ЖК комитети Жолдубаеванын талапкерлигин жалпы жыйында кароо чечимин кабыл алды

© Фото / пресс-служба ЖК КРЖогорку Кенеш
Жогорку Кенеш - Sputnik Кыргызстан
Жазылуу
Парламенттеги дагы бир комитет Индира Жолдубаеванын талапкерлигин башкы прокурорлукка жактырды.

БИШКЕК, 27-янв — Sputnik. Адам укуктары, конституциялык мыйзамдар жана мамлекеттик түзүлүш боюнча комитет Башкы прокурорлукка көрсөтүлүп жаткан Индира Жолдубаеванын талапкерлигин жактырды.

Жолдубаевага артылган үмүттөр арбын, күмөнсүүлөр да көп
Комитеттин жыйынында, президенттин аппарат жетекчиси Данияр Нарымбаев башкы прокурорлукка талапкер Индира Жолдубаеваны тармактык комитет мүчөлөрүнө тааныштырды.

Жыйын жүрүшүндө депутаттар тарабынан өлкөнүн прокуратура кызматкерлеринин, анын ичинде Башкы прокуратуранын ишине баа берүүгө байланыштуу маселе козголду.

Жыйынтыгында, комитет Башкы прокурорлук кызматка сунушталган Индира Жолдубаеванын талапкерлигин жактырып, Жогорку Кеӊештин кароосуна алып чыгуу чечими кабыл алынды.

Башкы прокурорлукка сунушталган Индира Жолдубаеванын талапкерлиги ЖКнын тармактык комитеттеринде каралды. Аны аталган кызмат ордуна бекитүү үчүн парламенттин жалпы жыйынында депутаттар колдоого алыш керек. 

Эгер анын талапкерлиги колдоого алынса, Жолдубаева Кыргызстандын тарыхындагы эң жаш башкы прокурор болуп калат. 

Мурдагы башкы прокурор Аида Салянова өз ыктыяры менен кызматтан кеткен болчу.

Жаңылыктар түрмөгү
0