Президент Алмазбек Атамбаев принял участие в церемонии открытия памятника, посвященного 85-летнему юбилею Султана Ибраимова

Султан Ибраимовго "Кыргыз Республикасынын Баатыры" наамын берүү демилгеленди

296
(жаңыланган 06:17 12.12.2014)
ЖК депутаты Султан Ибраимовдун "Кыргыз Республикасынын Баатыры" наамына татыктуу экендигин айтты.

БИШКЕК, 11-дек — Sputnik. Белгилүү мамлекеттик жана коомдук ишмер Султан Ибраимовго "Кыргыз Республикасынын Баатыры" наамын берүү демилгесин ЖК депутаты Каныбек Иманалиев көтөрдү.

Депутат чыныгы адал эмгеги менен жогорку мамлекеттик наамга татыктуу болгон инсандар Кыргызстанда саналуу экендигин, буга чейин аталган сыйлык Абсамат Масалиевге, Искак Раззаковго ыйгарылгандыгын айтты.

"Элге өтөгөн эмгеги үчүн акыйкат баасын ала элек, эгемен кыргыздын бир дагы сыйлыгына ээ болбогон, бирок эл сүйгөн улуу инсан — Султан Ибраимов. Мамлекетти бекемдөө жылында мамлекетти кантип бекемдөөнүн үлгүсүн көрсөткөн инсан катары "Кыргыз Республикасынын Баатыры" наамын берүү жөнүндө президентке сунуштасак", — деди Каныбек Иманалиев.

Султан Ибраимов 1966-жылдан Кыргызстан КП БКнын катчысы, андан кийин 10 жыл бою партиянын Ош обкомунун 1-катчысы, кийин Кыргыз ССР Министрлер Советинин төрагасы болуп иштеген. Ал көзү өтсө да, эл арасында адилетүү, таланттуу жана күчтүү мамлекеттик ишмер катары кала берет.


296
Белгилер:
Апсамат Масалиев, Каныбек Иманалиев, Искак Раззаков, Султан Ибраимов
Россиянын учкучсуз Охотниги. Архивдик сүрөт

Россиянын учкучсуз "Охотниги" АКШ менен НАТОну санаага салууда. Себеби

169
(жаңыланган 22:51 12.08.2020)
АКШ Куралдуу аба күчтөрүнүн оор учкучсуздары айрыкча "үчүнчү дүйнө" өлкөлөрүндөгү көтөрүлүшчүлөр менен күрөшүүгө багытталган. Ал эми Россия жасалма интеллект, Су-57 менен өз ара аракеттешүүгө жөндөмдүү 5-муундагы бутасын соо калтырбаган истребителдерди даярдоодо.

Россиянын жогорку технологиялык курал чыгаруу тармагындагы ийгиликтери батыштагы "өнөктөштөрүн" тынчын алып жаткан өңдөнөт. Абройлуу каржылык-экономикалык Forbes журналы 7-августта өз темаларынан четтеп, россиялык S-70 Okhotnik (Hunter) оор учкучсузу менен АКШнын ушундай эле аппаратын өзгөчө кооптонуу менен салыштырышы муну айгинелеп тургандай. Макалага жана аталган куралдын мүнөздөмөлөрүн аскерий баяндамачы Александр Хроленко талдаган.

Америкалык басылма АКШ Куралдуу аба күчтөрүнүн "атка жеңил, тайга чак" MQ-9 Reaper аппаратынан айырмалана россиялык чалгындоочу-сокку уруучу дрону көтөрүлүшчүлөр менен күрөшүүгө эмес, толук масштабдуу аскердик жаңжалдарга багытталганын баса белгилейт. Чалгындоо каражаттарын жана 6 тоннадан ашык бомба же "жер – аба" жана "аба – аба" багытындагы ракеталарды 5000 чакты аралыкка ташый алат. "Охотник" ыраактык жана куралдануусунун ар түрдүүлүгү жагынан "болуп көрбөгөндөй мүмкүнчүлүктөргө" ээ.

Түпкүрдөгү купуя сыр же касташкандын катыгын берчү "Скиф"

Сыртынан X-47B Northrop Grumman долбооруна түспөлдөшүп кетет, бирок багыты башка. "Охотник" көзгө анча илинбес сокку урууга багытталган учкучсуз аппаратты иштеп чыгууну алда канча тездетүү пландары жарыяланды. Сериялык өндүрүшү 2024-жылы башталганы турат.

Ушундай эле долбоор АКШда учурда жылбай турат. Америкалык оор БПЛА X-47B аппараты алгач ирет 2011-жылы учурулган (ошол тушта "Сухой" корпорациясы жаңыдан "Охотникти" иштеп чыгып жаткан эле). Пентагон аскердик-деңиз күчтөрү үчүн келечектүү учкучсуз аппаратты адаптациялоо программасын 2013-жылы баштаган. Анда ал машинанын оперативдик даярдыгына 2020-жылы жетишүүнү көздөгөн (долбоорго катышкан төрт компания 15 млн доллардан алган). 2015-жылы эле Аскердик-деңиз күчтөрүнүн адистери палубалык сокку уруучу дрондун натыйжалуулугунан шек санап киришкен. Ошондон уламбы, иш тетири кеткен. UCLASS программасынын алкагында учкучсуздун макамы акырындап сокку ургучтан чалгындоочуга, андан кийин жөн эле учуучу май куйгучка чейин төмөндөтүлгөн.

АКШнын Куралдуу күчтөрү бүгүнкү күндө "ынанымдуу жол көрсөткүч" (loyal wingman) катарында башканы, салыштырмалуу чакан XQ-28 Valkyrie сокку уруучу аппаратын сыноодо. Ал болгону 450 кг. пайдалуу жүк ташыйт (бир-эки бомба же ракета), анан да "стелс" (радиолокациялык станциялардын "көзүнө" чалдыкпас) касиети жок.

"Искандерлер" РФтин деңиз чегин коргомокчу. Себеби эмнеде?

Forbes учкучсуз аппараттар багытында алгачкылардан болуп баштаса да "АКШ Россиядан кийин бүтүрөрүн" белгилөөгө аргасыз болгон. Чындап эле жогорку технологиялык куралдануу жаатында мындай көрүнүш тенденцияга айланып барат.

Аскердик интеллектуал

Бир аз мурдараак америкалык The Drive басылмасы россиялык оор учкучсуз учуучу аппаратка макалалардын бүтүндөй түрмөгүн арнаган эле. Анда "Охотник" истребителге окшош, узундугу 38, канаттарынын керилиши 62 футка, башкача айтканда, 11 жана 19 метрге жетери айтылат. Мындай өлчөмү ичинде курал-жарак жайгаштырууга, ал эми конструкциясы үндөн ыкчам ылдамдыкта учууга, жаңы Су-57 истребители менен эриш-аркак иштей алышына мүмкүндүк берет деп сүрөттөлгөн.

Кызыгуулар мыйзам ченемдүү. Оор чалгындоочу-сокку уруучу, учкучсуз-көзгө чалдыкпастарды чыгарган өлкөлөрдүн чөйрөсү өтө тар. Ал эми 5-муундагы истребителдер менен сокку уруучу учкучсуз аппараттарды интеграциялоо технологиясын азырынча эч ким өздөштүрө элек. Россия бул багытта алгачкы карлыгач болору ажеп эмес.

F-35ти модернизациялоо. АКШнын доо кеткен беделин бийиктетүү аракети

"Охотниктин" так мүнөздөмөлөрү, аскердик багыты, жабдылышы жана куралданышы дагы бир топко чейин купуя сакталат. Белгилүү тарабы – учкучсуз "учуучу канат" схемасы боюнча душмандын радиолокациялык станцияларга көрүнүшүн төмөндөтүүчү композиттик материалдарды колдонуу менен аткарылганы. Тескелүүчү тартылуу вектору бар реактивдүү кыймылдаткыч менен жабдылган, ылдамдыгы саатына 1000 чакырымга чейин чыгат. 5-6 тонна аскердик жүктү ташууга жөндөмдүү. Учуш салмагы – 20 тоннага дейре. Абадан коргонууга каршы туруу шарттарында да иштей алат. Эки жылдан бери уланып келе жаткан сынамык учуштар мына ушул артыкчылыктарын далилдеди.

Андан тышкары, "Охотникке" жана анын "өзүнөн кичине туугандарынын" бүтүндөй катарына жасалма интеллект жалгаштырылууда. Су-57 оор истребителдеринин (РФ Коргоо министрлиги баштапкы баскычта 76 машинага буюртма берген) топторунда "Охотник" учкучсуз учуучу аппаратынын аскердик мүмкүнчүлүктөрү жол салгыч катары кыйла артарын боолголоого болот. Себеби Су-57 аба жана жердеги буталарын 400 чакырымга чейинки аралыктан кармоого, 62 объектиге чейин коштоп, сокку уруучу учкучсуздарга бута көрсөтмөлөрүн жөнөтүүгө жөндөмдүү.

Су-57 бешинчи муундагы америкалык истребителдеринен айныгыс артыкчылыктарын (пилотаждык сапаттары жогору, бортунда 10 тонналык арсенал (гипер үндүү куралды кошо санаганда) уникалдуу негизги радиолокациялык станциясы жана буталарды кармоонун оптикалык-электрондук тутуму) эске алсак, "Охотник" тибиндеги учкуч жана аскердик роботторду натыйжалуу өз ара аракеттешүүсүнүн ири мүмкүнчүлүктөрү жаралат.

Артиллеристтердин кыялы. Талаа-түздө сыналган "Тюльпан" миномёттору

Оор чалгындоочу-сокку уруучу учкучсуз аппараты Россиянын Космостук аба күчтөрү жана Аскердик-деңиз күчтөрүнө кызмат өтөй алат. Ошону менен бирге келечегинен көптү үмүттөндүргөн авиаташуучу "Охотник" кемелери жана модификацияланган Су-57 да бирге жайгаштырылып, аскердик тапшырмаларды чогуу аткара алышат. Келечекте россиялык оор учкучсуз аппаратынын абада аткарчу аскердик иши мол болчудай.

Абада артыкчылыгы арбын

АКШнын Аскердик аба күчтөрү 7-августта Невада штатындагы үч күндүк окуунун аяктаганын жарыялады. Ага F-22 Raptors жана F-35A Joint Strike Fighter стелс-истребителдери, бомбалоочу-көзгө чалдыкпас B-2A Spirit, стелс-дрон RQ-170 Sentinel (өтө жашыруун 44-чалгындоочу эскадрильядан), ошондой эле Аскердик-деңиз күчтөрүнүн "көзгө чалдыкчу" F-15E Strike Eagle истребителдери жана радиоэлектрондук күрөштөгү EA-18G Growler учагы оголе көп санда катышты.

1,4 млн доллар каражат жумшалган бул иш-чара жогорку технологиялык душманына (АКШнын Түндүк жана Түштүк Америкасында болбогон) каршы агрессияга олуттуу даярдык сымал көрүнөт. Машыгууларда учактар эшелондолгон абадан коргонуу аймактарына тымызын кирүү, радиоэлектрондук басуу жана шарттуу душмандан коргонуу каражат жана тутумдарын талкалоо ыкмаларын аткарышкан.

Кургакта да, сууда да… Россиялык флот Бе-200 амфибиялык учагына ээ болду

Эмнеге даярданышканын деле болжош татаал эмес. Былтыр сентябрда АКШнын Европадагы Куралдуу аба күчтөрүнүн командачысы Жеффри Харриган Калининград облусунун көп катмарлуу абадан коргонуу тутумун жырып өтүү боюнча Пентагондун планы бар экенин жар салган, ал эми андан бир ай өтпөй Калининград облусун Польша жана АКШ тарабынан басып алуу планы жарыяланган.

Пентагон Россияны россиялык чек араларда улам катуулай, акылга сыйбаган тейде "ооздуктап" келет. Балтий жана Кара деңиздин үстүндөгү аба мейкиндигинде америкалык чалгынчыларды окко учууга эле коюшкандай. Бул – куралдуу тегиздиктеги концептуалдык жаңжалды трансформациялоо ниетиндеги ачык жана жоопкерчиликсиз чагым. Ал ортодо 2020-жылы Кошмо Штаттардын чалгындоочу учактарынын кармалышы РФтин чек арасына жакын учуп келүүлөрүнүн көп кармалышынын аягы да кайгылуу кесепеттерге кептеши мүмкүн.

The National Interest америкалык журналынын серепчилери бул окуяларга Вашингтонду түз эле айыптаган. Болбосо, Россия реакция кылууга, тагыраагы, сокку уруучу жана коргонуу каражаттарын бардык чөйрөдө – жерде, деңизде, абада да пайдаланууга аргасыз. Горизонтто "Охотник" оор сокку уруучу учкучсуздун пайда болушу да мыйзам ченемдүү жана өз маалында чыгарылганы айкын. Global Firepower маалыматына таянсак, НАТО боюнча союздаштарынын аскердик авиациясын эсептебегенде эле Кошмо Штаттардын 2000дин тегерегиндеги сокку уруучу учагы, Пентагондун 5000ден ашуун учуучу аппараты бар.

Салыштырсак, Россиянын Коргоо министрлигинин 870 чакты истребители, бомбалоочу жана чабуулчусу, жалпы 4000дин айланасындагы учуучу аппараты бар. Балким, Вашингтонду Мексика же Кубанын аймагынан "ооздуктоого" россиялык учактар аздык кылар, бирок Москва андай максатты көздөбөйт.

Саатына 155 чакырым! Аэромобилдик "Стрела" сооттолгон унаасынын арышы

Евразиялык континентте РФтин Аба-космостук күчтөрү коргоо маселелерин гана чечет, сокку уруучу авиациянын мүмкүнчүлүктөрүн Абадан жана Ракетага каршы коргонуу тутумдары жана каражаттары толуктайт. Алар россиялык чек аралар периметрлери боюнча жайгаштырылган.

Невадагы абадан коргонуунун эшелондоштурулган тутумун жырып өтүү планы жана АКШнын Куралдуу-аба күчтөрүнүн "көзгө чалдыкпастарынын" тийиштүү машыгуулары деле майнапсыз жана "реалдуулуктан учуп чыккан" америкалык аскерлердин өмүрү үчүн өтө кооптуу.

Учкучсуз "Охотник" — келечекке чоң кадам, абада үстөмдүк кылууга жетишүүнүн перспективдүү россиялык жүздөгөн инструменттердин бири гана болуп саналат.

Россиянын жогорку технологиялык коргонуу мүмкүнчүлүктөрү күчөп келе жаткан коркунучтарга каршы тура алат жана батыштагы "өнөктөштөрүнүн" эмитен эле жанын жай алдырбагандай эле күчкө ээ. Бул жагынан Пентагон жана НАТОнун сан боюнча артыкчылыгын РФ мындай кубаттуулугу менен теңдеп коёт десек жарашат.

169
Белгилер:
Аскерлер, Аскер, курал, НАТО, Батыш, Россия, истребитель
Тема боюнча
Россиянын топ жарышы. Аскердик роботтор адам менен "тил табышат"
Токтогул суу сактагычы. Архив

Токтогулдагы абал: кышында электр кубатынан кыйналбайбызбы? Эксперттик пикир

225
(жаңыланган 23:33 12.08.2020)
Суу сактагычтан суу агызууда эмнеге Борбор Азия өлкөлөрүндөгү энергетикалык айлампа көйгөйдөн арыларын, ошондой эле жайкысын суу жана электр кубаты кимге жана эмнеге берилерин серепчилер Sputnik Кыргызстанга түшүндүрүп беришти.

Социалдык медиада кыргызстандыктар алдыдагы күз-кыш маалында өлкөнүн электр энергиясы менен камсыз кылуу көйгөйүн кызуу талкуулашууда. Эл суук түшкөндө кайрадан кезек менен жарык өчүрүлө баштайбы деп чочулайт. Токтогул суу сактагычындагы суунун төмөн деңгээлине расмий себеп катары суунун сезондук аздыгы аталганы менен жарандар сууну "сатып салышты" деп шектенишет.

Sputnik Кыргызстан радиосу адистер менен маектешип, электр кубатын алуу үчүн топтолгон сууну байкатпай "сатыкка агызууга" мүмкүн болор-болбосун тактап көрдү. Биздин суроолорубузга Токтогул суу сактагычында эмгектенген техникалык адис, энергетика тармагындагы серепчи жана аткаминер жооп берди.

Улуттук энергохолдингдин көз карандысыз эксперти, "Жогорку Нарын ГЭСтери" ЖАКтын башкаруу тобунун мүчөсү Чоробай Акунов өлкөдөгү суу сактагычтарда эбак онлайн-камералар орнотулган. Алар аркылуу суунун деңгээлине жана агызылышына көз салынарын билдирет.

Ветеран энергосистемы Чоробай Акунов в пресс-центре Sputnik Кыргызстан на мастер-класс Как уберечься от удара током — самое важное об электричестве.
© Sputnik / Табылды Кадырбеков
Улуттук энергохолдингдин көз карандысыз эксперти, "Жогорку Нарын ГЭСтери" ЖАКтын башкаруу тобунун мүчөсү Чоробай Акунов
"Ушул тапта Токтогул суу сактагычында суунун көлөмү – 14 миллиард 200 миллион кубометр. Бул күз-кыш маалынан дурус эле чыгуу үчүн ушул деңгээлде сактап туруу керек. Мисалы, Казакстан менен келишим бар, ага ылайык, биз жайкысын суу, ал эми кышкысын коңшулардан өз керектөөбүздү жапкыдай көлөмдө электр алабыз. Биздин кубаттуулук керектөө көрсөткүчтөрү менен шайкеш келгендигинен улам ушундай тартипте аткарылат", — дейт Акунов.

Анын айтымында, Өзбекстан жана Тажикстанда да бүт Борбор Азиядагыдай эле суунун тартыштыгынын айынан кыйын кырдаал түзүлөт.

"Негизи суу-энергетикалык көйгөйүн чечүү жолдорунун бири – борбор азиялык энергетикалык айлампа  (шакекче) түзүү. Бул энергетикага гана тургай, экономикага да кыйла пайда алып келмек. Андай учурда суунун сатылышы жөнүндөгү курулай айыптоолор да жаңырбас эле. Бул тармакта 47 жыл иштеп жүрүп, сууну тымызын сатып жатышканын көргөн эмесмин, андай нерсе техникалык да, бюрократиялык жактан да кыйын. Дээрлик ар бири эле чуу көтөрөт, бирок эч кимди колунан кармап алыша элек", — деп эксперт мындай сөзгө таң калганын жашырбайт.

"Электр станциялары" ААКтын энергетикалык жабдууларды пайдалануу жана оңдоп-түзөө кызматынын жетекчиси Улукбек Мамыралиев энергетиктерге сууну агызып жана сатып жиберди деген күнөөлөр жыл сайын тагыларын айтат.

Начальник службы эксплуатации и ремонта энергооборудования ОАО Электрические станции Улугбек Мамыралиев
© Фото / Тагжана Айдаралиева
"Электр станциялары" ААКтын энергетикалык жабдууларды пайдалануу жана оңдоп-түзөө кызматынын жетекчиси Улукбек Мамыралиев

"Суу сактагычтагы ар бир куб метр эсепте, себеби камералардан сырткары жабдыктар бар. Күн сайын компаниянын сайтында суунун чыгымы жарыяланып турат, ал электр кубатын иштеп чыгууга шайкеш  келет.

Өлкөдөгү өзүн-өзү актай турган ГЭСтер кайсылар экени маалым болду

Өлкөнүн энергетикалык тутуму — бул каалаган убакта туташтырып же өчүрүп койгудай батарейка эмес. Кыргызстандыктар эртең менен электрди өтө көп пайдаланат. Энергия менен камсыздоо үчүн керектөөгө ылайыктап сууну кое беришет. Кечке жуук да ушундай эле көрүнүш. Генераторлор эч качан курулай иштебейт", — дейт Мамыралиев. Адис сууну жөн гана агызуу суунун көлөмү ашыкча болгондо гана жүргүзүлөрүн тактап өттү.

"Токтогул суу сактагычынын толук көлөмү — 19,5 миллиард кубометр. Бүгүн деңгээли абдан төмөн, андан улам сууну агызуу туурасында сөз да болбойт, анткени суу энергия иштеп чыгуу үчүн зарыл. Мындан тышкары, кандай агызылса да, анын алдындагы ГЭСтер (ал жактарда күтүүсүз жагдай жаралып калышы ыктымал) жана бардык инстанциялар менен макулдашуу абзел. Шлюзду көтөрүү үчүн бүтүндөй бир жумушчу күн кетет. Бул — татаал техникалык процесс, андыктан коомчулукка жана көзөмөлдөөчү органдарга байкалбай калбайт", — дейт ал. Негизи санкцияланбаган, анан калса, сатуу үчүн сууну агызуу мүмкүн эмес.

"Электр станциялары" ААКтын башкы директорунун биринчи орун басары Таалайбек Бектенов суунун аздыгына карабастан Кыргызстандын калкы тийиштүү көлөмдө электр кубаты менен камсыз болорун белгилейт.

Первый заместитель генерального директора ОАО Электрические станции Таалайбек Бектенов
© Фото / Тагжана Айдаралиева
"Электр станциялары" ААКтын башкы директорунун биринчи орун басары Таалайбек Бектенов
"Суунун сатылышы тууралуу билдирүүлөр суунун көлөмү аз болгондо дароо жаңыра баштайт. Чындыгында биздин республика, Борбор Азиянын бөлөк өлкөлөрүндөй эле суу азайган мезгилге туш боло баштады. Бирок суунун деңгээли – стратегиялык мүнөздөгү жана энергетикалык коопсуздук маселеси. Ал мамлекеттик структуралар, анын ичинде улуттук коопсуздук органдары тарабынан көзөмөлдөнүп турат. Онлайн-камералар, ар күнкү маалымат жана гидроагрегат режимине саат сайын көзөмөл, турбина аркылуу агып чыккан суунун көлөмү суунун сатылышы күч жагынан да, техникалык жактан да дегеле мүмкүн эмес", — дейт Бектенов.

Казакстан менен түзүлгөн келишимдерге ылайык, Кыргызстан жайкысын электр жана аны генерациялоого жетишерлик сууну берет. Ал эми кышкысын, энергия жетишсиз боло баштаганда кайра алат.

"Өзбекстан менен андай макулдашуу жок, бул өлкөнүн керектөөсүнө ылайыктап энергияны иштеп чыгууну түзбөйбүз. Үч-Коргон ГЭСинен кийин суунун баары суу ресурстарына жооптуу болгон мамлекеттик органдын карамагына өткөрүлөт. Биздин энергетикалык тутум үчүн коңшу өлкөлөр менен товар алмашуу аркылуу гана эмес, өз ара иштешүү абдан пайдалуу.

Токтогул ГЭСи — асмандан жана ички көрүнүшү

Борбор Азияда бирдиктүү энергетикалык айлампаны түзүү бүтүндөй регионду ынанымдуу жабдууну камсыздайт. Бирок маселелердин кеңири тизмесин, атап айтканда, суу ресурстары, айыл чарбасын да козгогондуктан, ар бир өлкөнүн кызыкчылыктары эске алынууга тийиш. Энергетикалык тутумдун мындай иш тартиби аймактагы бардык мамлекеттердин бирдиктүү ыкмасын талап кылат", — дейт эксперт.

Окумуштуу  бирдиктүү ыкма натыйжалуу экени талашсыз болгону менен азырынча жогорку деңгээлде андай макулдашууга жетише албай жаткандыгыбызды кошумчалады.

225
Белгилер:
сатуу, Суу, кыш, электр кубаты, Токтогул суу сактагычы, Кыргызстан
Тема боюнча
Кыргызстанда чакан гидроэнергетика канткенде өнүгөт?
Быйыл электр энергиясын иштеп чыгууга суу жетеби? Адистин пикири
Россиянын коронавируска каршы вакцинасы

Коронавируска каршы вакцина: гениалдуу нерсенин баары жөнөкөй

0
(жаңыланган 22:59 12.08.2020)
Россия дүйнөдө биринчилерден болуп коронавируска каршы вакцинаны каттоодон өткөргөнүн жар салды. Колдоп ыраазычылык айткандар, сындап нааразы болгондор да кездешти дейт дарыгер Сергей Царенко.

Биз, дарыгерлер, коронавирус жуккан бейтаптарды дарылап айыктырууда моноклоналдык антителону, стероиддерди, вируска каршы дарыларды колдонуп, ийгиликке жеттик. Ооругандар азыраак көз жума баштады, ал эми оор абалда жаткандарды баары бир өпкөнү жасалма дем алдыруучу аппаратка туташтырууга аргасыз болдук.

Ар бир он кишинин алты-сегизи оорукана ичиндеги инфекциядан каза тапты. Андай ноокастарды жаңы антибиотиктер сактап калмак эле. Бирок аларды иштеп чыгуу үчүн көп жылдар керек. Дагы башка жолу бар. Ал – адамдарды оору жуктурбай аман алып калуу. Бардык жагынан алганда бул жакшы. Адам оорубайт, айланадагыларына илдетти жуктурбайт. Негизи адам кеселге канчалык туруштук берсе, коомчулуктун иммундук катмары калың болуп, эпидемия эртерээк кайтат.

Путин COVID-19га каршы россиялык алгачкы вакцина каттоодон өткөнүн кабарлады

Азырынча ооруга болгон туруктуулук эгерде ал ооруп айыкса гана калыптанат. Дагы бир коопсуз жолу бар, ал — иммунизация. Анан калса Гамалея институтунун адистери иштеп чыккан майнаптуу жана коопсуз вакцина бар. Бул институт автомобиль курууда "Мерседес" кандай кадыр-барктуу бренд болсо, микробиологияда дал ошондой дөө-шаа.

Мен академиктер Гинцбург менен Логуновду көп жылдан бери жакшы билем. Алардын кызматкерлери менен туруктуу бактерияларга каршы күрөшүү боюнча жаңы ыкмаларды иштеп чыгып келе жатабыз. Мындан сырткары, Эбола жана MERS вирусуна каршы вакцина чыгарышты. Жөн гана ойлоп чыгарып коюшпай, аны майнаптуу жана коопсуз кылышты.

Адам үчүн коопсуз болгон аденовирус ташып жүрүүчү ракета сымал орбиталдык станцияга коронавирустун кичинекей бөлүгүн жармаштырып койду. Аны адамдын ичине, организмине кое берди. Мындан улам экөөндө тең иммунитет пайда болду. Ийгиликти бекемдеш үчүн ошондой эле "орбиталдык станцияны" башка аденовируска "ташып жүрүүчү ракетага" кое беришти. Кайрадан иммунитет пайда болду. Жыйынтыгында эки аденовируста алсызыраак (себеби ал организмге кереги жок да), ал эми коронавирустан — туруктуу жана ишенимдүү иммундук коргоо жаралды. Сонун, гениалдуу.

Каттоодон өткөн россиялык вакцина жапырт колдонууга качан чыгары айтылды

Вакцинаны ыктыярчы адамдарга сынап көрүштү. Алардын бардыгы Гамалея институтунун кызматкерлери эле. Алар аркылуу биринчи поезд өттү! Мындан кийин вакцинаны аскер кызматкерлерине сынашты. Биринин да ден соолугунда көйгөй жаралган жок, бардыгында кубаттуу бир иммунитет пайда болду.

Албетте, бүткөн ишке сынчы көп. Басылмаларда сындар жаады. Көп сөздөр айтылды. Акыркысына эле токтолсок, чочуй тургандай нерсе. Инфекцияны толук жок кылбайт же антитело вирустун клеткага киришинин натыйжалуулугун күчтөндүрөт (ADE) дешти. Бул адис эместер үчүн коркунучтуу. Ал эми вирусологдор ADE натыйжасы Денге лихорадкасы үчүн эле эмес, вакцинация менен да байланышпагандыгын билишет. Калган учурларды майнапты пробиркадан гана көрүшөт.

Ушул жерден суроо жаралат. Басылмалардагы бул кампанияны ким каржылап жатат? "Көз карандысыз" эксперттер кимден көз каранды? Полишинель сыры: россиялык окумуштуулардан артта калып калган башка вакциналардын өндүрүүчүлөрүнөн көз каранды. Дагы вируска каршы дарыларды чыгаргандар бар. Кээде ал препараттар оору менен күрөшүүдө майнабын берет. Бирок ал оорунун жеңил түрүнө кабылганда жардамчы, бирок башка кыйыр таасирлери толтура.

Россияда COVID-19га каршы вакцина алгандар ооруканадан чыкты. Видео

Иштеп жүргөн бизге окшогон дарыгерлер, мисалы, ушундай майда нерселерди көргөндө уяласың. Бизге качан коронавирус жуктурган бейтаптар келбей калат, эпидемиядан улам кол жетпей жаткан башка ооруларды качан дарылайбыз деп күтөбүз.

0
Тема:
Дүйнөгө жайылган коронавирус
Тема боюнча
Россия: коронавируска каршы чыгарылган бир вакцина баарына жарай бербейт