Жолон Мамытов 1940-жылы Ош облусуна караштуу Кара-Суу районунун Төлөйкан айылында төрөлгөн. Атасы Мамыт 1943-жылы Улуу Ата Мекендик согушка кетип кайтып келген эмес. Ага чейин айылда бригадир болчу. Апасы Алмакан ошол чөлкөмдө белгилүү чебер уз, кошокчу жана сулуу аял болгон экен. Жолон Мамытов беш бир туугандын кичүүсү болуп, эрке өсөт.

Акын Айыл чарба институтунун ветеринария факультетин бүтүрүп, мал доктур болуп иштеген да жайы бар. Кийин жан дүйнөсү чыгармачылыкка жакын Жолон Москвадагы Горький атындагы институттун алдындагы адабият боюнча жогорку курста окуп, билим алган.

Жолон Мамытовдун "Отту сүйөм", "Жашыл аалам", "Убакыт", "Ырлар", "Мезгилдин элеси", "Буурул таңдын жомогу", "Суунун өмүрү", "Жарышкан суулар", "Атка токум салгыла", "Жүз жашка тол, кылым", "Башат жана Мухит" аттуу поэтикалык жыйнактары басмадан чыгып, адабият күйөрмандарынын алкоосуна татыган. Айрым чыгармалары орус жана башка чет тилдерге которулган. Өзү да Федор Тютчевдин, Афанасий Феттин, Владимир Маяковскийдин, Миколас Слуцкистин айрым чыгармаларын кыргыз тилине которгон.

Аны сүйүү акыны деп да аташат. Анткени сүйүү темасында ыр жазган акындардын сап башында турган. Акын көпчүлүк ырларын жубайы Меңди Мамазаировага жетпей жүргөндө жазган экен.

Жубайы Меңди Мамазаирова да кыргыз элине аттын кашкасындай таанымал акын, жазуучу жана драматург. Убагында экөөнүн баш кошуусуна ата-энелери каршы болушкан. Себеби эки акындын тууугандык жайы бар болчу. Бирок сүйүшкөн эки жаш каршылыктарга карабай, баш кошуп алышкан.

Жолон Мамытов менен Меңди Мамазаирова үч уул, бир кыздуу болушту. Маяк жана Азамат аттуу уулдары учурда режиссер, кызы Айгерим модельер. Меңди Мамазаированын айтымында, жолдошу аябай баласаак, камкор ата болуптур.

Жолон Мамытов 48 жашында лейкоз (ак кан) менен ооруй баштайт. Илдет менен жарым жылдай алышып, Москвага дарыланууга барып ошол жактан көз жумган. Жубайынын эскерүүсүндө, акын дартын өзү билген, бирок ал тууралуу жакындарына айткан эмес. Кийин Москвага дарыланууга барса баары кеч болуп калган экен. Ошондон кийин эле көп өтпөй 1988-жылдын 7-мартында каза болгон.

Евразия экономикалык комиссиясы ЕАЭБ аймагында дары-дармекти каттоону бир стандартка алып келүүнүн мөөнөтүн 2021-жылдын 1-июнуна чейин узартты. Бул тууралуу Саламаттык сактоо министрлигинин Медициналык техника жана дары-дармек менен камсыздоо департаментинин сектор башчысы Майя Мусаева билдирди.

Алгачкы мөөнөт 2020-жылдын 31-декабры деп көрсөтүлгөн.

"Өткөөл мезгилди узартуу ЕАЭБге мүчө-мамлекеттердин саламаттык сактоо тармагынын жаңы дары-дармектерге муктаждыгын толугураак камсыздоого, ошондой эле каттоо досьелерин уюмдун талаптарына ылайык келтирүүгө мүмкүндүк берет. Азыр мамлекеттик реестрде 3500дөй дары-дармек катталган. Бирдиктүү стандартка кирсек дагы башка препараттарды алып келип, дарынын сапатын жакшыртууга шарт түзүлөт", — деди Мусаева.

Анын айтымында, эгерде ЕАЭБдин каттоо эрежелерине ылайык иш алып барсак, дары рыногу тартипке келтирилип, баа саясаты жөнгө салынат.

Мындан тышкары, адис өлкөдөгү фармацевтикалык рыноктун ишин ЕАЭБ принцибине которуу боюнча иш-аракеттер планына ылайык, адистер окуудан өтүшкөнүн кошумчалады.