Президент Атамбаев Сауд Аравиясынын Королу менен жолукту

© Пресс-служба президента КР / Султан ДосалиевАтамбаев Сауд Аравиясынын Королу Абдалла бин Абдель Азиз Аль Сауд менен жолукту
Атамбаев Сауд Аравиясынын Королу Абдалла бин Абдель Азиз Аль Сауд менен жолукту - Sputnik Кыргызстан
Жазылуу
Атамбаев Сауд Аравиясынын Королу Абдалла бин Абдель Азиз Аль Сауд менен жолугуп, эки өлкөнүн ортосундагы достукту чыңдоо боюнча сүйлөштү.

БИШКЕК, 3-дек — Sputnik. Президент Алмазбек Атамбаев Сауд Аравиясындагы иш сапарынын алкагында Король Абдалла бин Абдель Азиз Аль Сауд менен жолукту. Бул туурасында президенттин маалыматтык саясат бөлүмүнөн билдиришти. 

Мамлекет башчылары эки өлкөнүн ортосундагы достукту чыңдоодого бекем негиз боло турган Кыргызстан менен Сауд Аравиянын элдеринин жалпы тарыхый тамыры бар экендигин белгилешти.

Алмазбек Атамбаев Сауд Аравиясынын Мураскор Ханзаадасы менен жолукту
Кыргыз Республикасынын экономикасын өнүктүрүү максатында Президент Алмазбек Атамбаев менен Сауд Аравиянын Королу Абдалла бин Абдель Азиз Аль Сауд биргелешкен ири инвестициялык фондду түзүү тууралуу макулдашты.

Мамлекет башчылары ошондой эле эки өлкөнүн кызматташтыгынын зор дараметин жана эки тараптуу мамилелерди мындан ары чыңдоонун маанисин баса белгилешти.

Расмий иш-сапардын алкагында президент Король менен жолугуунун алдында Сауд Аравия Королдугунун Соода-өнөр жай палаталарынын кеңешинде болуп, анын президенти доктор Абдурахман Аль-Замиль менен жолукту. Анын жүрүшүндө Кыргызстандын инвестициялык мүмкүнчүлүктөрү, эки өлкөнүн ишкерлер чөйрөсүнүн ортосунда соода-экономикалык кызматташуусу боюнча конкреттүү пландар талкууланды.

Буга чейин президент Алмазбек Атамбаев Мураскор Ханзаада Салман бин Абдель Азиз Аль Сауд менен жолугушкан.

Жаңылыктар түрмөгү
0