Кордес: санкция Россиянын экономикасы менен саясатын чөгөлөтө албайт

© Sputnik / Владимир Астапкович / Медиабанкка өтүүСаммит лидеров глобального бизнеса в Санкт-Петербурге
Саммит лидеров глобального бизнеса в Санкт-Петербурге - Sputnik Кыргызстан
Жазылуу
ЕБ менен АКШнын санкциялары орто аралыктагы келечекте да каалаган натыйжаны бербейт деп эсептейт немис экономикасынын Чыгыш комитетинин төрагасы Экхард Кордес. Анын айтымында, санкциялар болгону "Россияда менталитет-баррикада өңдүү бир нерсени жаратып жатат".

БИШКЕК, 22-дек — Sputnik. ЕБ менен АКШнын Россияга карата санкциялары өлкөнүн экономиксы менен саясатын, чөгөлөтө албайт деп эсептейт немис экономикасынын Чыгыш комитетинин төрагасы Экхард Кордес, деп билдирет РИА Новости.

"Санкциялар Россиянын экономикасын да, саясатын да тизе бүктүрүп чөгөлөтө албайт. Менин оюмча, алар орто аралыктагы келечекте да коюлган максаттар жагынан каалаган натыйжаны бербейт", — деди Кордес Deutschlandfunk немис радиостанциясына берген маегинде.

Ошондой эле Кордес санкцияларды катуулатуу абалдан чыгууга жардам бербейт деп белгиледи. "Тескерисинче, алар Россияда менталитет-баррикада өңдүү бир нерсе жаратып жатат, жана россиялыктар президент Владимир Путинди колдоодон баш тартпайт", — деп кошумчалады Кордес.

Комитет башчысынын пикири боюнча, кырдаалдан чыгуунун жалгыз жолу өз ара айып коюуларсыз сүйлөшүүлөрдү жүргүзүү болуп эсептелет. "Азыр биз туш болгон саясий каатчылыкты экономикалык санкциялар эмес, саясий жол менен чечүү зарыл", — деди серепчи.

"Россия орто жана узак мөөнөттүү келечекте ЕБнын, ошондой эле Германиянын экономикалык жана саясий өнөктөшү бойдон калышы керек", — деп баса белгиледи Кордес.

Россия менен Батыштын мамилелери Украинадагы кырдаалга байланыштуу начарлап кеткен. Июлдун аягында ЕБ менен АКШ айрым адамдар менен компанияларга каршы даректүү санкциялардан Россия экономикасынын бүтүндөй тармактарына каршы санкцияарга өткөн. Россия буга жооп кылып өзүнө каршы санкция киргизген өлкөлөрдөн: АКШдан, ЕБ өлкөлөрүнөн, Канададан, Австралиядан жана Норвегиядан азык-түлүк товарларынын импорттолушун чектеген.

Жаңылыктар түрмөгү
0