Киевде митингге чыккан жарандар. Архивдик сүрөт

Постсоветтик мейкиндикке сабак болчу украиналык тажрыйба

154
Көз карандысыздык алгандан бери Украина көп өлкөлөргө мисал болду. Бирок андай "үлгү" болууну эч кимге каалабайт элек.

Заманбап дүйнөдө мамлекеттердин бир тобу (өлкөлөр уюму) башкаларга өрнөк боло алат. Маселен, Европа биримдиги бүгүнкү күндө кыйла майнаптуу интеграциялык бирикме болуп саналат.

Адамзат феодалдык бытырандылык шартында жашай албастыгын, кылымдап бири-бири менен согушуп келе жаткан өлкөлөр да бийик максаттар үчүн бириге алышарын белгилейт РФ өкмөтүнүн алдындагы Каржылык университетинин доценти Геворг Мирзаян. Анын ушул теманын тегерегиндеги макаласын назарыңыздарга сундук.

Кошмо Штаттар кайсы бир убакта демократиянын жана ийгиликтүү өнүгүүнүн үлгүсү эле. Бирок ушул тапта эгер мыйзам жана максатка ылайыктуулугу жагынан чектелбесе, демократия жана адам укуктарын коргоо принциби эмнеге айланарына күбө болдук. BLM жана MeToo сымал кыймылдардын пайда болушуна ачык мисал жана америкалык коомчулукту ичтен иритет.

Россиянын башка функциясы бар. Ал (Кытай менен биргеликте жана жарым-жартылай Түркия менен) батыш үлгүсүндөгү демократия саясий тутумдун жалгыз ийгиликтүү модели эмес экенин тастыктайт. Ар бир мамлекеттин өз үрп-адаты, географиясы, турмуш деңгээли жана калктын керектөөсүнө негизделген ушул системанын өз түрүнө ээ болушу керектигине өрнөк болуп бере алат.

Бул жаатта Украинанын мисалы бир топ кейиштүү. Кошмо Штаттардын Киевге каршы пландары чоң экени эч кимге жашыруун эмес. Вашингтондун постсоветтик мейкиндикте "өнүгүү жана демократиянын багыт көрсөткүчүн" түзүү ниети көптөн бери бар. Бир өлкөнү Батышка ыктагандыгы үчүн жана либералдык, демократиялык реформаларды жүргүзүү маселелеринде анын бардык кеңештерине кулак салгандыгы үчүн гана авторитардык мамлекеттен гүлдөгөн заманбап коомго айландыруунун өрнөктүү үлгүсүн көрсөтүүнү көздөйт.

АКШ постсоветтик мейкиндикте өз саясатын көбүнесе Россияны ооздуктоо призмасы аркылуу карай турганы да жалпыга маалым. "Багыт көрсөткүчтү" түзүүдө алгачкы америкалык талапкер Грузия болгон. Бул өлкөдө Михаил Саакашвили бийликке "розалар революциясынын" күүсү менен келип, америкалык жана европалык каражаттар менен бир катар реформаларды жасаган.

Либералдар аны дароо калкан катары көтөрүп, "Эмнеге Грузияда ишке ашты, бирок грузиялык эксперимент ийгиликтүү боло албады?" деген китептерди чыгара баштады. Буга себеп толтура эле, атап айтсак, аткаруучулардын ашкере көптүгү, либерализмдин ченемсиздиги (мисалы, дан-эгинди импорттоого төлөмдөрдүн алып салынышы грузиялык айыл чарбасына сокку урган), Грузиянын өнүктүрүү ресурстарынын жетишсиздиги, ошондой эле грузиндердин орустарга терең русофобиясынын жоктугу да буга түрткү болгон.

Анан күчтүн баары калкы көп, ресурстарга бай, каймактары канчадан бери өз мамлекетин Россиядан оолак тутуу саясатын жүргүзүп келе жаткан Украинага бурулган. 2014-жылы биротоло "АнтиРоссияга" айланып, ал эми постмайдандык бийлик америкалык кураторлор либералдык жана демократиялык реформаларды баштаган. Натыйжада чындап эле Украина үлгүгө айланды, бирок дал америкалыктар күткөндөй чыкпады. Калкынын басымдуу бөлүгү орусча сүйлөп, орусча ойлонуп жана өздөрүн орус санаган өлкөдө агрессивдүү русофобия туруктуу жана гүлдөгөн коомду түзө албай турганын далилдеди. Тескерисинче, ал элди бөлүп-жарып, жарандык жаңжалдашууну, ал тургай жарандык согушка кептейт. Россия менен чектешкен өлкөдөгү агрессивдүү русофобия көбүнесе өзүнө жараша болорун, коопсуздукту жана мамлекеттин өнүгүшүнө өбөлгө болуп бере албайт.

Украина россиялык рынокко пошлинасыз чыгуу мүмкүнчүлүгүнөн айрылды. Тек гана Кремлдин сабырдуулук жана болушунча жумшак позициясынан улам (дал ушул үчүн россиялык серепчилердин бир даары РФ президенти Владимир Путинди сындап келишет) визасыз режим, жарандарынын Россияда иштөө мүмкүнчүлүгүнөн ажыратылган жок.

Анан да олуттуу экономикалык санкциялар салынбады. Бул аталган республика Батыштын Россияга каршы тирегинин ролун ыктыярдуу түрдө алуу эч кандай орчундуу дивиденд алып келбегенин айгинелейт.

Себеби Украинадагылар Вашингтон жана Брюссель өз таянычын бардык жактан колдоп турарына бекем ынанышат. Акча салып, саясий капитал менен камсыздап, ал тургай батыштык интеграциялык блокторго (эгер Европа биримдиги болбосо да НАТО) кошушат деп ишеним артышат.

Бирок мунун эч бири аткарылган жок, тескерисинче, Батыш акырындык менен Украинадан кол үзүп бараткандай. Европа биримдигиндегилер Россия менен жаңжалдашуу кажетсиз экенин, жеңүүгө үмүттүн жоктугун аңдашты. АКШда да айрымдар муну акыры түшүнүп, натыйжада Батыш Москва менен сүйлөшүүгө тырышууда.

Украина өзүнүн русофобиялык аракеттери менен тарыхый процесстин четинде, ал эми болочокто Россиянын маңдайында жалгыз калары бышык. Себеби АКШнын союздаштык милдеттенмелери эбак бир катар жерлерде ишенимсиз экенин көрсөттү. Далилдердин эң соңкусу – Афганистан, өзгөчө Кабул аэропорту. Ошондуктан бардык өлкөлөр украиналык тажрыйбаны тыкыр талдап көрүп, аны кайталабаганы оң.

Айрыкча бул Россия менен ымалалаш, маңызында жакырчылыктан сактоого, тышкы коркунучтардан коргонууга Россиядан көмөк алган постсоветтик мейкиндиктеги мамлекеттерге тиешелүү.

154
Белгилер:
Украина, эгемендүүлүк, сабак, Батыш, Россия, саясат, экономика
Тема боюнча
Россиядан баш тартып Украина эмнеден утулду. Януковичтин кайрылуусу
Янукович: Россия менен байланыш Украинаны социалдык коллапстан куткарган
АКШ президенти Жо Байден. Архивдик сүрөт

Согуш отун тутантпасын деп… АКШ президентинен өзөктүк баскычты алып коюшту

202
(жаңыланган 20:02 19.09.2021)
Быйыл январда Америка Кошмо Штаттарынын мыйзамдуу шайланган президенти америкалык өзөктүк куралды көзөмөлдөгөн эмес. Мындай чуулгандуу жаңылыкты жарым кылым оболу президент Никсонго "Уотергейтти" уюштурган айтылуу журналист Боб Вудворд жарыялады.

Жакында эле жарык көргөн "Тобокелдик" ("Peril") китебинде журналистиканын 78 жаштагы патриархы АКШнын Штаб жетекчилеринин бириккен комитетинин төрагасы Марк Миллинин сөзүн келтирет. Айтымында, ал 6-январдагы окуядан соң Трамп кетеринде бир чуу салып кетет деп катуу чочулап, өзөктүк сокку уруу жөнүндөгү чечим кабыл алуу алгоритмин өзгөрткөн. Ошол билдирүү жана Кошмо Штаттардын өзөктүк курал жаатындагы жагдайга Виктория Никифорова баам салган.

Мыйзамга ылайык, АКШ президенти аскер жетекчилери, эң оболу Штаб жетекчилеринин бириккен комитетинин төрагасы менен консультация өткөргөн соң өзөктүк ракеталарды коё берүү жөнүндө буйрук берет. Аскерлердики кеңеш берүүчү гана добуш. Бирок Милли офицерлерди бул жааттагы Трамптын бардык буйруктары алгач ага маалымдоону буюрган, андан ары эмне кылышты өзү чечмек.

Бул аз келгенсип Трампка кабарлабастан генерал Милли өзүнүн кытайлык кесиптешине – Борбордук аскердик кеңештин Бириккен штабынын жетекчиси Ли Цзочэнго телефон чалып, кокус бир нерсе болуп кетсе кабатырланбоону өтүнгөн. "Эгер биз сиздерге кол сала турган болсок, генерал Ли, мен сизге кабарлап коём. Бул күтүүсүз болбойт", – деген ал.

Ушул тапта республикачылар жана демократтар ошол телефон чалуу мамлекетке чыккынчылык акты болгонбу же жокпу деп кызуу талкуулап жатышкан чагы. Кошмо Штаттардын мамлекеттик башкаруу тутумунда чындап эле баары чиеленишип калды, демократтар "сиздер түшүнбөй турасыңар, бул бөлөк!" деп кыйкырышат. Баарынан кызыгы көпчүлүк аларга кулак салып, ынанып да жаткандыгында.

Байдендин келиши менен кырдаал жакшыра түштүбү? Анткен жери жок. Афганистан туурасында суроолорго жооп алуу үчүн АКШнын башкы командачысын конгресске чакырышкан. Бирок Байдендин башка иштери чыгып калыптыр. Конгрессмендердин алдында ал үчүн жагдайдан таптакыр кабары жок мамлекеттик катчы Блинкен "соккуга калды".

"Деги бизде ким баарына жооп берет? Ким чечим кабыл алат?" — деп сурады андан сенатор Риш. Ал Калифорниядагы өрт боюнча кызмат өкүлдөрү менен жолугушуусунун эң кызуу жерине келгенде президенттин сөзүн эфирден кесип салышканын Блинкендин эсине салды.

Өлкөнүн Башкы штабынын жетекчиси башка мамлекеттин башкы штабындагы жолдошуна телефон чалып: "Кабатыр болбо, кокус силерди жардыра турган болсок, кабарлап коём" дегени да чындап эле кызык, анан да күдүк ойлорго түртпөй салбай койбойт.

Кошмо Штаттар кадимки, өзөктүк, биологиялык жана химиялык курал кору боюнча айныгыс чемпион эмеспи. Сүйлөп жаткан эфирин өчүрүп сала алышкан карыя жолбашчы ушул тапта дүйнө жүзүндө эң күчтүү армияны тескейт.

Анан да АКШнын аскердик машинасы азыр кызыктуу трансформацияны баштан кечирип жаткан чагы. Айрым аналитиктер державанын Афганистандан качышы жана Сауд Аравиясын аскердик колдоодон күтүүсүз баш тартышы тегин жерден эмес дешет. Бул маңызсыз жана баарын жадатып бүткөн "эл аралык террорчулукка каршы согуштун", эл аралык агрессиянын алда канча масштабдуу программасын жүзөгө ашыруу аракетинин аякташы экенин белгилешет.

Rand корпорациясынын маалыматы боюнча, 2014-жылы эле Пентагондо "Үчүнчү калыптануу" (The Third Offset) деп аталган кандайдыр бир табышмактуу планды талкуулоого киришкен. Анда АКШнын негизги аскердик каршылаштары болжол менен күчтөрү бирдей Кытай менен Россия болору камтылган. Аларды жеңүү Америкага жаңы көп полярдуу дүйнөдө үстөмдүктү камсыздап бермек.

Афганистан же Ирак өңдүү кенедей өлкөлөр унутта калып, күчтүн баары кудуреттүү державаларга каршы күрөшүүгө топтоштурулмак. Бул үчүн армия супертехнологиялык болуп, роботторго, жасалма интеллект, космостук технологияларга, кибер күчтөргө ээ болууга тийиш эле. Эмне үчүн "Үчүнчү калыптануу"? Алгачкысы – Корея согушунан кийинки АКШ армиясынын технологиялык кайра жаралуусу. Экинчи катары технологиялык секирик Вьетнамдагы согуштан утулгандан кийинки тирдениши айтылса керек. Үчүнчү калыптануу террорчулукка каршы согуштун аягына пландалган.

Анткен менен андай демилге колдоо тапкан эмес. Бирок 2018-жылы Трамптын тушунда улуттук коргоо стратегиясы кабыл алынган. Кошмо штаттардын башкы душмандары катары анда да дал Кытай менен Россия, ал эми болочоктогу согуштук аракеттердин негизги театры катары Индия жана Тынч океандын акваториясы белгиленген.

"Үчүнчү калыптануу" — чөлдө талибдерди кубалагандай эмес, башка стратегия, бөлөкчө курал, башка суммадагы каражат. Трамптын тушунда Пентагондун бюджети 700 миллиард доллардан ашып кеткен.

Байден 2022-жылга аскердик багытка 753 миллиард бөлгөнү турат. Болгондо да анын жүз миллиарддан ашууну аскердик жаңы технологиялардын флагманына, тагыраагы, АКШнын Коргоо министрлигинин келечектүү изилдөөлөр башкармалыгына берилет. Кибер күчтөр 10,4 миллиарддан көбүрөөк каражат алат. Ошол ири планда эбегейсиз роль жасалма интеллектке жүктөлгөн. Google аянтчасынын ээси Эрик Шмидт, Palantir платформасынын кожоюну Питер Тиль жана санарип жаатындагы олигархтар Пентагонго өз өндүрүмдөрүн ийгиликтүү сатып келе жатканына бир топ болду. Алар кандай иштейт, ал башка кеп.

Жасалма интеллект бир топ жолу таң калыштуу каталарды кетиргенине дүйнө күбө. Мисалы, 2003-жылы Ирак согушу башталган тушта учкучсуз учурулган америкалык "Патриот" ракеталары жаңылыштык менен адегенде британиялык, андан соң америкалык истребителдерди атып түшүргөн. Алардын учкучтары ошентип кокустуктан шейит болгон. Жакында эле Германиядагы америкалык Рамштайн базасындагы эрте маалымдоо системасы жалган сигнал берген. Дал ошол маалда Балтика деңизинде россиялык Аскер-деңиз флотунун машыгуулары өтүп жаткан эле. Компьютер окуу алкагында ракеталардын коё берилишин чыныгы сокку катары кабылдаган экен. Ошентсе да америкалык өнөктөштөр өзөктүк куралдануу жаатында жасалма интеллектти пайдаланууну пландоодо. Анан калса ракета коё берүү жөнүндө чечим кабыл алуу сымал өтө сезимтал багытында колдонулушу мүмкүн.

Америкалык коргоо жаатындагы басылмалар, ошол эле Rand корпорациясы коркунучту таап, ажыра билүү жана чечим кабыл алууда компьютер кантип ката кетирери туурасындагы ондогон сценарийлерди сүрөттөшкөн. Мисалы, аны атмосфералык өзгөчө көрүнүш деле жаңылтып коё алат. Компьютер аны душмандын ракетасы катары кабылдап, ага өз ракеталарын багытташы ыктымал. Аны байкаган каршылаш тарап чыныгы ракетасын чыгарып, ошентип кыямат-кайыңга кептеп коюшат деп чочулайсың.

Анткен менен демилге улам колдоого татып барат. Жасалма интеллект америкалык өнөктөштөргө түтүн түтөтүп көздөн жазгыруу ыкмасындай пайдалануу үчүн гана керекпи деген ойго эрксизден берилесиң. Ким буйрук берген? Тээтиги компьютер, болгону адашып калыптыр. Анан аягы "Кимди ким көрдү? Быржыбайды там басты" дегендей эле болот. Жоопкерчиликке да тартылчу жан болбойт. Мейкиндикти анча баамдай албаган президент. Керек учурда "терекке чыккан" вице-президент. Алсыздыгы айдан ачык мамлекеттик катчы. Аскерлерби? Генерал Марк Милли америкалык армияны түрлөнтүү жана анда маданий айырмачылыкты сактоого багытталган саясатты жүргүзүү менен алек.

Жасалма интеллектке буйрук берип, андан соң "түпкүрдөгү мамлекеттеги" белгисиз олигархтар тарабынан кабыл алынган чечимди компьютердин катасы деп кутулууну көздөшөбү?

СССРдин курамындагы республикалар өзүнчө бөлүнүп жатышкан 1990-жылдары америкалык өнөктөштөр кандай гана чуу салышпады. Талап-тоноо, өзөктүк куралдын аткезчилиги жөнүндө канча жоромолдорду жайышпады. Алардын эч бири орундалган жок. Советтик цивилизация соңку сыноону татыктуу жеңип, өзөктүк куралын сактап, жалпыга толук коопсуздукту камсыздап берди. Америкалыктардын өз ракеталарына мамилеси да кызык. Кезегинде Билл Клинтондун ракеталарды коё берүү коддорун (сыр сөздөрүн) жоготуп алганы аргасыз эске түшөт. Көпкө издеп убара тартышканы жаңылыктардан маалым. Эгер америкалык элитанын интеллекти ушундай болсо, анда алардын жасалма интеллекти кандай иштейт? Эл аралык коомчулук АКШнын өзөктүк кнопкасынын тегерегиндеги абалга көңүл бурууга учур келгендир...

202
Белгилер:
АКШ, президент, согуш
Тема боюнча
Мунайдын баасы дагы канча убакыт кымбаттайт? Саресеп
ШКУ мамлекеттеринин желектери. Архив

Пикирлештердин саммити: ШКУнун Афганистан боюнча кадамы кандай болот

46
(жаңыланган 13:59 18.09.2021)
ШКУнун тандоо мүмкүнчүлүгү бар. Афганистан менен өнөктөш мамлекеттердин кызыкчылыгын колдонуп пайда тапкыдай эки тараптуу байланышка басым жасаса болчудай. Же баары чогулуп, талибдер менен бирдиктүү фронт катары сүйлөшүүлөрдү жүргүзүшү керек.

Шанхай кызматташтык уюму пайдасыз структура деген убак да болгон. Борбор Азия өлкөлөрү менен Кытайдын чек ара маселелерин чечүү үчүн түзүлүп, кийин жарактан чыккан формат деп чыгышкан. Бүгүн мындай пикир түп тамырынан бери өзгөрдү дейт Россия өкмөтүнүн алдындагы Финансы университетинин доценти Геворг Мирзаян.

"Эч кимге бизге акыл үйрөтүүсүнө жол бербешибиз керек. Аймактагы өлкөлөрдүн ички ишине сырткы күчтөрдүн кийлигишпеши кажет. Уюмга мүчө мамлекеттин улуттук өзгөчөлүгүн эске алган өнүгүүнүн моделин кармануу зарыл. Биздин келечек дайыма өзүбүздүн гана колдо болушу керек", — деди Кытай лидери Си Цзиньпинь Душанбеде өткөн саммитте.

Афганистандан курал-жарагын, союздаштарын таштай качкан АКШнын жосунсуз жоругунан улам ШКУнун мааниси арта түшкөнүн Россия президенти Владимир Путин белгиледи. Анын айтымында, америкалыктардан кийинки башаламандык радикализм менен исламизмдин өнүгүп-өсүшүнө жакшы азык болуп керет.

Путин Америка 20 жылдык "ишмердүүлүгүнүн" кесепетин жоюуга анча ашыкпай турганына токтолуп, афган чек арасынан 10 миңдеген чакырым алыс болгондуктан, АКШ буга көп деле башын оорутпай турганын кошумчалады.

Натыйжада кооптуулук жараткан маселе менен Афганистандын коңшулары Иран, Кытай, Тажикстан, Өзбекстан, аймактык коңшу катары Россия, Индия алектениши керек болуп калды. Башкача айтканда, ШКУ мамлекеттери жана уюмга эми кире турган мамлекеттер чара көрүшү керек. Ушу тапта керек болсо "Талибан" менен алакасы жакшы Пакистан да кооптуулук жок деп айта албайт, анткени Афганистандагы абалды жөндөөгө эч кимдин шаасы жетпей калчу башаламандыкка айланып кетчүдөй болуп турат.

Ал эми ШКУнун тандоо мүмкүнчүлүгү бар. Мында Афганистан менен өнөктөш мамлекеттердин кызыкчылыгын колдонуп пайда тапкыдай эки тараптуу байланышка басым жасаса болчудай. Мисалы, Кытай Афганистандын мурунку бийлигинин тушунда Индия ээлик кылган кен чыккан жерлерди өзүнө ала алат. Ал эми Өзбекстан тажиктердин эсебинен Афганистанды байырлаган өзбек общиналары үчүн өзгөчө шарт түзүп алса болот.

Ошол эле учурда баары чогулуп, талибдер менен бирдиктүү фронт катары сүйлөшүүлөрдү жүргүзүү жолу бар.

Жеке жана жалпы кызыкчылык

Дал ушул экинчи вариант туура сыяктуу болуп турат. Анткени бир катар субъективдүү экономикалык кызыкчылык менен тышкы саясий каалоодон тышкары (мисалы, Индия менен Пакистан өз ара чырында Афганистанды курал катары пайдаланууну көздөйт) ШКУ мамлекеттеринин Афганистан боюнча кызыкчылыгы бирдей.

ШКУ мамлекеттеринин жогорку сот жыйынына даярдык. Архив
© Фото / Фотохост-агентство sco-russia2020.ru/ Евгений Биятов
Баары тең, Пакистан да, Афганистандын исламизм менен радикализмди жайылтуучусуна айланышын каалабайт. Талибдердин өздөрү "Жашыл революцияны" экспорттоону каалабаганы менен чет элдик жихад уюмдарына афган жергесинде жашап, иштөөгө укук бериши толук ыктымал. Же алардын жолун тосуп, Борбор Азия аймагында теракт уюштурууга, Иран менен Кытайдын мусулман райондорунда абалды курчутууга. ошондой эле даярдыктан өткөн террорчуларды Өзбекстан же Тажикстан аркылуу Россияга жиберүүгө тоскоол болбойт. Дал ушундай жагдайлардын алдын алуу үчүн талибдер менен сүйлөшүү керек.

Мындан тышкары, Россия менен Иран үчүн афган наркотрафиги курч маселе болуп турат. Мында кеп аталган өлкөлөр аркылуу баңгизаттын Европага чыгышында деле эмес, анын басымдуу бөлүгү транзит мамлекеттерде калып, ошол жактын тургундарынын пайдаланышында. Ошол эле Иранда баңгизат саткандарга колдонулган өлүм жазасы да өлкөнү баңги сазынан чыгара албай жатат. Муну менен жеринде, башкача айтканда, Афганистанда, экспорттун көлөмүн чектеп күрөшүү зарыл. Токтотуп эмес, чектеп, чындыкты тике карайлычы. Бул үчүн да талибдер менен ымга келүү маанилүү.

Ал эми ШКУ мамлекеттеринин "Талибанды" кызыктыра алчу нерсеси бар. Бул дипломатиялык таануу жана экономикалык долбоорлор. Өзбекстандын президенти Шавкат Мирзиёевдин айтымында, Ташкент ШКУ алкагындагы аймактык экономикалык долбоорлорго Афганистанды тартууга аракет жасамакчы.

"Биз дагы Афганистан ушу тапта тушуккан гуманитардык жана экономикалык көйгөйлөрдү чечүүгө колубуздан келген жардамды берүүгө даярбыз. Казакстандын инфраструктурасы менен логистикалык мүмкүнчүлүктөрүн колдонуп Алматыда Афганистанга эл аралык жардам жөнөтүү үчүн ШКУнун гуманитардык хабын түзүүнү сунуштайбыз", — деди өз кезегинде Казакстандын президенти Касым-Жомарт Токаев.

Бирок эксперттердин айтымында, бардык экономикалык жана дипломатиялык аракеттер талибдер үчүн ШКУ өлкөлөрүнүн кызыкчылыгын эске алуу менен кадам шилтей турганын иш жүзүндө көрсөткөндөн кийин гана жеткиликтүү болушу керек.

Россия президенти Владимир Путин аракеттерди "ШКУ — Афганистан" тобунун ишин жандантуудан баштоону сунуштады. "Жаңы афган бийлигин тынчтык орнотуу, коомдук жашоону жөнгө салуу, коопсуздукту камсыздоо боюнча берген убадасын аткартууну стимулдаштыруу керек. Мында "ШКУ — Афганистан" тобунун ишмердүүлүгүн жандандыруу маселесин иштеп чыгуу зарыл. Бул топ атайын афгандык өнөктөштөр менен иштөө үчүн түзүлгөн", — деди РФ лидери.

* — Кыргызстан, Россия жана башка бир катар мамлекеттерде тыюу салынган уюм.

46
Белгилер:
Афганистан, ШКУ, Индия, Пакистан, кызматташуу, 'Талибан' кыймылы, экономика, дипломатиялык мамиле
Тема боюнча
Си Цзиньпин: Кытай ШКУ өлкөлөрүнө жакырчылыктан чыгуу жолдорун көрсөтүүгө даяр
Путин ШКУнун террорчулукка каршы түзүмүн күчтөндүрүүнү сунуштады
ШКУ саммитинин жыйынтыгы боюнча кол коюлган документтер. Тизме

"Нокауттардын ханышасы". Шевченко UFC уюмун кантип багындырган. Видео

0
(жаңыланган 12:24 20.09.2021)
Аралаш мушташ спортун чагылдырган белгилүү ERA MMA интерактивдик журналы Валентина Шевченконун карьерасы тууралуу видео жарыялады.
"Таланттуу адам бардык жагынан таланттуу. Алардын бири Валентина Шевченко. Ал сүрөттү мыкты тартат, чимириле бийлейт, таамай атат жана бир нече тилде эркин сүйлөйт. Эң негизгиси ал күчтүү мушкер, атаандаштары ага туруштук бере албайт, кайталангыс кармаштары менен өзүнүн атын тарых бетине жаза алды", — деп айтылат видеодо.

Роликте Шевченконун бардык беттештери көрсөтүлгөн. ERA MMA сайты Шевченкону профессионалдык спортто жолу кантип башталып, UFC уюмунун чемпиондук курун кантип багындырганын баяндаган.

Мушкердин кезектеги беттеши 25-сентябрга белгиленген, ал америкалык Лорен Мерфи менен кез келмекчи.

0
Белгилер:
UFC, Валентина Шевченко, мушкер, карьера, видео
Тема боюнча
Валентина Шевченко ринг-гёрлз кыздарды жактап, Хабибдин сынына жооп кайтарды
Лас-Вегаста өткөн UFC турниринин урунттуу учурлары. Видео