Париж шаары. Архив

Саясат таануучу: АКШ менен ЕБнын саясаты европалыктардын үрөйүн учурат

99
(жаңыланган 12:11 22.04.2015)
Какчекеевдин айтымында, азыр Европанын экономикалык саясатын негизинен АКШнын бийлиги аныктайт.

БИШКЕК, 22-апр. — Sputnik. Евробиримдик менен АКШ жетекчиликеринин Россияга каршы иш-аракеттери Европа элдеринин үрөйүн учуруп жана кыжырын келтирет деген оюн айтты саясат таануучу Токтогул Какчекеев, европалыктардын өз ЖМКларына Украинадагы абалды чагылдыруу жагынан ишеними түшкөндүгүн комментарийлеп жатып. 

Мурдараак Sputnik мультимедиалуу жаңылыктар агенттиги Британиянын ICM Reseacrh изилдөө компаниясы менен бирге жүргүзгөн сурамжылоолордун жыйынтыгында европалыктардын жарымынан көбү Украинанын түштүк-чыгышындагы окуяларды чагылдырууда өз өлкөлөрүнүн алдыңкы ЖМКларына ишенбестиктиги анык болгон. 

Какчекеев бүгүнкү күндө Европанын экономикалык саясатын негизинен АКШнын бийлиги аныктай тургандыгын белгиледи. 

"Россия менен өз ара пайдалуу шартта кызматташып келген европалыктар АКШнын жеке буйругу менен баарынан кол жууп кала тургандыктарын сезүүдө. Европа элдеринин үрөйүн учуруп жана кыжырын келтирип жатканы ушул", — деп ой бөлүштү эксперт.

Анын айтымында, "ЕБ менен АКШ ортосунда соода келишими түзүлгөнүн эске алсак, азыр Европаны эң начар абал күтүп турат". Европанын тургундары америкалык бизнес европа мамлекеттеринин рыногунда үстөмдүк кылышынан эч пайда болбосун сезип турушат дейт Какчекеев.

"Sputnik.Пикир" долбоору тууралуу маалымдама

Коомдук пикирди иликтөө боюнча эл аралык долбоор 2014-жылдын июлунда башталып, ага Британиянын белгилүү ICM Reseacrh изилдөө компаниясы өнөктөш болгон. "Sputnik.Пикирлер" долбоорунун алкагында эң көйгөйлүү социалдык жана саясий маселелер боюнча Европа өлкөлөрүндө жана АКШда коомдук пикирге карата үзгүлтүксүз сурамжылоолор жүрүп турат. 

Sputnik (sputniknews.com) — ондогон өлкөлөрдөгү мультимедиалык хабдарга ээ маалымат агенттиги жана радио. Sputnik өзүнө сайттары, аналогдук жана сан ариптик радио берүүлөрдү, уюлдук тиркемелери жана социалдык түйүндөрдө беттерди камтыйт. 

99
Белгилер:
ишенбестик, изилдөөлөр, экономика, Sputnik, Токтогул Какчекеев, АКШ, Европа
АКШ президенти Дональд Трамп. Архивдик сүрөт

Трампка импичмент. Өкүлдөр палатасынын чечими аягына чыгабы?

60
(жаңыланган 18:47 15.01.2021)
АКШнын жаңы президентинин инаугурациясына бир аптага жетпеген убакыт калды. Демократтар мурдагы лидерин бийликтен биротоло ажыраткысы бар. АКШ конгрессинин өкүлдөр палатасы Дональд Трампка тарых боюнча эң көп добуш менен импичмент жарыялады.

232 конгрессмен "макул" деп добуш берген, алардын ичинен он эл өкүлү — бийлигин өткөрө турган президенттин партиялаштары. Эмнеге аны кызматтан тынч кетирбөөгө аракеттенип жатышканына РИА Новости агенттигинин кабарчысы Софья Мельничук кызыгып көргөн. 

Бар тараптан бөгөт

Дональд Трампты "Твиттерден" бөгөттөп салышты, бул анын шайлоочулары менен кызуу баарлашуучу аянтчасы эле. Эми Ак үйдөн да бөгөттөөнү көздөп турушат. АКШ конгрессинин өкүлдөр палатасы вице-президент Майк Пенске жетекчисин кызматтан четтетүү сунушу менен резолюция кабыл алды. Палатадагы демократтар Трамп тарапташтарын козголоңго үндөгөн деп эсептешет, анын натыйжасында 6-январда Капитолийге эки кылымдан бери биринчи ирет кол салуу болду. Мындай кадамдарга шыкактоо – өлкөгө каршы оор кылмыш экенин белгилеп, лидерди кызматынан тезинен кетирүүнү талап кылууда.

Пенс өзү бул аракеттерди айыптап чыкты, бирок имиштерге караганда, ал Капитолийде козголоңчулар вице-президентке кол салууга ниеттенген деген кептен улам Трамп менен бир топ убакыт сүйлөшкөн эмес. Шайлоочулар тобунун добуштарын бекитүүгө да катышкан. Бирок импичмент жөнүндөгү демилгени ал колдогон жок. Трампты кызматынан "милдеттерин аткарууга жөндөмсүздүгүнөн" улам четтетүүгө Конституцияга 25-түзөтүүнү колдонуу кооптуу прецедент жаратарын боолголойт Пенс.

Эч көңүлдөнбөй...

Демократтар мамлекет башчысынын орун басарынын жардамысыз деле муну ишке ашыра алмак, ал үчүн өкүлдөр палатасындагы жөнөкөй көпчүлүк жетиштүү. Анан калса процессти республикачылар колдоого алган.

Палатада жашы боюнча үчүнчү орунда – Жорж Буштун тушундагы вице-президент кенже Дик Чейнинин кызы Лиз Чейни. "Эч качан АКШ лидери өз администрациясын жана Конституцияны мынчалык саткан эмес, — деп билдирди ал жыйындын алдында. — Мен Трамптын импичментине добуш берем".

Президент антын бузган деген айыптоого дагы төрт республикачы ачык макул болду. "Жетишет. Конгресс Трампты жооп берүүгө чакырууга жана өлкө бийликти тынч өткөрүүгө жолтоо болуу аракетине жол бербейт", — дейт Мичиган штатынан шайланган конгрессмен Фред Аптон.

Конгресстин төмөнкү палатасынын спикери Нэнси Пелоси сенатта добуш берүүнү утурлай Трампты кызматтан четтетүү иши боюнча тогуз айыптоочуну дайындаган. Көздөгөнүнө жетүү үчүн жалпы добуштардын үчтөн экиси керек.

Эгер жогорку палатадагы демократтардын баары кесиптештеринин чечимин колдой турганын болжосок, анда республикачы сенаторлордун дагы 17синин добушу зарыл. The New York Times басылмасы импичмент маселесинде Трампты сатып кетүүгө 20 республикачы даяр экенин жазып чыккан. Бирок ишке келгенде алар кандай добуш берери белгисиз. Эгер алар азыр жарыялап жаткандай Трампты кызматтан четтетүү демилгесин колдоп чыгышса, анда мамлекет башчысынын ордун кааласа-каалабаса да Майк Пенс ээлейт.

Ошентсе да сенатта импичментке каршы өкүлдөр да бар. Атап айтсак, Трамптын мурдагы тарапкери сенатор Линдси Грэм кеңседен лидерди кууп чыгууга каршылыгын билдирди. Ошону менен бирге: "Эгер бир нерсе болсо, баары болушу мүмкүн" – деп кошумчалады.

Сенатта Трампка мурдагы импичментин колдоп чыккан жападан жалгыз республикачы Митт Ромни бул процесске убакыт калбаганын эскертти. Чындап эле күн өткөн сайын азайып барат.

Тез арада

Сенат 19-январга дейре каникулда. Байдендин инаугурациясына дейре алардын үлгүрөрү күмөн. Республикачылар көпчүлүгүнүн лидери Митч Макконнелл 20-январга чейин импичмент жарыялоо жөнүндөгү чечимди кабыл алынат деп эсептебейт. Бул процесс тез жүрбөсүн да эске салды, анткени мурдагы териштирүүлөр 83, 37 жана 21 күнгө созулган.

Мындан сырткары, сенаттын токтому менен бир дагы америкалык лидер кызматынан четтетилген эмес. Эми эксперттер конгресстин жогорку палатасы Трампка ал кызматтан кеткенден кийин импичмент жарыялай алар-албасын талашып жаткан чагы. Сенаторлор бул жагдайда жол-жобону кантип өткөрүү керектиги АКШ Конституциясында да, башка мыйзамдарында да такталган эмес.

Кандай болгон күндө да депутаттар ишти жарым жолдо калтыра алышпайт. Муну өз сөзүндө Москва мамлекеттик университетинин алдындагы Франклин Рузвельт атындагы АКШны изилдөө фондунун директору, американист Юрий Рогулев да белгилейт.

"Мурдагы импичмент жарыялоо аракеттеринин ар бири ар кыл тартипте каралган, Конституцияда анын жол-жобосу жалпылай жазылган, — деп түшүндүрөт ал. — Тек гана импичмент жаатында конгресстин эки палатасынын функциялары ар кандай. Ошондуктан төмөнкү палата андай демилгени колдосо, жогорку палата процедураны аягына чыгарууга тийиш".

Жо Байдендин инаугурациясынан кийин сенаттын жаңыртылган курамы менен жарыялоого болот. Жаңы лидердин келиши менен жогорку палатада көпчүлүктүн ордун демократтар ээлеп, чечүүчү добуш жаңы вице-президент Камала Харристин колунда болмокчу.

Өкүлдөр палатасынын мүчөсү демократ Илхан Омар Вашингтондогу нааразылык акцияларына байланыштуу Дональд Трампка айып тагуу үчүн беренелерди караштырып жатканын жар салган. Бир катар демократ сенаторлор да АКШ президентин жоопкерчиликке тартууну талап кылышкан.

"Сенатты көзөмөлдөө демократтардын колуна өтүшү менен бул процесс Трамптын ыйгарым укуктарынын мөөнөтү бүткөнчө ишке ашары да толук ыктымал, — деп боолголойт Миннесота университетинин саясат таануу боюнча профессору Дэвид Шульц. — Импичмент жарыялашпаса да бул аны жазалоо ыкмасы, ал эми демократтар үчүн аны бөлүп салуу үчүн республикачыларга басым кылуу болуп саналат".

Буффало университетинин алдындагы Юриспруденция мектебинин саясат таануу боюнча профессору Жеймс Гарднер мындай ойго кошулбайт. "Убакыт канчалык көп өтсө, конгресс бир нерсе кылары ошончолук арсар. Байдендин мөөнөтү башталганда конгресс Демократиялык партиянын күн тартибин кароого киришет. Алар мурдагы лидерге убакыт жана энергияны куру кетирүүнү каалашпайт". Бирок сенат чечимди бекитүүгө жетишип-жетишпеген күндө да Трамп Кошмо Штаттардын тарыхында өкүлдөр палатасында эки ирет импичмент жарыяланган жалгыз президент болуп каларына жолтоо боло албайт.

Акырына чейин...

Баары бир демократтар бул жол-жобону аягына чыгарууга кызыкдар. Мындай пикирдеги Юрий Рогулев эгер алар импичмент процессине басым кылышса, эки коенду бир ок менен атарын айтат. "Байден — бир мөөнөттүн президенти. Анан калса аны талапкер катары түбүнөн кыйратып салышты.

2024-жылы жаңы шайлоо кампаниясы старт алат, талапкерлик боюнча маселе көтөрүлөт. Харрис өзүн кандай көрсөтөрүн эч ким билбейт, бирок 2020-жылдагы көрсөткүч боюнча ал кеңири колдоого татый алган жок. Республикачылар да бирөөнүн талапкерлигин чыгарууга тийиш.

Күрөш жүрөт, "булганган сууда" кайрадан Трамп пайда болушу ыктымал. Азыр ал – мынчалык эбегейсиз колдоосу бар жападан жалгыз саясатчы", — деп түшүндүрөт американист.

Экинчи максат — Республикалык партияга сокку уруу. Анын мүчөлөрү азыр татаал тандоо алдында. Импичментти колдошсо, Трамптын электоратынан кол жуушат, себеби анын тарапташтары партиядан да жүз буруп кетиши мүмкүн эмеспи.

Кандай болсо да Трампка бул процесс Ак үйгө болгон жолдун гана жабылышы эмес, башка кыйыр таасирлери да бар. Өмүр аягына чейин пенсиядан, казынанын эсебинен жылына бир ирет саякаттоо жана мурдагы президенттин кеңсесин каржылоого бюджеттик каражат алуу укугунан ажыратылат.

Чынында миллиардер президенттик маянасынан да пайдаланган эмес, аны кайрымдуулукка которуп турган. Ошондуктан бул жагы анын кылын кыйшайта албайт. Андан да олуттуу кесепеттери бар, банктар анын эсептерин тейлөөдөн эмитен эле баш тартууда. Гольф профессионалдык ассоциациясы анын гольф-клубунда мелдештерди эми өткөрбөй турган болушту.

20-январда кол тийбестик иммунитетинен ажырай турган президентке салык төлөөдөн качуу жана саясий шантаж өңдүү соттук коркунуч илиниши мүмкүн. Бул үчүн аны өткөн жолу кызматтан кетирүүгө аракет кылышкан, ошондой эле зордуктоо жана куугунтуктоо боюнча да кине тагышкан.

Соңку айларда байкоочулар президенттин өзүн жана тарапташтарын алдын алуучу ырайым мүмкүнчүлүгүн пайдаланар-пайдаланбасын талкуулашты. Азырынча Трамп андай кадамга барган жок, ал өзүн жазалоого себеп жок экенине бекем ишенет.

"Эч нерсе жасабасам, эмнеге антем?" — деп ой толгойт өзүнө-өзү ырайым кылуу туурасында Кошмо Штаттардын азыркы лидери. Бирок окуялардын өнүгүшүн эске алсак, балким, анын бул туурасында ойлонуп койгону оңдур.

60
Белгилер:
тараптар, бийлик, Дональд Трамп, импичмент, президент, АКШ
Тема боюнча
Канжалаган аял, полиция менен кагылышкан Трамптын тарапташтары. Видео
Капитолийдеги башаламандык: ички террорчулук боюнча 25 кылмыш иши козголду
Ыраак авиациянын келечектүү авиакомплекси (ПАК ДА)

"Бардык кооптуулук эске алынган": Россиянын жаңы аба куралы кандай болот?

224
(жаңыланган 10:08 14.01.2021)
Ту-160 жана Ту-95 стратегиялык ракета ташуучулар азырынча Россиянын өзөктүк триадасынын башкы аба аргументи. Бирок мезгил-мезгили менен заманбапташтырылып турганына карабастан, алардын ресурстары чектелүү.

Бул машиналардын ордун ыраак авиациянын келечектүү авиакомплекси басат. РФ Коргоо министрлиги анын тышкы көрүнүшүн аныктап алды, ал эми кыймылдаткычын сыноого 2021-жылы киришет. Жаңы "стратег" кандай болору туурасында РИА Новости агенттигине жарыяланган Николай Протопоповдун макаласынан окуңуздар.

Учуучу канат

Россиянын Коргоо министрлигиндегилер ыраак авиациянын келечектүү авиакомплекси куралданууга азыркы программанын алкагында, башкача айтканда, 2027-жылдын аягына чейин кабыл алынат. Аскерлер жаңы учактын эскизин бекитип, анын мүнөздөмөлөрүн макулдашып, өндүрүшкө зарыл болгон контрактылык документтердин баарына кол коюшкан. Бомбалоочу учактын сынамык үлгүсүнүн курулушунун башталышы жөнүндө былтыр май айында жарыялашкан, ал эми декабрда ал үчүн чогултулган биринчи кыймылдаткыч тууралуу белгилүү болгон. "ОДК-Кузнецов" ишканасынын башкаруучу директору Алексей Соболев "Изделие РФ" индекстүү күч орнотмосу "темирде" жасалып, жыл башына пландалган стенддик сыноолорго даярданууда.

Ага катар эле дагы бир нече кыймылдаткычты чогултушат, аларды жогорулатылган бийик шарттардагы стендде да, учуучу лабораторияларда сынашат. Долбоор жашыруун, ачык булактарда маалымат азырынча аз. Келечегинен көптү үмүттөндүргөн учакта стелс-технологиялар кеңири колдонулганы белгилүү. Кубаттуу, жемиштүү жана үнөмдүү кыймылдаткычтар учуш узактыгын 30 саатка (Ту-160 — 25 саат) узартат.

Конструкторлор фюзеляждын бөлөк схемасын тандап алышкан, ыраак авиациянын келечектүү авиакомплекси (ПАК ДА) "учуучу канат" принциби боюнча жасалууда. Бул аскердик мүмкүнчүлүктөрүн кеңейтип, маневрдүүлүгүн жакшыртат. РФ эмгек сиңирген аскердик учкучу Владимир Попов мындай компоновкасы анча байкалбас кыларын боолголойт.

"Фюзеляжы деле жок, жүгү канаттарына тегиз бөлүнөт, — дейт ал. — Илгичтүү жабдыгы болбойт, аба алуучулары ичине терең жашырылат, ал эми канатынын арткы кең бөлүгү ысык түтүндөрүн жабат. Мындан сырткары, конструкция көбүрөөк күйүүчү май, ок-дары жана радиоэлектрондук жабдуу жүктөөгө мүмкүнчүлүк берет.

Акыркы үлгүдөгү түзүмү

Ыраак авиациянын келечектүү авиакомплексин эң акыркы үлгүдөгү электроника, болгондо да он жылга алдыга карай заманбапташтырылган электроника менен жабдылган.

"Мурда да ушундай болчу, биздин Ту-95 "стратегдер" жарым кылымга толду, бирок алар алдына коюлган бардык маселелерди алигүнчө аткарып келишет", — деп белгилейт Попов.

Электрондук жабдуу жана автоматташтырылган тутумдар маневрдүүлүгүн кыйла жогорулатып, учакты башкарууну жеңилдетет.

"Кезегинде англичандардын "Вулкан" аттуу стратегиялык бомбалоочусу болгон, ал дагы "учуучу канат" схемасы боюнча курулган, — деп эске салат Попов. — Бирок аны айдоонун татаалдыгынан улам андан баш тартышкан. Себеби ошол убакта кол менен айдоо ыкмасы гана болгон. Ал эми ыраак авиациянын келечектүү авиакомплексинде операциялардын көпчүлүгүн автоматика аткарат".

Фюзеляжды жасоодо жаңы эритмелер жана композиттер пайдаланылат. Соңку он жылдыктарда окумуштуулар өтө байкалбаган жана абдан бекем авиациялык материалдар жаатында кыйла алдыга озуп барат. Абага жүздөгөн тонна металлды көтөрүп чыгып, бурулуп, чоң жүктөр менен учууда бул абдан маанилүү. Ошол эле убакта эксперттер келечектүү бомбалоочу учак үнгө чейинки, болду-болбоду саатына миңдеген чакырымдагы, максималдуу – үн тездигинчелик бар крейсердик ылдамдыкта жасаларын болжошот.

"Стабилизатор жок учурда ар кандай чумкуу жана бийикке көтөрүлүү учурлардын ордун толтуруу татаал, — деп түшүндүрөт Попов. — Бирок конструкторлор кандайдыр компромисске келишкен. "Учуучу канаттын" кеңдиги чакан бийиктиктерде учууга, жерде маневрдүүлүктү сактоого, ал эми аба сейрек кездешкен 20 чакырымда канат жетишерлик өйдөлөөчү күчтү берет. Бомбалоочу учак жерден болушунча жапыз учуп, "буктурмадан" сокку уруп, ошондой эле стратосфердик эшелондон душманга натыйжалуу чабуул кое алат".

Кансыз согуштун ардагерлери

Анткен менен келечектүү "стратегдин" сериялык өндүрүшү жана бөлүктөрдү жапырт жабдуу жөнүндө кеп козгоо али эрте. Ракета ташуучуларды өркүндөтүү азырынча уланып келет. РФтин Аба-космостук күчтөрүн терең заманбапташтырылган Ту-160М бомбалоочу учагы менен жабдуу быйыл башталууга тийиш. Жакынкы жети жылда мындай машиналардын авиапаркы бир жарым эсеге көбөйөт.

Жаңыртылган "Ак куулар" 1970-жылы америкалык үндөн ыкчам B-1 Lancer бомбалоочусуна жооп катары иштелип чыккан Ту-160 дүйнөдөгү эң кубаттуу жана үндөн ыкчам ири учагынын негизинде жасалууда. 1992-жылы СССРдин Аскердик аба күчтөрүндө мындай машинадан 35 бирдик болгон.

Союз ыдырагандан кийин алардын 19у Украинага тийген. Россия алардын сегизин гана кайтара алган, калганын Киев утилизациялаган. Россияда Ту-160тын өндүрүшүн кайра жандандыруу 2015-жылы башталган. Саптык бомбалоочу учактын негизинде куралган алгачкы сынамык ракета ташуучу былтыр февралда абага көтөрүлгөн. Кийинкилеринин баарын башынан баштап курушат. Аларга учуш ыраактыгын миң чакырымга көбөйткөн жаңы НК-32-02 кыймылдаткычтар орнотулат. Ошондой эле заманбап борттук тутумдары, көзөмөл жана навигация каражаттары, радиоэлектрондук күрөш комплекстери жана куралды башкаруу тутумдары иштелип чыккан.

Стратегиялык авиациянын дагы бир "аксакалы" — Ту-95 бомбалоочу учагы. Ага НАТОдогулар "Медведь" деген ат койгон, ал 1950-жылдардын ортосунда катарга алынган. Заманбапташтырылган Ту-95МСти 1981-жылдан тарта чыгарып келишет, бул дүйнөдөгү жападан жалгыз жана эң ылдам турбовинттик учак болуп саналат.

Ракета ташуучунун максималдуу ылдамдыгы — саатына 830 чакырым. Бортуна 20 тонна аскердик жүк батырып, аны он миң чакырымдык аралыкка жеткире алат. Жайында заманбапташтырылган "Медведь" Ту-95МСМ алгач ирет көккө көтөрүлгөн. Үндөн ыкчам "жүз алтымыштардай" эле Ту-95 да эң акыркы үлгүдөгү курал комплекси жана борттук жабдыктар менен жабдылмакчы.

Учак ресурсу кеңейтилген кубаттуу күч орнотмолоруна ээ болушат. Иштеп чыгуучулардын маалыматына таянсак, заманбапташтырылгандан кийин Ту-95тин аскердик мүнөздөмөлөрү эки эсеге жогорулайт.

224
Белгилер:
кыймылдаткыч, армия, АКШ, учак, Россия, курал
Тема боюнча
Алтынчы муунга карай. Су-57 дүйнөнү багындырууда
Сириядан Кавказга карай: россиялык Ми-28НМ жана Ми-26Т2В тик учактары сыналууда
Экономикалык кылмыштарга каршы күрөшүү кызматынын төрагасы Сыймык Жапыкеев. Архив

Аспеков Жапыкеевге 50 миң доллар берүүгө камынганбы? Финпол жооп берди

0
(жаңыланган 13:03 18.01.2021)
Азыркы тапта Жапыкеев Бишкек ТЭЦинин ишин текшерип жүрөт, ал тууралуу айтылган кептер карандай калп.

БИШКЕК, 18-янв. — Sputnik. Экономикалык кылмыштарга каршы күрөшүү кызматынын төрагасы Сыймык Жапыкеевдин айланасындагы кептер боюнча аталган органдын маалымат кызматы комментарий берди.

Белгилей кетсек, айрым ЖМКлар "Кыргыз темир жолу" ишканасынын жетекчилигин опузалап 250 миң доллар талап кылды деп кармалган Мелис Аспеков өз көрсөтмөсүндө 50 миң долларын Жапыкеевге бермек болгонун айтканын жазган. Ошондой эле Финполдун төрагасы жакында камалары туурасында кеп тарады.

Финполдун маалымат кызматы айтылгандардын баары тастыкталбаган, карандай калп экенин билдирди.

"Учурда Финансы полициясы тарабынын коррупция, экономикалык жана финансылык кылмыштар менен күрөш тынымсыз жүрүп жатат. Жогорку рангдагы аткаминерлер аралашкан резонанстуу кылмыштуу схемаларды аныктап, алдын алууда. Мындан улам биздин кызматтын жетекчилигине көө жабууга аракет кыла башташты. Андай учур дагы кайталанашы мүмкүн, бирок биз ишти токтотпойбуз. Эң башкысы — элдин ишеними жана колдоосу керек", — деп айтылат маалыматта.

Ал эми Аспековдун көрсөтмөсүндө айтылгандар чындыкка дал келбей турганы белгиленет.

Маалымат кызмат азыркы тапта Жапыкеев Бишкек ТЭЦинин ишин текшерип жүргөнүн кошумчалады.

0
Белгилер:
ушак, көрсөтмө, финансы полициясы, Сыймык Жапыкеев
Тема боюнча
Жапыкеев: пандемияда иштеген аткаминерлердин баары сурак берип, көбү камалат
Илдетим күчөп кетти. Финполдун башчысы Сыймык Жапыкеев ооруканага түштү