Экс-депутат Аида Исмаилова. Архив

Депутаттар Исмаилованы социалдык өнүктүрүү министри кызматына колдогон жок. Видео

2873
(жаңыланган 13:47 28.10.2020)
Жыйында эл өкүлдөрү Исмаилованын буга чейинки иштерин катуу сындап, июль айындагы апаатка жоопкерчилигин сурашты.

БИШКЕК, 28-окт. — Sputnik. Жогорку Кеңештин депутаттары эмгек жана социалдык өнүктүрүү министри кызматына Аида Исмаилованын талапкерлигин жактырган жок.

Жыйында депутаттар Исмаилованын буга чейин жасаган иштерин катуу сынга алып, июль айында миңден ашуун адам коронавирустан каза болушуна моралдык жоопкерчилигин сурашты.

Натыйжада добуш берүүгө келгенде 34 депутат макулдугун берди. Мындан улам анын талапкерлиги колдоо таппай калды.

Исмаилованы министрлик кызматка бекитүү үчүн кеминде 50 депутаттын макулдугу каралмак.

Жогорку Кеңеш Эльвира Сурабалдиеваны вице-премьер кылып бекитти

Буга чейин эмгек жана социалдык өнүктүрүү министри болуп Улукбек Кочкоров иштеп жаткан.

Аида Исмаилова 2015-жылкы парламенттик шайлоодо “Республика - Ата-Журт” партиясынын тизмеси менен Жогорку Кеңешке депутат болуп шайланган. Үстүбүздөгү жылдын 2-апрелинде өкмөттүн социалдык тармагына жооптуу вице-премьер болуп дайындалган. Кечээ, 27-октябрда, өз арызынын негизинде кызматтан алынды.

Ал эми жыйынтыгы жокко чыгарылган 4-октябрдагы парламенттик шайлоого “Биримдик” партиясы менен катышкан.

2873
Белгилер:
Парламент, депутат, сунуш, вице-премьер-министр, Элвира Сурабалдиева
Тема боюнча
Тилек Токтогазиев Айыл чарба министрлигиндеги көйгөйлөрдү ачыктады
УКМКнын төрагасынын мурдагы орун басары Дүйшөнбек Чоткараев. Архив

УКМК төрагасынын мурдагы орун басары алтын аткезчилиги боюнча суракка чакырылды

61
(жаңыланган 23:02 27.11.2020)
Эске салсак, Дүйшөнбек Чоткараев 2016-2018-жылдары УКМКнын төрагасынын орун басары болуп Коррупцияга каршы кызматты жетектеген.

БИШКЕК, 27-ноя. — Sputnik. УКМКнын төрагасынын мурдагы орун басары Дүйшөнбек Чоткараев УКМКга алтын аткезчилиги боюнча тергөө амалдарына катышуу үчүн чакырылды. Бул тууралуу аталган комитеттен билдиришти.

Маалыматка караганда, иштин чоо-жайы тууралуу тергөө амалдарынан кийин айтылат.

Эске салсак, Дүйшөнбек Чоткараев 2016-2018-жылдары УКМКнын төрагасынын орун басары болуп Коррупцияга каршы кызматты жетектеген.

Учурда ал президенттикке талапкерлердин бири Абдил Сегизбаевдин штабын координациялап жатат.

61
Белгилер:
аткезчилик, алтын, Дүйшөнбек Чоткараев, УКМК
Тема боюнча
УКМК төрагасы Камчыбек Ташиев ооруканага түштү
УКМК башчысы Матраимовдун өкүл баласын кабыл алды. Видео
Портфель менен киши. Архив

Беш кредитор Кыргызстандын карызын төлөө мөөнөтүн жылдырып берди. Тизме

180
(жаңыланган 23:57 27.11.2020)
Өлкө бийлиги тышкы карызды тейлөө боюнча бир катар мамлекеттер менен мөөнөттү жылдыруу боюнча сүйлөшүүлөрдү жүргүзүп жатат.

БИШКЕК, 27-ноя. — Sputnik. Кыргызстандын тышкы карызын тейлөө мөөнөтүн жылдыруу боюнча беш мамлекет менен макулдашуулар болду. Бул тууралуу Sputnik Кыргызстан агенттигине Финансы министрлигинен билдиришти.

"Бүгүнкү күндө нөл пайыздык чен менен карыздарды төлөп берүү мөөнөтүн жылдыруу боюнча беш кредитор менен макулдаштык. Алар: БАЭ, Сауд Аравиясы, Германия (KfW, Euler Hermes) жана Түркия”, — деп айтылат билдирүүдө.

Пролонгация кылынган каражаттын көлөмү 51 миллион долларга жетти. Аны мамлекет төрт жылдын ичинде кутулушу керек.

Дагы алты кредитор, анын ичинен Париж клубунун мүчөлөрү (Франция, Дания, Түштүк Корея, Япония) менен дагы сүйлөшүүлөр уланып жатат.

Эске салсак, Кыргызстандын мамлекеттик карызы 4,8 миллиард доллардан жогору. Анын ичинен дээрлик 4,2 миллиарды тышкы карызга туура келет.

180
Белгилер:
Тышкы карыз, Финансы министрлиги, Кыргызстан
Тема боюнча
КР экономикасын 2021-жылы эмне күтүп турат? ЕАБРдин сценарийи
Кытай карыз төлөө мөөнөтүн узартууга макул болуп, кошумча 3 млрд. сом сурады
Министрлик тышкы карызды төлөөнүн жолун айтып, ачылган эсепти жарыялады