Тилсиз жоонун алдын алууга 5 өрт өчүрүүчү автоунаа, 60дан ашык куткаруучу, "Тазалык" ишканасынан 5 кызматтык унаа, тез жардам кызматынын беш бригадасы, Биринчи Май райондук ИИБдин 50 кызматкери жана 10 даана кызматтык унаа тартылган.
Жалпысынан музейдин жыйындар залындагы 300 чарчы метр жер күйгөн. Ал жерде экспонаттар да болгон. Аларды сактоо үчүн 90го жакын киши баалуу буюмдарды жер төлөөгө киргизишкен.
Тилсиз жоонун алдын алуу учурунда ӨКМдин бир кызматкери бутунан жаракат алып ооруканага жеткирилсе, он кызматкер иске ууланган. Жабыркаган жарандардын барына медициналык жардам көрсөтүлгөн.
Мамлекеттик тарых музейи 25-марттан тарта оңдоп-түзөө иштеринин биринчи этабынын алкагында жабылган болчу. Ал эми анын экинчи этабы Эгемендүүлүк күнү — 31 августка карата бүтүп калышы керек эле.
Мындан бир нече күн мурда тагыраагы, 14-июлда да музейдин чатырындагы 20 чарчы метр айнеккебез ширетүү иштеринде өрт коопсуздугу эрежелеринин бузулушунан улам өрттөнгөн эле.
амлекеттик Тарых музейи 1925-жылы негизделген. Ал эми азыркы имараты 1984-жылы салынган. Ал — Борбордук Азиядагы эң ири музейлердин бири. Бул жерде 135ге миңге чукул экспонаттар жана кыргыз элинин маданий, тарыхый уникалдуу эстеликтери сакталып келет.
Өрт чыккан Тарых музейиндеги кадрларды Sputnik Кыргызстан видеосунан көрүңүздөр>>
