Евробиримдиктин желеги. Архив

ЕБнын долбоорлору чет элдиктердин консалтингдик бизнеси болуп эсептелет эксперт

21
(жаңыланган 10:01 13.03.2015)
Эксперт Шерадил Бактыгулов КРде мыйзам үстөмдүгү боюнча долбоорлор зарыл, бирок иштин натыйжалуулугу үчүн алардын формасын өзгөртүү керек деп эсептейт.

БИШКЕК, 13-мар. — Sputnik. Европа биримдиги Кыргызстанда мыйзам үстөмдүгүн жогорулатууга багытталган бир катар долбоорлорду баштап жатат. Бул ЕБнын аталган багыттагы үчүнчү ири долбоору жана алар GIZ, ACTED, IWPR жана Ханнс Зайделдин фонду тарабынан ишке ашырып келет.

Эксперт Шерадил Бактыгулов мындай долбоорлордун иш натыйжалуулугу жана алардын өлкөдө жүргүзүүнүн максатка ылайыктыгы тууралуу Sputnik кабарчысынын суроолоруна жооп берди.

— Кандай дейсиз, КРде мыйзам үстөмдүгү багытындагы иштер туура жүргүзүлүп жатабы?

— Менин оюмча, мындай иштер Адилет министрлиги эмес, Сот корпусунун өз алдынча башкаруу органы болуп эсептелген Сотчулар кеңеши жана анын ишин камсыз кылуучу Сот департаменти тарабынан жүргүзүлүшү керек. Бирок бүгүнкү күндө аталган долбоорлор дал ошол министрлик аркылуу ишке ашырылыууда.

Сот реформасы боюнча долбоорлук иш тренингдер аркылуу аткарылып жатат. Коюлган максаттарга жетишүү үчүн мындай иш таптакыр жетишсиз. Мында окутуунун жалпылаштырылган бирдиктүү системасы керек. Ал эми азыр болсо адистерди бул тема боюнча эмнелерге окутуу керектигин донор чечип, аны жергиликтүү көз карашта эмес, чет элдиктин көз карашындагы түшүнүк боюнча берип жатат. Тиги же бул маселени чечүү жагынан Европанын мамилеси жкна көз караштары таптакыр башка да. 

Бирок мунун жакшы жкатары да бар. Мисалы, экинчи долбоорду ишке ашырууда Жазаларды аткаруу боюнча мамлекеттик кызмат системасына колдоо көрсөтүлүп, техникалык каражаттар, автоунаалар, байкоо жүргүзүүчү камералар, компьютердик техника ж.б. бөлүнүп берилген. Бул аталгандай долбоорлордун алгылыктуу натыйжалары болуп эсептелет. 

Тренинг жана башка аракеттердин тыянактары тууралуу айтсак, жардам көзгө илинерлик болушу керек. Жана ал жарыяланган долбоорлордун кагаз бетинде гана эмес, иш жүзүндө болушу туура. Кыргызстандын карапайым тургуну муну сырттан болгон таасирден эмес, соттун же башка инстанциянын калыс чечимин алуу менен сезгидей болушу керек. Мындай тренингдерге мамиле бир жактуу эмес. Мисалы, соторду азыр кызыктыруучу темалар тренингдин кучагына алынган эмес. Ал эми тренингден алынга билимди иште колдонуу, ал билимдердин кагаз бетинде калышынан бир топ баалуу эмеспи. 

Бул үчүнчү жана эң ири долбоор. Жана ал сот чечимдеринин калыстыгын жана өң карабастыгын, ошондой эле мамлекеттик башкаруу органдары тарабынан колдонулушу укугун камсыз кылышы керек. Бирок, тилекке каршы, бул азырынча жетишиле элек. Сотчулардын иш-аракеттери натыйжалуу болушу зарыл, ал эми демократиялык өзгөрүүлөрдүн өнүгүшү жана мамлекеттин диний эместик багытын колдоо мындай долбоорлор берүүчү кошумча натыйжалар болуп эсептелет.

Биз мыйзамдын үстөмдүгү жөнүндө кеп кылганда ал сот системасына гана эмес, өлкөнүн жалпы укуктук системасына тиешелүү болот. Мисалы, мамлекеттик каттоо кызматынан паспорт, жер үлүшүнүн документтерин алууда ж.б.Бирок иш жүзүндө укуктук системага канча даттануулар келип жаткандыгына, кыянаттык менен пайдалануу, ачык эле алдамчылык канча болуп жатканына өзүбүз күбөбүз.

Бирок чынында көпчүлүк долбоорлор чет элдиктердин аткаруусу үчүн жүргүзүлөт, себеби бул консалтингдик бизнес. Мунун 70-жылдары америкалыктар ойлоп чыккан. Муну менен элдер акча табышат.

— Мыйзам үстөмдүгү боюнча биринчи долбоор ишке ашырылгандан бери бир нерсе өзгөрдүбү?

— Жок, абал өзгөргөн жок. Андан бери укук тармагына кандайдыр бир кескин өзгөрүүлөр болгон жок. 12-15 жыл мурун электрондук документтерди жүгүртүү системасын түзүү жөнүндө айтылып, анда сот чечимдери күнүнкүсү күндө жарыяланып турмак, бирок бул азыркыга чейин аткарылган жок. Сот чечимдеринин санынан, соттор тууралуу айтылып жүргөн азил тамашалардад бул системага нааразылык кайра күч алып жаткандыгын байкаса болот. Ооба, ададмар иштегенге аракет кылууда, бироок баары баягы эле ордунан жылган жок. 

Сотторго ишенич жок жана калктын мамлекеттик огандарга ишенүүчүлүк көрсөткүчү боюнча сот системасы эң төмөн деңгээлде турат.

— Анда мындай долбоорлордун кереги барбы? 

— Долбоорлор керек. Алар маселенин каржылык жагын чечип жатат, анан калса сотторду окутуу программалары баары бир керек. Өз каражатыбыз болбогон соң, донорлорду тартуу туура. Бирок азыр 30 жыл мурун түзүлгөн долбоорлорду аткаруу формаларын өзгөртүүгө мезгил жетти. 

21
Белгилер:
сот, мыйзам үстөмдүгү, долбоорлор, каражат, Евразиялык экономикалык биримдик, Шерадил Бактыгулов
Россиялык саясатчы Алексей Навальный. Архив

Германия Алексей Навальныйды үн катпоого мажбурлайт. Саресеп

95
(жаңыланган 15:05 17.09.2020)
Алексей Навальный социалдык медиага ооруканага жаткырылгандан кийин биринчи сүрөтүн жарыялады. Саламаттыгы жакшыра элек болсо да, жалпысынан жылыш бар экенин кошумчалаган.

Ал эми Германиянын тышкы иштер министри Хайко Маас дүйшөмбүдөгү басма сөз жыйынында блогердин "Новичок" менен ууланышы боюнча тыянактарды сындоону токтотууну талап кылды. Анткени, анын айтымында, Франция жана Швециядагы кайсы бир көз карандысыз лабораториялар бундесвердин адистери чыгарган корутундуну тастыктаган. Ушул маселенин тегерегиндеги Ирина Алкснистин макаласы РИА Новости сайтына жарыяланган.

Лабораториялар боюнча маалыматтар да жашыруун. Министр каалагандай болору арсар. Натыйжасы тескерисинче болушу да ыктымал. New York Times басылмасы ФРГнын коопсуздук органдарынын жогорку кызматтагы өкүлүнө шилтеме кылуу менен Алексей Навальный сакайган соң Россияга "өз ишмердигин улантуу үчүн" кайтууга ниеттенгенин жарыялаган.

"Түндүк агым – 2нин" тагдырын "Новичок" чечеби? Геосаясаттын кезектеги көшөгөсү

Эгер гезиттегилер чындыкка дал келсе, анда Навальный үчүн кубансак болот. Анткени, андай болсо, анын когнитивдик функциялары сакталгандыгын айгинелейт. Врачтар оор абалын эске алуу менен буга кепилдик беришкен эмес.

Соңку он жылдыктарда Россиянын "каалгасын тарс жаап" бир топ адам чыгып кеткен. Өз мекенинде аттуу-баштуу адамдар эмигранттардын жалпы массасына аралашып, коомдогу салмагын да тез жоготушкан. Кремль менен айыгышкыс күрөшчү абалы менен бирге каржылык мүмкүнчүлүктөрүнөн да ажырашкан. Михаил Ходорковский сымал чындап бардар адамдар россиялык оппозиционерлердин арасында аз.

Прага, Рига жана Лондондогу жупуну батирлеринде отуруп алып, социалдык медиада жаалдангандан башка аргалары жок. Алардын тагдырынан сабак алышкандай. "Биротоло Россиядан кеттим" деген билдирүүлөр аз жана акырын жаңырчу болду. Алексей Навальный алардын кейпин кийсе, бир топ эле ичи ачышмак. Акыркы убакта ал Россиянын эң белгилүү оппозиционерине гана айланбастан, өз тарапташтарынан каражат да топтой турган система түзүп алган. Үй-бүлөсү менен чет элдик кымбат курорттордо эс алуулардан тышкары кызын Стэнфорд университетине студент кылууга чейинки жагымдуу бонустарды камсыз кылып алган.

"Оңой тапкан олжосун" колдон чыгарууга, экинчи Скрипалга айланууга блогердин ниети да жоктугу таң каларлык эмес. Бирок Алексей Навальныйдын жеке кызыкчылыктары менен Батышта анын дартынын сүрөттөлүшү таптакыр дал келбейт.

Россия ТИМи Берлиндин Навальный тууралуу билдирүүсүнө үн катты

Немистер тарабынан ага коюлган диагноз менен мекенине кайтышы коопсуздук жагынан мүмкүн болбогондой. Бирок блогердин кайра кайтууга ашыгып турганы айдан ачык. Ал эми бул каалоосу "Новичок" менен ууланбаганын жана өмүрүнө россиялык бийлик тарабынан эч кандай кооптуулук жок экенин айгинелейт.

Анткен менен немис тарап Москвага анын диагнозун тастыктаган маалымат берүүдөн дале баш тартып келет. Россиянын Башкы прокуратурасы германиялык кесиптештерине блогердин дартынын таржымалы тууралуу текшерүү үчүн кезектеги өтүнмөсүн жолдоду. Бирок Берлиндин иликтөөгө кол кабыш кылары күмөн. Блогер "Шаритэ" клиникасынан чыгарылганда алып келчү кагазы россиялык тийиштүү органдарга кыйла кызык маалыматты берер.

Айтор, Алексей Навальныйдын Россияга сөзсүз кайтуу ниети немецтерди бир топ жагымсыз жана оор абалга тушуктурат. Себеби бир нече аптадан берки Россияны каралоо аракети текке кетет.

Баса, мындай учур британиялыктар тарабынан кылдат иштелбеди беле. Скрипалдын ууланышы боюнча шоу масштабдуулугу жана чоо-жайына чейин этияттык менен иштелип чыгышы эле эмес, "курмандык" да абдан сабаттуулук менен тандалган. Эч кимге белгисиз жана керексиз тыңчы кураторлорунун кебинен чыкпайт. Лондон Скрипалдын аракеттерине кымындай да эркиндик бербей, журналист же дипломаттар менен бир да жолу сүйлөштүргөн эмес.

Алексей Навальныйды үй-бүлөсү менен кошо россиялык башкы оппозиционердин таттуу жашоосун өз ыктыяры менен таштоого көндүрүү өтө кыйын болор.

Блогердин Россияга кайтуусу менен Берлин бул окуянын тегерегинде өзү салган ызы-чуунун жагымсыз кесепеттерине кабылат. Бул көйгөйдү чечүү үчүн алар "көндүрүү" же "ыктыярдуу түрдө" деген тейдеги ыкмаларга барары турулуу иш.

95
Белгилер:
кызыкчылык, уулануу, оорукана, Россия, Германия, Алексей Навальный
Тема боюнча
Чоң ката. Германия "Түндүк агым — 2" курулушун токтотуу талабын сындады
Америкалык Абрамс танктары. Архив

"Абрамстарды" жеткиришти. АКШ Беларусь чек арасында эмне баштоодо?

145
(жаңыланган 15:03 16.09.2020)
Жердеги күчтөр, бомбалоочу, истребителдер жана флоттук сокку уруучу топтор — Пентагон жана НАТО союздаш мамлекеттердин чек арасында кайрадан активдеше баштады.

Жакынкы күндөрү Литвага АКШнын танк батальону келип түштү. Ал "Атлантикалык чечкиндүүлүк" (Atlantic Resolve) деген окууга катышмакчы. Россиянын Космостук-аба күчтөрү стратегиялык авиация жана аба чалгындоочуларынын учуштарын көп каттай турган болду. Бул эмнеге байланыштуу экенин кесиптешибиз Николай Протопоповдун макаласы РИА Новости агенттигине жарыяланган.

Прибалтикалык "достор"

Ондогон Abrams танкалары, Bradley пехотасынын аскердик машинасы, сооттолгон жолтандабастар... Пабраддагы полигондо бүтүндөй чакан армия пайда болду. Ал эми буга дейре америкалыктар Литвага авиациясын да – Apache жана Black Hawk тик учактарын алпарышкан. Беларусь Коргоо министрлигинин маалыматы боюнча, Союздук мамлекеттин чек арасынан болгону 15 чакырым аралыктагы литвалык полигонго беш жүз аскер кызматкери, 29 танк жана 43 пехота аскердик машинасы топтолгон.

Беларусь коргоо министри: чек арага жакын АКШнын танк батальону келип жайгашты

Прибалтикалык республиканын бийлиги америкалыктар литвалык аскер кызматкерлери менен биргелешкен окуу тапшырмаларын аткарышканын, пландалган машыгуулар үчүнчү өлкөлөргө каршы багытталбаганын түшүндүрүштү.

Белгилей кетсек, Вильнюс америкалыктардан литвалык полигондордо мүмкүн болушунча көбүрөөк окууларды өткөрүүнү өтүнүп, ал эми океан ар жагынан келген союздаштарынын жайлуулугун камсыздоо өкмөттүн артыкчылыктуу милдеттеринин бирине айланган.

"Атлантикалык чечкиндүүлүк" америкалык күчтөрдү ротациялоо программасы АКШнын мурдагы президентинин тушунда эле башталган, — деп белгилейт "Валдай" аналитикалык клубунун аскердик серепчиси Артем Куреев.

— Белорустагы окуяларга ал түздөн-түз байланыштуу эмес. Бирок аны менен бирге эле коронавирус пандемиясына да карабастан, америкалык аскерлер ротация графигин бекем сактап, пландуу машыгууларды жылдырышпайт".

Эске салсак, АКШнын "Атлантикалык чечкиндүүлүк" операциясын 2014-жылы Россия менен Крымдын биригишинен кийин дароо башташкан. "Россиялык агрессия" деген шылтоо менен америкалыктар Европанын ар кыл өлкөлөрүндө күчтөрүн жайгаштырып, акырындап алардын санын арттырып келет.

Чектен чыккан активдүүлүк

Эксперттердин баамында, 2014-жылдан тарта НАТО россиялык чек аралардагы аскердик активдүүлүктү эки эсе күчтөндүргөн. Россиянын коргоо министри Сергей Шойгу түндүк атлантикалык альянс кансыз согуш маалынан берки каршы турууга умтулат.

НАТО Чыгыш Европадагы ракетага каршы коргонуу тутумун түзүүнү улантып, аскердик инфраструктураны өнүктүрүүдө.

"Прибалтикадагы НАТО тобу кичирейбей турганы так, — дейт Куреев. — Бул мамлекеттердин элиталарына АКШ менен кызматташуу зарыл. Бул менен алар электоратка "орус коркунучунан" коргоону көрсөткүсү бар. Алар буга экономикадагы жоготууларын, порттордун жүгү толбогонун, орус тилдүү азчылыктын нааразычылыгын да дал ушуга шылтай алышат".

Анан калса, Германиядан айырмаланып Латвия, Эстония жана Литва өз армиясын өзү багууга, инфраструктура жана жай америкалык күчтөрдү жайгаштырууга кеткен чыгымдарды көтөрүүгө даяр.

Европада АКШ күчтөрүнүн дайым орун алышы кадыресе көрүнүшкө айланып барат. Чыгыш Европадагы Пентагондун эң ири плацдармы азыр Польшада жайгашкан. Анда азыр төрт жарым миң аскер кызматкери бар. Жакында дагы миң жоокер келет.

АКШ эмнеге РФ жээктерине суу түбүндө жүрүүчү кайыктарын жеткирүүдө? Саресеп

Вашингтон менен Варшава аскердик кызматташуу жөнүндөгү келишимге кол коюшту. Документке ылайык, Польшада АКШнын Куралдуу күчтөрүнүн командалык-штабдык структурасы жакшыртылат, аскердик даярдык борборлору түзүлөт. Армиялык жана транспорттук авиациясынын бөлүктөрү, ошондой эле атайын операциялардын күчтөрү уюшулат.

Ошону менен бирге эле АКШ 1997-жылы түзүлгөн Россия – НАТО Негиз салуучу актысынын жоболорун эптүүлүк менен буйтап өтөт. Ага ылайык, альянс чыгыштагы чек араларда туруктуу негизде күчтөрүн жайгаштырууга милдеттендирилген.

"Россияга" сес көрсөтүү үчүн Европага ондогон учак жана тик учактарды кайра жайгаштырышкан. Ошентип, Польшага F-16 истребителдерин жана C-17 Hercules транспорттук учактарын алпарышты. Балтика өлкөлөрүн жана Балтика деңизинин акваториясын абадан күзөтүү үчүн Литвага улам истребителдерин жөнөтүп турат.

НАТО боюнча союздаштарынын аэродромдорунун күчтөрүн көрсөтүү үчүн мезгил-мезгили менен өзүнүн бешинчи муундагы F-35 Lightning жана F-22 Raptor "көзгө чалдыкпастарын" да учуруп турат. Польшада MQ-9 Reaper чалгындоочу-сокку уруучу учкучсуздардын эскадрильясын түзүшкөн.

"Булчуң" сынашмай

Европада АКШнын стратегиялык авиациясы да кызуу иштейт. Августтун аягында үч В-52Н бомбалоочу учагы Калининград облусу боюнча канаттуу ракеталар менен сокку урууга машыккан.

"Стратегдер" британиялык Фэрфорд авиабазасынан учуп чыгып, Нидерланды, Германия, Польшанын үстүнөн өтүп, эстониялык Тапа полигонуна барган. Ал жактан Россиянын аймагындагы объектилерин шарттуу бутага алган.

Сентябрдын башында "учуучу чептер" Украинага абадан көз салышты. B-52 Незалежнаянын аба мейкиндигине алгач жолу кирди, үч учак украиналык истребителдеринин коштоосунда өлкөнүн батыш чек арасынан Азов деңизине чейин жана артка учуп өтүштү.

Россиянын Космостук-аба күчтөрүнүн башкы командачысы Сергей Суровикиндин айтымында, апта ичинде эле, тагыраак, 28-августтан 4-сентябрга дейре АКШ бомбалоочу авиациясынын учактары Батыш жана Чыгыш Европанынын аба мейкиндигинде он ирет жалгыздап жана жана топ-топ болуп учуп жүрүштү.

Андан тышкары, ондогон "чалгынчылар" күн сайын россиялык аймактын чегин бойлой күзөтүп жүрөт. РФтин Космостук-аба күчтөрүнүн истребителдери алардын алдын тороо үчүн бир күндө бир нече жолу абага көтөрүлүүгө аргасыз учурлары болот.

АКШны тынч уктатпаган Су-57 неге мынча бүйүр кызытат?

Бирок Куреев белгилегендей, Россия Кытайдан айырмаланып "өз аймагындагы ар кандай сокку машыгууларын" алда канча салкын кандуу кабыл алып, аларга пландуу машыгуулары менен жооп кайтарат. "Пекин, маселен, мындайга кыжыры кайнайт, дароо өзүнүн аскердик күчүн болушунча көрсөтүүгө тырышат", — деп белгилейт эксперт.

Кошмо Штаттар суу мейкиндигин да көз жаздымда калтырбайт. Алардын кемелери Кара деңизге эле дайымкы мейман болуп келишпеди. Жай аяктаганда Норвегияга USS Seawolf суу түбүндөгү атомдук субмаринаны алпарышты. Андан мурун эле НАТОнун кемелери Исландиянын жээктеринде Түндүк Атлантикада кемелерге каршы коргонуу аракеттерине машыгышкан.

Май айында америкалык флот отуз жылдан бери биринчи ирет Баренцево деңизине кирип келди. "Портер", "Дональд Кук" жана "Франклин Рузвельт" ракеталык эсминецтердин, ошондой эле британиялык "Кент" фрегатынын экипаждары оор аба шарттарында аракет кылууга машыгышкан.

Мунун баары альянстын Түндүктө аскерий дараметин күчтөндүрүү аракеттерин гана тургай, Россиянын Аскердик-деңиз флотунун жана Түндүк флоттун улам өрчүп бараткан күчүн да айгинелейт. Себеби кансыз согуш аяктап, СССРдин ыдырашынан кийин АКШ россиялык флотту олуттуу кас катары караган да эмес. Эми аны менен эсептешүүгө аргасыз.

145
Белгилер:
танк, НАТО, чек ара, курал-жарак, Беларусь, АКШ, Россия
Тема боюнча
Россиянын Су-27 истребители чет өлкөлүк тыңчы учактардын жолун тороду. Видео
"Штабын жайылтууда": АКШ армиясы Европанын түштүгүндө эмне даярдап жатат?
Кишенделген адам. Архив

Кыргызстандан АКШга барган аялдын табышмактуу жоголушу. Сот шектүү күйөөсүн актады

0
(жаңыланган 20:12 22.09.2020)
Кыргызстанда төрөлгөн аял 2012-жылдан бери дайынсыз болууда. Былтыр март айында анын америкалык жолдошу аны өлтүрүүгө шектелип кармалган.

БИШКЕК, 22-сен. — Sputnik. АКШдагы Пенсильвания штатынын аймактык соту Кыргызстанда төрөлгөн Рабихан Сейдерс (өзүнүн фамилиясы Хасанова) аттуу жубайын өлтүрдү деп шектелип жаткан Хэп Сейдерсти актады. Бул тууралуу Associated Press агенттиги жазды.

​Порталдын маалыматына караганда, аял 8,5 жылдан бери дайынсыз жоголгондордун тизмесинде турат. 2012-жылдын март айында анын кызы энеси жоголгонун айтып полицияга кайрылган. Аны акыркы жолу Камберленд графтыгындагы Silver Spring Township шаарчасындагы үйүнө жакын жайгашкан дарыкананын жанынан көрүшкөн. Тергөө органдары анын сүрөтүн бардык полиция участкаларына жиберип, кредиттик карталарына чейин текшеришкен. Мындан сырткары, АКШнын Ички коопсуздук министрлигине кайрылып, Рабихан Сейдерс өлкөдөн чыккан-чыкпаганын сүрүштүрүшкөн. Бирок ушул убакка чейин аялдын тирүү экенинен кабар берген бир дагы далил табылган эмес.

Дайын-дареги билинбей жаткан аял болочоктогу жолдошу менен Атлантик-Ситидеги казинолордун биринде массажист болуп иштеп жүргөн кезинде таанышкан. Кийин экөөнүн мамилеси жакшы болуп, Рабихан анын үйүнө көчүп барган. Хэп Сайдерс тыйын сатып, сейрек кездешкен баалуу металлдарды коллекциялоо менен алектенип келген.

Тергөөнүн версиясы боюнча, Рабиханды күйөөсү өлтүрүп, сөөгүн каминге өрттөп жиберген. Айыптоочу тарап кишинин үйүнүн жалюзиси бир нече күн бою жабык туруп, мешинин морунан кара түтүн чыгып турганын айткан. Мындан тышкары, шектүүнүн үйүндөгү каминдин ичинен адамдын сөөктөрү табылган. Өткөн жылдын март айында жубайын өлтүрүүгө шектелген Сайдерс камакка алынган. Ага жети жыл берилери болжолдонгон.

"Биз Хэп Сейдерс Рабиханды өлтүргөнүн билебиз", — деп аймактык прокурордун жардамчысы билдирген.

Ал эми сотто Сейдерстин адвокаты каминден табылган калдык Рабиханга тийиштүү экенин тастыктоочу ДНК-тест жүргүзүлбөгөнүн белгилеген. Ал ошондой эле соттун жетинчи жыйынында америкалык тергөөчүлөр Рабиханды Кыргызстандан издеп көрбөгөнүн кошумчалаган. Жактоочунун айтымында, Рабихан жолдошунун үч миллион долларын жана алтын куймаларын уурдап качып кетиши ыктымал.

"Ал балээге кабылган аял эмес, ал атайын план түзүп алган аял болгон", — деп билдирген жактоочу.

Натыйжада Хэп Сейдерс бардык айыптоолор боюнча акталып, соттун залынан бошотулган.

0
Белгилер:
адам өлтүрүү, кылмыш, полиция, дайынсыздар, АКШ, Кыргызстан
Тема боюнча
Жолдон жай өткөн киши чыдамы жок айдоочунун огунан мерт кетти. АКШдагы окуя