Америкалык эсминец. Архив

Кара деңизде дагы бир америкалык эсминец "жок кылынды": мындан ары эмне болот?

364
(жаңыланган 11:43 04.02.2021)
Россиянын жээктерине жакын жерлердеги Пентагондун машыгууларына авиация жана флоттун күчтөрү менен активдүү каршы туруу — РФтин коопсуздук шарты. Ошондуктан Россия согуштук аракеттерге даяр жана кысылып турган пружинаны эске салат.

Кара деңиздин акваториясына 28-январда быйыл экинчи ирет америкалык эсминец сүзүп кирди. "Портерди" РФтин Кара деңиз флоту жана АККнын күчү жана каражаттары ыкчамдык менен тапкан.

Машыгуунун жүрүшүндө 30-январда сегиз истребитель жана бомбалоочу (Су-30СМ, Су-24М, Су-27, Су-34 менен катар) Крым жана Краснодар крайындагы авиабазалардан абага көтөрүлүп, Кара деңиздин батыш бөлүгүндөгү кемеге шарттуу түрдө ракеталык-бомбалык сокку урган. Америкалыктарга союздаш Болгария жана Румыниянын Аскердик-аба күчтөрү "кыбыр" эткен да жок, аскердик жооп берүүнү чагылдырууга да үлгүрүшпөдү. Эске салсак, "Портер" бирдей типтеги, 23-январда Россиянын Аба-космостук күчтөрү тарабынан шарттуу түрдө жок кылынган "Дональд Кук" менен чогуу аракет этүүгө багыт алган.

РФтин Тышкы иштер министрлиги Кара деңизде бул аймакка жат өлкөлөрдүн аскердик кемелери сүзүп жүрүшү туруктуулукту чыңдоого өбөлгө болбостугун көп ирет белгилеп келген. Украинадагы АКШ элчилиги 28-январда Кошмо штаттардын "Портер" эсминеци Кара деңизде НАТОдогу союздаш жана өнөктөштөрүнүн колдоо максатында коопсуздукту сактоо боюнча өз ара аракеттешүү иш-чараларына катышарын билдирген. Кыязы Монтрё конвенциясынын алкагында жана бейтарап сууларда сүзөт. Тилекке каршы, АКШнын Аскердик-деңиз күчтөрү деңиздин айрым тилкелери россиялык экенин тааныбай, жаңжалдык кырдаалга атайын түртөт.

Мурда да америкалык "Жон Маккейн" эсминеци Петр Великий булуңунда (Владивостокко жакын) РФ чек арасын бузуп кирген. Тынч океандык флоттун кайыктарга каршы "Адмирал Виноградов" ири кемеси менен бейтарап сууларга куулган. "Деңизде эркин сүзүүнү" америкалыктар Крым жарым аралына жакын да көрсөтүшү мүмкүн. Мындай чагымчыл аракеттерди АКШнын Аскердик-деңиз күчтөрүндө "позицияны катаалдатуу жана эрктүү каршы туруу" деп аташат. Каршы турууну каалоочулар Кара деңизде январь жана февралда технологиялык басынуунун бүт ызасын өз жон териси менен сезишти. Реалдуулукка "кош келгиле" дегендей ишарат болду.

Кыл учунда

Америкалык "Дональд Кук" жана "Портер" эсминецтери 28-январда Кара деңизде кандайдыр бир операция жүргүздү, НАТОдогулар эсминецтердин пайда болушун Россиянын "аскердик күчүнүн өрчүшү" деп түшүндүрүштү. Жагдайга жакындан көз салалы.

"Арли Берк" тибиндеги эки ракеталык кеме алыска учуучу (1600 чакырымга дейре) жана таамай атчу "Томагавк" канаттуу ракеталарынан 120 бирдикти (алардын бир бөлүгү өзөктүк ракеталар) ташууга жөндөмдүү.

Эсминецтер ошондой эле ASROC кайыктарга каршы коргонуучу ракеталар, "Стандарт" зениттик ракеталары менен куралданып, аскердик маалыматтык-башкаруу тутумдары, "Ижис" ракетага каршы коргонуу системаларынын компоненттери менен жабдылган.

Америкалыктардын пикиринде, жарылуу кооптуулугу бар бул комплекс россиялык чек араларга жакын жерде аймактык туруктуулукту бекемдөөгө жана НАТОдогу союздаштары менен өз ара аракеттешүүнү күчөтүүгө кызмат өтөйт экен. Ал эми иш жүзүндө эки эсминецтин күчү менен Кара деңиздин тынч сууларын "ылайлатууга", Ливия менен Югославияга дегеле окшошпогон Россияны коркутууга болгон аргасыз аракетине күбөбүз. Пентагондогулар кандай жоопту күткөнү белгисиз, бирок аскердик кысым көрсөтүү аракети аябай аянычтуу болуп калды. Январдын аягында АКШнын Аскердик-деңиз күчтөрүнүн эки эсминецин шарттуу, бирок чечкиндүү түрдө жок кылуу реалдуу куралдуу тиреште Кара деңизде "союздаштардын өз ара аракеттешүүсү" Россиянын көп ирет кайталанган жана жогорку технологиялык көзөмөлүндө каларын айгинелейт.

Кара деңиздик горизонтто туруктуу түрдө пайда болуп калып жаткан "кара деңизге жат" АКШ жана НАТОнун кеме жана учактарынан айырмаланып, россиялык коргонуу жөндөмү бардыгы жана дароо интеграцияланган ишти камтыйт. Маңызы ага канча күч жана каражат тартылганында эмес, ыкчам ойлонулган жана аны ишке ашыруунун технологиялык деңгээлинде. Анан калса, баары Россиянын жанында, миңдеген чакырым аралыктагы татаал логистика талап кылынбайт.

АКШнын Аскердик-деңиз күчтөрүнүн эки ракеталык эсминеци жана Laramie май куюучу кеменин курамындагы тобу Кара деңизде Россиянын Аба-космостук күчтөрү жана Аскердик-деңиз флотунун истребителдик жана бомбалоочу авиациясы, аскердик кеме жана суу түбүндөгү кайыктары, жээктеги ракеталык комплекстери жана радиоэлектрондук күрөш каражаттарынын машыгууларында татаал буталык позиция катары гана кызмат кылат.

Бардык күч жана каражаттар күнү-түнү, макулдашылган тартипте жана дээрлик шайкештикте иштейт. Эки америкалык эсминецтин РФке карата достукка жатпаган визитинен улам "Адмирал Макаров" жапжаңы ракеталык фрегаты жайгашкан жеринен чыгып, деңизде окуу-аскердик милдеттерин аткарды.

Машыгуунун планы боюнча шарттуу душмандын кемеси Кара деңиз флотунун жээктеги объектилерине сокку урууга ниеттенет. Душманды бура бастырбаган "Адмирал Макаров" Кара деңиз флотунун жээктеги ракеталык комплекстери менен биргеликте деңиз кармашынын алгоритмдерин аткарды. "Калибр-НК" ракеталык комплекси менен душмандын кемелерин шарттуу түрдө кыйратты. Фрегаттын аскердик эсептери да аба буталары боюнча машыктырылды.

Мурда артиллериялык ок атуулар менен ушундай эле (даректүү) машыгуулардан күзөтүүчү "Пытливый" кемеси да өткөн. Ал дагы "шарттуу каршылашынын кемесин" ушундай эле ийгилик менен иштен чыгарган. Бул учурлардын бардыгында "Дональд Кук" жана "Портер" жакын жерде сүзүп жүргөн, Кара деңиз флотунун аскердик даярдык планы менен ушундай дал келип калган өңдөнөт.

Тынчсызданган америкалыктар Кара деңиздин аба мейкиндигине Boeing E-3 Sentry радиолокациялык аныктоочу учагын жөнөткөн. Реалдуу согуштук кырдаалда ал биринчи кезекте атып түшүрүлмөк.

Кыялга жетеленген союздаштар жана реалдуулук

Россиялык аба сокку боюнча машыгуулардын жүрүшүндө 23-январда румыниялык аскердик-аба күчтөрүнүн истребителдери америкалык "Дональд Кук" эсминецин коргоого тырышкан. Бирок кеме Аба-космостук күчтөрдүн шарттуу чабуулуна чейин эле жээктеги "Бал" ракеталык комплекстери үчүн бутага айланып, сканерлөө жана ракеталар ага карай мээленери жөнүндө эскертүү алган. Эске салсак, "Бал" мобилдик комплекси Х-35 ракеталарынан 64 бирдикке чейинки курал топтомуна ээ. Душмандын кемелерин 280 чакырым аралыктан кыйратып, башкача айтканда Крымдан туруп Кара деңиз акваториясынын басымдуу бөлүгүн "аткылайт".

Чыныгы жаңжал учурунда румыниялык истребителдер америкалык эсминецтерди "калкалай" алмак эмес жана Крымда жайгаштырылган – 400 чакырымга чейинки аралыктан кыйрата алчу С-400 "Триумф" россиялык тутумдарынын аяр буталарына айланып калмак.

Натыйжада америкалыктар жана алардын союздаштары россиялык Крымдын түштүк-батыш жээгине жакын жерде биргелешкен машыгуу өткөрүү планын бузууга туура келди, "Дональд Кук" жана "Портер" Украинанын территориалдык сууларына такалды.

АКШнын Аскердик-деңиз күчтөрүнүн PASSEX тибиндеги эки кемесинин жана Украина Аскердик-деңиз күчтөрүнүн катердик тактикалык тобунун чогуу машыгуулары тынч жана байкалбай өттү.

Украиналык командачылыктын маалыматы боюнча, "Көп улуттуу тактикалык топтордун курамында биргелешкен деңиз операцияларын аткаруу үчүн Кара деңизде коопсуздукту камсыздоо, окуу жана Украина менен АКШнын Аскердик-деңиз күчтөрүнүн кемелеринин экипаждарынын шайкештигин өркүндөтүү" боюнча машыгуулар өткөрүлдү. Суудагы украиналык флоттон Island тибиндеги патрулдук бир катер жана сооттолгон эки чакан – "Никополь" жана "Костополь" артиллериялык катерлери катышкан.

Машыгуунун бардык элементтери НАТОнун стандарттарына ылайык пландалган жана иштелип чыгыптыр. АКШнын Аскердик-деңиз флотунун ракеталык эсминецинин командири Томас Ралстон жаңы "украиналык флот менен биргелешкен машыгууларды" чыдамсыздык менен күтөт имиш. Биргелешкен деңиз операцияларына чабал куралданган артиллериялык катер жана ракеталык эсминецтерди интеграциялоо технологиялык жактан мүмкүн эмес экени аларды тайсалдатып да койбойт.

Украина жана Грузия НАТОнун каалгасын өжөрлүк менен каккылайт. Болгария менен Румынияда аскердик жаңы инфраструктура, материалдык каражаттардын кору, кабыл алууну уюштуруу үчүн жана альянстын күчтөрүн ыкчам уюштуруу алдыңкы координациялык борборлору түзүлүүдө.

Румыниялык Câmpia Turzii авиабазасы АКШнын стратегиялык чабуул коюучу куралдарды уюштуруунун аянтчасына айланды. Мурун баары – саналуу мүнөттөрдө жок болчу ойдон чыгарылган мүмкүнчүлүктөр.

Америкалык аскердик кемелердин Кара деңизге сүзүп кириши азырынча Монтрё конвенциясын бузбайт жана бөтөнчө бир нерсе болуп саналбайт. Ошентсе да РФтин Аскердик-деңиз флотунун Башкы штабынын мурдагы башчысы адмирал Виктор Кравченко Россия мындай учурларда аларга ыңгайсыздык жаратууга тийиш деп эсептейт. Буга макул болбой коюш кыйын. АКШ жана НАТОнун стратегдери качандыр бир кезде Монтрё конвенциясын убактысы, уруксат берилген тоннаж, Кара деңиздеги аскердик кемелердин саны боюнча бузса, Россия "өнөктөштөрүн" басымдуулук кылган күчтөрү жана каражаттары менен тосуп алары турулуу иш.

РФтин Куралдуу күчтөрү – бул Кара деңиздик өлкөлөрдүн улуттук коопсуздугу жана аймактагы туруктуулуктун реалдуу кепилдиги.

364
Белгилер:
конвенция, НАТО, эсминец, коопсуздук, Россия, АКШ, Кара деңиз
Тема боюнча
Сириядан Кавказга карай: россиялык Ми-28НМ жана Ми-26Т2В тик учактары сыналууда
Вашингтондогу Америка желектеринин фонунда Капитолий имаратынын сыртындагы адамдар. Архив

Демократияны үйрөтөт. АКШ бирөөнүн жашоосуна кийлигишүүнүн жаңы ыкмасын тапты

111
Америкалыктар мындан ары демократия үчүн күрөшпөйт. Башка өлкөлөргө кийлигишүү жана авторитардык лидерлерди кулатуунун майнапсыз экенин мезгил көрсөттү.

Вашингтон мындан сабак алып, дүйнөнү өзүнөн баштап өзгөртүүгө чамынды. Мындан ары Кошмо Штаттар кандай аракет этерине Софья Мельничук сереп салган.

Жаңы доор — жаңы ыкмалар

АКШ мамлекеттик катчысы Энтони Блинкендин мамлекеттик департаменттеги алгачкы расмий сөзү бош залда жаңырса да чоң чуу жаратты. Жарым саат ичинде америкалык дипломатиянын башчысы тышкы саясаттын негизги багыттарын санады. Алар жакында улуттук коопсуздук стратегиясында бекитилет. Блинкендин айткандарынын дээрлик көбү жаңылык эмес, өзү да, президент Жо Байден да акыркы айларда бир нече жолу кайталап келген эле сөздөр. Ошентсе да бир нерсе көңүл бурдурду.

"Биздин ыкма өзгөрөт, — деп жарыялады мамлекеттик катчы. — Биз демократияны кымбат баалуу аскердик кийлигишүүлөр же авторитардык режимдерди күч менен кулатуу аракеттери аркылуу жайылтпайбыз". Жакшы ниет менен жүргүзүлсө да, мындай ыкмалардын аягы жакшы бүтпөгөнүн моюнга алды жаңы администрациянын өкүлү. Ал тургай, "демократияны жайылтуу" деген терс маанай жаратып, ага америкалыктардын өздөрү деле ишенбей калышкан.

Дүйнө алмашты, эми жаңы шарттарда Вашингтон көңүлдү террордук коркунучтардан атаандаш державаларга бурат. Демократияны жайылтуу — бул мурдагыдай эле АКШнын тышкы саясатынын императиви бойдон, өз үлгүсүндө көрсөтөт.

"Болбосо бизди баалуулуктарыбыздан адаштыруу үчүн бардык мүмкүнчүлүктү колдон чыгарбаган Кытай жана Россия сымал атаандаштарга уттурабыз. Аларга шарт түзүп бербейли", — деп аяктады сөзүн америкалык дипломат.

Өзү өрнөк боло алабы?

Аталган державаны былтыркы жыл катуу сынады. Биринчи, Экинчи дүйнөлүк жана Вьетнам согушунан да көп америкалыктын өмүрүн алып кеткен коронавирус пандемиясы саламаттык сактоо тутумундагы теңсиздикти көрсөттү. Полициянын ырайымсыздыгы жана кара терилүү кишинин өлтүрүлүшүнөн улам өлкөнү расалык толкундоолор каптаган. Дагы бир ирет коомдо системалуу расизм көйгөйү ачык байкалып калды.

Президенттик шайлоо да ондогон жылдар ичиндеги эң чуулгандуулугу менен эсте калды. Дональд Трамп али күнчө шайлоонун жыйынтыгы бурмаланган деген ойдо. Ушундай маанай айрымдарды алтынчы январда Капитолийдин имаратын басып кирүүгө түрттү.

Жаңы президент Жо Байдендин алдында өлкөнүн ички биримдигин калыптандыруу зарылдыгы курч турат, ошондой эле ал эң оболу америкалыктардын өздөрүнө АКШ дале демократиянын үлгүсү экенин көрсөтүүгө тийиш.

"Кошмо Штаттарда башкаларга өрнөк болуу жаатында азыр көйгөй чоң, — дейт АКШ жана Канада институтунун улук илимий кызматкери Павел Кошкин. — Аларга азыр электоратты мобилизациялоо үчүн риторикалык инструмент абзел. Өлкөдөгү кырдаалды жөнгө салууга кудурети жетерин көрсөтүү маанилүү".

Блинкендин билдирүүсүн кандайдыр бир деңгээлде ички жагдайга да багытталган деп болжоого болорун айтат Кошкин. "Бөлөк өлкөлөрдү тартипке келтирүү өзүңдөн баштоого кандайдыр өбөлгө сымал", — деп түшүндүрөт ал.

Демократияга каршы өнүгүү

Байдендин администрациясы дайым башкы стратегиялык атаандаш Кытай жана анын өнүгүү үлгүсү экенине басым жасап келет. Вашингтон дал ошону өзгөртүүгө ниеткер. Пекин өзү саясий тутумду эч жакка көчүрүүнү пландаган жок. КЭРдин төрагасы Си Цзиньпиндин айткандарын эстейличи. "Биз дүйнөнүн мүмкүнчүлүктөрүн өнүгүү аркылуу жайылтабыз", — деп түшүндүргөн ал.

Айрым мамлекеттерде чындап эле мамлекетти башкаруунун кытайлык элементтерин импорттоого талап бар экенин белгилейт Москвадагы Карнеги борборунун консультанты Кытайды изилдөөчү Темур Умаров. Айталы, Борбор Азиядагы мамлекеттер. Чөлкөмдөгү өлкөлөрдө АКШнын таасири жылдан-жылга азайып барат.

"Аймактын бардык автократиялары Кытайдын ийгилигин кайталагысы, демократиялык реформаларсыз эле экономикасы өнүккөн өлкөгө айлангысы келет", — дейт Умаров. Ошол эле убакта заманбап дүйнөдө кандай автократия болбосун, демократиялуу көрүнгүсү келет. Антпесе глобалдык дүйнөдө кадыресе жашоо мүмкүн эмес.

Ошол себептен Борбор Азиядагылардын баары сөз жүзүндө реформа жана адам укуктары жөнүндө айтышат, бирок иш жүзүндө Батышты үлгү катары эсептебейт. Эгер мурда бул чөлкөмдө жалгыз Кыргызстан демократия аралчасы аталып, Америка тарапка ыктап келсе, азыр ал оюнан кайтып башка жолго бет алды.

Эгер Кытай өңдүү Борбор Азияга экономикалык жактан активдүү басым жасаган болсо, Кошмо Штаттар аймакта позициясын күчөтө алмак. Ансыз идеологиялык планда чоң таасирге ээ боло албастыгын айтат Умаров.

Унутулгус эски адат

Жаңы администрациянын ыкмасы — Барак Обама баштап кеткен жолдун уландысы. Обаманыкы деп аталган доктрина чет жактагы америкалык аскерлердин кыскартылышына багытталган. Ошондой эле демократтар аскердик ыкмалар анчалык майнапсыз экенин, демократияны кийлигишүү, басып алуу жана мамлекеттик түзүлүш эсебинен эмес, жумшак күч менен жайылтуу керек деген бүтүмгө келишкен. Бирок Кошмо Штаттардын 44-президенти ишке ашыра алган эмес. 2011-жылы АКШ ливиялык өкмөттүк күчтөргө аба соккусун урган.

Кийинчерээк чечим туура, албетте, туура болгонун, бирок Вашингтон анын кесепеттерине даярданбаганын ал моюнга алган. Ливия башаламандыкка сүңгүп, муну Обама президенттик мөөнөтүндөгү эң чоң катачылык деп атаган.

Кошмо Штаттардын азыркы администрациясы экс-президенттин аракеттерин улантып, аскердик кийлигишүүдөн тышкары бардык ыкмаларды пайдаланарын боолголойт.

РФ Жогорку экономикалык мектеби улуттук изилдөө университетинин европалык жана эл аралык комплекстик изилдөөлөр борборунун директорунун орун басары Дмитрий Суслов.

"Чет элдик жардам саясатына жана коммерциялык эмес уюмдарга басым жасашат, "кызгылт сары революцияларды" алда канча активдүү колдошот, — дейт ал.  Сирияда Башар Асаддын режими менен АКШ түз күрөшкөн эмес, оппозициялык күчтөргө көмөктөшкөн. — Бул жөндүү инструмент бойдон калат".

Ушул тапта Вашингтон Россия, Беларусь, Венесуэлада оппозициянын өкүлдөрүн колдойт. Мурда Кошмо Штаттар Алексей Навальныйдын ишинен улам айрым россиялык аткаминерлерге каршы санкцияларды киргизген.

Беларусь президенти Александр Лукашенконун дарегине карата чектөө чараларын америкалык элчи Светлана Тихановская менен талкуулаган.

Жакында эле Блинкен Венесуэланын оппозициялык лидери Хуан Гайдо менен телефон аркылуу сүйлөшкөн. Кытай жана Иранда АКШ батышчыл коммерциялык эмес уюмдарга жана бул мамлекетти кескин сындагандарга жардам берип келет. Конкреттүү аракеттер өлкөдөн көз каранды экенин белгилейт Суслов. Кай бир жакта жарандык согушта тараптардын бирин колдоп, кээ бир өлкөдө саясий каатчылыкка чагымчылдык кылат. Маалыматтык саясат, үгүт, коомдук дипломатия.

Санкциялар — демократияны жайылтуунун маанилүү инструменти, алар арылгысы келген элиталарга сокку урат. Ирак, Ливиядагыдай жаңы операциялар эми кайталанбайт. Тарых көрсөткөндөй, чет элдик долбоорлорго каражат бөлүп коюуга караганда өзүндөгү демократия менен үлгү көрсөтүү алда канча татаал. Ошондуктан достук күчтөрдүн каржылык колдоосу АКШ Мамлекеттик департаменттин негизги инструментине айланат.

111
Белгилер:
демократия, тарых, Алексей Навальный, мамлекет, АКШ
Тема боюнча
Россияны ооздуктоо боюнча милдеттенмелерден арыла албаган Европа
Европа — Россия мамилеси: Боррелдин сапары алдын ала чалгындоо беле?
Рим шаарында көчөдө бараткан адамдар. Архив

Европа өз көйгөйлөрүнө күнөөлүүнү тапты. Бет тырмарлыкпы?..

131
(жаңыланган 10:14 05.03.2021)
Европа биримдигиндеги демократиялык процесстерге чет элдик кийлигишүүлөр боюнча Европарламенттин атайын комитетинин угууларында европалык дипломатиянын башчысы Жозеп Боррель бурмаланган маалыматтык кампанияга Россияны айыптады.

Боррелдин айтымында, бул Евробиримдиктеги демократияны каралоого жана эл аралык кызматташтыкты чабалдатууга багытталган. Бул тууралуу Ирина Алкснистин материалын РИА Новости жарыялады.

Боррель мизи али кайта элек пандемия шартында жалган жана жаңылыш ойго түрткөн маалыматтардын өтө кооптуулугун белгилеген. "Биз Кремлге ыктаган каналдардын бет кап тагынуунун кажети жоктугун айтканын, карантинге каршы козуткандарын көрдүк", — дейт ал.

Дипломаттын пикиринде, эми Москванын вакциналык дипломатиясы биринчи планга чыкты. Ал бир жагынан батыш препараттарын жана өндүрүшчүлөрүн каралоого тырышып, экинчи жагынан өздөрү өндүргөндөрүн даңазалап, активдүү таанытууга аракет кылууда.

Европалык аткаминердин тынчсыздануусун түшүнүүгө болот. Ошол эле убакта Россияда турмуш көпчүлүк үчүн азыраак ыңгайсыз болсо да кадимки нугуна түшүп калды. Ал эми бийлик пандемиядан улам киргизген чектөөлөрүн акырындап алууда.

Европада жаңы карантиндик катаал чаралар толкуну башталып туру. Финляндияда өзгөчө абал жарыяланып, Чехияда дүйнөдө илдет эң көп катталгандыгынан улам тургундарга жашаган райондорунан чыгууга тыюу салынган. Италияда да чектөөлөр күчөтүлдү.

Өз кезегинде дээрлик бир жылдан берки тыюу салуулар жана үйдө отургандан жадаган Европа калкы бийликтин бул чаралардын баары өз саламаттыгы үчүн деген аргументтеринин эч бирин уккусу келбей баратат. Массалык протесттер дээрлик бүт континентке жайылды.

Кырдаал ушунчалык татаал экенин мындан билиңиз, биримдиктин бекемдиги көз алдыбызда бириндөөдө. Чехия "Спутник V" вакцинасын алуу үчүн Россияга кайрылды, бул – өлкөнүн президенти жана премьер-министринин макулдашылган позициясы. Словакия андан да алдыга кетип, аркасынан Венгрия, Сербия жана башка өлкөлөрдүн европалык жөнгө салуучуну күтпөстөн россиялык препаратты тездетилген жол-жобо менен каттады.

Коронавирус боюнча кыйла татаал кырдаалдагы поляктар үчүн Россияга жардам сурап кайрылуу акылга сыйгыс, ошондуктан алар COVID-19га каршы вакцина жөнүндө Кытай менен сүйлөшүү жүргүзүүгө киришти.

Абал бир жыл мурунку окуяны эске салууда. Анда Европа биримдиги өзгөчө кырдаалда өзүнүн толук алсыздыгын көрсөтүп, анын мүчөлөрү курч каатчылыкка каршы өз алдынча күрөшүүгө мажбур болгон. Айырмасы – анда глобалдык масштабдагы күтүүсүз жагдай эле, бул чындап эле принципиалдуу түрдө маанилүү. Анын жүрүшүндө өзгөчө шарттарда ыкчам реакция зарыл учурда Брюссель аракетке жөндөмсүз экени айгинеленди.

Бул, албетте, Европа үчүн жагымсыз ачылыш. Бирок ошол абалда ЕБдин дармансыздыгын актоого болбосо да, жок дегенде көйгөйдүн өтө күтүүсүздүгү жана глобалдуулугун түшүндүрүүгө болмок.

Азыр кырдаал алда канча башкараак. Пандемиядан улам күтүүсүздүктүн таасири басаңдаганда Евробиримдик кайрадан тирдене түшкөн. Анткени анын күчтүү деп саналган сапаттары, атап айтканда, стратегиялык пландоо, татаал процесстерди уюштуруу, каражаттарды топтоо жана бөлүштүрө билиши зарыл болду. Европалык бийликтин жакындагы эле аракеттеринде, маселен, экономиканы кайра калыбына келтирүү планынан дүйнө жүзүнө мындай коркунучтар менен күрөшүүнүн үлгүсүн көрсөтө тургандыгы боюнча убадасы байкалат. Көрсөтүштү. Анын натыйжасы маанилүү багыттардагы ийгиликсиз аракеттери болду.

Европа талдалган карантиндик стратегия өз башына муш болду, ал эми калкты эмдөө боюнча иш жагдайын сүрөттөө үчүн "кырсык" деген гана аныктама туура келет. Ошону менен катар мындай абалдын кейиштүүлүгүн мындан билиңиз, пандемия менен күрөшүүдө үлгү болгусу келген өлкөлөрдүн өзүндө абал Европадагыдан бир топ дурус.

Ал эми бардык нерсенин өзөгүндө европалык бийлик тарабынан кабыл алынган жаңылыш чечимдер. Бул Европа биримдигинин кадыр-баркына алапайын таппай калган бир жыл мурунку абалынан да катуу доо кетирет.

Ушундай жагдайда чыгыш европалык мамлекеттердин өз алдынча аракет этүүгө умтулганы түшүнүктүү. Алар, албетте, ЕБ курамында экинчи сапта турушарын жакшы билишет, ошондой эле коронавирус көйгөйүндө калдык принциби боюнча жардам алууга мажбур экенин билет. Натыйжада өз кезегин сабырдуулук менен күтүүдөн чарчаган өлкөлөрдүн саны улам арбып, анын ордуна алар Брюсселдин уруксатын албастан аракетке өттү. Брексит, ошондой эле өзгөчө шарттарда да Брюсселге кылчактабаган польшалык жана венгриялык бийликтин евроскептицизминин өрчүп баратышы Европа биримдиги үчүн анча жакшы көрүнүш эмес.

Дээрлик алты жыл мурун Европа өзүнө миграциялык каатчылык уюштуруп, анын азабын бүгүнкү күнгө чейин тартып келет. Пандемияга каршы күрөш европалык саясатты дагы бир ийгиликсиздикке тушуктуруп, кыска эле мезгил ичинде оор кесепеттерге кептеген кыйла стратегиялык туура эмес эсептер менен жүргүзүлгөнүн көрсөттү.

Брюсселдин көйгөйдү сырттан европалык демократия жана шериктештикке доо кетирген душман издөөгө шылтоо менен өз катачылыктарын моюнга алуудан принципиалдуу түрдө баш тартышы бул маселелер менен эле токтоп калбастыгын кепилдейт.

131
Белгилер:
душман, пандемия, коронавирус, Россия, Европа, АКШ
Тема боюнча
Батыш вакцина үчүн күрөшүүгө даяр

Апта ирмеми: асманга атылган жанар тоодон уурдалган окуучуларга чейин

0
  • Индонезиянын Суматра аралында Синабунг жанар тоосу атылып, анын күлү менен түтүнү беш чакырым бийиктикке сапырылды. Жаракат алгандар жана өлүм болгон эмес. Ага карабастан өлкө бийлиги кырсык болгон жердин үч чакырым айланасындагы жашоочулардан коопсуз жакка көчүүнү өтүнүшкөн
  • Мумбайдагы (Индия) Тадж-Махал мейманканасынын алдында жубайлар сүрөткө түшүп жатышат
  • Кыргызстанда аскер кызматкерлери Ан-26 учагы менен парашюттан секирип, машыгуу өткөрүштү
  • Швециялык спортчу Астрид Норстедт лыжа спорту боюнча Германияда өтүп жаткан Дүйнө чемпионатында машыгуу секириктерин жасап жатат
  • Нигериянын түндүк-батышында согушкерлер уурдап кеткенден кийин бошотулган мектеп-интернаттын окуучу-кыздарынын сүрөтү. 26-февралда боевиктер Замфара штатындагы мектепке кол салып, 317 окуучу кызды уурдап кетишкен. Нигерияда куралчан топтор акча талап кылуу максатында окуучуларды уурдап кеткен учурлар көп кездешет
  • Испаниянын Айтоне аймагындагы шабдаалы багында сейилдеп жүргөн кыз
  • 2-3-мартта Кыргызстандын президенти Садыр Жапаров Казакстанга мамлекеттик сапары менен барды. Ал кошуна өлкөнүн башчысы Касым-Жомарт Токаев жана туңгуч президенти Нурсултан Назарбаев, Мажилис (парламент) төрагасы Нурлан Нигматулин жана премьер-министр Аскар Мамин менен жолукту. Иш сапарда бир катар келишимдерге кол коюлду
  • АКШнын Флорида штатындагы колледждин студенттери деңиз жээгинде жазгы каникулду майрамдап жатышат
  • Найробиде (Кения) аял коронавируска каршы AstraZeneca вакцинасы менен эмделип жатат
  • Сенегалда оппозиция лидери жана президенттикке талапкер болгон Усман Сонконун камакка алынышы массалык толкундоолорго алып келди. 4-марттан 5-мартка караган түнү Дакар шаарында, анын четинде жана башка шаарларда митингдер өтүп, имараттарды өрттөө, эстеликтерди талкалоо жана мародерлук менен коштолду
  • Япониялык макака (маймылдын түрү) Нагано префектурасынын Дзигокудани чөлкөмүндөгү жылуу сууда жуунуп жатат
  • Марселде (Франция) коменданттык саат алдында деңиз жээктей сейилдеген кыздын сүрөтү
  • Еревандын (Армения) Баграмян проспектисинде өлкөнүн премьер-министри Никол Пашинянга каршы өткөн оппозициянын нааразычылык акциясынын катышуучусу
  • Миландагы (Италия) мода жумалыгында Valentino күз/кыш–2021 коллекциясы көрсөтүлдү
  • Эл аралык аялдар күнүн утурлай Москва метрополитенинде гүл кучактап турган кыз
  • 6-мартта Бишкектин четиндеги Дача СУ айылында миңдеген атчандардын катышуусунда аламан улак өттү. Бул оюн көк бөрүнүн бир түрү. Мында ар бир катышуучу өзү үчүн ойноп, улакты марага ташташы керек. Улакчылар 70 килограммдык торпокту марага таштап, кызыктуу мелдеш көрсөтүштү
  • Казакстандагы Байконур космодромунан Союз-2.1б космос кемеси Арктика-М аппараты менен кошо асманга учурулду. Арктика-М бул Арктика чөлкөмүндөгү климатка жана айлана-чөйрөгө байкоо салуучу алгачкы россиялык космостук аппарат болуп саналат
  • АКШнын Нью-Гэмпшир штатында кар баскан токойду аралап бара жаткан киши
Жашоо дүйнөнүн ар кайсы бурчунда түрдүү окуялар менен коштолуп жатат. Кээ бир аймактарда нааразычылык акциялар өтүп жатса, айрым өлкөлөрдө балдар уурдалууда. Sputnik Кыргызстан узаган аптадагы окуялардын сүрөт түрмөгүн сунуштайт.

Суматра (Индонезия) аралында Синабунг жанар тоосу атылды. Анын күлү менен түтүнү беш чакырым бийиктикке сапырылды.

Кыргызстандын президенти Садыр Жапаров Казакстанга мамлекеттик сапар менен барып, өлкө башчысы Касым-Жомарт Токаев жана туңгуч президент Нурсултан Назарбаев менен жолукту.

Ереванда (Армения) премьер-министр Никол Пашиняндын кызматтан кетүүсүн талап кылган оппозициянын нааразычылык акциясы өттү.

Казакстандагы Байконур космодромунан "Союз-2.1б" космос кемеси асманга учту. Ал Арктика чөлкөмүндөгү климатка жана айлана-чөйрөгө байкоо салуучу алгачкы россиялык "Арктика-М" космостук аппараты менен кошо учурулган.

Нигериянын түндүк-батышында согушкерлер мектепке кол салышып, 317 окуучу кызды уурдап кетишкен. Кийинчерээк балдар куткарылды.

Кыргызстанда аскер кызматкерлеринин Ан-26 учагы менен парашюттан секирүү боюнча машыгуусу өттү.

Сенегалда оппозиция лидери жана президенттикке талапкер Усман Сонко камакка алынгандан кийин өлкөнүн Дакар жана башка шаарларында массалык митингдер өтүп, имараттарды өрттөө жана мародерлук менен коштолду.

Италияда салттуу Милан мода жумалыгы өттү.

Бишкектин четиндеги Дача СУ айылында миңдеген атчандардын катышуусунда аламан улак болду. Улакчылар 70 килограммдык торпокту марага таштап мелдешти.

 

0
  • Индонезиянын Суматра аралында Синабунг жанар тоосу атылып, анын күлү менен түтүнү беш чакырым бийиктикке сапырылды. Жаракат алгандар жана өлүм болгон эмес. Ага карабастан өлкө бийлиги кырсык болгон жердин үч чакырым айланасындагы жашоочулардан коопсуз жакка көчүүнү өтүнүшкөн
    © REUTERS / ANTARA FOTO

    Индонезиянын Суматра аралында Синабунг жанар тоосу атылып, анын күлү менен түтүнү беш чакырым бийиктикке сапырылды. Жаракат алгандар жана өлүм болгон эмес. Ага карабастан өлкө бийлиги кырсык болгон жердин үч чакырым айланасындагы жашоочулардан коопсуз жакка көчүүнү өтүнүшкөн

  • Мумбайдагы (Индия) Тадж-Махал мейманканасынын алдында жубайлар сүрөткө түшүп жатышат
    © AFP 2021 / PUNIT PARANJPE

    Мумбайдагы (Индия) Тадж-Махал мейманканасынын алдында жубайлар сүрөткө түшүп жатышат

  • Кыргызстанда аскер кызматкерлери Ан-26 учагы менен парашюттан секирип, машыгуу өткөрүштү
    © Sputnik / Табылды Кадырбеков

    Кыргызстанда аскер кызматкерлери Ан-26 учагы менен парашюттан секирип, машыгуу өткөрүштү

  • Швециялык спортчу Астрид Норстедт лыжа спорту боюнча Германияда өтүп жаткан Дүйнө чемпионатында машыгуу секириктерин жасап жатат
    © REUTERS / KAI PFAFFENBACH

    Швециялык спортчу Астрид Норстедт лыжа спорту боюнча Германияда өтүп жаткан Дүйнө чемпионатында машыгуу секириктерин жасап жатат

  • Нигериянын түндүк-батышында согушкерлер уурдап кеткенден кийин бошотулган мектеп-интернаттын окуучу-кыздарынын сүрөтү. 26-февралда боевиктер Замфара штатындагы мектепке кол салып, 317 окуучу кызды уурдап кетишкен. Нигерияда куралчан топтор акча талап кылуу максатында окуучуларды уурдап кеткен учурлар көп кездешет
    © REUTERS / AFOLABI SOTUNDE

    Нигериянын түндүк-батышында согушкерлер уурдап кеткенден кийин бошотулган мектеп-интернаттын окуучу-кыздарынын сүрөтү. 26-февралда боевиктер Замфара штатындагы мектепке кол салып, 317 окуучу кызды уурдап кетишкен. Нигерияда куралчан топтор акча талап кылуу максатында окуучуларды уурдап кеткен учурлар көп кездешет

  • Испаниянын Айтоне аймагындагы шабдаалы багында сейилдеп жүргөн кыз
    © AFP 2021 / PAU BARRENA

    Испаниянын Айтоне аймагындагы шабдаалы багында сейилдеп жүргөн кыз

  • 2-3-мартта Кыргызстандын президенти Садыр Жапаров Казакстанга мамлекеттик сапары менен барды. Ал кошуна өлкөнүн башчысы Касым-Жомарт Токаев жана туңгуч президенти Нурсултан Назарбаев, Мажилис (парламент) төрагасы Нурлан Нигматулин жана премьер-министр Аскар Мамин менен жолукту. Иш сапарда бир катар келишимдерге кол коюлду
    © Пресс-служба президента КР / Султан Досалиев

    2-3-мартта Кыргызстандын президенти Садыр Жапаров Казакстанга мамлекеттик сапары менен барды. Ал кошуна өлкөнүн башчысы Касым-Жомарт Токаев жана туңгуч президенти Нурсултан Назарбаев, Мажилис (парламент) төрагасы Нурлан Нигматулин жана премьер-министр Аскар Мамин менен жолукту. Иш сапарда бир катар келишимдерге кол коюлду

  • АКШнын Флорида штатындагы колледждин студенттери деңиз жээгинде жазгы каникулду майрамдап жатышат
    © REUTERS / MARIA ALEJANDRA CARDONA

    АКШнын Флорида штатындагы колледждин студенттери деңиз жээгинде жазгы каникулду майрамдап жатышат

  • Найробиде (Кения) аял коронавируска каршы AstraZeneca вакцинасы менен эмделип жатат
    © REUTERS / MONICAH MWANGI

    Найробиде (Кения) аял коронавируска каршы AstraZeneca вакцинасы менен эмделип жатат

  • Сенегалда оппозиция лидери жана президенттикке талапкер болгон Усман Сонконун камакка алынышы массалык толкундоолорго алып келди. 4-марттан 5-мартка караган түнү Дакар шаарында, анын четинде жана башка шаарларда митингдер өтүп, имараттарды өрттөө, эстеликтерди талкалоо жана мародерлук менен коштолду
    © AP Photo / Leo Correa

    Сенегалда оппозиция лидери жана президенттикке талапкер болгон Усман Сонконун камакка алынышы массалык толкундоолорго алып келди. 4-марттан 5-мартка караган түнү Дакар шаарында, анын четинде жана башка шаарларда митингдер өтүп, имараттарды өрттөө, эстеликтерди талкалоо жана мародерлук менен коштолду

  • Япониялык макака (маймылдын түрү) Нагано префектурасынын Дзигокудани чөлкөмүндөгү жылуу сууда жуунуп жатат
    © AP Photo / Kiichiro Sato

    Япониялык макака (маймылдын түрү) Нагано префектурасынын Дзигокудани чөлкөмүндөгү жылуу сууда жуунуп жатат

  • Марселде (Франция) коменданттык саат алдында деңиз жээктей сейилдеген кыздын сүрөтү
    © AP Photo / Daniel Cole

    Марселде (Франция) коменданттык саат алдында деңиз жээктей сейилдеген кыздын сүрөтү

  • Еревандын (Армения) Баграмян проспектисинде өлкөнүн премьер-министри Никол Пашинянга каршы өткөн оппозициянын нааразычылык акциясынын катышуучусу
    © Sputnik / Арам Нерсесян

    Еревандын (Армения) Баграмян проспектисинде өлкөнүн премьер-министри Никол Пашинянга каршы өткөн оппозициянын нааразычылык акциясынын катышуучусу

  • Миландагы (Италия) мода жумалыгында Valentino күз/кыш–2021 коллекциясы көрсөтүлдү
    © REUTERS / VALENTINO

    Миландагы (Италия) мода жумалыгында Valentino күз/кыш–2021 коллекциясы көрсөтүлдү

  • Эл аралык аялдар күнүн утурлай Москва метрополитенинде гүл кучактап турган кыз
    © Sputnik / Сергей Пятаков

    Эл аралык аялдар күнүн утурлай Москва метрополитенинде гүл кучактап турган кыз

  • 6-мартта Бишкектин четиндеги Дача СУ айылында миңдеген атчандардын катышуусунда аламан улак өттү. Бул оюн көк бөрүнүн бир түрү. Мында ар бир катышуучу өзү үчүн ойноп, улакты марага ташташы керек. Улакчылар 70 килограммдык торпокту марага таштап, кызыктуу мелдеш көрсөтүштү
    © Sputnik / Табылды Кадырбеков

    6-мартта Бишкектин четиндеги Дача СУ айылында миңдеген атчандардын катышуусунда аламан улак өттү. Бул оюн көк бөрүнүн бир түрү. Мында ар бир катышуучу өзү үчүн ойноп, улакты марага ташташы керек. Улакчылар 70 килограммдык торпокту марага таштап, кызыктуу мелдеш көрсөтүштү

  • Казакстандагы Байконур космодромунан Союз-2.1б космос кемеси Арктика-М аппараты менен кошо асманга учурулду. Арктика-М бул Арктика чөлкөмүндөгү климатка жана айлана-чөйрөгө байкоо салуучу алгачкы россиялык космостук аппарат болуп саналат
    © Фото / пресс-служба Роскосмоса

    Казакстандагы Байконур космодромунан "Союз-2.1б" космос кемеси "Арктика-М" аппараты менен кошо асманга учурулду. "Арктика-М" бул Арктика чөлкөмүндөгү климатка жана айлана-чөйрөгө байкоо салуучу алгачкы россиялык космостук аппарат болуп саналат

  • АКШнын Нью-Гэмпшир штатында кар баскан токойду аралап бара жаткан киши
    © AP Photo / Robert F. Bukaty

    АКШнын Нью-Гэмпшир штатында кар баскан токойду аралап бара жаткан киши

Белгилер:
апта, машыгуу, Россия, Кыргызстан, сүрөт
Тема боюнча
Торпокту такымга басып чаң ызгыткан эрендер. Аламан улактан кызыктуу сүрөттөр
3 500 метр бийиктиктен парашют менен секирген КР десанттары. Сүрөт түрмөк