Сүрөттөгү апта: корридадан баштап Ватерлоо салгылашуусун калыбына келтирүүгө чейин
Сүрөттөгү апта: корридадан баштап Ватерлоо салгылашуусун калыбына келтирүүгө чейин
Sputnik Кыргызстан
Португалияда коррида фестивалынан жапа чеккен туристтер ооруканага жаткырылса, Индияда йога менен машыккандардын саны боюнча дүйнөлүк рекорд жаратууга аракет... 22.06.2015, Sputnik Кыргызстан
Португалияда коррида фестивалынан жапа чеккен туристтер ооруканага жаткырылса, Индияда йога менен машыккандардын саны боюнча дүйнөлүк рекорд жаратууга аракет күч. Ал эми Бельгияда улуу салгылашууну калыбына келтирүү менен Ватерлоонун 200 жылдыгы белгиленди. Ушул жана башка дүйнөлүк окуялар Sputnik агенттигинин сүрөт куржунунда.
Португалиядагы коррида фестивалынын алгачкы көз ирмемдери анын айрым катышуучулары үчүн эстен кеткис болуп калды. Америкалык, шотландиялык эки турист жана бир жергиликтүү адам ооруканага жаткырылды.
Дүйшөмбү күнү БУУ тарабынан бекитилген Эл аралык йога күнү белгиленет. Иш-чаранын демилгечиси Индия мамлекети болууда. Бул күнү йога менен машыккандардын саны боюнча дүйнөлүк рекорд жаратуу үчүн Нью-Делиге 30 миң адам келгени айтылууда.
Өткөн аптанын соңунда Бельгия уламышка айланган салгылашты калыбына келтирүү менен Ватерлоонун 200 жылдыгын белгиледи. Бул иштерге көрөрмандардын өтүнүчү менен айрым өзгөртүүлөр киргизилди.
Американын Калифорния штатында өрт кырсыгы 40 чарчы чакырым токой аянтын чапчыды. Бул быйылкы жылдын эң ири токой өртү экенин куткаруучулар айтууда.
Ушул жана башка дүйнө окуялары Sputnik агенттигинин сүрөт куржунунда.
Калифорнияда ушул жылдын эң ири токой өртү жалындоодо. Сан-Бернандино улуттук паркындагы Биг Беар көлүнүн аймагында өрт 40 чарчы чакырым токой аянтын камтыды.
Индонезияда Синубанг жанар тоосу активдешүүдө. Бийлик коопсуздук үчүн элди эвакуациялай башталды. Бирок учурда жашоочулардын үчтөн бири гана үйлөрүн таштап кетишти. Калгандары айдоо жерлерди көзөмөлдөө керек деген жүйөө менен көчүүдөн баш тартууда.
Британияда жыл сайын өтүүчү Аскот ат чабышы болду. Мындан башка бир да иш-чара ушунча сөөлөттүү кийинген айым, мырзалардын башын бириктире албаса керек.
Кытайдагы суу ташкыны. Кырсыктан беш адам каза болуп, төртөө дайынсыз болууда. Дагы 225 миң адам жапа чегип, миңдеген имараттар талкаланганы кабарланды.
Кубинкада эл аралык "Армия-2015" аскердик-техникалык форум болуп өттү. Иш-чара масштабы жана мазмуну боюнча акыркы жылдарда өткөрүлгөн ири форум болуп калды. Анын алкагында жети миңден ашуун курал жана аскердик техника көрсөтүлдү.
Петербургда бүтүрүүчүлөрдүн "Алые паруса — 2015" кечеси болуп өттү. Куттуктоо үчүн майрамдык салтанатка "Сплин", Дима Билан, Нюша, "Ногу свело", IOWA жана башка шоубизнес өкүлдөрү келишти
Советтер Союзунун баатыры Калыйнур Үсөнбеков атындагы КР Куралдуу күчтөрүнүн Аскер институту бүтүрүүчүлөрдүн салтанаттуу аземин өткөрдү. Бул жылы институтту 101 бүтүрүүчү аяктады.
