Кыргыз Республикасынын конституциясы. Архив

Садыр Жапаров эртең жаңы Конституцияга кол коет

254
(жаңыланган 14:00 04.05.2021)
Иш-чара Коомдук телерадиоберүү корпорациясынын, өлкөнүн республикалык жана аймактык телеканалдарынын түз эфиринде көрсөтүлөт.

БИШКЕК, 4-май — Sputnik. Кыргызстандын мамлекет башчысы Садыр Жапаров эртең, 5-май күнү, жаңы Конституцияга кол коет. Бул тууралуу президенттин маалымат кызматынан билдиришти.

Белгилей кетсек, Кыргызстанда 11-апрель күнү жалпы элдик референдум өтүп, жаңы Баш мыйзам кабыл алынган.

"Иш-чарага мамлекеттик бийликтин бардык бутактары катышат. Эпидемиологиялык кырдаал курч бойдон калып жатканына байланыштуу чакырылган коноктор ПЦР-анализ тапшырышты", — деп айтылат маалыматта.

Иш-чара эртең менен саат 10:00дө башталып, Коомдук телерадиоберүү корпорациясынын, өлкөнүн республикалык жана аймактык телеканалдарынын түз эфиринде көрсөтүлөт.

254
Белгилер:
Кыргызстан, конституция, Садыр Жапаров
Тема:
Жаңы Конституциянын долбоору жана референдум (190)
Тема боюнча
Президент Жапаров Катардын эмири менен сүйлөштү. Козголгон маселелер
Рио-де-Жанейро шаарында метродо атышуу

Бразилияда метродо атышуу болуп, 25 киши көз жумду. Видео

82
(жаңыланган 00:31 07.05.2021)
Окуянын алгачкы мүнөттөрүндөгү видео тарап, анда жай тургундар октон сактануу үчүн жерде отурганын көрүүгө болот.

БИШКЕК, 7-май — Sputnik. Бразилиянын Рио-де-Жанейро шаарында метродо полиция менен баңгизат сатуучулардын арасында атышуу болуп, 25 киши каза болду. Бул тууралуу РИА Новости агенттиги жазды.

Окуянын алгачкы мүнөттөрүндөгү видео тарап, анда жай тургундар октон сактануу үчүн жерде отурганын көрүүгө болот.

Маалыматка караганда, шаар полициясы баңгизат сатуучуларды кармоо үчүн атайын операция жүргүзгөн. Жыйынтыгында 24 шектүү жана полициянын бир офицери каза болгону айтылат. Алардан тышкары төрт адам жаракат алган. Экөө жай тургун экени кошумчаланды.

82
Белгилер:
өлүм, видео, атышуу, полиция, Бразилия
Тема боюнча
Баткендеги үйдөн Ми-24 тик учагынан атылган авиаракета табылды. Видео
Кумтөр алтын кени. Архив

ЖК “Кумтөрдү” башкарууга мүмкүндүк берген мыйзам долбоорун кабыл алды. Шарттары

63
(жаңыланган 00:02 07.05.2021)
Мыйзам долбооруна ылайык, концессионер ишкана өз ишмердүүлүгүндө элдин саламаттыгына жана экологияга кооптуулук жаратса, аны сырттан башкаруу боюнча өкмөт чечим кабыл алуусуна шарт түзөт.

БИШКЕК, 6-май — Sputnik. Жогорку Кеңеш 6-майдагы жыйыныда корпоративдик башкаруу чөйрөсүндөгү айрым мыйзам актыларына ("Акционердик коомдор жөнүндө" мыйзам) өзгөртүүлөрдү киргизүү боюнча мыйзам долбоорун үч окууда кабыл алды.

Демилгечилер эл өкүлдөрү Акылбек Жапаров менен Бактыбек Турусбеков болду.

Мыйзам долбооруна ылайык, концессионер ишкана өз ишмердүүлүгүндө элдин саламаттыгына жана экологияга кооптуулук жаратса, аны сырттан башкаруу боюнча өкмөт чечим кабыл алуусуна шарт түзөт.

Депутат Дастан Бекешевдин “кеп “Кумтөр” ишканасы тууралуу болуп жатабы?” деген суроосуна баяндамачы Акылбек Жапаров “атын атайын атабай жатканын, бирок концессионер катары бир гана “Кумтөр” иштээрин билдирди.

Жапаровдун айтымында, министрлер кабинетинде мыйзамга ылайык өз укугун ишке ашыруу мүмкүнчүлүгү пайда болот. Ал ушул тапта экологияга келтирген зыян боюнча 3,2 миллион долларлык доо арыз каралып жатканын жана 19 адамдын каза болгонун белгиледи.

Жыйынга катышып жаткан 100 депутаттын ичинен 98и мыйзам долбооруна макулдугун берди.

63
Белгилер:
Кумтөр, Жогорку Кеңеш, мыйзам долбоору
Тема боюнча
"Кумтөрдү" Акылбек Жапаров жетектеген мамлекеттик комиссия текшермей болду