Американын мурдагы Ганси авиабазасынын аймагында бейтаптарды кабыл алуу үчүн орундар уюштурулду

"Гансиде" пневмония болгондорду кабыл алуу үчүн 600 орун даярдалды. Сүрөттөр

(жаңыланган 20:37 01.07.2020)
Министрдин орун басары пневмония менен көп адам ооруп, кошумча ачылган орундар бат эле толуп калып жатканын айтты.

БИШКЕК, 1-июл. — Sputnik. "Манас" аэропортунун жанындагы Американын мурдагы "Ганси" авиабазасынын аймагында бейтаптарды кабыл алуу үчүн 600 орун уюштурулду. Бул туурасында саламаттык сактоо министринин орун басары Мадамин Каратаев эртең мененки брифингде билдирген.

  • 600 мест были подготовлены на бывшей американской авиабазе Ганси недалеко от международного аэропорта Манас
    "Манас" аэропортунун жанындагы Американын мурдагы "Ганси" авиабазасынын аймагында бейтаптарды кабыл алуу үчүн 600 орун уюштурулду
    © Фото / Пресс-служба Министерства Здравоохранения КР
  • 600 мест были подготовлены на бывшей американской авиабазе Ганси недалеко от международного аэропорта Манас
    Бул туурасында саламаттык сактоо министринин орун басары Мадамин Каратаев эртең мененки брифингде билдирген
    © Фото / Пресс-служба Министерства Здравоохранения КР
  • 600 мест были подготовлены на бывшей американской авиабазе Ганси недалеко от международного аэропорта Манас
    Анын айтымында, бул жерге пневмонияга чалдыгып, абалы орточо деп бааланган бейтаптар жаткырылат
    © Фото / Пресс-служба Министерства Здравоохранения КР
  • 600 мест были подготовлены на бывшей американской авиабазе Ганси недалеко от международного аэропорта Манас
    Буга чейин 200 орун ачылып, бүгүн эртең мененкиге чейин 130 адам кабыл алынган
    © Фото / Пресс-служба Министерства Здравоохранения КР
  • 600 мест были подготовлены на бывшей американской авиабазе Ганси недалеко от международного аэропорта Манас
    Ал эми бүгүн кошумча дагы 400 орун даярдалды
    © Фото / Пресс-служба Министерства Здравоохранения КР
  • 600 мест были подготовлены на бывшей американской авиабазе Ганси недалеко от международного аэропорта Манас
    Ошону менен бирге эле Каратаев айрым бейтаптар "Гансиде" дарылануудан баш тартып жатканын айтып, бирок ал жакта бүт шарттар түзүлгөнүн белгилеп өттү
    © Фото / Пресс-служба Министерства Здравоохранения КР
1 / 6
© Фото / Пресс-служба Министерства Здравоохранения КР
"Манас" аэропортунун жанындагы Американын мурдагы "Ганси" авиабазасынын аймагында бейтаптарды кабыл алуу үчүн 600 орун уюштурулду

Анын айтымында, бул жерге пневмонияга чалдыгып, абалы орточо деп бааланган бейтаптар жаткырылат. Буга чейин 200 орун ачылып, бүгүн эртең мененкиге чейин 130 адам кабыл алынган. Ал эми бүгүн кошумча дагы 400 орун даярдалды.

Эки күндө 26 кыргызстандык пневмониядан айыга албай көз жумду

Ошону менен бирге эле Каратаев айрым бейтаптар "Гансиде" дарылануудан баш тартып жатканын айтып, бирок ал жакта бүт шарттар түзүлгөнүн белгилеп өттү.

"Абалы орточо бейтаптарды "Гансиге" которолу десек, "жок, андан көрө үйдөн дарыланам" деп баш тарткандар болууда. Буга жолдун алыстыгын жана шарттардын жоктугу себеп экенин айтышууда. Мен ал жерде шарттар түзүлгөнүн белгилеп кетейин. Бир палатада эки гана керебет, өзүнчө душ, ажатканасы бар. Ал эми медициналык жабдуулар менен дарыгерлердин жетишпей жатканы боюнча маселе бар", — деди Каратаев.

Мындан улам Sputnik Кыргызстан Саламаттык сактоо министрлигинин маалымат кызматынан аталган жайдын сүрөттөрүн алды.

ДССУ Кыргызстанды коронавирус күчөп бараткан өлкөлөрдүн катарына кошту

Андан сырткары, Каратаев пневмония менен көп адам ооруп кошумча ачылган орундар бат эле толуп калып жатканын айтты.

"Кечээ №1 шаардык клиникалык оорукананын хирургиялык корпусунда 170 орун ачылган. Ал жети сааттын ичинде эле толуп калды. Бүгүн Дайыр Асанов атындагы улуттук аскер лицейинин жатаканасынан дагы 150 орун даярдалат", — деди министрдин орун басары.

Ошондой эле ал өкмөт тарабынан 750 кошумча орун даярдоо тапшырмасы берилгенин кошумчалады.

Белгилер:
көйгөй, пневмония, орун, кошумча акы
Тема:
Кыргызстандыктарды кыйнаган пневмония (51)
Тема боюнча
Жээнбеков менен Боронов видео аркылуу азыркы абалды талкуулашты. Сүрөт
Покупатели оплачивают покупки в супермаркете. Архивное фото

Соода кылгандан кийин чекти ыргытпагыла! Юристтин маанилүү кеңеши

Юрист чекте адамдын аты-жөнү жана банктык картасынын акыркы сандары калып каларын, аны менен шылуундар акча алууну көздөй турганын айтты.

БИШКЕК, 18-апр. — Sputnik. Соода кылгандан кийин чекти дароо ыргытып же кассага таштап салбаш керек. Аны алдамчылар пайдаланып кетиши мүмкүндүгүн РИА Новости юрист Егор Рединге шилтеме берип жазды.

Эксперттин айтымында, чек аркылуу адамдын аты-жөнүн, соода кылган картанын номеринин акыркы төрт санын билип алууга болот. Андан кийин шылуундар сиздин атыңыздан банкка кат жөнөтүп, акчаңызды уурдоого аракет кылышы мүмкүн.

"Ошондой эле алдамчы бул маалыматты колдонуу менен карта ээсин социалдык тармактардан таап, телефон номерин билип алат", — деп эскерткен Редин.

Алдамчылар дүкөндөн бонус топтойм деп чекти сурашат же акырын уурдап алышат. Андан кийин товарды коргоочу магнитинен ажыратып, көтөрүп кетишет. Кокус күзөтчү токтотуп калса башка эле бирөөнүн чегин көрсөтөт. Эгер товар карта менен төлөнсө шылуундар кайра сата алышат, ал эми акча менен төлөнсө кийимди чак келбей калды деп өткөрүп туруп акчасын алып алышат.

Белгилер:
алдамчылык, шылуун, соода, чек, юрист
Тема боюнча
Эксперт банктык карта ээлеринин эң көп кездешкен катачылыктарын атады
Беларустун ички иштер министрлигинин кызматкерлери.Архивдик сүрөт

ФСБ: Лукашенкону өлтүрүүгө камданып, Беларуста төңкөрүш даярдагандар кармалды

(жаңыланган 03:18 18.04.2021)
Зенкович АКШ менен Польшада жүрүп келгенден кийин Москвадагы ресторандардын биринде беларустук генералдар менен жолугуп, пландалган аракеттердин ишке ашышы үчүн өлкө башында тургандардын көзүн тазалоо керектигин айткан.

БИШКЕК, 18-апр. — Sputnik. Москвадан 9-май күнү Беларусь президенти Александр Лукашенкону жок кылып, өлкөдө аскердик төңкөрүш жасоого камданып жүргөндөр кармалды. Бул тууралуу ФСБнын коомдук байланыш борборуна таянуу менен РИА Новости жазды.

Маалыматта колго түшүрүлгөндөр Беларусь менен Россиянын жарандыгын алган Юрий Зенкович менен беларусиялык Флександр Федута аттуу адамдар экени айтылат.

Россиянын атайын кызматы коңшу өлкөнүн Мамлекеттик коопсуздук комитети менен биргеликте иш алып барган.

"Беларустук кесиптештердин берген маалыматы боюнча, Зенкович менен Федута мессенжерлердин биринде аскердик төңкөрүштүн планын талкуулап, Москвада оппозициялык маанайдагы генералдар менен жолугууну көздөгөн", — деп айтылат кабарда.

Зенкович АКШ менен Польшада жүрүп келгенден кийин Москвадагы ресторандардын биринде беларустук генералдар менен жолугуп, пландалган аракеттердин ишке ашышы үчүн өлкө башында тургандардын көзүн тазалоо керектигин айткан. Түзүлгөн план боюнча радио жана теле борборлорду басып алып, ички аскер бөлүктөрүнүн жолун тосуу каралган. Күч структураларынын ишин токтотуу үчүн электр энергияны өчүрүү даярдалганы маалым болду.

Натыйжада конституциялык түзүлүш өзгөрүп, бийлик "Улуттук элдешүү комитетине" өтмөк.

Зенкович менен Федутага карата Беларустун тергөө органдары 357-беренесинин ("Мамлекеттик бийликти басып алууга аракет кылуу") негизинде иш алып барууда.

Белгилер:
бийлик, мамлекеттик төңкөрүш, Өлтүрүү, ФСБ, Александр Лукашенко, Россия, Беларусь
Тема боюнча
Лукашенконун уулуна генерал наамы берилди
Лукашенко Беларустагы митингдердин көпкө созулушуна пандемияны айыптады