Киши Венадагы ОПЕК офистин жанында өтүп бара жатат

"Тобокелдиктер дале бар". ОПЕК+ жыйынынын жыйынтыктарына саресеп

212
(жаңыланган 21:43 10.04.2020)
ОПЕК+ уюмунун негизги өлкөлөрү, Мексикадан тышкары, баары мунай өндүрүүнү кыскартуу параметрлери боюнча макулдашты. Кырдаал мындан ары кандай нук аларына Sputnik радиосунун обосунда энергетикалык коопсуздук жаатындагы серепчи Игорь Юшков саресеп салды.

ОПЕК+ катышуучулары 10 сааттык сүйлөшүүлөрдүн натыйжасында мунай казууну май-июнь айында суткасына жалпы 10 миллион баррелге азайтуу боюнча макулдашты, бирок келишимдин күчүнө кириши үчүн Мексиканын макулдугу зарыл.

"Бул баскычта өндүрүштүк милдеттенмелер ОПЕК өлкөлөрү үчүн суткасына 6,085 миллион баррелди жана ОПЕКке кирбеген мамлекеттерге суткасына 3,915 миллион баррелди түздү", – деп билдирген Азербайжан Энергетика министрлигиндеги булак РИА Новости агенттигине.

Жылдын калган бөлүгүндө мунай казууну жалпы кыскартуу суткасына 8 миллион баррелди, 2021-жылдын январынан 2022-жылдын апрель айына чейин кен казууну 6 миллион баррелге төмөндөтүүгө милдеттенме алат. Эл аралык маанидеги расмий жолугушуунун жыйынтыгына жараша Россия жана Сауд Аравия ОПЕК+ жаңы келишимин аткарууда май айынан июндун аягына дейре мунай казуунун көлөмүн суткасына 8,5 миллион баррелден ашырбайт.

Аталган маалымат агенттигинин маалыматына таянсак, ОПЕК+ катышуучулары мурда кен казууну кыскартуунун базалык деңгээлдеги эсеби боюнча макулдаша алышкан эмес. Мексика бийлиги башынан эле мунай казууну суткасына 400 миң баррелге кыскартуу келишими боюнча үч баскычтуу квотага макул болбой, болгону 100 миң баррелге азайтууну сунуштаган.

Расмий Мехико жакынкы эки айда суткасына дал ушунча көлөмгө сырьелук өндүрүштү кыскартууга даяр. ОПЕК+ өлкөлөрүнүн тийиштүү министрлери бул маселе боюнча сүйлөшүүлөрдү жума күнү да улантат.

Sputnik обосунда РФ өкмөтүнүн алдындагы Каржы университетинин серепчиси, Улуттук энергетикалык коопсуздук фондунун башкы аналитиги Игорь Юшков ОПЕК+ жолугушуусунун жыйынтыктары боюнча талдады.

“Эски форматтагы ОПЕК+ келишиминин негизги оюнчулары бир пикирге келишкени жана жарыяланган параметрлерине катышуучулардын көбү макул болгонуна карабай, ага каршы чыккан Мексика да бар. Тегиз баары бир пикирге келбесе, келишим аткарылбайт. Өндүрүштүн көлөмүн кыскартуу жөнүндөгү келишим ортого жалпы макулдашуудан чыкты. Эгер мүчөлөрдүн бири катышуудан баш тартса, калгандары: “Кимдир бирөө аткарбай, биздин аракеттерибиздин жемишин пайдалана турган болсо, биз эмнеге кыскартышыбыз керек?” деп суроо салышы ыктымал. Ушундай эле собол келишимге кол койбогон башка өлкөлөргө да тиешелүү. Эң оболу, алар – АКШ, Улуу Британия", – дейт Игорь Юшков.

Адис кен казууну ОПЕК+ өлкөлөрү мунай баасын колдоп туруу үчүн кыскартууга макулдашышканынан улам мурда АКШ өндүрүш көлөмүн көбөйтүп келгенин эске салды. Вашингтон азыр өз мунайынын көлөмүн чектеп-чектебей турганы белгисиз деп эсептейт эксперт.

"Дал ОПЕК+ келишими мунайдын баррелин 50-60 доллардан кылууга мүмкүндүк бергендигинен улам АКШ өзүнүн сланецтик долбоорлору менен кен казууну кыйла жогорулаткан. Ушул тапта Россия америкалыктар да кен казуунун көлөмүн кыскартуу процессине өз салымын кошсун деген шарт коюуда, бул онлайн-жолугушууда талкууланмакчы. АКШ буга чейин табигый жол менен өз салымын кошорун айтып келген. Бирок келишимдин мүчөлөрү АКШ дагы так бир көлөмдү аташын жана бул квоталардын аткарылышына кепилдик беришин талап кылышууда. Аталган держава бул милдеттенмелерди алабы же жокпу, азырынча түшүнүксүз", – деп белгилейт Игорь Юшков.

Анын божомолунда тараптардын баары макулдаша алса да, баа кайсы бир мезгилге чейин жогорулабайт.

"Мунай сактагычтарды толтуруу сценарийлеринин тобокелдиктери дале бар, анткени келишим 1-майдан тарта иштей баштайт. Апрель айына карата дүйнө жүзү боюнча мунай сактагычтардын басымдуу үлүшү толтурулат жана бул рынокко кысым кылат. Баа июнь-июлдан кийин мурдагы калыбына келет, ал эми азыр баррелине 35 доллардан өйдө көтөрүлбөйт", – деп эсептейт Улуттук энергетикалык коопсуздук фондунун башкы аналитиги.

ОПЕК+ өлкөлөрү 6-мартта мунай казууну кыскартуу жөнүндөгү келишимдин параметрлерин өзгөртүү боюнча да, келишимдин мөөнөтүн узартуу жөнүндө да бир пикирге келе алышкан эмес. Натыйжада 1-апрелден тарта мурдагы альянстын курамындагы өлкөлөрдө мунай өндүрүүдө чектөөлөр жоюлган. Бул менен катар коронавирус пандемиясы да мунай рыногундагы кырдаалды курчутту.

212
Белгилер:
нефть, өндүрүш, Мунай, ОПЕК
Тема боюнча
Мунай рыногун бирге сактайлы: АКШ да мунай казууну азайтат
Бутуна тура баштаган Кытай Россияга мунай согушун жеңүүгө жардам берет
Ил-80 (Ил-86 ВКП) учагы. Архивдик сүрөт

Россияга "кыямат күндүн учагын" кайра жасоонун эмне зарылдыгы бар?

229
(жаңыланган 10:03 29.10.2020)
РФ Куралдуу күчтөрү жакын арада Ил-96-400М ыраак магистралдык лайнердин негизиндеги сооттолгон, жогорку технологиялык жаңы аба пунктуларына ээ болмокчу. Батышта мындай машиналарды "кыямат күндүн учагы" деп коюшат.

Үчүнчү дүйнөлүк согуш тутанып кете турган болсо РФтин жогорку аскердик жана саясий жетекчилиги коргонууну уюштуруп, жерде, деңизде жана көктөгү күчтөрдү "учуучу штабдардын" бортунан тескейт.

Бул типтеги учактар ушу тапта болгону эки мамлекетте — Россия жана АКШда гана бар. Бул машиналардын өзгөчөлүктөрү жана милдеттери тууралуу РИА Новости сайтына жарыяланган Андрей Коцтун материалынан окуңуздар.

Командачылыкты сактап калуу

Өзөктүк державалардын ортосундагы мамиле болушунча курчуду. Дипломаттар туңгуюкка кептелди, тараптар элчилерин чакыртып алышты. Куралдуу күчтөр тыкыр даярдыкта.

"Жеңил жагдай". АКШ эмнеликтен Баку менен Ереванды элдештире алган жок?

Стратегиялык бомбалоочу учактар абага көтөрүлүп, баллистикалык ракеталар жүктөлгөн суу түбүндөгү атомдук кайыктар океанга сүңгүүдө, жылуучу грунттук ракеталык комплекстер аскердик күзөт багыттарына карай жакындоодо. Дүйнө үчүнчү дүйнөлүк согуш болуп кетпегей эле деп санааркап турат.

Кудай жалгап мындай сценарий азырынча фантастика гана. Россияда да, АКШда да толук масштабдуу согуш өзөктүк согушка өтүп, он миллиондогон курмандыкка алып келиши мүмкүн экенин жакшы билишет.

Бирок аскерлер дайым эң жаман жагдайга дайым даяр турушат. Эки тарап тең андай чатакта биринчи сокку душманды башчысыз калтырат, күчтөрдү башкаруу жана кандайдыр бир тирешти уюштурууга мүмкүнчүлүгүнөн ажыратат. Негизги бута — аскердик жана саясий борборлор.

Коркунуч жаралган убакта Россиянын жетекчилиги жана Куралдуу күчтөрдүн жогорку командалык курамын катаал купуялуулук шартында аскердик аэродромго көчүрүшөт. Анда аларды канаттуу командалык пунктулар күтөт.

Путин мамлекеттин күчү эмнеде экенин айтты. РФ лидеринин "Валдай" клубундагы сөзү

"Кыямат күндүн учагынын" экипажынын негизги милдети — мамлекеттин биринчи өкүлдөрүн соккудан сактап, өлкөнүн коргоо тутумун абадан башкарууга мүмкүнчүлүк түзүү.

Бул командалык пунктулардын аскердик туруктуулугун коштоочу истребителдерин жана танкер-май куюучулар камсыз кылат. Ушундай эле тактика Кошмо Штаттарда да кансыз согуш доорунда эле иштелип чыккан.

Көп күттүргөн "орун басар"

Россиянын Куралдуу космостук аба күчтөрүндө Ил-86 жүргүнчү лайнеринин негизинде курулган Ил – 80 "кыямат күндүн учагы" бар. Күчтүү энергоорнотмо, заманбап байланыш каражаты, жашоону колдоо тутуму кошумча май куюу менен абада бир нече күн өткөрүүгө мүмкүндүк түзөт.

Өзүнөн мурдагы жарандык түрүнөн Ил-80 бийик "чекеси" — ар кыл радиоэлектрондук жабдуулар жайгаштырылган фюзеляждын маңдайындагы үстүңкү ири бөлүгү менен айырмаланат. Андан сырткары, экипаж жана жүргүнчүлөрдүн көздөрү жакынкы өзөктүк жардыруудан жабыркабашы үчүн Ил-80дин иллюминатору жок. Куйрук бөлүгүндө суу түбүндөгү кайыктар менен байланыш үчүн кое берүүчү тростук антенна орнотулган.

"Оңой менен кыйрабайт": Түндүктө америкалыктар бункерге кайтууда

Ил-80 боюнча кеңири маалыматтар мамлекеттик сыр болуп саналат. Тек гана бортунда Куралдуу күчтөрдүн бардык түрлөрү жана типтерин башкаруу үчүн аппаратура, жогорку кызматтагы жүргүнчүлөрдүн иштөө жана эс алуусу үчүн жайлар каралып, күйүүчү майдын кору үчүн кошумча идиштер коюлган.

Учак каалаган жарандык жана аскердик аэродромдон учуп чыга алат. Жапырт кыйратуучу куралдан коргонуу каражаттары менен жабдылган. Жер үстүндөгү жана ретрансляция, байланыш жана навигация жабдыктары кыйратылган учурда автономдуу иштей алат.

Бирок Ил-80 куралдуу күчтөрдө 15 жылдан бери пайдаланылып келет, өз ресурсунун басымдуу бөлүгүн иштеп чыккан. Мындан тышкары, Ил-86 — орто магистралдык болуп саналышат. Алардын иш ыраактыгы — болгону 3800 чакырым, бул башкаруунун абадагы пункту үчүн жетиштүү эмес. Ошол себептен "кыямат күндүн жаңы учагы" үчүн Ил-96-400М негиз катары тандалганы өзүн актады. Оор жүктөнгөн учурда да бул машина тогуз миң чакырымдын тегерегиндеги ыраактыкка уча алат.

Өз ара сый диалогго чакырып... Европалыктар Россияны сыйлоого аргасыз

"Учуучу отелдер"

АКШнын Куралдуу күчтөрүнүн Boeing-747 авиалайнеринин негизинде түзүлгөн төрт E-4B Nightwatch учагы бар. Ар бири бортуна 100дөн киши алып, улам кошумча май куюулуп турганда абада бир жумага дейре кармала алат.

Е-4B өзөктүк жарылуунун кыйратуучу факторлорунан корголуп, эң заманбап радиоэлектрондук жабдык менен корголгон.

Негизи америкалык "кыямат күндүн учагы" — бул учуучу отель. Анын бир нече күн аралыгында автономдуу иштеши үчүн тийиштүү нерсенин баары — ашкана, санитардык түйүндөр, эс алуу аймагы, уктоочу кубрик (бөлмө), стол жана тогуз креслосу бар жыйын бөлмөсү, 29 жумуш орундуу коммуникация менен байланыш зонасы жана башка бөлмөлөр бар.

Интерьер ыңгайлуулугу, ал эми жабдуусу жогорку эргономикасы менен айырмаланат. Балким ошол себептен АКШнын биринчи өкүлдөрү узак жолго жана бөлөк өлкөлөргө расмий сапарга чыкканда классикалык президенттик Air Force One бортторунун ордуна E-4B учагын маал-маалы менен тандашат.

E-4B учактары россиялык Ил-80ден алда канча улуу. Алар 1970-жылдары эле пайдаланууга берилген. Анткен менен алар улам заманга бапташтырылып турат.

2015-жылы борттордун бир бөлүгү коммуникациялык жабдуунун кайра программаланышынан жана коммуникациялык жабдуу жол-жобосунан өткөн.

Европа Россияга каршы жаңы санкциялардын азабын тартабы?

Учактар ыкчам ылдамдыктагы интернетке, кеңири сызыктуу спутник байланышына туташтырылган, ошондой эле жогорку өткөрүү жөндөмдүүлүктөгү атайын корголгон каналдарга ээ. E-4B ыраактыгы — 11 миң чакырым.

Андан сырткары, америкалыктардын суу түбүндөгү стратегиялык атомдук кайыктары бар резервдик тутумун камсыздандырууга багытталган, ошондой эле Кошмо Штаттардын Куралдуу күчтөрүнүн командалык аба пункту катары пайдалануу үчүн 16 E-6 учагы бар.

Кокус согуш тутанып кетсе, бул машиналар суу алдындагы кайыктар жана "кыямат күндүн учактары" менен байланышта болуу менен Атлантика жана Тынч океан аймактарында аскердик күзөткө чыгышат.

229
Белгилер:
согуш, ракета, АКШ, ылдамдык, Россия, учак
Тема боюнча
Ту-154түн Россияда элди акыркы ирет ташыган видеосу. КРдеги №1 борт да ушундай
Казакбаев: Россия Кыргызстандын союздашы болуп келген жана боло берет
Президенттин милдетин аткаруучу, премьер-министр Садыр Жапаров. Архивдик сүрөт

Жапаров президенттиктен кетсе өлкө башчынын милдетин ким аткарат

3775
(жаңыланган 10:53 27.10.2020)
Садыр Жапаров шайлоого катышуу үчүн отставкага кете турган болсо, премьер-министр менен президенттин милдетин ким аткара турганына Sputnik саресеп салып көрдү.

Президенттин милдетин аткаруучу, премьер-министр Садыр Жапаров Кочкор районуна жасаган сапарынын учурунда кийинки жылдын башында өтчү президенттик шайлоого талапкер катары катыша турганын билдирди. Айтымында, ал ыйгарым укуктарын декабрда өткөрүп бермекчи. Эскерте кетсек, Конституция боюнча президенттин милдетин аткарып жаткан адам шайлоого бара албайт.

Sputnik Кыргызстан агенттиги Жапаров отставкага кеткенден кийин өлкөнү ким башкара турганына кызыгып көрдү. Конституцияны кайра окуп чыгып, юристтер менен сүйлөштүк.

Парламенттик шайлоо жылса өлкөдөгү абал кандай өзгөрөт? Юристтердин пикири

Мыйзам эмне дейт

Баш мыйзамга ылайык, эгер президент мөөнөтүнөн эрте кызматынан кетсе, жаңы өлкө башчы шайлангыча анын милдетин Жогорку Кеңештин төрагасы аткарат. Эгер буга да мүмкүн болбосо, президенттин ыйгарым укуктары премьер-министрге же анын милдетин аткарып жаткан адамга өтөт.

"КР өкмөтү тууралуу" мыйзамда эгерде премьер-министр жок болсо, анын милдетин биринчи вице-премьер аткара турганы жазылган.

Белгилей кетсек, премьер отставкага кеткенде өкмөт толугу менен кеткен болуп эсептелет. Ошол эле убакта өкмөт мүчөлөрү милдеттерин аткара беришет.

Нурлан Садыков, Конституциялык саясат институтунун директору

Заместитель председателя правления – член правления ОАО Национальная энергетическая холдинговая компания, член Совета директоров ОАО ЭС, ОАО Северэлектро Нурлан Садыков
© Фото / пресс-служба Национального энергетического холдинга КР
Конституциялык саясат институтунун директору Нурлан Садыков

Нурлан Садыков эгер президенттин милдетин аткаруучу кызматынан кетүүнү чечсе, Жогорку Кеңеш төрага тууралуу маселеге кайтышы керек деп эсептейт. Анын айтымында, өлкө башчынын милдетин аткаруудан баш тарткандан кийин спикер отставкага кетиши керек болчу.

"Президенттин милдетин ЖК төрагасы аткарышы керек. Эгер ал баш тартса, парламент өлкө башчынын милдетин аткара турган жаңы спикер шайлашы шарт", — деди Садыков.

Президент болом дегендер документтерин БШКга качан тапшырары такталды

Дастан Бекешев, ЖК депутаты

Депутат Жогорку Кенеша Дастан Бекешев на радиостудии Sputnik Кыргызстан
© Sputnik / Асель Сыдыкова
ЖК депутаты Дастан Бекешев

Дастан Бекешев окуя укуктук талаадан чыкпаган эки нукта өнүгөт дейт. Депутат биринчисин төрага менен байланыштырды.

"Парламенттин спикери каалаган убакта арызын артка чакыртып, президенттин милдетин аткаруучу боло алат", — деди ал.

Экинчи учурда президент менен премьер-министрдин укуктары биринчи вице-премьерге өтө турган кызматтык чынжырча ишке ашары боолголонду.

Кайрат Осмоналиев, БШК мүчөсү, КР эмгек сиңирген юрист

Заслуженный юрист КР, член ЦИК и советник министра образования Кайрат Осмоналиев
© Фото / Азиз Пиримкулов
БШК мүчөсү, КР эмгек сиңирген юрист Кайрат Осмоналиев

Кайрат Осмоналиев Кыргызстанда ушу тапта стандартка төп келбеген көрүнүш жаралганын белгиледи. Ал мыйзам алкагында ишке ашышы мүмкүн деген дагы бир учурга көңүл бурду. 

"Мыйзамда президенттин милдетин аткарып жаткан адам кызматтан кеткенде эмне болору так жазылган эмес. Бирок Конституцияда ага чейинки аракеттердин регламенти каралган. Демек, ошол эле нукта артка кеткен схема иштей алат", — деди юрист.

Ал мыйзам боюнча президенттин милдетин аткаруу ЖК төрагасына жүктөлөрүн эске салды.

"Спикер президенттик шайлоого катышуу үчүн кызматынан кетиши мүмкүн. Анда өлкө башчынын милдетин аткарууга вице-премьерлердин бири талапкер боло алат", — деди Осмоналиев.

БШК парламенттик шайлоону өткөрүүгө тыюу салган соттун чечимине даттанат

Юрист мыйзам боюнча премьердин отставкасынан кийин анын милдети биринчи вице-премьерге жүктөлөрүн кошумчалады. Ал эми президенттин милдетин биринчи вице-премьер артына алар-албасы чоң маселе. Бирок Осмоналиев бул учурду да көз жаздымда калтырбаш керек деп эсептейт.

Белгилей кетсек, ушу тапта Жогорку Кеңеш төрагалыгын Канат Исаев, ал эми биринчи вице-премьерликти Артем Новиков аркалоодо.

3775
Белгилер:
БШК, шайлоо, Канатбек Исаев, Садыр Жапаров, өкмөт, вице-премьер-министр, премьер-министр, президент
Тема боюнча
Коопсуздук кеңешине жаңы катчы дайындалды
Балбак Түлөбаев Бишкек мэринин милдетин аткара баштады
Айыл чарба, тамак-аш өнөр жайы жана мелиорация министри Тилек Токтогазиев Sputnik Кыргызстан агенттигинде өткөн онлайн маалымат жыйында

Токтогазиев: текшерип жатабыз, эптеп эле иштеп жүргөндөр кызматтан алынат

0
(жаңыланган 13:28 30.10.2020)
Айыл чарба министрлигинде ушуга чейин элементардык электрондук документтештирүү системасы киргизилген эмес.

БИШКЕК, 30-окт. — Sputnik. Айыл чарба, тамак-аш өнөр жайы жана мелиорация министрлигинин кызматкерлерин текшерип жатабыз, натыйжасы жок иштеп жүргөндөр аныкталса жумуштан алынат. Бул туурасында министр Тилек Токтогазиев Sputnik Кыргызстан агенттигинде өткөн онлайн маалымат жыйында билдирди.

Анын айтымында, ушуга чейин министрликте элементардык электрондук документтештирүү системасы киргизилген эмес. Азыркы тапта санариптештирүү жана экспортко чыга турган товарлардын документтерин тез арада бүтүрүү боюнча аракеттер башталды.

"Бизде өз ишин мыкты билген адистер жетиштүү, ошол эле учурда эптеп эле иштеп жүргөндөр да бар. Андыктан учурда аудит жүргүзүп, ким эмне менен алектенип жатканын аныктап жатабыз. Жыйынтыгына жараша кадрдык чечимдер кабыл алынат. Жөн гана иштен кетирип салуу болбойт, эгер өз ишинин адиси болсо, аны менен иштешүүнү улантабыз. Мисалы, райондук агрардык башкармалыктар ишкерлер менен фермердин ортосуна көпүрө болуп, айыл чарба азыктарын сатууга шарт түзгөн менеджер болушу керек. Учурда алардын активдүүлүгү жетишпей жатат", — деди Токтогазиев.

Тилек Токтогазиев Айыл чарба министрлигиндеги көйгөйлөрдү ачыктады

Мындан сырткары, министр бир жарым жыл мурда министрликтин штаты 5000ден ашуун болгонун, бирок мурдагы жетекчилик позициясын коргой албай эки-үч бөлүккө бөлүнүп кеткенин белгиледи. Мындан улам 4000ден ашуун кызматкер Суу чарба агенттигине кеткен, Фитосанитардык, ветеринардык инспекциялар, алкоголдук продукцияларды көзөмөлдөө Айыл чарба министрлигине карабай калган.

Бүгүнкү күндө министрлик көбүнчө айыл чарба тармагын өнүктүрүү саясатын аныктап калганын айтат. Жалпы штаты 888 кызматкерден турса, анын 97си борбордук аппаратта иштейт.

0
Белгилер:
текшерүү, кызматкер, Тилек Токтогазиев, айыл чарба
Тема боюнча
БУУнун Азык-түлүк уюму Айыл чарба министрлигиндеги өзгөрүүлөрдү колдоого даяр
Тилек Токтогазиев жыйын өткөрүп, министрликтеги ишин эмнеден баштаарын айтты