Эч нерсе унутулбайт! Постсоветтик мейкиндикте белгиленген Улуу Жеңиш. Сүрөттөр
(жаңыланган 01:08 10.05.2020)
Жаркын келечек үчүн Улуу Ата Мекендик согушта курман болгон баатырларды эскерүүгө аба ырайы да, коронавирус пандемиясы да жолтоо болгон жок. Жүздөгөн монумент менен стелалар таң атпай гүлчамбарга оронду. Мамлекет башчылары менен карапайым эл ардагерлерге жасаган эрдиги, каармандыгы үчүн алкыш айтып жатышты.
Улуу Жеңиш майрамы постсоветтик мейкиндикте кандай белгиленгенин Sputnik агенттиги даярдаган сүрөт түрмөктөн көрсөңүз болот.
© Пресс-служба президента КР / Султан ДосалиевБишкектеги "Жеңиш" аянтында Улуу Ата Мекендик согуштагы Жеңиштин 75 жылдыгына карата өлкөнүн биринчи адамдарынын катышуусу менен митинг-реквием өттү
© SputnikАбхазиядагы Улуу Ата Мекендик согуштун ардагерлери Гудаута абхаз жана россиялык аскер кызматкерлеринен куттуктоолорду кабыл алып жатат
© Фото / Official website of President of Azerbaijan RepublicАзербайжандын президенти Илхам Алиев жубайы Мехрибан Алиева менен Советтер Союзунун эки жолку баатыры Ази Аслановдун мүрзөсүнө барышты
© Sputnik / Asatur YesayantsАрмениянын президенти Армен Саркисян Еревандагы "Жеңиш" паркында Өчпөс отко гүлчамбар койду
© Sputnik / Инна ГришукКуралдуу күчтөрдүн ардагерлери Гродно шаарында (Белоруссия) согушта курман болгондордун элесине арнап гүлчамбар коюшту
© Фото / Facebook / Salome ZourabichviliГрузиянын президенти Саломе Зурабишвили Улуу Ата Мекендик согуштун баатырларын Тбилисидеги Ваке паркында эскерди
© Фото / Sergey MelkonovЛатвияда "Өлбөс полк" акциясынын уюштуруучусу Маргарита Драгиле "Бошотуучулар" эстелигине блокадачы чоң энесинин сүрөтү менен келди
© SputnikКарантинге карабастан Литвада борбор калаанын тургундары курман болгон советтик жоокерлердин элесине арналган мемориалдарга келип, гүл коюп кетишти
© Sputnik / Miroslav RotariМолдовада "Шерпенский пладцарм" мемориалдык комплексинде 1944-жылы өлкөнү баскынчылардан бошотууда курман болгон Кызыл Армиянын 45 жоокеринин сөөгү кайра коюлду. Иш-чарага Молдованын президенти Михаил Додон катышты.
© Sputnik / Алексей ДружининРоссия президенти Владимир Путин Жеңиш күнүндө Александровский бакчасындагы Белгисиз жоокердин бейитинин жанындагы Баатыр шаарлардын аллеясына гүлчамбар койду.
© Фото / Facebook/ Хадамоти матбуоти Президенти ТоҷикистонТажикстандын президенти Эмомали Рахмон өлкө парламентинин жогорку палатасынын төрагасы жана Душанбе шаарынын мэри Рустам Эмомали менен борбор калаадагы "Жеңиш бакчасына" орнотулган эстеликке гүл коюшту
© Фото / Пресс-служба президента УзбекистанаӨзбекстанда өлкө президенти Шавкат Мирзиёев Улуу Ата Мекендик согуштун ардагерлерин "Жеңиш" паркынын амфитеатрында куттуктады
© SputnikУлуу Жеңиштин 75 жылдыгынын урматына Түштүк Осетияда Өчпөс отко "Даңк" гирляндасын коюшту
Укмуштуудай дизайн! Hyundai брендинин Бишкектеги презентациясынан 12 сүрөт
(жаңыланган 23:30 27.02.2021)
Кеченин коноктору ата мекендик рынокто биринчи ирет көрсөтүлгөн унаа моделдерин гана көрбөстөн шоу-программага дагы күбө болушту. Иш-чарага дипломатиялык өкүлчүлүктүн кызматкерлери, компаниянын өнөктөштөрү жана медиа тармагындагы белгилүү инсандар катышты.
©
Sputnik / Табылды Кадырбеков
Кийинки болуп сахнага Hyundai Elantra чыкты. Коноктор адаттан тыш, бурчтуу формалар басымдуулук кылган бул моделдин дизайнына өзгөчө көңүл бурушту.
Кеченин кульминациясы Hyundai Santa Fe — SUV жолтандабасынын бет ачары болду. Анын укмуштуудай сырткы көрүнүшү менен айдоо үчүн жасалган кынтыксыз сапаттары айкалышкан.
"Азиямоторс" ЖЧКсы Hyundai унаасынын Кыргызстандагы расмий өкүлчүлүгү болуп саналат. Борбор 2010-жылдан бери иштеп, автоунааларды сатуу, сатуудан кийинки тейлөө жана оригиналдуу тетиктер (запастык бөлүктөр) менен камсыз кылуу боюнча кызматтарды көрсөтөт.
© Sputnik / Табылды КадырбековКечээ, 26-февраль күнү, Бишкекте Hyundai (Хендэ) унаа брендинин Кыргызстандагы расмий өкүлчүлүгү жаңыртылган үч моделин сунуштады — Elantra, Sonata жана Santa Fe
© Sputnik / Табылды КадырбековКелген коноктордун алдына "Азиямоторс" ААКнын башкы директору Владимир Лим чыгып сүйлөдү. Анын айтымына караганда, Hyundai борбору Кыргызстандагы көп жылдык ишинде миңдеген унаа сүйүүчүлөрүн кубантуу менен ата мекендик рынокту жаңы деңгээлге көтөрө алды
© Sputnik / Табылды КадырбековКеченин коноктору өзгөчө шоу программага күбө болушту
© Sputnik / Табылды КадырбековЗалда отургандар презентацияга чыгарылган ар бир моделге суктанып жатышты
© Sputnik / Табылды КадырбековКонокторго биринчилерден болуп D класстагы Hyundai Sonata унаасы тааныштырылды. Автоунаанын визиткасында машина жогорку стандарттагы стили жана функционалдуулугу менен айырмаланары айтылган
© Sputnik / Табылды КадырбековКоноктор жаңыртылган моделдер менен таанышып гана тим болбостон, аки-чүкүсүнө чейин изилдей алышкан
© Sputnik / Табылды КадырбековЭкинчи болуп сахнага Hyundai Elantra чыкты. Коноктор адаттан тыш, бурчтуу формалар басымдуулук кылган бул моделдин дизайнына өзгөчө көңүл бурушту
© Sputnik / Табылды КадырбековПрезентация учурунда келген коноктор жаңыртылган моделдердин салонунун ыңгайлуулугун дагы баамдай алышты
© Sputnik / Табылды КадырбековАл эми Hyundai Santa Fe кеченин кульминациясы болду. Бул моделди тааныштырып жаткан алып баруучулар анын дизайнын жана жолдо жүрүүдөгү артыкчылыктарын белгилеп кетишти
© Sputnik / Табылды КадырбековKairos Band тобунун жандуу үн менен коштолгон программасы кечеге өзгөчө түс берди
© Sputnik / Табылды КадырбековИш-чарага компаниянын өнөктөштөрү, медиа адамдары, популярдуу блогерлер жана ЖМК өкүлдөрү катышты
© Sputnik / Табылды КадырбековКоноктор унаалардын сырткы көрүнүшүнө гана эмес, салонуна жана технологиялык дизайнына дагы суктанып жатышты
Белгилер:
Кинодогу Сур эчки менен барстын кийинки тагдыры. "Ак илбирстин тукумунан" 13 сүрөт
Эмгек бир топ чет элдиктерди таң калтырып, "кыргыз кереметинин" атагын дагы далайга жеткирген. Бул ирет Sputnik Кыргызстан агенттиги аталган кинокартинадагы сейрек ирмемдерди сунуштайт.
Төлөмүш Океев "Кожожаш" эпосунун негизинде тартыла турчу фильмдин сценарийин драматург Мар Байжиев менен жазып, СССРдин кинематография боюнча комитетине үч жолу кайра-кайра жиберип жатып макулдук алган. Ошол кезде аялы Жумаш Өмүрова да сыркоолоп, онкологиялык клиникада текшерилип жүргөн.
©
Фото / из семейного архива Айдарбековых
Кинокартинада айлана-чөйрөгө аяр мамиле кылып, аны менен эриш-аркак жашабаса кесепети аянычтуу болуп, Кожожаштай уулунан ажырап, Сур эчкинин каргышынан улам асканын башында жалгыз калгандай тагдырга ар бир адам туш келиши мүмкүн экендиги баяндалган.
"Ак илбирстин тукуму" 35тей мамлекеттин көрүүчүлөрүнө сунушталып, Берлиндеги эң абройлуу кинофестивалдардын биринде "Күмүш аюу", Дамаск шаарында "Күмүш кылыч" сыйлыгына, Минск шаарындагы Бүткүл союздук фестивалда башкы байгеге татыган.
Тасма Хан-Теңири чокусунда, Кегети ашуусунда, Ала-Арча капчыгайында, Ат-Башынын жайлоолорунда жана бөкөндөргө аңчылык кылган учур Казакстандын Моюн-Кум талаасында тартылган. Ага 200дөн ашык адам катышып, Ашыр Чокубаев, Досхан Жолжаксынов, Гүлнара Абдыкадырова, Калыйча Акматова, Айбек Кыдыралиев, Акыл Куланбаев, Светлана Чебодаева-Чаптыкова, Сакыбек Карабаев, Али Мухаммед, Раимбай Сеитов, Димаш Ахимов, Алексей Араштаев, Гүлсара Ажыбекова, Чоро Думанаев, Орозбек Кутманалиев, Асанбек Кыдырназаров өңдүү кыргыз, хакас, тажик, өзбек жана казак актёрлору образ жараткан. Айрым эпизоддорду тартууга каскадёрлор, СССРдин борборунан альпинисттер да чакыртылган. Ал эми киночулар тасмада колдонулган ак илбирс, Сур эчки кийин зоопаркка өткөрүп берилген.
© Sputnik / Александр ФедоровБашкы ролдогу Догдурбек Кыдыралиев (Кожожаш) менен Ашыр Чокубаев (Касен)
© Sputnik / Александр ФедоровКожожаштын келинчеги Зулайканын образында Гүлнара Кадыралиева
© Фото / Александр ФедоровЖаш актёр Марат Жантелиев капканга түшүп калган ак илбирс менен алышып жаткан учуру, 1984-жылы Чүй облусунда тартылган
© Sputnik / Александр ФедоровКөзүнөн жашы төгүлүп ыйлаган Зулайканы көтөрүп баскан Кожожаш
© Sputnik / Александр ФедоровКРдин эмгек сиңирген артисти Марат Жантелиев менен Кыргыз ССРинин эл артисти Алиман Жангорозова
© Sputnik / Александр ФедоровМундузбай ак дасторкон үстүндө аксакалдар менен
© Фото / Александр ФедоровБашкы каарман Кожожаштын образын жараткан актёр Догдурбек Кыдыралиев
© Фото / Александр ФедоровЭр жүрөк Кожожашты сүйүп калган Айкенин образында Гүлнара Чокубаева
© Фото / Александр ФедоровКапканга түшкөн ак илбирс, аны бошотууга камынган Кожожаш жана киночулар
© Sputnik / Александр ФедоровЭэн талаада өлүп жаткан бөкөндөр менен кошо ок жеген Карагул
© Sputnik / Александр ФедоровКинофильмди тартууга кыргыз, хакас, тажик, өзбек жана казак актёрлору да катышкан
© Sputnik / Александр Федоров"Ак илбирстин тукуму" тасмасын тартуу маалында киночулар бийик тоолуу аймакта, оор шартта иштеген
© Sputnik / Александр ФедоровАк илбирсти жаратууга катышкан чыгармачыл топ, ортодо режиссёр Төлөмүш Океев менен оператор Нуртай Борбиев
Белгилер:
Айсулуу Киев мелдешинде атаандаштарын ишенимдүү утуп, финалга чыкты
(жаңыланган 00:54 28.02.2021)
Кыргызстандык балбан кыз эртең алтын байге үчүн украиналык Илона Прокопевнюк менен беттешет. Ал финалга чейинки атаандаштарынын баарын толук артыкчылык менен утту.БИШКЕК, 28-фев. — Sputnik. Кыргызстандык балбан Айсулуу Тыныбекова Киевде спорттук күрөштүн түрлөрү боюнча Украинанын чыгаан балбандарынын жана машыктыруучуларынын элесине арналган XXIV эл аралык мелдештин финалына чыкты. Жарым финалда ал өзбекстандык спортчу Раяна Абдурасулованы 10:0 эсебинде техникалык артыкчылык менен утуп алды.
Тыныбекова эртең алтын байге үчүн украиналык Илона Прокопевнюк менен беттешет.
Кыргызстандык балбан квалификациялык этапта Мариана Састинди (Венгрия), 1/8 финалда алжирлик Амэль Хаммичени 11:0 эсебинде утса, чейрек финалдагы атаандашы Наталья Кубатыны (Польша) далысын тийгизип, таза жеңишти камсыздаган.
Белгилер: