АКШ желегин көтөргөн жумушчулар. Архивдик сүрөт

Орустардын жашыруун куралы Европанын чок ортосунан АКШга сокку урду

327
(жаңыланган 15:22 22.07.2021)
Америкалык өнөктөштөр кайрадан ызы-чуу түштү. Орустар тараптан кооптуулук сезген АКШлыктар бул ирет аны Венадан таап чыгышты.

Вашингтондун Австриянын борбор калаасындагы элчилигинин айрым кызматкерлери башы ооруп, жүрөгү айланып, тынчы кетип жатканын айтышкан. Көпчүлүк анын эмнеси бар экен дейт да. Дипломатиялык кызмат кооптуу, оор эмеспи, ар кыл жолугушуулар, сүйлөшүүлөр, протокол дегендей. Мындай иш-чаралардан кийин, өзгөчө эртеси бир топ эле кыйналып каласың. Бирок америкалык диипломаттар көп жыл бою мындай "оорудан" аспирин менен сактанып келгени маалым.

Эми дипломаттардын баш оорусу расмий түрдө "гавана синдрому" деп жарыяланды. Көрсө баш жазуу, ой, "гавана синдрому" кайсы бир ойго келбес фантастикалык куралдан пайда болот экен. Аны Венада орустардын атайын кызматы пайдаланат имиш. Дал ушул кырдаалга Виктория Никифорова көз салып, макаласы РИА Новости агенттигине жарыяланды.

Айтылган кепке караганда, бул курал түз эле америкалыктарга каршы колдонулуп, миллиондогон веналыктар менен аларга ыктаган мигранттар аман-эсен эле эч нерсе сезбей жүргөнү кызык. Же балким аспирин ичип жаны калып жаткандыр.

Бүгүн "гавана синдрому" тууралуу Американын кадыры күч басылмалары да жазып, Вашингтондо бул окуя кадимкидей эле иликтөөгө алынды. Мамлекеттик департамент окумуштуулардан экспертиза жасоону өтүнүп жатышат. ЦРУ директору Уильям Бернс "ден соолугу белгисиз нерседен зыянга учураган кызматкерлер" менен өзү сүйлөшүүдө.

Мындайга Россия деле көнүп бүттү деңизчи. Жакында эле америкалык өнөктөштөр орустар аларды көздөй НЛО учуруп жатканын айтып, дүйнө коомчулугун ишендирүүгө аракет кылышты. Анан "гавана синдрому" менен Вена кайдан жүрүп илешип калды?

Көрсө кеп мамдепартаменттин сценаристтери жедеп тамтыгы чыккан трафарет менен иштеп көнүп калышканында экен. Ушундай эле сөздөрдү 2016-жылы маалымат талаасына чыгарып турушкан. Анда Гавана тандап алынган болчу.

Ошого чейин президент Обама Кубага каршы санкцияларды жумшартып, Гаванага барып да келген эле. Мындай аракеттин кульминациясы АКШ элчилигинин жарым кылымдык тыныгуудан соң ишинин жанданышы болду. Келген дипломаттарды Хемингуэйдин жакшы көргөн барында коктейль менен жакшы эле сыйлашкан.

Бирок АКШнын кийинки президенти Дональд Трамп Обаманын буйруктарынын баарын, анын ичинде Куба менен жаңы гана башталган достукту да жокко чыгарып салды. Мамилелер сууп баратканын элчиликтин кызматкерлери азая баштаганынан билүүгө болор эле.

Анан эле Гаванадагы америкалык дипломаттар менен ЦРУнун кызматкерлеринен ошол эле баш оору, угуусу начарлоо, тынчы кетүү сыяктуу белгилер аныктала баштаган. Кулактарына кандайдыр бир үндөр угулуп жатканын айтып даттанышкан эле. Мамлекеттик департамент окумуштууларга иликтөө жүргүзүүнү тапшырган. Америка бийлиги дипломаттарга "микротолкундуу" же "үн куралы" менен чабуул жасалганын божомолдогон болчу.

Акыл-эстүү кишиге микротолкундуу курал кандай болорун элестетүү кыйын. Идеянын авторлоруна америкалык дипломаттардын жашаган жерине дат баскан унаа менен келген Петров менен Боширов микротолкундуу мештерди алып чыгып, мээлеп жаткандай көрүнсө керек.

"Үн куралы" тууралуу кеп деле кызык. Аскер адамдары чындап эле акустикалык каражат пайдаланат. Катуу добуш чыгарган курал жоон топ элди таратууда колдонулат. Арам ойлуу орустар үн толкундары менен америкалык дипломаттардын мээсине таасир этүүгө аракет жасаса, аны гаваналыктардын баары укмак да. Жок, бул америкалыктар эле уга ала турган үнсүз курал экен. Логика кайда?

Ал кезде мамдепартаменттин сөзүнө америкалык ЖМКлар да күлгөн. Vanity Fair журналы YouTube каналына чыккан "үн чабуулу" тууралуу роликтерин эксперттер кантип иликтеп чыкканын жазган. Көпкө чейин ойлонуп, ал үндөр "чымчыктардын чырылдагы" экенин айтышкан. Зоолог, орнитолог, биолог, невролог жана психиатрлар менен сүйлөшүп, илимий жактан негизделген корутунду чыккан: кызыктай добуштар кубалык чегирткелерден экен.

"Кадимки эле чегиртке..., — деп мыскылдап жазган автор. — Айрым окумуштуулар цикада деп да чыгышты... Бирок биолог, профессор Аллен Санборн цикада адамдын кулагындагы каналга кирип кеткенде гана угууну начарлата турганын эринбей түшүндүрүп берди".

Күлкү күлкү менен деңизчи, бирок медиачабуул максатына жетип АКШнын Кубадагы элчилиги кыскарып, кызматкерлердин макамы төмөндөгөн. Өлкө кайрадан санкция кучагында калып, кубалыктар америкалыктарга чабуул жасады деп айыпталган. Анан кайра-кайра убара болбойлу деп орус изин да таап чыгышты. The New York гезити орустар көптөн бери эле "микротолкундуу технологиялар" жаатында иштеп жатканын жазды.

Кээде мындай сценарийдин авторлору жашы бир топко барып калгандар болсо керек деген ойго кетесиң. Микротолкундуу мештерден кооптонгон мезгил да болгон, бирок ал учур унутулуп деле калды. Же булар 80-жылдарда жазылган бестселлерлерди окуп алышабы, белгисиз.

"Гавана синдрому" боюнча Кубанын да, Американын да окумуштуулары бир пикирге келишти — америкалык дипломаттар жапырт жиниккен абалга туш болушкан. Орто кылымдарда монастырларда жашаган кечилдер бир маалда ак уруп, шайтан-шабыр көрө баштаганы эсиңиздеби?

Эми минтип беш жыл өтүп-өтпөй "ден соолукка билинбей жасалган чабуул" тууралуу кайрадан айтыла баштады. Америкалык басма сөздүн жазганына караганда, Венада бүгүнкү күндө жашоо коркунучтуу. "Байдендин администрациясы россиялык ГРУчулар өзүнүн микротолкундуу девайстарын америкалык кызматкерлерди карай буруп, ноутбук менен смартфондорунан маалымат алып жатат деген пикирде. Ушундай ыкма менен орустар америкалык дипломаттардын саламаттыгына залака келтирип жатат" деп жазды New Yorker журналы.

Ооба десеңиз. Чаламандын чак түшүндө эле Риннгштрассада бараткан америкалык дипломаттын алдынан ГРУчу чыга калып "микротолкундуу девайсын" мээлеп жатканын элестетсеңиз.

Америкалыктар россиялык атайын кызматты күнөөлөп чыгары турулуу болчу. The New York Times гезити бул жөнүндө тээ жарым жыл мурда эле жазган, Венадагы дипломаттар ал кезде ден соолугу начарлап жатканын айтууга жетишкен да эмес.

Гавана сценарийинен америкалык маалымат чабуулунун максаты Россия эмес Австрия экени көрүнүп турат. Орустар го көнүп калган, ал эми Вена үчүн бул Вашингтондун нааразычылыгын туюндурган кооптуу белги.

Австрия өкмөтү өзүнүн көз карандысыздыгы жана Россия менен мамиле түзө билгени менен АКШ бийлигинин кыжырын кайнатып келет. Өлкөнүн OMV Group башкы нефтегаз компаниясы Россия менен советтик мезгилден бери иш жүргүзүп, "Түндүк агым — 2нин" курулушуна катышкан. Австрия канцлери Себастьян Курц маал-маалы менен курч сүйлөп коет. Вашингтон болсо аны нарциссизмге, оппортунизмге жана Москва менен өтө эле жакындашып кетти деген айыптагандан чарчабайт.

Вашинтондун максаты деле айкын — Венаны коркутуп, "шпиондордун уюгу" деп атап, Москва менен байланышын токтотуу. Бирок жасалган чагымчылык ушунчалык одоно болгондуктан анын ишке ашарынан авторлор деле күмөн санап турат.

Кээде америкалык стратегдер өз кадырына канчалык зыян келтирип жатканын аңдабайт окшойт деген ой кетет. Тээ илгери Вашингтонго болгон суктануу күч эле, өзгөчө интеллектуалдык жактан алдыда жүрчү. Бүгүнкү күндө андан эч нерсе калган жок. Жаңыларды кой, эски өнөктөштөрдү да кармап калуу татаал болуп бара жатат. Деменциядагы өлкө кимге керек?

327
Белгилер:
басылма, синдром, оору, кызматкер, дипломат, курал, элчилик, Россия, Австрия, АКШ
Тема боюнча
Рекорддук чек: АКШдагы инфляция дүйнөлүк экономикага кооптуу экени айтылды
НАТОнун антироссиялык жаңы "манифести" КМШ өлкөлөрүнө коркунуч туудурат
Афганистандын коопсуздук күчтөрүн колдогон жүздөгөн куралчан адамдар. Архивдик сүрөт

Афганистандагы согуш Борбордук Азияны көздөй "жылууда". Опкоолжуткан фактылар

483
(жаңыланган 15:11 23.07.2021)
Эксперт Афганистандагы согуштун Борбордук Азия үчүн кооптуулугу барган сайын арбып жатканын белгиледи.

Аймактардагы жаңжалдар өзүнүн объективдүү мыйзамдарына ылайык уланат. Буга Афганистандын түндүгүндөгү согуштук аракеттердин акырындап Тажикстан, Өзбекстан жана Түркмөнстан менен чектешкен түштүк аймактарына жылып жатышы далил.

Афган чыры күчөп, Борбордук Азия үчүн кооптуулук да арбып бара жатат. Бүгүнкү күндө тажик-афган чек арасын (80-90 пайызы) толугу менен "Талибан"* көзөмөлдөөдө, бирок маселе мында да эмес. Россия ТИМинин жетекчисинин орун басары Андрей Руденконун берген маалыматы боюнча, Афганистандын түндүк провинциялары "Аль-Каида"*, "Ислам мамлекети"* сыяктуу көп сандагы эл аралык террордук топтор позициясын бекемдеген аймактарга айланууда. Регионго Жакынкы Чыгыш менен Түндүк Африканын согуш жүргөн жерлериндеги террорчулар тартылып жатат. Борбордук Азиядан чыккандарды азгыруу иши катуу жүрүүдө.

Тажикстандын президенти Эмомали Рахмон 22-июль күнү Душанбеде өткөн аскер парадында өлкө эч убакта коңшуларына каршы армиясын колдонбой турганын белгиледи. Бирок афган согушу акырындап Пяндж дарыясынан түндүк тарапка өтүп бара жатат.

Ага чейин талибдер Афганистандын 1 600 жоокерин Тажикстанга өтүүгө аргасыз кылган. Алардын айрымдары "Талибанды" көздөй Тажикстанда туруп ок атууну уланткан. Андан кийин афгандыктар өз өлкөсүнө башка жагынан кирип, талибдерге чабуул жасаган.

Бул тактикалык эпизод нейтралитет жана коңшулук мамиле тууралуу эле эмес, кырдаал курчуп кетиши мүмкүн экенин да айтып турат. Бир күнү талибдер каршылашын ок менен токтотууга аракет кылат, чек арадан өтүп кеткенин "байкабай калат" да, жергиликтүү тургундарга зыянын тийгизип коюшу мүмкүн. Эл андайды кечирбейт. Ошондо анан Борбордук Азиядагы согуштук аракеттер реалдуулукка айланат.

Түркмөнстан жабык өлкө экени маалым. Ошентсе да каза болгон 18 түркмөн аскердин туугандары ЖМК аркылуу окуя Афганистан менен чектешкен Марый вилаятында болгонун айтышууда. Ал эми расмий маалымат боюнча, эки офицер менен 16 жоокер автокатастрофадан көз жумган. Кандай болгон күндө да талибдер Түркмөнстан менен чек арадагы көзөмөл пунктун 9-июлда эле басып алышкан. Ашхабад буга Марый вилаятынын түштүгүнө кошумча күч, артиллерия жана техника тартып жооп берген эле. Кырдаал оор.

Божомол кандай?

Рахмондун параддагы кайрылуусу негизинен оптимисттик маанайда болгону менен президент тажик-афган чек арасындагы абалды өтө оор деп баалады. Учурда кызмат өтөп жаткан 100 миң аскер кызматкери, запастагы 130 миң жоокер менен офицер толук даяр болушу кокусунан эмес. Эгемендүү Тажикстандын тарыхында биринчи жолу кездешип жаткан көрүнүш.

Рахмон Афганистандын түндүгүндөгү кырдаал өтө оор бойдон калып жатканын айтып, күндөн-күнгө татаалдашып жатканын белгиледи. Чек араны кайтаруу жана түштүк аймакта бардык күчтөрдү мобилизациялоо ушу тапта Тажикстандын башкы маселеси болуп турат. Коңшулар менен акыры согушуп калуусу толук мүмкүн.

Афганистандын президенти Ашраф Гани талибдердин өлкөнү террорчулардын баш калкалоочу жайына айлантуу ниети бар экенин, уюм "Аль-Каида"* жана пакистандык "Джаиш-е-Мухаммад"*, "Лашкар-е-Тайба" топтору менен байланышып турарын жар салды. Ошондой эле Кабулдагы Атайын операциялар корпусунун аскер кызматкерлерине алдыдагы жарым жылда абалды жакшырта турган коопсуздукту камсыздоо планы тууралуу айтып берди.

Карапайым калк президентинин этияттыгына макул эмес экени айгине. Афганистанда учурда талибдерден тышкары "Ислам мамлекетинин"* 10 миңдей согушкери жүрөт. Тарыхка кайрылсак, 1989-жылы Афганистандан советтик жоокерлер чыгарылгандан кийин ошол кездеги президент Мохаммад Наджибулланын демократиялык өкмөтү моджахеддер менен үч жыл согушуп, аягына чыга алган эмес. Азыркы өкмөт менен президент Ашраф Гани канчага туруштук бере алары белгисиз.

АКШнын Куралдуу күчтөрүнүн штаб начальниктеринин бириккен комитетинин башчысы, генерал Марк Милли 21-июлда "Талибан" Афганистандын аймагын басып алып, стартегиялык жактан үстөмдүк кылып жатканын белгилеген. 419 уезддик борбордун 210у азыр талибдердин көзөмөлүндө. Бирок Милли афган армиясы күч топтоп, Кабул менен башка ири шаардын жашоочуларын коргоо үчүн райондук борборлорду атайылап эле "берип" жатат деп эсептейт. Буга чейин президент Жо Байден да АКШ менен НАТО күчтөрү чыгып кеткенден кийин афган өкмөтүнүн талибдерге каршы турууга алы жетерин айткан. "Талибандын" ийгилигин карап отуруп Гани, Милли жана Байдендин оптимизми анча ишенич жаратпай жатат.

Ал арада Афганистанда таасирин күчөтүүнү каалаган коңшулар Пакистан менен Ирандын аракети да тынчсыздандырууда. Булар талибдерге каршы чыккан афган шииттеринин "Хашд аш-Шиа" уюмун жетектейт деп айтылат. Негизи эле Пакистан менен "Талибандын" тарыхый байланышы тууралуу айтчу сөз арбын. Ал эми афган шииттерин Сириядагы согушка деп Ислам революциясын коргоочулар корпусунун адистери даярдаганы божомолдонуп келет.

Афганистанда 30дай террордук уюм бар экени айтылууда. Булардын саны өкмөттүк күчкө каршылык көрсөтүүгө жетет. Балким талибдердин чабуулу шииттердин мобилизациясына түрткү болуп жаткандыр, негизи эле ар кыл "партизандык" түзүлүштөрдүн аскердик даярдыгына баа берүү кыйын. Булардын арасында жалаң кыз-келиндерден турган отряддар бар экени айтылып келет. Кандай болгон күндө да Ашраф Ганинин администрациясы иран жетекчилигин Афганистанда төңкөрүш жасоого аракет кылган деп шектенүүдө. Кабул менен Исламабаддын да мамилеси көңүл жылытпайт.

Оор күндө калтырбаган Россия

Афганистанда абал курчугандан бери Россия Тажикстан, Өзбекстан жана Түркмөнстан менен дайым байланышта. Бейшемби, 22-июль күнү, Россия менен Тажикстандын президенттери Владимир Путин жана Эмомали Рахмон телефондон Афганистандагы кырдаалды талкуулашты. Зарылдык жаралса Москва Борбордук Азия өлкөлөрүнө жардам берүүгө даяр.

РФ Куралдуу күчтөрүнүн атайын жана тынчтык орнотуучу күчтөрү август менен сентябрда Өзбекстан, Тажикстан жана Кыргызстандын аскер күчтөрү менен биргелешкен тогуз маневр жасашат. Масштабы өтө кеңири болору айтылды.

Иш-чарага Россия тараптан Кыргызстан менен Тажикстандагы аскердик базалардын авиатоптору, армиянын спецназ бөлүктөрү, атайын дайындоодогу Псков жана Новосибирск бригадалары, Ульяновск десанттык бригадасы жана 55-тоо, 15-тынчтык орнотуучу бригадалары катышмакчы. Бул Шанхай кызматташтык уюмунун (Индия, Казакстан, Кытай, Кыргызстан, Пакистан, Россия, Тажикстан жана Өзбекстан) күзүндө өтчү "Тынчтык миссиясы — 2021" машыгуусуна катыша турган 4000 аскер кызматкерин эсепке албагандагы көрсөткүч. Тажикстандагы аскер базасынын бөлүктөрү ушу тапта пландык жана пландан тышкаркы окуулардан өтүп жатат.

Афганистан менен чектешкен Сурхандарья облусундагы (Термез полигону) Россия менен Өзбекстандын бергелешкен машыгуусуна Борбордук аскер округунун сокку уруучу авиациясы тартылууда. Кыргызстандагы биргелешкен аскер базасынын Су-25СМ штурмовиктеринин экипажы 30-июлдан 10-августка чейин "Борбордук Азия өлкөлөрүнүн аймактык бүтүндүгүн сактоону" максат кылган аскер бөлүктөрүн абадан колдоп турмакчы. Аталган окуу-машыгууда россиялык контингенттин негизин Борбордук аскер округунун атайын дайындоодогу бригадасы менен тынтык орнотуучу күчтөрү түзөт.

Тажикстандын Хатлон облусундагы Харб-Майдон полигонунда 5-10-август күндөрү Россия, Өзбекстан жана Тажикстан аскерлеринин биргелешкен маневрлары өтөт. Афганистан менен чектешкен жерден 20 чакырым аралыкта өтчү иш-чарага Россия тараптан жаңы бронетехника менен күчтөнгөн 201-аскер базанын бөлүктөрү катышат.

Эскерте кетсек, июнь-июль айларында талибдер афган армиясынын көптөгөн аскердик базаларын басып алып, арсеналына ээлик кылууга жетишти. Бул — согуштук мүмкүнчүлүктөрдү кыйла жакшыртчу АКШ өндүрүшүнөн чыккан ондогон артиллериялык система, жүздөгөн сооттолгон машина, курал-жарак, тонналаган ок-дары. Мунун баары Афганистан менен чектешкен Борбор Азия өлкөлөрүнө кадимкидей коркунуч жаратат. Бүгүн талибдер афган бийлигин толугу менен басып алууга аз калды, эртең эмне болот?

* — Россия жана башка бир катар өлкөлөрдө тыюу салынган террордук уюм

Аскерий баяндамачы Александр Хроленконун Telegram каналына жазылыңыз

483
Белгилер:
машыгуу, 'Талибан' кыймылы, Борбордук Азия, жоокер, Аскер, Россия, согуш, Түркмөнстан, Өзбекстан, Тажикстан, Афганистан
Тема:
Афган бийлиги менен талибдердин тиреши
Тема боюнча
ЖМК: АКШ Афганистандан 12,5 миң жаранды алып кеткени жатат
Түндүк агым түтүгү. Архивдик сүрөт

Байден Меркель экөө "Түндүк агым" боюнча ымалага келишти. Украина унчукпашы керек

95
Кремль Украинаны "Түндүк агым — 2" менен опузалабай турганын айтып, долбоор Киевге басым жасай турган курал эмес экенин белгиледи.

АКШ менен Германиянын макулдашуусун баары күтүп жаткан кезде Украина бийлиги Вашингтондун "акыл-эстүүлүгүнө" ишенип турду. Анткени, Киевдин айтымында, аталган түтүк Украина эмес, бүтүндөй дүйнө жүзүнө кооптуулук жаратат. Курулуш чындап эле аяктоо алдында турабы? РИА Новости агенттиги жарыялаган макала дал ушул туурасында.

Ишке ашар-ашпас макулдашуулар

"Россия энергетикалык ресурстарды саясий басым жасоо үчүн курал катары пайдаланат деген айыптоолорду дайым четке кагып келет, мындай болгон эмес, болбойт дагы. Баары тең коммерциялык макулдашуулар менен коммерциялык кызыкчылыктын негизинде гана ишке ашат", — деп дагы бир ирет түшүндүрдү Дмитрий Песков.

Вашингтон кечээ жакында эле Германия менен түзүлгөн макулдашуусунун четин чыгарды. Андан бир жума мурун Ангела Меркель Ак үйгө барып келген. Жолугушуудан соң мамдепартамент немецтер бир топ алгылыктуу сунуш айтканын белгиледи.

Америкалыктар Россияга энергетиканы саясий курал катары пайдаланууга жол бербөө деген жалпы максатты жүзөгө ашырууда алдыга кадам шилтенди деген ишенимде. Ага чейин Вашингтон Польша жана Украина менен сүйлөшкөнү белгилүү.

98 пайызы аяктап калган газ түтүгүнүн курулушуна эч ким тоскоол болбойт. Бирок эгер Россия түтүктү кыянатчылык менен пайдалана турган болсо, Германия кандайдыр бир чара көрүүгө аргасыз болот. Германия буга чейин Москвага каршы бир тараптуу аракет көрүүдөн баш тартып келген, абалга сереп салсак азыр деле кубангандай түрү жок.

Берлин Украинага энергиянын экологиялык булактарына өтүүгө жардам берчү Жашыл фондго инвестиция салууга макул. Кеп жок эле дегенде миллиард доллар тууралуу болуп жатат, Германия алгач 175 миллион котормой болду. Мындан тышкары, Киевге энергетикалык долбоорлор боюнча атайын өкүлүн жөнөтүп, аны менен кошо дагы 70 миллион берип жибермекчи.

Анын үстүнө Берлинден Россия менен Украинанын ортосундагы газ транзити тууралуу макулдашуунун мөөнөтүн кеминде 10 жылга узартууга жардам берүү талап кылынып жатат (мөөнөт 2024-жылы аяктайт). 21-июль күнү кечинде Меркель менен Владимир Путин телефондон сүйлөшүп, лидерлер "Газпром" менен "Нафтогаз Украины" компаниясынын ортосундагы макулдашууну өзүнчө талкуулашты.

Россия президенти Германиянын долбоорду ишке ашыруунун тарабында экенин айтып, коммерциялык максат көздөлүп жатканына токтолсо, Меркель Байден менен болгон сүйлөшүүсүнүн айрым деталдарын ачыктады. Москва дагы, Берлин дагы түтүктүн "курулушу аяктап бара жатканын канааттануу" менен белгилешти.

Каршылар

Украина акырына чейин нааразы болду. Владимир Зеленский "Түндүк агымдын" тагдыры АКШнын колунда экенин, Евробиримдик бирдиктүү фронт болушу керектигин айтып келет. Ал Меркель менен 12-июлда Берлинден жолугуп, долбоорду жаап салууга көндүрүүгө аракет кылды. Меркель макул болгон жок.

Киевде Меркель "Украинанын кызыкчылыгын сатты" дешти, бирок бул дагы жардам берген жок. Аны кой, Politico басылмасы Вашингтон Киевдин тынчышын талап кылганын жазып чыкты. Өнөктөштөрдүн айтканына макул болбой, ызы-чуу чыгарса Америка-Украина мамилесине доо кетип каларын эскертишти.

Байдендин чечимине конгрессмендер да нааразы болушту. Техастан республикачы сенатор Тед Круз макулдашууну "АКШ жана союздаштар үчүн катастрофа жана Путиндин муундарга калган геосаясий жеңиши" деп баалады.

"Украина менен Европанын энергетикасын Путинге берип садага чабышты", — деди дагы бир республикачы Стив Уомак. Ал эми анын партиялашы Жим Риштин айтымында, 11-августта Европанын энергетика коопсуздугун коргоо мыйзамы боюнча доклад чыгат (PEESA), ошондо Ак үй айласын таппай калат. Докладда "санкциялардан баш тартуу эмне үчүн АКШнын улуттук кызыкчылыгы үчүн керек экенине негиздеме берилген".

Бирок Америка бийлиги PEESA алкагында санкция киргизүү же киргизбей коюу укугу сакталарын баса белгиледи.

Моюн толгоо

Украинанын экономика боюнча эксперти Александр Охрименко Киев эми ири инвестиция күтпөй эле коюшу керектигин айтып, Россияга таасир этүү мүмкүн эмес экенин божомолдоду. "Келишим алкактан чыкпайт, энергетикалык коопсуздук тууралуу жалпы сөз болот. Украина тууралуу учкай гана кеп козголуп калышы мүмкүн", — деди ал маегинде.

Немец саясат таануучу Александр Рар да ушундай пикирде. "Киевдин реакциясына карасак, алар акча күтүп жаткандай. Бирок азыр кырдаал башка, Россия менен каршылашып жатканы үчүн эле акча келбейт", — деди ал. Эксперт андан көрө немец компанияларын Украинада иштөөгө чакыруу керек деп, бирок ал үчүн да шарт жок экенин белгиледи. Чет элдик бизнесмендерди тартуу үчүн Украина укук системасын, жеке менчик тууралуу жоболорун өзгөртүшү керек.

Бул америкалыктарга да тиешелүү. Рардын айтымында, алар суюлтулган газын Германия менен ЕБге сатууга, ЕБдин энергетика саясатын көзөмөлдөөгө кызыкдар эмес, ошол эле маалда "Украинанын өнүгүүсүн да каржылагысы жок".

"Бул Вашингтон менен Москванын мамилесине караганда трансатлантикалык алакага көбүрөөк тиешелүү, — дейт Эл аралык иштер боюнча Россия кеңешинин башкы директору Андрей Кортунов. — Негизи муну Америка саясатынын жеңилиши же акыл-эстин жеңиши деп эсептөөгө болот. Байден ири жана азыраак зыяндын бирин тандап алууга аргасыз болду. Албетте, басым жасоодон баш тарткысы келген жок, ошентсе да маанилүү өнөктөштүн бири менен чырлашпай туруу артыкчылык кылып кетти".

Бул Меркелдин жеңиши. "Меркель айтканынан кайткан жок, негизи пландарынан немецтер эмес, америкалыктар баш тартууга мажбур болушту", — деди Кортунов.

Газ түтүгүнүн курулушуна каршылык көрсөтүү бекер иш экенин эл аралык мамилелер боюнча эксперт Татьяна Романова да тастыктады. Бирок эми жаңы кооптуулук жаралат. "Түтүк ишке киргени менен 2030-2035-жылдары энергиянын жаңыланып туруучу булактары басымдуулук кыла баштаганда көйгөй Американын кысымында эмес, ЕБдин энергетикалык балансынын өзгөрүшүндө болот", — деди ал.

Узакка созулган талаш-тартыштан соң "Түндүк агым — 2" аяктоо алдында турат. Германия бул түтүк үчүн көпкө чейин кармашты, өлкөнүн позициясы Меркель кеткенден кийин деле өзгөрбөсө керек. Ал эми жашыл энергетика газсыз болбойт. Демек, кымбат деп эсептелген жана көптөн күткөн долбоор акыры өзүн актайт деген үмүт бар.

95
Белгилер:
долбоор, курулуш, Евробиримдик, Украина, АКШ, Россия, Германия, түтүк, газ
Тема боюнча
Орустардын жашыруун куралы Европанын чок ортосунан АКШга сокку урду
Медициналык кызматкерлер лабораторияда. Архив

Министрлик AstraZeneca менен "Спутник Лайт" вакциналарын бир сыноону кубаттады

0
Сыноо иштерине 150 адам катышмакчы. Адистер жалпы бул долбоорду 2022-жылдын 2-мартында аяктоону көздөп турушат.

БИШКЕК, 22-июл. — Sputnik. Саламаттык сактоо министрлиги AstraZeneca менен "Спутник Лайт" вакциналарын сынап, изилдөө иштерин бирге жүргүзүүнү кубаттады. Бул туурасында РИА Новости жазды.

COVID-19 инфекциясын алдын алып, профилактика жасоо максатында "гетерологиялык прайм-буст" схемасы менен сайылчу AZD1222 жана rAd26-S препараттарынын иммунногендик айкалышуусун, коопсуздугун аныктоо үчүн I/II фазаларда изилдөөлөр жасалары айтылган.

Жогорку маалыматтар клиникалык изилдөөлөрдү жүргүзүү боюнча уруксат бере турган реестрде белгиленген.

Жасала турган тестке 150 адам катышмакчы. Аны 2022-жылдын 2-мартында аяктоону көздөп турушат.

Гамалея борбору, AstraZeneca, Түз инвестициялар боюнча россиялык фонд жана "Р-Фарм" компаниясы 2020-жылдын 21-декабрында өз ара кызматташуу боюнча меморандумга кол койгон. Документ "Спутник V" жана AZD1222 (АstraZeneca жана Оксфорд университети биргелешип иштеп чыккан) препаратынын компоненттеринин бирин бириктирилген баа берүү үчүн клиникалык изилдөөлөрдү жасоо жана иштеп чыгуу үчүн кызматташууну шарттайт.

0
Белгилер:
вакцина, сыноо, 'Спутник Лайт' вакцинасы, AstraZeneca, Россия
Тема:
Дүйнөгө жайылган коронавирус
Тема боюнча
Эртең Бишкекке Казакстандын QazVac вакцинасы жеткирилет
Окумуштуулар: тамакты тоё жебеген адамдар COVID-19дун оор түрүнө чалдыгат