Путин: Иран өзөктүк программасы боюнча ийкемдүүлүгүн көрсөтүүдө

© Sputnik / Павел Лисицын / Медиабанкка өтүүПутин: Иран өзөктүк программасы боюнча ийкемдүүлүгүн көрсөтүүдө
Путин: Иран өзөктүк программасы боюнча ийкемдүүлүгүн көрсөтүүдө - Sputnik Кыргызстан
Жазылуу
Орус президенти Иранда өзөктүк программа боюнча алдыга илгерлөө бар экенин билдирип, С-300 зениттик ракеталык комплексти жеткирүүгө тыюу салууга негиз жок экенин айтты.

БИШКЕК, 16-апр. — Sputnik. Ирандык өнөктөштөр өзөктүк программасынын айланасындагы абал боюнча ийкемдүүлүгүн жана аны жөнгө салуу боюнча мунасага келүү ниетин көрсөтүп жатканын орус президенти Владимир Путин түз байланыш учурунда билдирди.

3-апрелде Лозанна шаарында Тегеран менен Улуу Британия, Германия, Кытай, Россия, АКШ жана Франция кирген "дүйнөлүк алты арачылардын" ортосунда өзөктүк программага тийиштүү маселе боюнча келишимге жетишилген.

Россиянын президенти Иранга С-300 зениттик ракеталык комплексти жеткирүү боюнча келишимге 2007-жылы кол коюлганын жана 2010-жылы токтотулганын эске салды.

"С-300 зениттик ракеталык комплексти Израилге коркунуч туудурбайт, себеби бул толук түрдө коргонууга арналган курал. Аймакта өзгөчө, Йемендеги окуялардан улам мындай курал-жарактарды жеткирүү кармануучу фактор деп ойлойбуз", — деди Путин.

Ал ошондой эле Россияга салыштырмалуу АКШ Жакынкы Чыгышка көп курал-жарак жеткире турганын айтты.

Орус президенти Ирандын өзөктүк программасы боюнча алдыга илгерлөө бар экенин билдирип, С-300 зениттик ракеталык комплексти жеткирүүгө тыюу салууга негиз жок экенин айтты.

"Ирандын өзөктүк программасынын айланасында көп иштер жасалды. Бүгүн ирандык өнөктөштөр өзөктүк программасы боюнча ийкемдүүлүгүн жана мунасага келүү ниетин көрсөтүп жатат", — деди президент.

Путин ошондой эле, болгону техникалык суроолор жаатындагы маселелер калганын кошумчалап, ал июнь айынын аягына чейин иштелип чыга турганын белгиледи.

Россиянын президенти Владимир Путин менен болгон түз байланышты Sputnik сайтынан көрө аласыздар 

Түз байланышка тийиштүү жаңылыктар социалдык тармактарда #ПрямаяЛиния хэштеги менен жарыяланууда.

Жаңылыктар түрмөгү
0