"КМШ сулуусу — 2018" сулуулук сынагынын финалдык бөлүгү кандай өткөнүн сүрөттөр топтомунан көрүңүздөр.
Катышуучулар казак элинин каада-салттары менен таанышып, Астананын кооз жерлерин кыдырышкан.
Сынакта 19 селки ат салышты. Кыргызстандын атынан Сусанна Егорян аттуу бийкеч катышты. Жыйынтыгында ал "Көрүүчүлөрдү суктанткан сулуу" титулуна ээ болду. Белгилей кетсек, былтыр World Next Top Model 2017 сулуулук сынагына Кыргызстандын атынан барган Сусанна Егорян финалда Армениянын намысын коргоп элди чуу кылган болчу.
КМШ сулуусу аталган украиналык Татьяна Акуленко. Ага ыйгарылган таажы баалуу таштар менен шөкөттөлүп, алтын жалатылган. Мындай таажыны атайын буюртма менен Армениядан жасатышкан.
Татьяна Акуленко таажыдан сырткары, Европага бир жума саякаттоо сертификатына ээ болду.
"КМШ сулуусу — 2018" сынагы быйыл Астана шаарында өттү.
Катышуучулардын эч кимиси кур кол кайткан жок. Ар бирине түрдүү номинациялар ыйгарылып, белектер тапшырылды.
Финалдык шоуго кыздар улуттук жана кече көйнөктөрүн кийип чыгышты.
Өзбекстандан барган Дарья Масальская "КМШнын Instagram сулуусу" номинациясын алды.
"КМШ сулуусу" эл аларалык сынагы 1996-жылдан бери өткөрүлүп келет.
Быйылкы сынак Астана шаарынын 20 жылдык мааркесине туш келди.
Кыздар Астанага финалдан бир нече күн мурун келишкен.
Сулуулар үчүн көңүл ачуучу программа каралган. Анын алкагында казак элинин каада-салттары менен таанышып, Астананын кооз жерлерин кыдырышты.
Жалпы жонунан 19 бийкеч ат салышты.
Сынакка Казакстан, Россия, Кыргызстан, Тажикстан, Армения, Беларуссия жана Өзбекстандын сулуулары катышты. Мындан сырткары, КМШ өлкөлөрүнө кирбеген Грузия, Латвия жана Украина мамлекеттеринин бийкечтери да атайын чакыруу менен келип сынакка катышты.
Кыргызстандын атынан Сусанна Егорян барып "Көрүүчүлөрдү суктанткан сулуу" титулуна ээ болду.
Казакстандын сулуусу Асем Есенгелдиева биринчи орунду алса, экинчини Ромелла Тамарян (Армения), үчүнчүнү Виктория Волгина (Россия) ээледи.
Өткөн жылы "КМШ сулуусу" сынагы Армениянын Ереван шаарында өткөн.
Баш байге үчүн берилчү таажы баалуу таштар менен шөкөттөлүп алтын жалатылган.
