтө турганы айтылган.

440
Белгилер:
газ, Кытай, жер, Кыргызстан, Жогорку Кеңеш
Тема боюнча
Июнда Кытайдан жол кура турган адистер менен куруучулар алып келинет
Кыргызстандын президенти Сооронбай Жээнбеков. Архив

Жээнбеков Венгрияга расмий сапар менен барды. Кимдер коштоп жүрөт

49
(жаңыланган 23:52 28.09.2020)
Сапардын алкагында Кыргыз-венгер өнүктүрүү фондусун түзүү жөнүндө меморандумга жана эки тараптуу кызматташуу жөнүндө башка документтерге кол коюлат.

БИШКЕК, 28-сен. — Sputnik. Венгрияга расмий визит менен барган президент Сооронбай Жээнбековду Венгриянын вице-премьер-министри Михай Варга тосуп алды. Бул тууралуу мамлекет башчынын маалымат кызматынан кабарлашты.

Расмий визиттин алкагында Жээнбеков Венгриянын премьер-министри Виктор Орбан менен эки тараптуу сүйлөшүүлөрдү жүргүзөт. Алар Кыргызстан менен Венгриянын ортосундагы стратегиялык өнөктөштүк жөнүндө биргелешкен декларацияга кол коюшат.

Жээнбеков Венгрияга барат. Эки өлкөнүн соода-сатык алакасы кандай

“Жээнбеков жана Орбан Будапешт шаарындагы Түрк кеңешинин европалык өкүлчүлүгүнө барышат. Сапардын алкагында Кыргыз-венгер өнүктүрүү фондусун түзүү жөнүндө меморандумга жана эки тараптуу кызматташуу жөнүндө башка документтерге кол коюлат”, - деп айтылган маалыматта.

Кыргызстан делегациясынын катышуусунда Будапешт шаарындагы гүлбакка жазуучу Чыңгыз Айтматовдун ысымын ыйгаруу аземи болот.

Расмий визиттин алкагында Жээнбеков президент Янош Адер жана Улуттук жыйындын төрагасы Ласло Кёвер менен дагы жолугат.

Будапешт шаарындагы скверге Айтматовдун ысымы ыйгарылат

Кыргызстандын делегациясынын курамында тышкы иштер министри Чыңгыз Айдарбеков, Президенттин аппаратынын тышкы саясат бөлүмүнүн башчысы Данияр Сыдыков, Венгриядагы атайын жана толук ыйгарым укуктуу элчи Бакыт Жусупов, вице-премьер-министр Эркин Асрандиев, билим берүү жана илим министри Каныбек Исаков, айыл чарба, тамак-аш өнөр жайы жана мелиорация министри Эркинбек Чодуев, транспорт жана жолдор министри Жанат Бейшенов, каржы министри Бактыгүл Жээнбаева жана экономика министри Санжар Муканбетов бар.

49
Белгилер:
расмий сапар, Сооронбай Жээнбеков, Венгрия, Кыргызстан
Тема боюнча
Жээнбеков быйыл Венгрияга барат. ТИМ Будапештте жолугушууларды өткөрүп келди

Жээнбеков менен Путиндин Сочидеги жолугушуусу. Видео

39
(жаңыланган 23:48 28.09.2020)
Өлкө башчылары Сооронбай Жээнбеков жана Владимир Путин Сочи шаарында КР жетекчисинин жумушчу иш сапарынын алкагында жолуккан. 

Жолугушууда Жээнбеков Кыргызстан ар дайым Россиянын чыныгы дос, союздаш, өнөктөш катары колдоосун сезе тургандыгын айткан.

"Муну өзгөчө башыбызга оорчулук түшкөн, кыйын учурда сездик. Сиздерден улам өлкөдөгү эпидемиялык абалды турукташтырдык жана Россияда иштеп, жашап жаткан биздин атуулдарга көмөк көрсөтүлдү", — деди КР президенти.

Жээнбеков Путинди дүйнөдө алгачкылардан болуп россиялык вакцинанын каттоодон өтүшү менен куттуктаган.

"Коронавирус илдетине каршы россиялык вакцина жакынкы аралыкта Кыргызстанда дагы жеткиликтүү болот деп үмүт артам", — деп билдирген Жээнбеков.

Путин менен жолуккан Жээнбеков: россиялык вакцина КРге жетет деп үмүттөнөм

Мындан сырткары, Өнүктүрүү жана турукташтыруу боюнча Евразиялык фонддун Кыргызстандын экономикасын колдоо үчүн рекорддук насыяны — 100 миллион доллар бөлүп бергенине да ыраазычылыгын айтты.

Путин Россия эч качан башка өлкөлөрдүн ички саясатына кийлигишпей турганын, ошол эле учурда кырдаалды турукташтырууга жасалган аракеттерди дайыма колдой турганын айткан.

"Биз ар дайым өлкөдөгү абалды турукташтырууга аракет жасаган бийликти колдоп келебиз. Кыргызстанга дагы ошондой мамиле болот. Экономикалык жактан дагы колдойбуз", — деди ал.

Жолугушууда Жээнбеков Кыргызстанда кыргыз-орус мамилелерине доо кетирүүнү көздөгөн күчтөр бар экенин билдирди. Ошондой эле эки өлкөнүн кылымдар далилдеген достук мамилесин баалай турганын кошумчалаган.

39
Белгилер:
ыраазычылык, жардам, жолугушуу, Владимир Путин, Сооронбай Жээнбеков, Россия, Кыргызстан
Тема боюнча
Россия Кыргызстанга коронавируска каршы вакцина жөнөтүүнү көздөп жатат