Вице-премьер-министр Эльвира Сариева

Билим берүү министрлигине КСДП фракциясы Сариеваны сунуштады

71
(жаңыланган 08:45 15.12.2014)
Жогорку Кеңештеги КСДП фракциясы вице-премьер-министр Эльвира Сариеванын талапкерлигин билим берүү министри болууга сунуштады.

БИШКЕК, 15 дек — Sputnik. Парламенттеги КСДП фракциясы социалдык маселелер боюнча вице-премьер-министр Эльвира Сариеванын талапкерлигин билим берүү министри болууга сунуштаганын фракция лидери Чыныбай Турсунбеков биздин кабарчыга билдирди.

"Фракциянын депутаттары, саясый кеңештин мүчөлөрү анын талапкерлигин сунуштады. Ал вице-премьер-министрлик кызматта өз жөндөмдүүлүгүн көрсөттү. Эгер ага тийиштүү ишти тапшырсак, алып кетет деп ойлойм. Биз жаш кадрларды сунушташыбыз керек", — деди Турсунбеков.

Ошондой эле ал вице-премьер-министрликке кимдин келери аныктала электигин кошумчалады. Бул маселе боюнча ушул жумада фракция кезексиз жыйынга чогула турганын белгиледи.

Эске салсак, 27-ноябрда Башкы прокуратура Кыргыз-Россиялык Славян университетине абитуриенттерди кабыл алуу боюнча кылмыш ишинин алкагында билдирүү таратып, анда өлкөнүн премьер-министрине Канат Садыков менен Владимир Нифадьевдин ээлеген кызматына шайкештигин кароону сунуштаган. 

Башкы көзөмөл органынын маалыматына караганда, өткөн жылдын 20-сентябрында КРСУ ректору Владимир Нифадьев 24 абитуриентти аталган окуу жайдын медициналык факультетине контракттык негизде окууга кабыл алуу жөнүндө буйрук чыгарган. Бул чечимди ал Билим берүү жана илим министри Канат Садыковдун 2013-жылдын 3-сентябрындагы буйругунун жана ошол эле окуу жайдын кабыл алуу комиссиясынын чечиминин негизинде кабыл алган.

Аталган иш боюнча парламент депутаты Каныбек Осмоналиевге да кылмыш иши козголгон эле.

12-декабрда президент Алмазбек Атамбаев Билим берүү министри Канат Садыковду ээлеген кызматынан алуу боюнча буйрукка кол койгон.

Белгилей кетсек, билим берүү министринин квотасы КСДПга таандык.

71
Белгилер:
Алмазбек Атамбаев, Канат Садыков, Владимир Нифадьев, Эльвира Сариева, Чыныбай Турсунбеков
Тема боюнча
2013-жылы КРСУга студенттерди кабыл алууда мыйзам бузулган эмес
Билим министрлиги БП козгогон кылмыш ишин комментарийледи
Депутат Осмоналиев: мага тагылган айыптар негизсиз
Талибан согушкери Кабулда. Архивдик сүрөт

Афганистандагы абал Борбор Азиянын келечегине кандай таасир этет? Пикир

23
(жаңыланган 19:50 16.09.2021)
Эксперт бүгүнкү күнү биринчи орунга коопсуздук маселеси чыкканын айтып, эми чек араларды бекемдеп, коопсуздукту камсыз кылууга ири көлөмдө ресурстар керектелип, сарпталарына токтолгон.

БИШКЕК, 16-сен. — Sputnik. Афганистандагы окуялар Борбор Азия мамлекеттерине жаңы геосаясий реалдуулукту жаратты. Бул тууралуу саясий серепчи Эдил Осмонбетов билдирди. 

Политолог Эдил Осмонбетов во время видеомоста в мультимедийном пресс-центре Sputnik Кыргызстан
© Sputnik / Жоомарт Ураимов
Саясий серепчи Эдил Осмонбетов

Ал Sputnik Кыргызстан агенттигинин мультимедиалык маалымат борборунда өткөн "Афганистандагы кырдаалдын Борбор Азия өлкөлөрүнүн коопсуздугуна таасири" аттуу видео көпүрөгө катышкан.

Осмонбетовдун айтымында, аймактын коопсуздугу бүгүнкү күндүн орчундуу темасы.

"20 жыл аралыгында Борбор Азия өлкөлөрүнүн социалдык жана экономикалык маселелерди, керек болсо тышкы саясий маселелерди чечүү менен алектенүүгө геосаясий мүмкүнчүлүгү бар болчу. Бирок бүгүнкү күнү биринчи орунга коопсуздук маселеси чыкты. Эми чек араларды бекемдеп, коопсуздукту камсыз кылууга ири көлөмдө ресурстар керектелип, сарпталат", — деген серепчи.

Анын айтымында, азыр "Талибан"* кыймылы башка мамлекеттердин алардын бийлигин таануусун талап кылып жатат. Бирок процесске таасир этчү бир дагы мамлекет талибдердин бийлигинин легитимдүүлүгүн таанууга даяр экенин айта элек. Эксперт жаңы геосаясий реалдуулуктун шартында бир топ маселе дүйнөлүк жана аймактык оюнчулар аркылуу чечиле турганын кошумчалаган.

2021-жылдын июнь айынан бери "Талибан"* кыймылы активдешип, августта Афганистанды толук каратып алган. Кийин Афганистанда 20 жылга созулган согуш аяктаганын билдирген. Убактылуу өкмөт куралып, ушу тапта Өзбекстан, Казакстан жана Кытай кызматташууга даяр экенин расмий жар салды.

* — Кыргызстан, Россия жана бир катар мамлекеттерде ишмердүүлүгүнө тыюу салынган уюм.

23
Белгилер:
Афганистан, серепчи, пикир, кырдаал, Борбордук Азия, коопсуздук
Тема:
Афган бийлиги менен талибдердин тиреши
Тема боюнча
Президент Садыр Жапаров Кыргызстандын Афганистан боюнча позициясын билдирди
Душанбедеги ЖККУ жыйынында Афганистандагы абал талкууланды
Сот балкасы. Архив

Жогорку сот Улуттук банктын экс-төрагасынын өкүмүн жокко чыгарды

69
Курманбек Бакиев президент болуп турган тушта өмүрүнө кол салуу болгон журналист Сыргак Абдылдаев өзүнүн Facebook баракчасына "сыр" деген гриф менен Бакиевдердин реабилитациясы жүрүп жатканын жазды.

БИШКЕК, 16-сен. — Sputnik. Улуттук банктын мурдагы төрагасы Марат Алапаевге карата чыккан соттун өкүмү жокко чыгарылды. Иш кайра каралат. Бул тууралуу Жогорку соттун маалымат кызматы билдирди.

Курманбек Бакиев президент болуп турган тушта өмүрүнө кол салуу болгон журналист Сыргак Абдылдаев өзүнүн Facebook баракчасына "сыр" деген гриф менен Бакиевдердин реабилитациясы жүрүп жатканын жазды. Ал ошондой эле Жогорку сот Алапаевге карата чыккан соттун чечимин (15 жылга кесилген) кайра кароону тапшырганын маалымдады. Алапаев "Ысык-Көл" банкын рейдерлик менен басып алууга айыпталган. Абдылдаев ушул эле иш боюнча Максим Бакиев менен Жаныш Бакиев сыртынан камалганын да белгилеген.

"2021-жылдын 18-августунда Жогорку соттун кылмыш иши жана жоруктар боюнча коллегиясынын ачык соттук жыйынында адвокат Мощиндин өтүнүчү жана Башкы прокуратуранын прокурорунун жаңы ачылган жагдайлардан улам Марат Алапаевдин ишин кайра кароо боюнча корутундусу талкууланган", — деп айтылат Жогорку соттун маалыматында.

Анын жыйынтыгында Бишкек шаарынын Октябрь райондук сотунун 2015-жылдын 20-октябрында чыгарган чечими менен Бишкек шаардык сотунун кылмыш иштер жана административдик эреже бузуулар жөнүндөгү соттук коллегиясынын 2016-жылдын 8-февралындагы чечими жокко чыгарылды. Алапаевге карата козголгон кылмыш ишинин материалдары сотко чейинки өндүрүшкө алуу үчүн прокурорго берилди.

"Белгилей кетсек, бул кылмыш иши ачык соттук жыйында каралып, "сыр" деген грифке тиешеси жок. Ошондой эле бул иш боюнча айыпталган башка фигуранттардын иши кайра каралган жок", — дешти Жогорку соттон.

Максим Бакиев — Курманбек Бакиевдин уулу, ал эми Жаныш — анын бир тууганы. Үчөө тең түрдүү иштер боюнча сыртынан соттолгон.

 

69
Белгилер:
Кыргызстан, Курманбек Бакиев, Башкы прокуратура
Тема боюнча
Соттордун чечими жокко чыгып, Келдибековдун иши кайра каралмай болду
Ош шаардык соту Кылыч Саркарбаевди актады. Прокуратура облустук сотко даттанат
Ички иштер министринин мурдагы орун басары Курсан Асанов. Архивдик сүрөт

Курсан Асанов №50 тергөө абагына эки айга камакка алынды

0
(жаңыланган 20:47 16.09.2021)
Асанов бийликти күч менен басып алууга шектелип, Жазык кодексинин 309-беренесинин негизинде кармалган. Ал ушул жылдын 14-ноябрына чейин абакта болмокчу.

БИШКЕК, 16-сен. — Sputnik. Ички иштер министринин мурдагы орун басары Курсан Асанов Биринчи май райондук сотунун чечими менен №50 тергөө абагына эки айга камакка алынды.

Анын бөгөт коюу чарасы бүгүн, 16-сентябрда, тандалды. Ал сотко чейинки өндүрүш мөөнөтүнө чейин, тагыраагы, ушул жылдын 14-ноябрына чейин абакта болмокчу.

Асанов бийликти күч менен басып алууга шектелип, Жазык кодексинин 309-беренесинин негизинде кармалган.

Эске салсак, Курсан Асанов октябрь окуялары учурунда, тагыраагы, 6-октябрда ИИМдин жетекчилигине келип, бир нече күндөн кийин иштен кеткен.

Ал эми 26-январда кармалган. Ага 5-6-октябрь окуяларында Ички иштер министрлигин басып алууга аракеттенген деп Жазык кодексинин 245-беренесинин 1-бөлүгүнүн ("Имараттарды жана курулмаларды басып алуу") негизинде айып тагылган.

Экс-министр андан төрт ай өткөндөн кийин 12-апрелде Бишкек шаардык сотунун чечими менен баш коргоо чарасы өзгөртүлүп, үй камагына чыгарылган болчу.

0
Белгилер:
Курсан Асанов, камак, соттук чечим
Тема боюнча
Мурдагы премьер-министр Жоомарт Оторбаев кармалды
Адвокат: Атамбаев, Асанов, Акаев бийликти күч менен басып алууга шектелүүдө