Кыргыз боксерчу Алмазбек Раимкулов. Архив

Раимкулов: Мейвезерди мурунга муштап, эми сен "красавчик" болбой калдың дедим

1438
(жаңыланган 18:30 06.05.2015)
Голливудда пландалып жаткан кинотасма, Флойд Мейвезер менен кармаш жана таймаштарда Пакьяо, Гатти, Мозли, Де Ла Хойя сыяктуу мушкерлерге берген "кыргызча" сокку жөнүндө Алмазбек Раимкулов (Diamond) Sputnik кабарчысына айтып берди.

БИШКЕК, 6-май — Sputnik. Өз мекенине келген, Diamond каймана атка ээ, белгилүү кыргыз мушкери, олимпиадалык байге ээси, АКШнын төрт жолку чемпиону Алмазбек Раимкулов өз өмүрүндөгү жаркын окуялар жөнүндө айтып берип, болочок пландары менен бөлүштү.

Кичүү Мейвезер менен кармаш

— 2004-жылы Флойд Мейвезер менен таймаш учурунда эмне окуя болгонун айтып бериңизчи. Биздин угушубузча, ал кемсинткен сөздөрдү айта баштаган.

— Ал мени кыжырлантыш үчүн уят сөздөрдү айтып кирди. Адам жинденгенде өзүн кармана албай калат эмеспи. Ал жаагын жанып, жеберип, мени "кытайсың" деп атаганы мага жаккан жок. Ошондо мен ал күтпөгөн комбинацияны жасап, "кыргызча" сокку бердим. Анын мурдун жара коюп, "Карачы, эми сен баягы жакшынкай эмес, кан жалаган Флойдсуң" дедим. Ал жаман сөздөрдү айтып, мага атырылганда, оңдой берди болуп, кабыргага уруп жарадар кылдым. Жанына көзү көрүнгөн Флойд рингге жанталашып жан сакчыларын чакырды. Алар рингге чыкканча мен даярданып алдым. Дал ошол мезгилде залга Фойддун улуусу кирип келип, тиги жан сакчыларын: "Бул ринг чемпиондор үчүн гана, анда чемпиондор гана турууга укуктуу. Силер болсо иштен бошодуңар" деп рингден кууп чыкты. Өз баласынын жан сакчыларын иштен алып салды. Мен Флойд Мейвезер менен ошентип таанышкам.

— Анан эмне болду? Мейвезер баарын ошол бойдон калтырдыбы?

— Спаррингден кийин мен чечинип-кийинчү жайга бардым. Карасам, Флойд ал жерде жалгыз экен. Жакын барып: "Кел, ушул жерде эркектерче мушташалы. Эреже мененби, жокпу баары бир. Эгер мен жеңсем, мени менен чемпиондук кармашка макул болосуң. Сен утуп кетсең, мен боксерлукту таштаганыңа чейин сенин акысыз спарринг-өнөктөшүң болом" дедим. Ал макул болгон жок. Кечирим сурап, таймашты аягына чыкпаганыбызга карабай, ал үчүн менин акымды эки эсе көтөрүп, кармашка Рой Жонс менен Бернард Хопкинсти чакырды. Ошентип достошуп калдык.

"Кыргыз" соккусу

— Дүйнөнүн мыкты мушкеринин мурдун жара койгон "кыргыз" соккусу деген эмне, билсек болобу?

— Бул сокку Оскар Де Ла Хойя, Шейн Мозли, Артуро Гатти, Микки Уорд сыяктуу барды чемпиондор менен кармашта ийгиликтүү болгон. Пакьяо (Мэнни — ред.) менен да "кыргызча" соккуну көп колдонгом. 

"Мындай соккуну кайдан үйрөнгөнсүң?" деп сурагандар көп. Мен болсо бул Жараткандын жардамы менен биздин баатыр Манастын күчү Ала-Тоодон түшүп келди дейм. Алар бул эмне тоо экенин түшүнбөйт. Мен бизде Ала-Тоо бар. Ал жерге бабабыз Манас өз күчүн таштап кеткен. Кудай болсо ошол күчтү таймашта менин колума салып берет дейм. Мына, күч ошондон (күлөт).

Голливуддагы тасмага тартылуулар

— Сизди Голливудга тасмага тартылууга чакырышты деген маалымат бар. Бул чынбы?

— Мени Голливуд фильмдерине көп чакырышкан. Бирок мен өзүмдүн мушкерлик ишимди ойлоп, аларга макул болбой келгем. Максатым — атактуу адам болуу эмес, мекенимди даңазалоо эле. Муну колумдан келишимче аткардым. Бокстон дээрлик кеттим десем болот.

Голливудда мага өзүмдү ойногонду сунуш кылышты. Тасма менин Америкадагы жашоом жөнүндө болчудай. Ал жашоодогу кыйынчылыктар: тилди, элди билбегеним жөнүндө да айтылат. Жессика Альбаны чакыруу пландалган. Сценарий боюнча, Америкада ал менин сүйлөшкөн кызым болот. Бирок дагы чечиле элек каржы маселелери турат. 

Кыргызстан жөнүндө

— Сиз Америкага 2000-жылы Олимпиадада 4-орунду алгандан кийин кеткенсиз. Айтыңызчы, азыр сиз АКШ жаранысызбы же Кыргызстандын жаранысызбы?

— Мен Кыргызстандын жаранымын. АКШга виза менен барып-келип жашайм. 2000-жылы Майк Тайсондун кишилери менин Олимпиада оюндарында чыкканымды көрүп, АКШга чакырышкан. Бирок мен кийин өз өлкөмдүн колдоосу жок чыккан учурларым көп болгон. Өзүм эле биздин желекти көтөрүп чыгып, ушундай өлкө, кыргыз деген эл бар экенин дүйнөгө көрсөтчүмүн. Бирок чиновниктердин колдоосу жок чет мамлекетте бир нерсеге жетишүү өтө кыйын. 

Эки эл аралык адвокат жагынан колдоо көрсөтүшү үчүн мурдагы үч президентке кат жазууга туура келген. Алар үчүн турак-жай, тамак-аш, ал тургай, гонорарды да өзүмө алганга милдеттенгем. Мамлекеттен акча эмес, колдоо сурагам. Бирок, тилекке каршы, мамлекет башчысы кандай болсо, саясатчылар да ошондой болот. Мени колдошкон жок.

Раимкулов мекенине кыргыз спортун жаңы долбоорлор менен колдоо үчүн кайтканын айтты. Май майрамдарынан кийин ал кайра АКШга кетет.

1438
Белгилер:
бокс, Майк Тайсон, Микки Уорд, Артуро Гатти, Шейн Мозли, Оскар Де Ла Хойя, Алмазбек Раимкулов, Мэнни Пакьяо, Флойд Мейвезер, Голливуд, Лас-Вегас, АКШ
Тема боюнча
Чемпиондук үчүн болгон беттеш. Бокс боюнча эл аралык турнирдин финалдык оюну
Түркиядагы кыргызстандыктар достукту спорт менен чыңдашат
Медициналык кызматкер COVID-19 каршы вакциналарды кармап турат. Архив

Американын вакцинага акчасы жеткен жок

232
(жаңыланган 00:17 13.10.2020)
АКШнын атынан Коопсуздук жана контрчалгын боюнча улуттук борбордун (NCSC) директору Уильям Эванина дем алыш күндөрү Россия, Кытай жана Иранды Американын COVID-19га каршы вакцина алуусуна тоскоолдук жасады деп айыптады.

Вакцинанын айланасындагы кырдаал тууралуу Ирина Алкснис ой толгоду.

Американын контрчалгын кызматынын мындай билдирүүсү президент Дональд Трамптын коронавирус инфекциясына каршы вакцина Америка Кошмо Штаттарында президенттик шайлоодон кийин гана пайда болот деп жар салуусу менен дээрлик бир учурда айтылды.

Анткен менен муну тышкы саясаттагы атаандаштардын жаман ниеттеги кутумдары эмес, кайсы бир ички саясий пикир келишпестик менен деп түшүндүрдү.

"Ал (вакцина – ред.) шайлоого чейин болушу керек, бирок бул жерде саясат аралашып кетти. Макул. Алар өз оюндарын ойногусу келип жатат. Ал шайлоодон кийин дароо болот", — деди ал.

Компенсация катары президент америкалыктарга COVID-19ду дарылоо боюнча, ноокастап калганда өзү ичкен дарыны бекер берүүнү убадалады.

Ал арада Трамптын соңку билдирүүсүн чындыгында эле PR маанисинде да компенсация катары кабыл алууга болот. Себеби вакцина темасы жана анын шайлоого чейин пайда болушу президенттин шайлоо алдындагы кампаниясынын маанилүү бир бөлүгү болчу.

Дарыны иштеп чыгууга Ак үй он эки миллиард долларга жакын каражат бөлгөн. Ал тиешелүү тармактагы америкалык жана чет элдик уюмдарга берилген. Маселен, америкалык биотехнологиялык Novavax компаниясы эле оңбогондой акча, 1,6 миллиард доллар алган.

Анткен менен АКШ администрациясынын негизги үмүтү, ал тургай жалгыз эле алар эмес башкалар да британия-швециялык биргелешкен фармакологиялык AstraZeneca компаниясы жана Оксфорд университетине таянып турган. Бирок аталган тараптардын беркилердин супсунун суутканы белгилүү, себеби түзүлүп жаткан препараттардын кооптуулугу боюнча өтө олуттуу маселелер жаралды.

Белгилүү болгондой, AstraZeneca препаратын клиникалык жактан сыноо эки ирет — июль жана сентябрь айында токтотулган. Ыктыярчы болгон эки адамда адаттагыдан тышкаркы неврологиянын симптомдору байкалган.

Вакцина канчалык кооптуу: АКШ жооп сурап, Европа түшчү пайдасын эсептеп...

Тагыраагы, AstraZeneca боюнча июлдагы чатакта буга чейин жайылган склероздун тастыкталбаган учуру көрсөтүлгөн. Анткен менен Оксфорд университетинин сайтында ал "неврологиялык түшүнүксүз симптом" катары сүрөттөлгөн.

Экинчи, сентябрдагысында, компания ыктыярчы болгон аялда "түшүнүксүз оору" пайда болгондугун жар салган. Ал эми ички документтерде сейрек кездешкен неврологиялык илдет катары жазылып жүрөт.

Россияга штаттык фармацевтикалык капыстан жаралган кыйынчылык биринчи иретте аларга канчалык деңгээлде тиешелүү экени кызык болду. Белгилүү болгондой, жай мезгилинен тарта АКШ, Улуу Британия жана Канада Москваны алар иштеп чыгып жаткан вакцина боюнча маалыматтарды уурдоо үчүн кибер чабуул жасады деп күнөөлөдү.

Эми Эванинанын билдирүүсүнө караганда, концепция өзгөрүп, биринчи планга аларда болуп жаткан ийгиликтерге тоскоолдук кылуудагы россиялык атайын кызматтардын саботажы чыкты.

Негизи эле орустарда эч кандай вакцина жок деген билдирүү дагы деле болсо NCSC директорунун оозунан чыкты.

Жетекчисин кыжаалат кылдырбай, ансыз да чыңалып турган нерв клеткаларын сактоо үчүн америкалык контрчалгын кызматы Россияда бир нече күндөн кийин "Вектор" борборунан экинчи препараттын каттоодон өтө тургандыгы боюнча маалымдабай эле койгону дурус.

"Вектор" борбору коронавируска каршы вакцинасы үчүн патент алды

Бирок бул маселенин тарыхына глобалдык көз караштан мамиле кылганда, Вашингтондун байкап, көз сала берчү адаты, өзүнүн ар бир калпыстыгы үчүн Москвага күнөө арта бергени бир топ сабак болду.

Вакцинаны биринчилерден болуп ойлоп табуу боюнча дүйнөлүк атаандаштык жарышындагы жеңиш Вашингтон үчүн Дональд Трамптын шайлоо алдындагы кампаниясы үчүн эле эмес, Кошмо Штаттардын дүйнөдөгү жеңилбес гегемония символу катары да маанилүү эле. Америка эң өнүккөн, технологиялык жана илимий жактан алдыга кеткен, планетадагы бардык, болгон бүткөн нерселерде оңбогондой кыйын, ири мүмкүнчүлүктөргө ээ деген нерсени көрсөтүү үчүн керек эле.

АКШнын глобалдык лидер макамын орнотууда финансылык фактор адаттагыдай эле олуттуу ролун ойноду. Ал эми планетада башкы басма станогуна ээлик кылуу бүгүнкү күнгө чейин алардын башкы ролдогу негизги идеяларынын бири болуп келе жатат.

Вашингтон тарабынан дүйнө боюнча вакцинаны иштеп чыккан компанияларды ашыкча берешендик каржылоо эки, үч, ал тургай он эсе көп болушу мүмкүн. Бирок акыр аягында америкалыктар чындыгында эле муну пайдалана алышат.

Батыш вакцина жарышынан эмнеге утулууда. Саресеп

Бул бир жагынан алып караганда таасирлентсе, ал эми экинчи жагынан алганда иштин оңунан чыкпай калгандыгынын канчалык экендигин, масштабын көрсөтөт. Себеп дегенде элүү, ал тургай жүз миллион доллар бул учурда, мындай кырдаалда эч нерсени өзгөртө албайт эле. Бир катар маселелерди айрыкча акча менен чече албай, жөнгө сала албай турган учурлар да бар.

Акыркы жылдары Америка Кошмо Штаттарында мезгил-мезгили менен алардын дүйнөдө үстөмдүк кылуусун камсыздаган адаттагы нерселеринен баш тарта баштагандыгын байкоого болот. Америкалыктар өзүнүн вотчинасы деген тышкы саясаттагы кенже өнөктөштөрү менен эл аралык уюмдар көзөмөлдөн чыга баштады. Иштелип чыккан технологиялары, маселен, түстүү ыңкылаптары өзүнүн майнабын бербей жатат.

Эми чакырык дебесек да, кезектеги коңгуроо кагылды, ал — доллар дайыма эле айбаттуу болуп тура албайт деген кулак кагыш болду.

232
Белгилер:
атаандаштык, компенсация, вакцина, коронавирус, Дональд Трамп, Улуу Британия, Канада, Россия, АКШ
Тема:
Дүйнөгө жайылган коронавирус
Тема боюнча
Өз башындагы төөнү көрбөй... Россиялык вакцинанын сынчыларына жооп
Америкалык көп багыттуу F-35 бомбалоочу истребители. Архив

Америкалык F-35тин кезектеги көйгөйү: абада май куюучу учак менен кагышты

194
Америкалык көп багыттуу F-35 бомбалоочу истребители толук иштелип чыкпаган машина экенин айгинелеп келет. Мүчүлүштүктөрү жана кайра-кайра кырсыкка кабылышы менен адистерди улам таң калтырат.

АКШнын Аскер-деңиз флотунун Аскер-деңиз институту 30-сентябрда Калифорния штатындагы Эль-Сентро аскердик базасына жакын жерде АКШнын Деңиз пехотасынын корпусунун KC-130J май куючу учагы жана F-35B Lightning II ("Чагылган") абада кошумча май куюу маалында кагышкан. Бул окуяга жана аталган учактын техникалык мүнөздөмөсүнө аскерий баяндамачы Александр Хроленко сереп салган.

Май куюу технологиясы истребителди май куйгуч учак сүзгөнүн айтып турат, андан соң F-35 кулап түшүп, талкаланган. Учкуч катапульта менен секирген, ушул тапта госпиталда дарыланууда. Анткен менен KC-130J танкеринин сегиз аскер кызматкеринен турган экипажы жабыр тарткан эмес, жерге эсен-соо коно алышкан.

"Абрамстарды" жеткиришти. АКШ Беларусь чек арасында эмне баштоодо?

Америкалык учактардын кырсыкка кабылуу көрсөткүчү салыштырмалуу төмөн деп эсептелип келген. Бирок 2020-жылдын жаз жана жай мезгилдеринин аягында АКШнын Аскер-аба күчтөрү жана Аскер-деңиз күчтөрүнүн жети истребители: F-35A – 19-май жана 9-июнда, F-22 Raptor – 15-майда, F-15C Eagle – 15-июнда, F-18F Super Hornet – 18-июнда, кийинчерээк – F-16C талкаланган. Акыркы кырсыктан улам Шоу (Shaw Air Force Base) базасында чоң жалын тутанган. Булардын баары эксплуатация жана аскердик жөндөм көйгөйлөрүнөн кабар берет.

"Бешинчи муундагы" F-35 истребителдери үч модификацияда: Аскер-аба күчтөрү үчүн F-35A (стандарттык учуш жана конуу), Деңиз пехотасынын корпусу үчүн F-35B (кыска учуш жана жана вертикалдык конуу), Аскер-деңиз күчтөрү үчүн F-35C (авиа ташуучунун катапультасы аркылуу учуш жана аэрофинишерди пайдалануу менен конуу) иштелип чыккан. Кыска убакыт аралыгында эле бул "көзгө көрүнбөстөрдүн тобу" кырсыктарда үч учагынан ажыраган.

Эске салсак, 2019-жылы япониялык Аскер-аба күчтөрүнө таандык F-35A да кулаган.

2018-жылы Түштүк Каролина штатындагы Бофорт америкалык Деңиз пехотасынын корпусунун авиабазасынын жанында F-35B Lightning II истребители талкаланган. Өрт чалган F-35B да жарактан чыгарылган.

Баа жана сапаттын башаламандыгы

Joint Strike Fighter (JSF) программасынын былтыр октябрда долбоордук кубаттуулугу арткан. F-35 Lightening II истребители дал ушул программанын алкагында жасалган. Ушуга байланыштуу Lockheed Martin компаниясы жана АКШ Коргоо министрлиги 478 F-35 учагын сатып алуунун орто мөөнөттүү планын жарыялаган. Алардын 291и Кошмо Штаттардын аба күчтөрүнө, 127 машина JSF программасы боюнча эл аралык өнөктөштөрүнө, 60 истребитель эл аралык сатып алуучуларга бөлүнгөн. 478 бирдиктин жалпы наркы – 34 млрд. доллардын тегерегинде.

АКШны тынч уктатпаган Су-57 неге мынча бүйүр кызытат?

F-35А истребителинин наркы (азыр 100 млн. долларга жакын) анын сериясынын жогорулатылышы менен акырындап ылдыйлашы болжонот. 13-партиядан тарта 80 млн. доллардан төмөн болушу мүмкүн. Бирок "чагылгандардын" арзандашы жарыялангандай бешинчи муундун деңгээлиндеги сапатка жогорулатыларына кепилдик бербейт.

Андан мурун Пентагон менен ымалалаш Defense News басылмасы F-35 Lightning II учагын кескин баасын жарыялаган. Эгер кыскача токтолсок, F-35 – форсажда 1 мүнөттөн кем эмес убакытта ыкчамдай алган үнгө чейинки истребитель. Ал эми 1 Махтан жогорку ылдамдыкта корпусу ысып кетип, кыйроо коркунучу туулат.

Ал эми 1,6 Махтан өйдө учактын куйругу сынып түшүп калат. Анткени бешинчи муундагы истребителдин крейсердик ылдамдыгы 1,4 Махтан төмөн болбоого тийиш, ал эми бул жагынан F-35 Lightening II төртүнчү муунда калган.

Машинанын беш чоң кемчилиги технологиялык жактан жоюлбайт, бул мыйзам ченемдүү түрдө жалпы 1,7 триллион доллардан ашуун нарктагы өндүрүш программасын арсар абалга салат. 2020-жылдын сентябрында F-35 учуш үчүн абдан кымбат деп таанылды. Программа алдыдагы беш жылда 10 млрд доллар өлчөмүндөгү каржылоо таңсыктыгына кабылып отурат.

F-35ти модернизациялоо. АКШнын доо кеткен беделин бийиктетүү аракети

Пайдаланууда оор эки моторлуу F-22 Raptor учагына караганда арзан болгону менен аргасыз "заманбапташтыруу", курал менен жабдуу, күйүүчү май, запастык тетиктерин алуу жана техникалык тейлөөнү уюштуруу боюнча кошумча изилдөө жана иштелмелерден улам F-35 учагынын наркы өтө кымбатка түшкөн.

Мында F-22ден болгону 187 бирдик чыгарылганын, ал эми F-35тен 3000ден ашуун учактан турган серия менен чыгаруу белгиленген. "Чагылгандардын" мындай саны жай убакта Кошмо Штаттарга санаалаш мамлекеттердин жана Пентагондун өзүнүн бюджетин эңшерет. Мындай коркунуч кыйла реалдуу, себеби F-35 программасынын наркынын 75 пайызы эксплуатациялык чыгымдарына туура келет. Мындай чыгымдар техникалык тейлөөгө өтө чоң талаптар жана күйүүчү майдын сарпталышы үчүн болжонгон суммадан алда канча ашып кетет. Башкача айтканда, технологиялык жактан "бышып жетилбеген" F-35ти дайым даярдыкта кармоо F-16 же F-18 истребителдерине караганда кыйын жана бир топ кымбат.

Аскердик күчтү "тууроо"

Болжол менен америкалык армия F-35 Lightening II истребители үчүн талаптарга шайкеш 15 миң тетик алды. Тушуккан көйгөйлөрүн чечүү үчүн жакын арада "молнияларга" 70 млн. доллардан ашуун каражат сарптайт.

F-35 эксплуатациялык чыгымдардын улам өсүшү, өндүрүшчү ишкананын программалык камсыздоосунан (жаңылоосунан) "керектөөчүнүн" көз карандылыгын күчөтүү, тетиктери менен жабдуунун олку-солку болушу сүрдүү учактын "бышып-жетиле" электигин айгинелейт.

"Чагылгандар" теориялык жактан гана радарлардан буйтап, душмандын коргонуучу коен жатагына чейин сокку ура алат. Иш жүзүндө бардык модификациядагы F-35 истребителдери жеткиликтүү бийиктик жана ылдамдыкта, кандай гана куралдануу топтомдуу болбосун, максималдуу аралыктагы потенциалдуу душмандын радиолокациялык станцияларынын экранында ачык байкалат. Башкача айтканда, багыты боюнча милдеттерин концептуалдык-технологиялык жактан аткара албайт. Ал эми согуштук аракеттер аймагында жай жүрүүчү бутага айланат.

Россияда өндүрүлгөн радиолокациялык станцияларын пайдаланган Иран Персид булуңунун аймагында жайгаштырылган америкалык "көзгө чалдыкпастардын" – эки F-35A эскадрилиясын, ал түгүл Катардагы F-22 Raptor эскадрильясын даана көрүп турат.

Тегерандын алда канча натыйжалуу табылгасы С-300ПМУ-2 узун аралыкта абадан коргонуу тутуму болуп саналат. Күчтүү радар жана ракета кое берүүчү орнотмолорун камтыйт. Ирандын "Резонанс-НЭ" абадан коргонуу тутуму да кыйла эффективдүү. Өлкөнүн чек араларына жакын жердеги F-35 истребителдерин ийгиликтүү таап, изине байкоо салат.

Мээлегенин алып түшкөн "Прометей". Бутасын 550 чакырымдан кыйратчу жаңы ракета

Россиялык адистер тарабынан чыгарылган "Резонанс" радиолокациялары 600 чакырым аралыктан 100 чакырымга чейинки бийиктиктен аэродинамикалык аба объектилерин ("көзгө чалдыкпас истребителдерди" да, гипер үндүү ракеталарды да) таап, бута көрсөткүчтөрүн берүүгө жөндөмдүү. Ошону менен бирге эле баллистикалык буталар "Резонанс-НЭнин" байкоо аймагына 1100 чакырым аралыктан "илинет". Негизи эле Иран Ислам Республикасынын абадан коргонуу тумумунун баары Пентагонго 2017-жылдан тарта баш оору болуп келет, ошол себептен да баш ийбеген Тегеранды бомбалоого даабайт.

194
Белгилер:
чек ара, Аскер, АКШ, учак, истребитель, курал
Тема боюнча
100 млн. долларлык парадокс. F-35 истребителинин баага татыбаган сапаты
Экс-президент Сооронбай Жээнбеков. Архив

Жээнбеков жоюп кеткен Антикоррупциялык кызматты Жапаров жандантты

102
(жаңыланган 22:30 20.10.2020)
Жаңы жарлыктын негизинде Жээнбековдун жарлыгынын колдонулушу токтотулуп жана кабыл алынган күндөн тартып күчүн жоготту деп табылды. 

БИШКЕК, 20-окт. — Sputnik. Президенттин милдетин аткаруучу Садыр Жапаров Коррупцияга каршы күрөшүү кызматынын ишин жандандыруу боюнча жарлыкка кол койду. Бул туурасында президенттик аппарат билдирди.

Белгилей кетсек, экс-президент Сооронбай Жээнбеков кызматтан кетип жатып аталган кызматты жоюу туурасында жарлыкка кол койгон

Жапаровдун чыгарган жарлыгына ылайык, Жээнбековдун жарлыгынын колдонулушу токтотулду жана кабыл алынган күндөн тартып күчүн жоготту деп табылды.

Буга байланыштуу Улуттук коопсуздук мамлекеттик комитетинин Антикоррупциялык кызматынын иши улантылат.

УКМКга төмөнкүдөй тапшырмалар берилди:

  • Антикоррупциялык кызматтын иштөөсүн камсыз кылсын;
  • Антикоррупциялык кызматтын мындан аркы ишин оптималдаштыруу боюнча сунуштарды киргизсин.

Жарлык расмий жарыяланган күндөн тартып күчүнө кирет.

102
Белгилер:
кызмат, коррупция, жарлык, Садыр Жапаров, Сооронбай Жээнбеков
Тема боюнча
Экс-президент макамы Жээнбековго кандай артыкчылык берет? Тизме
Жээнбеков расмий түрдө экс-президент болду. Жапаровдун биринчи жарлыгы