Дүкөндө кардар пиязды тандап жатат. Архив

Стресстен да арылтат! Кадимки пияздын пайдалуу касиеттери

228
Ачуу жашылча А, С, Е витаминдерине бай келип, терини тунук көрсөтүүгө, ден соолукту бекемдөөгө жардам берери кошумчаланды.

БИШКЕК, 24-фев. — Sputnik. Түркиянын Milliyet басылмасы кадимки пияздын пайдалуу касиеттери тууралуу макала жарыялаганын РИА Новости жазды.

Билдирмеге караганда, аталган азык витаминге өтө бай жана ден соолукту бекемдөөгө жардам берет.

Басылма пияз сөөктү бекемдеп, холестериндин деңгээлин төмөндөтө турганын жазган. Мындан улам кан-тамыр ооруларына кабылуу тобокелчилиги азайып, жүрөктүн иштөөсү жакшыраары айтылды.

"Пиязды чийки жеген учурда тамак сиңирүү да жакшырат. Ага кошумча бул азык ичегиде пайдалуу бактериялардын пайда болушун шарттайт. Пияздын курамында ар кандай 25 антиоксидант болгондуктан, алар организмдин клеткаларынын бузулуусун алдын алат", — деп айтылат маалыматта.

Аталган жашылча оозду ар кандай бактериялардан да тазалайт. 

"Анын микробго каршы касиети тиштердин бекем болушун шарттайт. Пияздын курамында көз үчүн пайдалуу болгон "кверцетин" аттуу зат дагы бар", — деп жазган басылма.

Изилдөөдө окумуштуулар пияз уйкунун сапатын да жакшырта турганын аныкташкан. Анын курамында стресстен арылтып, ичегинин иштөөсүн жакшырткан була бар экени айтылды.

Ошондой эле аталган ачуу жашылча А, С, Е витаминдерине бай келип, терини тунук көрсөтүүгө да жардам берери кошумчаланды.

228
Белгилер:
витамин, жүрөк, ичеги, жашылча, азык, Пияз
Тема боюнча
Кандай нан кишини семиртип жибербей тургандыгын адис айтып берди
Жүрөк оорусун алдын алып, ичеги-карындын иштөөсүн жакшырткан азык аталды
Кишилер Facebook логотибине заметкаларды жазып жатышат. Архив

Facebook жүздү таануу технологиясын колдонгону үчүн 650 млн. доллар айыпка жыгылды

15
(жаңыланган 15:13 01.03.2021)
2015-жылы штат жашоочулары Facebook компаниясына каршы доо арыз жазышкан. Анда тургундар компанияны биометрикалык маалымат чогултуу үчүн жүзүнөн таануу технологияларын колдонууда мыйзам бузган деп айыпташкан.

БИШКЕК, 1-мар. — Sputnik. Американын Иллинойс штатынын тургундары Facebook компаниясы адамдын жүзүн таануу технологиясын колдонгондугу үчүн сотко берип 650 миллион доллар төлөттүрүп алды. Бул тууралуу Chicago Tribune гезити жазды.

2015-жылы штаттын жашоочулары Facebook компаниясына каршы доо арыз жазышкан. Анда тургундар компанияны биометрикалык маалымат чогултуу үчүн адамды жүзүнөн таануу технологияларын колдонууда мыйзам бузган деп айыпташкан. Facebook талашты жөнгө салуу үчүн 650 миллион доллар сунуштаган, андан мурда компания 550 миллион берерин айткан. Бирок Сан-Францисконун аймактык соту бул сумманын жетиштүү экенинен күмөн санаган.

Соттун чечимине ылайык, штаттагы 1,6 миллион тургундун сотко кайрылгандарынын ар бири компенсация катары 345 доллардан алмай болду. Каражаттын бир бөлүгү юристтин ишине жумшалат.

Маалыматта Facebook мындан ары жүздү таануу автоматтык технологиясын колдонбой турганы белгиленди. Компания колдонуучулар буга чейин деле жүздү таануу функциясын колдонуу же колдонбоону өздөрү чечип келгенин, бирок эми ал кызмат өчүк болорун, каалоочулар баракчанын тескөө бөлүмүнөн иштетип алса болорун айтышты.

15
Белгилер:
айып, Facebook, функция, сот, АКШ
Тема боюнча
Компьютерди талкалап кирген хакер эмнелерди көрө алат. Шок кылган видео
Анжелика, Асел, Самара. Instagram баракчасындагы "миллионер" жылдыздар
Май куюучу жайларда май куюу пистолеттер. Архив

Бензин 5 сомго кымбаттап кетти. Нефть ташуучулар себебин түшүндүрдү

137
(жаңыланган 14:19 01.03.2021)
Кыргызстандагы нефтретрейдерлер күйүүчү майдын баасы боюнча учурдагы абал, кымбаттоонун дүйнөлүк тенденциясы туурасында айтып беришти.

БИШКЕК, 1-мар. — Sputnik. Жыл башынан тарта Кыргызстанда бензиндин баасы литрине 4,9 сомго өстү. Бул туурасында Нефтетрейдерлер ассоциациясынан кабарлашты.

Ассоциация 2021-жылдын башынан тарта 1-мартка чейин россиялык өндүрүштөн чыккан бензиндин тоннасы 300 доллардан 500 долларга чейин өскөнүн айтышты. Кымбаттоо 67 пайызды түзүп, орточо эсеп менен алганда күйүүчү майдын литрине 14 сомдон туура келген. Дизель майдын тоннасы 360 доллардан 470ке чыккан. Пайыздык көрсөткүч менен эсептей келгенде 14 болгон. Бул литрине сегиз сом дегенди билдирет.

"Республиканын май куюучу бекеттеринде бензиндин чекене баасы бир литрине 13,8 пайызга, тагыраагы, 4,9 сомго кымбаттаган. Нефтетрейдерлер ассоциациясынан аталган продукциянын наркынын КР рыногунда кескин өзгөрүлүп жана тартыш болуп кетпеши үчүн болгон аракетин кылат", — деп айтылат маалыматта.

Ассоциациядагылар баанын кымбаттап кетүүсүнүн себептеринин бири катары сомдун долларга карата болгон девальвациясын аташкан. Сомдун баасы былтыр 21 пайызга түшүп кетип, орточо эсеп менен алганда күйүүчү майга 6-7 сом кошулган. Алардын маалыматына караганда, кыргыз сомунун былтыркы девальвациясы КМШ өлкөлөрүнүн ичинен салыштырып карай келгенде байкаларлык болгон. Мисалга алсак, армян драмы Тоолуу Карабахтагы чатактарга карабастан болгону төрт пайызга гана арзандаган.

Россиядагы мунайды кайра ишетүүчү заводдордогу баанын көтөрүлүшүнүн себептери:

  • 2020-жылдын соңунан тарта нефть продукцияларына болгон суроо-талап дүйнө экономикасынын калыбына келе башташы менен өскөн;
  • нефть продукцияларынын наркы эл аралык соода биржаларында аныкталат, баа суроо-талапты эске алып анан жаралат;
  • нефтиге болгон баанын дүйнөдө өсүп кетиши быйыл Brent үлгүсүндөгү майдын баррелине жараша 51,5 доллардан 67 долларга чейин көтөрүлүп кетишинде болду;
  • жыл башынан тарта Россиянын күйүүчү май рыногундагы тартыштык Хабаровскидеги мунайды кайра иштеткен заводдогу техникалык маселелерден улам да келип чыккан. Бул Ырааккы Чыгышка РФтин башка аймактардагы үч заводу менен Росрезервден ташышына себеп болду.
137
Белгилер:
кымбаттоо, бензин, валюта, курс, сом, девальвация, Кыргызстан
Тема боюнча
Салык кызматы: декларация тапшыруу мөөнөтү бүгүн аяктайт, жетишип калгыла
Кыргызстанда мартта күйүүчү май 10%га чейин кымбатташы мүмкүн. Себеби
Кыргыз акыны, прозаик, котормочу Жолон Мамытов жубайы менен. Архив

Жолон Мамытов өмүр баяны

0
(жаңыланган 15:39 01.03.2021)
Жолон Мамытов 1940-жылы 1-апрелде Ош облусунун Кара-Суу районунун Төлөйкан айылында төрөлгөн.

Билими:

  • 1957-1962 — Бишкектеги Скрябин атындагы айыл чарба институтунун ветеринария бөлүмүндө окуган;
  • 1969-1971 — Москвадагы Максим Горький атындагы институттун алдындагы жогорку курстан билим алган.

Эмгек жолу:

  • 1962-1968 — Кара-Суу районунун "Катта-Талдык" совхозунда башкы ветврач;
  • 1968-1969-жылдары — Ош облустук радиокомитетинде улуу редактор;
  • Кийин Ош облустук радиоуктуруу жана телекөрсөтүү комитетинде редактор, Кыргызстан кинематографисттер союзунун жооптуу катчысы, республикалык мамкинонун башкы редактору, "Кыргызстан маданияты" редакциясынын поэзия бөлүмүнүн башчысы, Кыргызстан жазуучулар союзунда төрага орун басары болуп эмгектенген.

Чыгармалары:

  • Жолон Мамытовдун алгачкы ыры 1954-жылы облустук "Ленин жолу" газетасына жарыяланган. Жолон Мамытов сүйүү темасына көп токтолгон акындардын сап башында.
  • Анын "Отту сүйөм", "Жашыл аалам", "Убакыт", "Ырлар", "Мезгилдин элеси", "Буурул таңдын жомогу", "Суунун өмүрү", "Жарышкан суулар", "Атка токум салгыла", "Жүз жашка тол кылым", "Башат жана Мухит" аттуу поэтикалык жыйнактары басмадан чыгып, адабият күйөрмандарынын алкоосуна татыган. Айрым чыгармалары орус жана башка чет тилдерге которулган. Өзү да Федор Тютчевдин, Афанасий Феттин, Владимир Маяковскийдин, Миколас Слуцкистин айрым чыгармаларын кыргыз тилине которгон.

Үй-бүлөсү:

  • Атасы Мамыт 1943-жылы Улуу Ата Мекендик согушка кетип кайтып келген эмес. Ага чейин айылда бригадир болчу. Апасы Алмакан ошол чөлкөмдө белгилүү чебер, уз, кошокчу жана ашкан сулуу аял болгон экен.
  • Акындын жубайы Меңди Мамазаирова да чыгармачыл адам, жазуучу, журналист. Акындын сүйүү ырларынын жаралышына да ушул адам себепкер.
  • 48 жашында Жолон Мамытов лейкоз (ак кан) илдетине кабылып, дарт менен жарым жылдай алышып, Москвага дарыланууга барып ошол жактан көз жумган.
0
Белгилер:
өмүр баян, таржымал, акын, Жолон Мамытов
Тема боюнча
Тоголок Молдо — өмүр баяны