АКШ элчилиги дипломатиялык почта аркылуу келген жүк боюнча комментарий бербейт

АКШ элчилиги дипломатиялык почта аркылуу келген жүк боюнча комментарий бербейт

144
(жаңыланган 12:31 16.04.2015)
Буга чейин "Дело№…" гезити Украинанын "Авиалинии Антонова" авиакомпаниясынын Ан-124 учагы март айынын аягында эки жолу "Манас" аэропортуна конуп, 152 тонна жүк алып келгенин жазып чыккан. Дипломатиялык почта деген статусу бар болгондуктан, ал жүктү текшерүүгө болбойт.

БИШКЕК, 15-апр. — Sputnik. АКШнын Кыргызстандагы элчилиги дипломатиялык почта аркылуу келди делинген 152 тонна жүк тууралуу маалыматка комментарий бербей турганын элчиликтин маалымат кызматынын жетекчиси Жон Браун Sputnik сайтынын кабарчысына билдирди.

Буга чейин "Дело№…" гезити Украинанын "Авиалинии Антонова" авиакомпаниясынын Ан-124 учагы март айынын аягында "Манас" аэропортуна эки жолу конуп, жүк алып келгенин жазып чыккан. Дипломатиялык почта деген статусу болгондуктан, аларды текшерүүгө болбойт.

Басылманын жазганына караганда, учак Бириккен Араб Эмирлигинен жалпы салмагы 152 тонна "кандайдыр бир жүктү" алып келген.

Аталган гезит ошондой эле, дипломатиялык почта аркылуу каалаган нерсени, анын ичинен курал-жаракты да оңой эле алып келсе болорун жазат. Маалыматка ылайык, аталган жүктү элчиликтин 14 кызматкери жана Американын 3 жараны коштоп жүргөн. Аэропортко келген жүктү 6 жүк ташуучу машина менен ташып кетишкен.

Жума сайын чыкчу "Дело №…" гезити Украинадагы Американын элчилиги ушундай эле жүктөрдү алгандан кийин бул өлкөдө болгон башаламандыктарды эске салат.

"2013-жылдын ноябрында Украинадагы Майдан окуясы күч алганда америкалыктар Украинанын бийлигинен АКШнын Аскердик аба күчтөрүнө караштуу эки аскер-унаа учагын дипломатиялык жүктөр менен конушуна уруксат сураган", — деп жазат гезит. 

Кийин Украинанын Коопсуздук кызматы Виктор Янкувичке аталган жүк 60 миллион доллар салынган ящиктер экени жөнүндө маалымат беришкен. Дипломатиялык жүк келгенден кийин Майданда 20, 50 жана 100 доллар наркындагы жаңы акчалар пайда болгонун аталган гезит баса белгилейт.

2015-жылдын февралында АКШнын Кыргызстандагы убактылуу элчиси болуп Ричард Майлз дайындалган. Кыргызстан менен Грузиянын эксперттери бул дайындоо жөн жерден эместигин белгилеп, анын дайындалышы өлкөгө кооптуулук жаратышы мүмкүндүгүн айтышкан. 

Майлз Азербайжан, Белград жана Болгарияда элчи болгон. Ал ошондой эле 2003-жылдын ноябрында Грузияда "роза революциясы" деп аталган төңкөрүш болгон учурда АКШнын Грузиядагы элчиси болуп турган.

144
Белгилер:
дипломатиялык почта, АКШнын Кыргызстандагы элчилиги, Жон Браун, Ричард М.Майлз
Тышкы иштер министри Руслан Казакбаев. Архив

Тышкы иштер министри Руслан Казакбаев Россияга барды

67
(жаңыланган 14:26 22.10.2020)
Иш сапардын жүрүшүндө Казакбаевдин россиялык кесиптеши Сергей Лавров жана башка мамлекеттик органдардын жетекчилери менен жолугушуусу күтүлүүдө.

БИШКЕК, 22-окт. — Sputnik. Кыргызстандын тышкы иштер министри Руслан Казакбаев бүгүн, 22-октябрда, Россия Федерациясына барды. Бул тууралуу өлкөнүн РФтеги элчилигинен билдиришти.

Иш сапардын жүрүшүндө Казакбаевдин россиялык кесиптеши Сергей Лавров жана башка мамлекеттик органдардын жетекчилери менен жолугушуусу күтүлүүдө.

Алдыдагы сүйлөшүүлөрдө саясий, соода-экономикалык жана маданий-гуманитардык чөйрөлөрдөгү, ошондой эле эки тараптуу кызыкчылыкты көздөгөн маселелер талкууланат.

Мындан тышкары, кыргыз-орус кызматташтыгынын күн тартибиндеги маселелерди кароо пландаштырылууда.

Буга чейин Казакбаев Россияга эки күндүк иш сапары менен барары айтылган болчу

67
Белгилер:
Сергей Лавров, жолугушуу, Руслан Казакбаев, Кыргызстан, Россия
Тема боюнча
Россия биздин ишенимдүү өнөктөш. Садыр Жапаров элчи менен жолукту
Жаңы дайындалган баш прокурор Курманкул Зулушев. Архив

Жапаров Зулушевди Башкы прокуратура жамаатына өзү барып тааныштырды

58
(жаңыланган 14:22 22.10.2020)
Жапаров жаңы жетекчи Зулушевдин прокуратура жана сот системасында көп жылдап иштеп келген кесипкөйлүгүн баса белгиледи.

БИШКЕК, 22-окт. — Sputnik. Президенттин милдетин аткаруучу Садыр Жапаров жаңы дайындалган баш прокурор Курманкул Зулушевди эмгек жамаатка өзү барып тааныштырды. Бул туурасында президенттин маалымат кызматынан кабарлашты.

Жапаров Зулушевдин прокуратура жана сот системасында көп жылдап иштеп келген кесипкөйлүгүн баса белгилеп, оң пикирин айткан.

Президенттин милдетин аткаруучу анын топтогон тажрыйбасы, билими прокуратура органдарына жүктөлгөн негизги милдеттерди аткарууга жардам берет, ал эми жеке түзүм жаңы жетекчиге ар тараптуу колдоо көрсөтөт деген ишенимин билдирген.

Парламент Курманкул Зулушевди башкы прокурор кылып бекитти

"Акыйкаттык болбогон өлкөдө эч качан өнүгүү болбойт, андыктан сиз ушул маанилүү иште мамлекеттин таянычы болушуңуз керек. Мамлекеттин негиздери өзгөрүүсүз калууга тийиш", — деген Жапаров.

Башкы прокурор ишеним көрсөткөндүгү үчүн ага ыраазычылыгын билдирди, милдеттерди жүзөгө ашыруу үчүн бардык күч-аракетин жумшай турганына ишендирген.

Эске салсак, кечээ Жогорку Кеңештин жыйынында мурдагы депутат Зулушевдин талапкерлиги башкы прокурор кызматына жактырылган.

Ал эми Жапаров өзүнүн жарлыгы менен аны аталган кызматка дайындаган.

58
Белгилер:
Садыр Жапаров, Курманкул Зулушев, баш прокурор, Кыргызстан
Тема боюнча
Садыр Жапаров Азиз Суракматовдун отставкасын кабыл алды