Лондондогу Вестмин көпүрөсүнөн өтүп барат аял. Архивдик сүрөт

Батыш бышты: "COVID бул Гитлер, демек Россия менен союздаш болуунун убагы"

260
(жаңыланган 10:14 12.01.2021)
Өтө кызык бир көрүнүш бар: Батыш COVID-19га каршы вакцинаны жаратуу жаатында россиялык иштелмелерге карата мамилесин кескин өзгөрттү.

Соңку күндөрү батыштагы эң таасирдүү басылмаларда россиялык вакцина натыйжалуу болушу мүмкүн экени тууралуу макалалар жарыялана баштады. Ушул жаатында Ирина Алкснистин ой толгоосу РИА Новости агенттигине жарык көргөн.

Мунун баары бир топ ай "Москва эч нерсе жарата албайт" деп шылдыңдап, кыска мөөнөттө жасалып кеңири айлантууга чыгарылганга чейин тийиштүү сыноодон өтпөгөн россиялык "Спутник V" препаратынын кооптуулугу боюнча кайталап келгенден кийин болуп отурат. Коронавируска каршы бардык вакциналар боюнча, анын ичинде батыш лабораторияларында да иш тездетилген процедурада жүргөнүн көз жаздымда калтыруудан айбыгышкан да эмес.

Бирок күтүүсүздөн Bloomberg агенттиги бир макала жарыялады. Анда журналист Сэм Фазели "Спутник V" вакцинасына ынанууга мүмкүн болгон себептерди санаган. Андан соң New York Times гезитинин Москвадагы кабарчысы Эндрю Крамер россиялык препаратты "чыныгы жетишкендик" деп атоо менен мактап гана тим болбостон, өзү да эмделди. Эмдөө процессинин жогорку деңгээлде уюштурулгандыгын жана жарандарга жеткиликтүүлүгүн өзүнчө белгилеген.

Британиялык Spectator журналына өтө кызык бир макала жарыяланды. Буга Владимир Путин жана Ангела Меркелдин россиялык вакцинаны Германияда чыгаруу мүмкүнчүлүгүн талкуулаган телефон аркылуу сүйлөшүүсү себеп болгон. Макаланын автору COVID-19ду Гитлерге салыштырып, 80 жылдай мурун Батыштан Черчилль менен Рузвельт Сталин менен жалпы душманга каршы бириккенин түшүндүргөн. Азыр деле ошол жол менен кетүүдө кооптуулук жок.

Бир нече күн мурун Улуу Британиянын АКШдагы элчиси Карен Пирс чуулгандуу, ошону менен бирге эле чынчыл бир билдирүү жасады. Ал коронавирус пандемиясынан Россия менен Кытай жеңүүчү болуп чыкпоого тийиш экенин айтты. Дипломат вакцинаны, кимдин препараты мыкты жана тезирээк чыгарыларын гана кеп кылганы жок. COVID-19 эпидемиясы коомдук турмуштун бардык тармактарынын жана жалпысынан башкаруучу машина катары мамлекеттердин бекемдигин, натыйжалуулугун да текшерип койду.

Коронавируска каршы күрөш аны жок кылуу дегендик эмес (бул мүмкүн эмес, адамзат эми бул менен жашоого аргасыз), бул жарандар үчүн эң аз чектөөлөр жана саламаттык сактоого күч келтирбестен жашоону нормалдаштыруу болуп саналат.

Ар бир өлкөнүн эпидемияга каршы күрөшүнүн өз өзгөчөлүктөрү бар. Кытай, белгилүү болгондой, катаал, бирок даректүү чараларды көрдү. Жакында эле катталган 137 ковид жана белгилери байкалбаган 197 учурдан улам аталган мамлекет кезектеги эки калаада (калкынын жалпы саны 18 миллионду түзөт) апталык катаал карантин жарыялады. Анткен менен дээрлик бир жарым миллиарддык өлкөнүн калган бөлүгү салыштырмалуу кадимки турмушту кечирүүдө.

Россиянын өз жаңычылдыгы бар, анын жыйынтыгында саламаттык сактоо тутуму учурдун жүгүн көтөрүүнүн эбин таап, ал эми эмделгендердин саны миллиондон ашты.

Оору жуктургандардын статистикасы да акыркы күндөрү оптимизмге жетелейт. Албетте, кубанууга али эрте. Жаңы жылдык каникулдардан кийин эмне болорун да күтүү зарыл.

Кандай болгон күндө да Батышта кырдаал курч. Эгер АКШда ички саясий тирештин айынан эпидемияга каршы күрөш темасы үчүнчү планга жылып, ал эми Европада ушул тапта эң талуу маселеге айланып отурат.

Эң оор кырдаал Улуу Британияда, Англияда бийлик жазындагыдай катаал карантин киргизди. Континентте кырдаал деле жакшырып кеткен жок: чектөөлөр көбөйүп, күч алып, ал эми бийлик жакынкы апталар эң оор болорун болжоодо. Эрежелерди бузгандар жазаланарын эскертишүүдө. Эмдөө башталганы менен бул көп көңүл калуу жана кооптонууларга байланышкан. Вакцинациянын ылдамдыгы кыйла төмөн, анткени өндүрүш жана жабдуу ыргагы да азыркы суроо-талапты канааттандырууга мүмкүндүк бере албайт. Препараттар жөнүндө терс маалыматтар, эмделгенден кийин күтүүсүз жерден акка моюн сунган бейтаптар (албетте, бул окуялардын ортосундагы байланыш такталган эмес), бүтүндөй процессти кыйындаткан жана тоскоол кылган вакциналардын өзгөчөлүктөрү жөнүндөгү жаңылыктар жайылууда. Мисалы, ушул тапта Батыштагы негизги Pfizer жана BioNTec вакциналары сөзсүз минус 70 градустан төмөн температурада сакталууга тийиш. Салыштыруу үчүн "Спутник V" вакцинасынын мындай көрсөткүчү минус 18 градусту түзөт.

Анан да коомдун чарчоосу жана нааразылыгы күч, балким бул европалык мамлекеттердин бийлиги үчүн эң чоң маселе болушу мүмкүн. Бул жагынан Германия былтыр каатчылык шартында ийгиликтүү иш үлгүсүн көрсөтө алды. Өкмөт ынанымдуу жана жигердүү аракет кылды, ал эми колундагы ресурстары көйгөйлөрдү тез чечүүгө мүмкүндүк берген.

Германиялык саламаттык сактоо тутуму коронавирус сыноосуна туруштук берди. Ооруканаларда орун жана жасалма дем алдыруу аппараттарынын тартыштыгы болгон жок. Ал эми континенттеги эң бай жана өнүккөн экономика өз жарандарына социалдык жардам боюнча кубаттуу программаны жүзөгө ашырды. Баары жайында болгондой көрүнгөн... Дал ФРГда коомдун мамлекеттик ковид-саясатка нааразылыгы чоң жана активдүү. Миңдеген адамдар катышкан манифестацияларды суу менен атып таратууга туура келүүдө.

Натыйжада дал ушул учурда федералдык өкмөт да, жер бийлиги да, Ангела Меркель жеке өзү да иш жүзүндө туңгуюк кырдаалда. Бир жагынан алар карантинди сактоого мажбур, анткени күн сайын алдыларына кырдаалдын начарлашын тастыктаган жана кескин чара көрүүнү талап кылган сводкалар келет. Экинчиден, немец коомчулугу бардык жактан чектөөлөрдөн, үйгө камалуудан жана Рождествонун ойдогудай майрамдалбай калышынан улам кыжыры кайноодо. Мунун баары алардын жалпы саламаттыгы үчүн жасалып жатканы туурасындагы аргументтер деле эми таасир этпей калды. Ушундай эле маанай бөлөк өлкөлөрдө да күчөдү.

Эмнеликтен "эркин эмес" Россия менен Кытай жарандарына кадимки жашоо образын мүмкүн болушунча сактоо үчүн чектөө чараларындагы ийкемдүүлүк көрсөтүп, ал эми демократиянын өрнөгү болгон Европа баарын жаап жана баарына тыюу салуудан башка ыкмаларды билбей келет?

Эмнеге Москва жана Пекин вакциналарын жасап, жапырт эмдөө процессин жайбаракат ишке ашырып, ал эми Батышта күн алыс вакцинага байланышкан чуулгандуу окуялар орун алууда? Адамдар эбегейсиз европалык салыктарды эмнеге төлөөдө? Ал эми мындай маанай кооптуу.

Акыркы жылдар Батышка коомдук пикирди манипуляциялоо технологияларынын да чеги болорун, эң күтүлбөгөн жерде иштебей каларын, өтө жагымсыз кесепеттерге алып келерин көрсөттү.

Вакцина өндүрүү маселеси боюнча Москва менен кызматташуу Европа үчүн таптакыр кабыл алынгыс позициянын катарынан чыгып, жетишерлик пайдалуу чечим түрүнө өткөн. Акыл калчап, эске алууга арзыбай койбойт эле...

260
Белгилер:
коом, пандемия, коронавирус, Россия, Батыш, вакцина
Тема:
"Спутник V" вакцинасы (65)
Тема боюнча
Климат, вакцина... 2021-жылы элдин тынчын алчу негизги 10 кооптуулук аталды
Америкалык конгрессмен: вакцина алсам да COVID жуктурдум
АКШнын жаңы шайланган президенти Жозеф Байдендин архивдик сүрөтү

Серепчи: АКШ менен РФ ортосундагы өз ара кызматташуу багыты өзгөрүүдө

98
(жаңыланган 17:54 20.01.2021)
Жаңы президенттин администрациясынын жүргүзчү саясаты бир катар мамлекеттердин, анын ичинен АКШнын да өзөктүк каражаттарды толук түрдө көзөмөлдөө боюнча башка макулдашууларды түзүүгө алып келиши мүмкүн.

БИШКЕК, 20-янв. — Sputnik. АКШнын жаңы шайланган президенти Жозеф Байдендин администрациясы инаугурациядан кийин СНВ-3 келишиминин узартылышы боюнча маселени карашы мүмкүн. Sputnik радиосунун обосунда бул маселени аскердик саясат таануучу Андрей Кошкин айтып берди.

Мамлекеттик катчылыкка сунушталып жаткан Энтони Блинкен инаугурациядан кийин Стратегиялык жактан чабуул жасаган куралданууну чектөө жана кыскартуунун андан аркы чаралары жаатындагы келишим боюнча иш жүрөрүн билдирген.

Анын айтымына караганда, Ак үйдөгү команда бул келишимдин узартылышы боюнча иштейт.

Мамлекеттик катчыга талапкер администрация муну менен бирге эле ракета менен кол салууга каршы коргонуу системасынын чектелиши боюнча кандай гана чара болбосун макул болбой тургандыктарын айтты.

Sputnik радиосунун обосунда Россиянын Плеханов атындагы Экономика университетинин саясат таануу жана социология кафедрасынын жетекчиси Андрей Кошкин бул боюнча комментарий берди.

"СНВ-3 долбоорун узартуу боюнча демилгеден улам Байдендин администрациясын кубаттоого болот. Кайсы бир жактан алып караганда бул АКШ менен РФ ортосундагы өз ара кызматташуу өңүтүн өзгөртөт. Бул — жарыша куралдануунун артынан түшүп алууну кармап турган механизмди сактап калууга умтулуу. Кыязы, администрациянын АКШда страгегиялык куралданууну кармап туруу боюнча жаңы саясатынын башталышы. Ал эмне болгон күндө да башка макулдашууларды түзүүгө алып келет. Бул бир канча мамлекеттердин, анын ичинен АКШнын да өзөктүк куралдарды толук көзөмөлдөө боюнча башка макулдашууларды түзүүсүн шартташы мүмкүн", — деди Кошкин.

СНВ-3 негизинде ар бир тарап өзөктүк куралдарын жети жылдан кийин алардын саны континент аралык баллистикалык ракеталардын, суу астында жүрүүчү кайыктардын баллистикалык ракеталарынын жана бомбалоочу оор техникалардын санын 700дөн жана башка техникалардын санын да айтылган чектен ашырбаш керектиги каралган.

СНВ-3 — Россия менен АКШнын ортосундагы куралданууну чектеп турган жалгыз келишим. Анын мөөнөтү 2021-жылдын 5-февралында соңуна чыгат, эгер узартылбаса, ири өзөктүк державаларды тизгиндеп турган нерсе калбай калат.

98
Белгилер:
өзөктүк курал, мамлекеттик катчы, Жо Байден, АКШ, Россия
Тема боюнча
Тарыхта биринчи ирет… Байден өз командасына трансгендерди алмай болду
Байдендин инаугурациясынын алдында Капитолий катуу кайтарууга алынды. Видео
Карл Винсон авианосец баштаган АКШ флоту. Архивдик сүрөт

"Райондор ачыкталды": АКШнын аскердик флоту куралын кайда мээлеп турат?

149
(жаңыланган 10:00 19.01.2021)
"Ооздуктоо жана жеңүү" — АКШнын Аскердик-деңиз күчтөрүнүн штаб жетекчиси адмирал Майкл Гилдей жакынкы он жылдыкка карата "Навигациялык план" менен тааныштырды.

Глобалдык көзөмөлдүн максаты — америкалыктардын мекенинде жай жана ток жашоосу. Бирок документтин текстинде бөлөк өлкөлөргө каршы ачык агрессия так байкалат. Вашингтондук адмиралдардын көздөгөнү эмне? Жаңы жарыяланган документти Николай Протопопов талдап чыккан. 

Дүйнөлүк атаандаштар

Жаңы пландын авторлору баса белгилегендей, америкалык флот АКШ жарандарынын коопсуздугу жана турмушуна коркунуч туудурган узак мөөнөттүү атаандаштыкка тартылды. Аскердик-деңиз күчтөрүнүн командачылыгы бир мүнөттү да текке кетирбөөгө тийиш: жаңы аяк баскан он жылдыкта гана тургай, XXI кылым бою күчтөрдүн тең салмактуулугун сактоо үчүн кызуу аракетте болуу абзел. Глобалдык тынчтыктын (тынч абалдын) негизги атаандаштары жана ага "бүлүк салгандар" — Россия жана Кытай.

Америкалык адмиралдардын пикиринде, бул мамлекеттер узак убакыт бою бүт дүйнөгө пайда алып келип турган деңиздеги эркиндикке бүлгүн салууда. Москва жана Пекин территориалдык суулардын чегинен тыш баалуу деңиз ресурстарына чыгууну "адилетсиз көзөмөлдөөгө" тырышып, "өз талаптарын күч менен таңуулап коңшуларды чочулатууда", "эң маанилүү суу жолдорун ыраакка атылуучу ракеталар менен мээлеп турат".

Россия заманбап ракеталык кемелерди, суу түбүндөгү кайыктарды, гипер үндүү ракеталарды, тактикалык өзөктүк куралдарды иштеп чыгып жатканын америкалыктардын дегеле кыртышы сүйбөйт.

Пентагондогулар россиялык флот бүт дүйнө боюнча активдүүлүгүн күчөтүп, Кошмо Штаттардын жээктерине улам жакындай күчтөрүн жайгаштырып жатканын белгилешет. Ошондуктан "Россияны ынанымдуу көзөмөлдөө зарыл" имиш.

Өтө тездик менен өнүгүп келе жаткан кытайлык флот да тынчсыздануу жаратат. Америкалык талдоочулардын пикиринде, бул – дагы дүйнөдөгү ири флот. Пекин Вашингтонго жана анын союздаштарына чакырык таштап жаткандай, ошондой эле эң курч жана узак мөөнөттүү коркунучка айланууда. Ошол эле учурда АКШ — деңиз державасы экени жана анын өркүндөшү, коопсуздугу деңиздеги артыкчылыгын сактоо жөндөмүнө жараша болору белгиленет. Ал үчүн өз аскердик-деңиз күчүн (АДК) "Дүйнөлүк океандын булуң-бурчуна" жайылтууга тийиш.

Америкалыктар эл аралык укук жол берген бардык жерде сүзүүнү, учууну, ошондой эле дүйнөнүн ар кыл аймактарында "атаандаштарынын деңиз жаатындагы амбициясын" ооздуктоо жана алардын аскердик мүмкүнчүлүктөрүн зыянсыздандыруу үчүн күчтөрүн жайгаштырууну уланта бермекчи.

Флотту чыңдоо

Баллистикалык ракеталуу суу түбүндөгү атомдук кайыктар "АКШны өзөктүк кол салуудан коргоодо". Ал эми атайын операциялардын күчтөрү "эң күчтүү душмандын да шаштысын кетирүүгө даяр". Адмиралдар АДК жердеги күчтөргө колдоо көрсөтүү үчүн каалаган жээгине десантты жеткире алат.

Аскердик-деңиз күчтөрү агрессияны ооздуктоо үчүн тийиштүү бардык, анын ичинде "адаттан тыш" каражаттарга да ээлик кылат. Атап айтканда, мында кеп маалыматтык, кибернетикалык технологиялар жана деңизден, суу түбүнөн жана абадан чабуул жасоого мүмкүндүк берчү куралдар жөнүндө болууда.

Жакынкы жылдары деңиздеги заманбап тиреште маанилүү ролду АКШ жасалма интеллектке табыштайт. Мындай системалар согушта майнаптуулугун жана артыкчылыгын айгинелей алышты. Ошондуктан флот массалык пайдалануу менен заманбапташтырылмакчы.

Учкучсуз деңиз платформалары да "өтө маанилүү". Алар чалгындоодо, байкоо салууда флоттун чабуул коюучу мүмкүнчүлүктөрүн арттырат. Аскердик-деңиз күчтөрүнүн ички курамы он жылдыктын соңунда роботтоштурулган аппараттар менен тыгыз байланышта ишенимдүү жана шайкештикте иш алып барууга тийиш.

АКШнын Аскердик-деңиз күчтөрүнүн командачылыгы коюлган пландарынын баарын жүзөгө ашыруу үчүн флот чыңдап жана кеңейтүү керек. Жогорку чабуул коюучу мүмкүнчүлүктөрү бар суу түбүндөгү атомдук кайыктар жана суудагы кемелер көбүрөөк талап кылынат. Анан да жаңы кемелер "Созвездие" классындагы келечектүү фрегаттар сымал чакан болуусу абзел.

Пентагон авиаташуучуларды да эсептен чыгарбайт. Мурдагыдай эле ал – Аскердик-деңиз күчтөрүнүн сыймыгы, күчтү көрсөтүүнүн негизги инструменти. Флоттун суу түбүндөгү күчтөрүнүн да өзгөчө мааниси белгиленет. Мында "Колумбия" классындагы атомдук стратегиялык субмариналарга, ошондой эле көп буталуу "Виржиния" суу түбүндөгү кайыктарга артыкчылык берилет.

Санарип жана лазерлер

Аскердик-деңиз күчтөрүнүн командачылыгы бир техника менен гана чектеле албайт. Ички курамды да кылдат окутуп, анын ичинде душмандын жүрүм-турумунун чоо-жайын жакшы түшүнүүнү үйрөтүү зарыл.

Адмиралдардын айтымында, "моряктар тек гана байкоо салып жана коркунучтарга ыкчам чара көрүп гана тим болбостон, каршылаш тараптардын аракеттерин ички туюм менен аныктай алууга тийиш. Буга тигил же бул өлкөнүн жарандарынын менталитетинин өзгөчөлүктөрүн терең билиши көмөкчү болот".

"Алдыдагы болжолдуу жаңжалдардын" сценарийлерине дүйнө жүзү боюнча – Ыраакы Түндүктөн Тынч океандын батыш бөлүгүндө дейре аймактарда машыгышат. Маселен, быйыл АКШ АДК десанттык операциялар менен бир нече авиаташуучу топтун ири масштабдуу машыгууларын өткөрмөкчү. Ага алгач ирет чалгындоочу жаңы куралдарды жана маалыматтык ресурстарды колдонуучу чакан тактикалык кибер-топтор катышат. Адмирал Гилдей бул машыгуулар "соңку тарыхта болуп көрбөгөндөй" масштабда өтөрүн жар салган.

Маалыматтык жана санарип технологиялар АКШнын аскердик-деңиз күчтөрүнүн чордонунда. Аларсыз эми согуштук аракеттер мүмкүн эмес. Санарип баарын чечет, деңиз жана кургактагы согушту ыкчам жана майнаптуу жүргүзүүгө мүмкүндүк берет.

Аскердик-деңиз күчтөрүндөгүлөр боолгологондой, "АКШнын душмандары флоттун коргонуусун ири сандагы ракеталар менен алсыратууну болжошот". Ошондуктан Пентагон суу түбүндөгү кайык жана деңиз учкучсуздарын табуучу көптөгөн стационардык жана мобилдик системаларды ишке аралаштырат, учак жана кемелердин коргонуусун күчөтөт. Ошону менен бирге эле жакынкы согушта кадимки куралдар менен катар эле энергетикалык куралды да пайдаланууну пландайт.

149
Белгилер:
армия, Аскерлер, курал-жарак, документ, Кытай, Россия, АКШ
Тема боюнча
АКШ F-35тин сериялык өндүрүшүн дагы жылдырды. Буга эмне себеп?
Көк чай. Архив

Адис узак өмүр сүрүү үчүн төрт эрежени эстен чыгарбоону эскертти

0
Нутрициолог кант диабетинин экинчи түрүнө кабылуу тоболкелчилигин азайтуу үчүн көк чайды көп ичүүнү сунуштаган.

БИШКЕК, 22-янв. — Sputnik. Нутрициолог Марк Гилберт Express басылмасына берген маегинде ден соолукту бекемдеп, узак өмүр сүрүү үчүн туура тамактануу керектигин айтты. Бул тууралуу РИА Новости жазды.

Адистин айтымында, биринчи кезекте калориялуу азыктарды азайтуу керек. Анткени калориясы төмөн тамак рациону картаюуну жайлатып, рак, Альцгеймер жана кант диабети илдеттерин алдын алат.

Нутрициолог организмге D витамини өтө зарыл экенин белгилеп, ал иммунитет менен тыгыз байланышта болоруна токтолгон.

"Жемиштерди көп жегиле. Себеби ал жүрөктүн иштөөсүн жакшыртып, иммунитетти бекемдеп, кан басымын түшүрөт. Жемиштер холестериндин топтолушун да алдын алат", — деген адис.

Нутрициолог кант диабетинин экинчи түрүнө кабылуу тоболкелчилигин азайтуу үчүн көк чайды көп ичүүнү сунуштаган.

Бул эрежелерди бир аз убакыт эле сактаган учурда адамдын ден соолугу бир топ жакшыра турганы айтылды. Ал эми аларды дайыма аткарса, адамдын узак жашоо мүмкүнчүлүгү көбөйөт.

0
Белгилер:
кеңеш, ден соолук, өмүр
Тема боюнча
Кайсы суусундук рак оорусун алдын алат? Далилденген изилдөө