Балача кубанып, ат үстүнөн көз салып. Рыспай Абдыкадыровдун эл көрө элек 17 сүрөтү

774
(жаңыланган 17:31 12.01.2021)
  • Рыспай Абдыкадыров 1941-жылы 12-январда Ош облусундагы Кара-Кулжа районунун Кызыл-Булак айылында жарык дүйнөгө келген
  • Оңдон биринчи Кыргыз эл артисти Түгөлбай Казаков, ал эми үчүнчү болуп турган Рыспай Абдыкадыров
  • Азыр Кыргызстандын булуң-бурчунда кыягын кучактап, Рыспай Абдыкадыровдун Алмашым, Түгөйүм, Сагынуу, Издейм сени, Алтынчы күнү кечинде сыяктуу бир топ ырларын аткарып жүргөн таланттар арбын
  • Солдон оңго: обончу Калыйбек Тагаев, Рыспай Абдыкадыровдун жубайы Давлет Сманова жана обончунун өзү
  • Суу боюндагы бир ирмем. Рыспай Абдыкадыров кызы менен
  • Күлгүн курак. Бул адамдын чыгармаларын билбеген кыргыз баласы жоктур
  • Таланттуу эки обончу. Түгөлбай Казаков жана Рыспай Абдыкадыров
  • Сулайман-Тоо жана тоодой талант Рыспай Абдыкадыров
  • Жакындары Рыспай Абдыкадыровдун баладай баёо жана ишенчээк адам болгондугун айтышат
  • Үч талант. Музыка адамдары. Обончулар Атайбек Бөдөшов менен Рыспай Абдыкадыров, композитор Каныкей Эралиева
  • Таза, ашыкча ишенчээк, өтө сезимтал... Рыспай Абдыкадыровду жакындан билгендер ушинтип сыпатташат
  • Бул үч адам өзгөчө жакын, өзгөчө сырдаш болгон. Оңдон биринчи – досу, Рыспай Абдыкадыровдун чыгармачылыгын изилдеп келген журналист Бөкөнбай Боркеев, экинчи турган – обончунун жубайы Давлет, үчүнчүсү биз сөз кылып жаткан Абдыкадыров
  • Ат үстүндө алыска көз салып...
  • Рыспай Абдыкадыров акын Сооронбай Жусуевдин Айтсаң боло, Ак кайың аттуу ырларына обон чыгарган
  • Рыспай Абдыкадыров 50 жашта (1991-жыл). Кара-Кулжа районунда обончунун юбилейине арналган иш-чарадан бир ирмем
  • Оңдон солго: акындар Сүйөркул Тургунбаев, Рамис Рыскулов, Меңди Мамазаирова, ортодо бактын фонунда Рыспай Абдыкадыров, публицист Алым Токтомушев менен журналист Бөкөнбай Боркеев
  • Рыспай Абдыкадыров 53 жашында узакка созулган оорудан улам көз жумган. Сөөгү өзүнүн керээзи менен Сулайман-Тоого коюлган.
Бүгүн таланттуу композитор жана аткаруучу Рыспай Абдыкадыровдун туулган күнү. Кыргыз коомчулугу бул күндөрү анын 80 жылдык юбилейин белгилеп жатат.

Абдыкадыров 300дөн ашык обон менен музыкалык чыгармалардын автору. Анын ырлары өзүнүн көзү өтүп кеткенден кийин экинчи өмүргө ээ болду. Азыр Кыргызстандын булуң-бурчунда кыягын кучактап, "Алмашым", "Түгөйүм", "Сагынуу", "Издейм сени", "Алтынчы күнү кечинде" сыяктуу бир топ ырларын аткарып жүргөн таланттар арбын.

Обончу эмгек жолун Кара-Кулжа элдик театрынан баштап, кийин Жалал-Абад, Өзгөн элдик театрларында эмгектенген. Андан соң борбор калаадагы филармонияда иштеп, Ош шаарындагы маданият үйүн дагы жетектеп калган. 1970-жылдардан баштап өмүрүнүн аягына чейин Ош мамлекеттик институтунда мугалимдикти аркалады. Бул убакыт аралыгында ал көп жаштарга жол көрсөтүп, устат болгон. Шакирттеринин арасында Токон Эшпаев, Жолдошбек Мамажанов, Исмаил Бакиров, Абидин Темиров жана КРдин Өзбекстандагы элчиси Ибрагим Жунусов өңдүү белгилүү аткаруучулар бар. Азыр дагы кыргыз музыка өнөрүнүн айдыңында жүргөндөр аны устат тутарын айтып келишет.

Рыспай Абдыкадыров 1941-жылы 12-январда Ош облусундагы Кара-Кулжа районунун Кызыл-Булак айылында жарык дүйнөгө келген. Балалыгы согуштан кийинки жылдарга туш келип, апасынын колунда өскөн. Анткени атасы советтик бийлик тарабынан репрессияланып, кийин сөөгү да табылбай калган. Жаш талант кичине кезинде эле аккордеон чертип элдин эрмеги эле. Элеттеги мектептен билим алган соң Ош педагогикалык окуу жайына тапшырып, аны 1963-жылы аяктаган.

Өзүнүн чыгармачылыгында Абдыкадыров ошол кездеги бийлик тарабынан бут тосууларга дуушар болуп, бир нече жыл сахнага чыга албай, жумуштан да айдалып кеткен. Бирок ага карабай эл арасындагы кадыр-баркы өзгөчө эле. Аймактарда жүргөндө аны жергиликтүү тургундар кезекке туруп сыйлашчу деп эскерет замандаштары. Композитор партиялык бийликти, колхоз-совхозду мактаган бир да чыгарма жазган эмес. Анын обондорунун басымдуу бөлүгү сүйүү, махабат, арзуу жөнүндө болгон.

774
  • Рыспай Абдыкадыров 1941-жылы 12-январда Ош облусундагы Кара-Кулжа районунун Кызыл-Булак айылында жарык дүйнөгө келген
    © Фото / ЦГА КФФД КР

    Рыспай Абдыкадыров 1941-жылы 12-январда Ош облусундагы Кара-Кулжа районунун Кызыл-Булак айылында жарык дүйнөгө келген

  • Оңдон биринчи Кыргыз эл артисти Түгөлбай Казаков, ал эми үчүнчү болуп турган Рыспай Абдыкадыров
    © Фото / из личного архива Бакира Боркеева

    Оңдон биринчи Кыргыз эл артисти Түгөлбай Казаков, ал эми үчүнчү болуп турган Рыспай Абдыкадыров

  • Азыр Кыргызстандын булуң-бурчунда кыягын кучактап, Рыспай Абдыкадыровдун Алмашым, Түгөйүм, Сагынуу, Издейм сени, Алтынчы күнү кечинде сыяктуу бир топ ырларын аткарып жүргөн таланттар арбын
    © Фото / ЦГА КФФД КР

    Азыр Кыргызстандын булуң-бурчунда кыягын кучактап, Рыспай Абдыкадыровдун "Алмашым", "Түгөйүм", "Сагынуу", "Издейм сени", "Алтынчы күнү кечинде" сыяктуу бир топ ырларын аткарып жүргөн таланттар арбын

  • Солдон оңго: обончу Калыйбек Тагаев, Рыспай Абдыкадыровдун жубайы Давлет Сманова жана обончунун өзү
    © Фото / из личного архива Бакира Боркеева

    Солдон оңго: обончу Калыйбек Тагаев, Рыспай Абдыкадыровдун жубайы Давлет Сманова жана обончунун өзү

  • Суу боюндагы бир ирмем. Рыспай Абдыкадыров кызы менен
    © Фото / из личного архива Бакира Боркеева

    Суу боюндагы бир ирмем. Рыспай Абдыкадыров кызы менен

  • Күлгүн курак. Бул адамдын чыгармаларын билбеген кыргыз баласы жоктур
    © Фото / из личного архива Бакира Боркеева

    Күлгүн курак. Бул адамдын чыгармаларын билбеген кыргыз баласы жоктур

  • Таланттуу эки обончу. Түгөлбай Казаков жана Рыспай Абдыкадыров
    © Фото / из личного архива Бакира Боркеева

    Таланттуу эки обончу. Түгөлбай Казаков жана Рыспай Абдыкадыров

  • Сулайман-Тоо жана тоодой талант Рыспай Абдыкадыров
    © Фото / из личного архива Бакира Боркеева

    Сулайман-Тоо жана тоодой талант Рыспай Абдыкадыров

  • Жакындары Рыспай Абдыкадыровдун баладай баёо жана ишенчээк адам болгондугун айтышат
    © Фото / из личного архива Бакира Боркеева

    Жакындары Рыспай Абдыкадыровдун баладай баёо жана ишенчээк адам болгондугун айтышат

  • Үч талант. Музыка адамдары. Обончулар Атайбек Бөдөшов менен Рыспай Абдыкадыров, композитор Каныкей Эралиева
    © Фото / из личного архива Бакира Боркеева

    Үч талант. Музыка адамдары. Обончулар Атайбек Бөдөшов менен Рыспай Абдыкадыров, композитор Каныкей Эралиева

  • Таза, ашыкча ишенчээк, өтө сезимтал... Рыспай Абдыкадыровду жакындан билгендер ушинтип сыпатташат
    © Фото / из личного архива Бакира Боркеева

    Таза, ашыкча ишенчээк, өтө сезимтал... Рыспай Абдыкадыровду жакындан билгендер ушинтип сыпатташат

  • Бул үч адам өзгөчө жакын, өзгөчө сырдаш болгон. Оңдон биринчи – досу, Рыспай Абдыкадыровдун чыгармачылыгын изилдеп келген журналист Бөкөнбай Боркеев, экинчи турган – обончунун жубайы Давлет, үчүнчүсү биз сөз кылып жаткан Абдыкадыров
    © Фото / из личного архива Бакира Боркеева

    Бул үч адам өзгөчө жакын, өзгөчө сырдаш болгон. Оңдон биринчи – досу, Рыспай Абдыкадыровдун чыгармачылыгын изилдеп келген журналист Бөкөнбай Боркеев, экинчи турган – обончунун жубайы Давлет, үчүнчүсү биз сөз кылып жаткан Абдыкадыров

  • Ат үстүндө алыска көз салып...
    © Фото / из личного архива Бакира Боркеева

    Ат үстүндө алыска көз салып...

  • Рыспай Абдыкадыров акын Сооронбай Жусуевдин Айтсаң боло, Ак кайың аттуу ырларына обон чыгарган
    © Фото / ЦГА КФФД КР

    Рыспай Абдыкадыров акын Сооронбай Жусуевдин "Айтсаң боло", "Ак кайың" аттуу ырларына обон чыгарган

  • Рыспай Абдыкадыров 50 жашта (1991-жыл). Кара-Кулжа районунда обончунун юбилейине арналган иш-чарадан бир ирмем
    © Фото / из личного архива Бакира Боркеева

    Рыспай Абдыкадыров 50 жашта (1991-жыл). Кара-Кулжа районунда обончунун юбилейине арналган иш-чарадан бир ирмем

  • Оңдон солго: акындар Сүйөркул Тургунбаев, Рамис Рыскулов, Меңди Мамазаирова, ортодо бактын фонунда Рыспай Абдыкадыров, публицист Алым Токтомушев менен журналист Бөкөнбай Боркеев
    © Фото / из личного архива Бакира Боркеева

    Оңдон солго: акындар Сүйөркул Тургунбаев, Рамис Рыскулов, Меңди Мамазаирова, ортодо бактын фонунда Рыспай Абдыкадыров, публицист Алым Токтомушев менен журналист Бөкөнбай Боркеев

  • Рыспай Абдыкадыров 53 жашында узакка созулган оорудан улам көз жумган. Сөөгү өзүнүн керээзи менен Сулайман-Тоого коюлган.
    © Фото / из личного архива Бакира Боркеева

    Рыспай Абдыкадыров 53 жашында узакка созулган оорудан улам көз жумган. Сөөгү өзүнүн керээзи менен Сулайман-Тоого коюлган.

Белгилер:
театр, Кара-Кулжа, Рыспай Абдыкадыров, Кыргызстан
Тема боюнча
Өксүтпөгөн өгөй эне, ырдатпаган илдет. Токон Эшпаев тууралуу 8 факты
"Кыргыз жери" менен акыркы сапарга узаган. Апаз Жайнаков тууралуу 7 факты

Созгон сайын үнү ачылып... Токон Эшпаевдин сүрөттө калган элеси

135
(жаңыланган 19:46 15.01.2021)
  • Токон Эшпаев бир үйдүн жалгыз уулу болгон. Анын көкүрөгүндөгү таланты ата-энесинин каршылыгына карабай музыкалык жогорку билим алууга түрткөн.
  • Токон Эшпаев менен Рыспай Абдыкадыров Ош педагогикалык институтунун музыка факультетинде бир тайпада билим алышкан. Экөөнүн эсте калган күндөрү абдан көп.
  • 1971-жылы жогорку окуу жайды аяктаган соң ар кыл ансамблдерде обончу, аткаруучу болуп иштеп, аймактарда концерт коюшкан.
  • 1987-жыл. Кыргыз циркинин мурунку директору Курмангазы Исанаев экөө дос болушкан. Андан тышкары, 1986-жылы Маданият министрлигинин алдындагы искусство мекемелеринин жетектөө боюнча жогорку курста бирге окушкан.
  • Токон Эшпаевдин өз энеси ал эки жашка чыкканда төрөттөн каза болуп калган. Бирок өздөй көргөн өгөй энеси Салима апанын мээримине канып чоңоёт.
  • 1967-жылы Ош шаарындагы Маданият үйүндө келечектеги жубайы Инават Камбаралиева менен таанышкан. Экөө студент кезде баш кошот.
  • Кыргыздын генийи Табылды Эгембердиев менен сый тамак үстүндө
  • Токон Эшпаев обон жаратарда ырдын сөзүнө абдан көңүл буруп, акындар менен жакшы иштешкен.
  • Ал Ай, эжеке, Ак көйнөкчөн аппак кыз, Акманым, Ак тилек, Ардагым, Атама, Гүлдө, Кыргызстан, Жаштык, Каалаймын өмүр көктөмүн, Керме-Тоо жылдыздары, Өзгөчөм, Өмүр салтанаты, Чакырат Чаткалым, Эжеке деп аталган ырлардын автору болгон.
  • Кыргыз эл артисти Жолболду Алыбаев жана белгилүү обончу Абдыкерим Ахмедов менен түшкөн
  • Токон Эшпаев жубайы Инават Камбаралиева экөө беш баланын бактылуу ата-энеси болушкан
  • Залкар талант 2014-жылы 64 жашында ооруканадан көз жумган.
Классик обончу, белгилүү ырчы Токон Эшпаев быйыл көзү тирүү болгондо 70 жашка толмок. 1970-80-жылдары белгилүү обончунун аккордеон менен аткарган ырлары азыр да эл оозунда.

Улуу таланттын көзү өтсө да, анын экинчи өмүрү ырларында жашап калды. Sputnik Кыргызстан агенттиги Токон Эшпаев тууралуу сүрөттөрдүн түрмөгүн даярдаган.

Токон Эшпаев бир үйдүн жалгыз уулу болгондугу маалым. Атасы 60тан ашканда көргөн уулуна ырымдап Токтомамат деген ысым ыйгарат. Себеби ага чейинки балдары чарчап кала берген экен. Токтомамат эки жашка чыкканда төрөттөн улам апасы каза таап, Салима аттуу өгөй энесинин колунда чоңоёт. Бирок Салима апа кичинекей Токон менен анын бир туугандарын бооруна басып, энесиндей мээрим төгүп камкордукка алыптыр.

Кийин 1969-жылы чоң сахнага аттанганда белгилүү талант Токон Эшпаев деген ат менен элге таанылган.

Токон Эшпаев обон жаратарда ырдын сөзүнө абдан көңүл буруп, акындар менен жакшы иштешкендигин жакындан тааныгандар айтышат. Обончу "Ай, эжеке", "Ак көйнөкчөн аппак кыз", "Акманым", "Ак тилек", "Ардагым", "Атама", "Гүлдө, Кыргызстан", "Жаштык", "Каалаймын өмүр көктөмүн", "Керме-Тоо жылдыздары", "Өзгөчөм", "Өмүр салтанаты", "Чакырат Чаткалым", "Эжеке" деп аталган ырлардын автору болгон.

Ал Ош педагогикалык институтунун музыка факультетинде билим алып, кадимки Рыспай Абдыкадыров менен тайпалаш эле. Студент кезинде эле 1970-жылы Иноват Камбаралиевага баш кошуп, экөө беш баланын ата-энеси болушат.

1971-жылы аталган жогорку окуу жайды аяктаган соң ар кыл аскердик ансамблдерде аткаруучу, жергиликтүү райондук кеңештин маданият бөлүмүнүн башчысы өңдүү жетекчилик кызматтарда иштеген. 1986-жылы Маданият министрлигинин алдындагы искусство мекемелерин жетектөө боюнча жогорку курсту аяктап, 1987-жылдан 1992-жылга чейин Ош облустук филармониясында директор болот.

Ал эми 1993-жылдан өмүрүнүн аягына чейин Ош облустук филармониясынын солист-вокалисти болуп эмгектенген.

Кант диабети жана боор илдетинен жабыркап келген Токон Эшпаев 2014-жылы 64 жашында ооруканадан көз жумган. Дарыгерлер боорго күч келет деп акыркы кезде ырдаганга тыюу салат. Бирок белгилүү обончу буулуккан булбулдай болуп ырдамайынча тура алган эмес. Обон созгон сайын үнү ачылып, бир отурганда он чакты чыгарманы бир ырдаган адаты болгонун айтып келишет. Акыркы жолу ооруганда дайыма дарыланып жүргөн Бишкектеги ооруканага барууга макул болбой койгон.

Токон Эшпаевдин сөөгү Ош шаарында жерге берилген.

135
  • Токон Эшпаев бир үйдүн жалгыз уулу болгон. Анын көкүрөгүндөгү таланты ата-энесинин каршылыгына карабай музыкалык жогорку билим алууга түрткөн.
    © Фото / из семейного архива Эшпаевых

    Токон Эшпаев бир үйдүн жалгыз уулу болгон. Анын көкүрөгүндөгү таланты ата-энесинин каршылыгына карабай музыкалык жогорку билим алууга түрткөн.

  • Токон Эшпаев менен Рыспай Абдыкадыров Ош педагогикалык институтунун музыка факультетинде бир тайпада билим алышкан. Экөөнүн эсте калган күндөрү абдан көп.
    © Фото / из семейного архива Эшпаевых

    Токон Эшпаев менен Рыспай Абдыкадыров Ош педагогикалык институтунун музыка факультетинде бир тайпада билим алышкан. Экөөнүн эсте калган күндөрү абдан көп.

  • 1971-жылы жогорку окуу жайды аяктаган соң ар кыл ансамблдерде обончу, аткаруучу болуп иштеп, аймактарда концерт коюшкан.
    © Фото / из семейного архива Эшпаевых

    1971-жылы жогорку окуу жайды аяктаган соң ар кыл ансамблдерде обончу, аткаруучу болуп иштеп, аймактарда концерт коюшкан.

  • 1987-жыл. Кыргыз циркинин мурунку директору Курмангазы Исанаев экөө дос болушкан. Андан тышкары, 1986-жылы Маданият министрлигинин алдындагы искусство мекемелеринин жетектөө боюнча жогорку курста бирге окушкан.
    © Фото / из семейного архива Эшпаевых

    1987-жыл. Кыргыз циркинин мурунку директору Курмангазы Исанаев экөө дос болушкан. Андан тышкары, 1986-жылы Маданият министрлигинин алдындагы искусство мекемелеринин жетектөө боюнча жогорку курста бирге окушкан.

  • Токон Эшпаевдин өз энеси ал эки жашка чыкканда төрөттөн каза болуп калган. Бирок өздөй көргөн өгөй энеси Салима апанын мээримине канып чоңоёт.
    © Фото / из семейного архива Эшпаевых

    Токон Эшпаевдин өз энеси ал эки жашка чыкканда төрөттөн каза болуп калган. Бирок өздөй көргөн өгөй энеси Салима апанын мээримине канып чоңоёт.

  • 1967-жылы Ош шаарындагы Маданият үйүндө келечектеги жубайы Инават Камбаралиева менен таанышкан. Экөө студент кезде баш кошот.
    © Фото / из семейного архива Эшпаевых

    1967-жылы Ош шаарындагы Маданият үйүндө келечектеги жубайы Инават Камбаралиева менен таанышкан. Экөө студент кезде баш кошот.

  • Кыргыздын генийи Табылды Эгембердиев менен сый тамак үстүндө
    © Фото / из семейного архива Эшпаевых

    Кыргыздын генийи Табылды Эгембердиев менен сый тамак үстүндө

  • Токон Эшпаев обон жаратарда ырдын сөзүнө абдан көңүл буруп, акындар менен жакшы иштешкен.
    © Фото / из семейного архива Эшпаевых

    Токон Эшпаев обон жаратарда ырдын сөзүнө абдан көңүл буруп, акындар менен жакшы иштешкен.

  • Ал Ай, эжеке, Ак көйнөкчөн аппак кыз, Акманым, Ак тилек, Ардагым, Атама, Гүлдө, Кыргызстан, Жаштык, Каалаймын өмүр көктөмүн, Керме-Тоо жылдыздары, Өзгөчөм, Өмүр салтанаты, Чакырат Чаткалым, Эжеке деп аталган ырлардын автору болгон.
    © Фото / из семейного архива Эшпаевых

    Ал "Ай, эжеке", "Ак көйнөкчөн аппак кыз", "Акманым", "Ак тилек", "Ардагым", "Атама", "Гүлдө, Кыргызстан", "Жаштык", "Каалаймын өмүр көктөмүн", "Керме-Тоо жылдыздары", "Өзгөчөм", "Өмүр салтанаты", "Чакырат Чаткалым", "Эжеке" деп аталган ырлардын автору болгон.

  • Кыргыз эл артисти Жолболду Алыбаев жана белгилүү обончу Абдыкерим Ахмедов менен түшкөн
    © Фото / из семейного архива Эшпаевых

    Кыргыз эл артисти Жолболду Алыбаев жана белгилүү обончу Абдыкерим Ахмедов менен түшкөн

  • Токон Эшпаев жубайы Инават Камбаралиева экөө беш баланын бактылуу ата-энеси болушкан
    © Фото / из семейного архива Эшпаевых

    Токон Эшпаев жубайы Инават Камбаралиева экөө беш баланын бактылуу ата-энеси болушкан

  • Залкар талант 2014-жылы 64 жашында ооруканадан көз жумган.
    © Фото / из семейного архива Эшпаевых

    Залкар талант 2014-жылы 64 жашында ооруканадан көз жумган.

Белгилер:
Сүрөт, обончу, ыр, Ош, Токон Эшпаев
Тема боюнча
Дүйшөн Байдөбөтов 72 жашка толмок. Улуу таланттын сүрөттөгү экинчи өмүрү

Жаңырган жылдын алгачкы кары. Тазара түшкөн Бишкектин 13 сүрөтү

283
  • Бишкекке кар жаады
  • Бул баш калаа үчүн 2021-жылдагы биринчи кар болду
  • Кардын жаашын Кыргызгидромет борбору бир нече күн мурун эскерткен
  • Муниципалдык кызматтар түндөн тарта эле шаардын көчөлөрүн жана тротуарларын тазалап башташкан
  • Жаш балдар чана тепкенди сагынып калышса керек
  • Кар жаап жатканда коляска менен сейилдеп чыккандар да бар
  • Бишкектик велосипед сүйүүчүлөрүнө кар тоскоол боло албайт
  • Суук аба ырайы ит сүйүүчүлөр үчүн жагымдуу экени айтылат
  • Бирок иттерге жакпайт көрүнөт
  • Синоптиктер мындай аба ырайы узакка созулбай турганын билдиришти
  • Болжолдоолорго ылайык, 15-18-январь күндөрү жаан-чачын болбойт
  • Аба ырайы күндүз жылуу болот. Маселен, Бишкек шаарында 16-январда +14 градуска чейин жетери күтүлүүдө
  • Кол чатырды алып жүрүүнү унутпаңыздар. Ар убак керекке жарап калышы мүмкүн
Бүгүн Бишкекке 2021-жылдагы биринчи кар жаады. Sputnik Кыргызстандын фотокабарчысы кооз көрүнүштөрдү сүрөткө тартып алды.

Кар түндөн тарта жаап баштаган. Таң атканда Бишкек ак карга бөлөнүп калды. Акыркы аптада аба ырайы жылып, мурда жааган кар эрип баштаган болчу.

Бирок синоптиктер мындай аба ырайы көпкө созулбай турганын билдиришүүдө. Алдын ала божомолдоолорго ылайык, 15-январдан 18ине чейин жаан-чачын болбойт. Күндүз жылуу болот. Маселен, Бишкек шаарында 16-январда +14 градус болору күтүлүүдө.

 

283
  • Бишкекке кар жаады
    © Sputnik / Табылды Кадырбеков

    Бишкекке кар жаады

  • Бул баш калаа үчүн 2021-жылдагы биринчи кар болду
    © Sputnik / Табылды Кадырбеков

    Бул баш калаа үчүн 2021-жылдагы биринчи кар болду

  • Кардын жаашын Кыргызгидромет борбору бир нече күн мурун эскерткен
    © Sputnik / Табылды Кадырбеков

    Кардын жаашын Кыргызгидромет борбору бир нече күн мурун эскерткен

  • Муниципалдык кызматтар түндөн тарта эле шаардын көчөлөрүн жана тротуарларын тазалап башташкан
    © Sputnik / Табылды Кадырбеков

    Муниципалдык кызматтар түндөн тарта эле шаардын көчөлөрүн жана тротуарларын тазалап башташкан

  • Жаш балдар чана тепкенди сагынып калышса керек
    © Sputnik / Табылды Кадырбеков

    Жаш балдар чана тепкенди сагынып калышса керек

  • Кар жаап жатканда коляска менен сейилдеп чыккандар да бар
    © Sputnik / Табылды Кадырбеков

    Кар жаап жатканда коляска менен сейилдеп чыккандар да бар

  • Бишкектик велосипед сүйүүчүлөрүнө кар тоскоол боло албайт
    © Sputnik / Табылды Кадырбеков

    Бишкектик велосипед сүйүүчүлөрүнө кар тоскоол боло албайт

  • Суук аба ырайы ит сүйүүчүлөр үчүн жагымдуу экени айтылат
    © Sputnik / Табылды Кадырбеков

    Суук аба ырайы ит сүйүүчүлөр үчүн жагымдуу экени айтылат

  • Бирок иттерге жакпайт көрүнөт
    © Sputnik / Табылды Кадырбеков

    Бирок иттерге жакпайт көрүнөт

  • Синоптиктер мындай аба ырайы узакка созулбай турганын билдиришти
    © Sputnik / Табылды Кадырбеков

    Синоптиктер мындай аба ырайы узакка созулбай турганын билдиришти

  • Болжолдоолорго ылайык, 15-18-январь күндөрү жаан-чачын болбойт
    © Sputnik / Табылды Кадырбеков

    Болжолдоолорго ылайык, 15-18-январь күндөрү жаан-чачын болбойт

  • Аба ырайы күндүз жылуу болот. Маселен, Бишкек шаарында 16-январда +14 градуска чейин жетери күтүлүүдө
    © Sputnik / Табылды Кадырбеков

    Аба ырайы күндүз жылуу болот. Маселен, Бишкек шаарында 16-январда +14 градуска чейин жетери күтүлүүдө

  • Кол чатырды алып жүрүүнү унутпаңыздар. Ар убак керекке жарап калышы мүмкүн
    © Sputnik / Табылды Кадырбеков

    Кол чатырды алып жүрүүнү унутпаңыздар. Ар убак керекке жарап калышы мүмкүн

Белгилер:
Сүрөт, кар, Бишкек
Тема боюнча
Кыш келбей жатып ак кар жамынган Бишкектин сүрөттөрү
Бишкектеги Токтогул Сатылгановтун эстелиги. Архивдик сүрөт

Ишембиге карата аба ырайы

0
16-январга караган түнү республика боюнча күн ачык болуп, жаан-чачын күтүлбөйт. Жолдор тоңуп, тайгак болот.

БИШКЕК, 15-янв. — Sputnik. Ишемби, 16-январда, күндүзү өлкө аймагында күн ачык болот. Бул тууралуу Кыргызгидромет маалымдады.

Түштүк-чыгыштан соккон шамалдын ылдамдыгы секундасына 5-10 метрден кээ бир райондордо 15-20 метрге жетет.

Абанын температурасы Чүй өрөөнүндө +11...+16, Талас жергесинде +13...+18, Ош, Жалал-Абад, Баткен облустарында +12...+17, Ысык-Көлдө +4...+9, ал эми Нарын аймагында -1...-6 градус болору айтылды.

Күндүн табы Бишкекте +13...+15, ал эми Ошто +15...+17 градусту көрсөтөт.

0
Белгилер:
аба ырайы, Кыргызстан, январь
Тема боюнча
Жерге муз доору кайтышы мүмкүн