Жолдорду куруп-оңдоо. Архив

Сариев: жолдорду куруп-оңдоого каражат табылат

84
(жаңыланган 15:27 06.05.2015)
Жакынкы күндөрү Сариев Бишкектин мэрин шаар жолдорунун абалын өзү көрсөтүү үчүн алып чыккан эле. Эми премьер Транспорт министрлигине респубилка боюнча жолдорду оңдоп чыгууну тапшырды.

БИШКЕК, 6-май — Sputnik. Кыргызстандын жаңы премьер-министри Темир Сариев өкмөттүн жакында дайындалган эки мүчөсү — каржы министри Адылбек Касымалиев менен Транспорт жана байланыш министрлигинин башчысы Аргынбек Малабаевди кабыл алды. 

Премьердин ордун ээлегенден кийин Сариев эң алгач борбор калаанын жолдорун оңдоо иштерине кызыгып, өткөн аптанын акырында шаар мэрин жолдордун абалын жеке көрсөтүү үчүн алып чыкты.

Өкмөттүн маалымат кызматы билдиргендей, 5-майда өкмөт башчысы министрлер менен КРдин унаа тармагындагы көйгөйлөрдү талкуулады. Ал аталган тармакта кыска мөөнөттө чечилиши керек болгон олуттуу маселелер бар экенин белгиледи.

"Атап айтканда, биз ири магистралдык жолдорду куруу жана оңдоо маселесин чечүүбүз керек. Аларга альтернативалуу түндүк — түштүк, Бишкек — Нарын — Торугарт, Суусамыр — Талас — Тараз, Ош — Баткен — Исфана жолдору кирет", — деди Сариев.

Ал Транспорт жана байланыш министрлигине жер-жерлере барып өлкө боюнча жолдордун абалына шашылыш түрдө мониторинг жүргүзүүнү, ал эми Каржы министрлигине республиканын аймагындагы жолдорду оңдоо жана куруу иштерине кошумча каражаттарды таап бөлүүнү тапшырды. 

"Бул максаттар үчүн кошумча каражат табылат. Өкмөт Кыргызстандагы жол меселелсин чечүүдө колдоо көрсөтөт", — деди премьер. 

Ошондой эле өкмөт башчысы өлкөнүн темир жол тармагындагы маселени да козгоду. Анын айтымында, бүгүнкү күндө бул тармакта маселе көп, анын ичинде коррупциялык схемалар, вагондор менен жалпы пайдаланылуучу жерлердеги тазалык меселеси, вагондорду коштоп жүрүүчүлөрүн жүргүнчүлөргө карата орой мамилелери ж.б.

Ушуга байланыштуу Сариев "Кыргыз темир жолу" ишин жакшыртуу жол-жоболорун иштеп чыгуу, өлкө ичиндеги темир жол каттамдарын кеңейти өстүрүү, ошондой эле тийиштүү транспорттук инфраструктураны түзүү боюнча конкреттүү сунуштарды киргизүүнү Малабаевге тапшырды деп айтылат пресс-релизде. 

Сариевди премьер-министрликке дайындоо жөнүндө жарлыкка президент Алмазбек Атамбаев ишемби күнү кол койгон. Мурдагы өкмөт башчысы Жоомарт Оторбаев өзүнүн кызматтан кетүүсү тууралуу 23-апрелде, парламент министрлер кабинетинин ишин канааттандырарлык деп тааныгандан кийин билдирген эле.

84
Белгилер:
каражат, жолдорду оңдоо, Бишкек мэриясы, Темир Сариев, Бишкек
Тема боюнча
Сариев: көп балалуу үй-бүлөдө төрөлүп, интернатта өскөндүктөн жердешчиликке бөлүү мага жат
Темир Сариев Кыргызстандын 27-премьер-министри болду
Мамлекеттик кызматкерлер жыйын учурунда. Архив

Конституциялык кеңешменин курамы өзгөрдү. Жаңы кошулган 10 адамдын тизмеси

335
(жаңыланган 23:31 25.11.2020)
Кеңешменин курамына жаңы киргендердин арасында Жогорку Кеңештин мурдагы депутаттары, коомдук ишмер, юрист жана укук коргоочулар бар. Ал эми кеңешмедеги ЖК депутаты Канат Керезбеков үй-бүлөлүк шартына байланыштуу чыгарылган.

БИШКЕК, 25-ноя. — Sputnik. Конституциялык кеңешменин курамына өзгөртүүлөр киргизилип, дагы 10 адам кошулду. Бул тууралуу президенттин маалымат кызматы кабарлады.

Билдирмеге караганда, кеңешменин курамы мамлекет башчынын милдетин аткаруучу, Жогорку Кеңештин төрагасы Талант Мамытов кол койгон жарлыкка ылайык өзгөргөн.

"Конституциялык кеңешменин ишине активдүү катышууну каалагандардын саны көбөйгөндүгү эске алынды. Ошондой эле конституциялык реформа боюнча ишке жарандарды, коомдук уюмдарды жана көз карандысыз эксперттерди тартып, ар кандай пикирлерди толук эске алууну камсыз кылуу максатында, Конституциянын 65 жана 68-беренелери жетекчиликке алынды", — деп жазылат маалыматта.

Ага ылайык, кеңешмеден үй-бүлөлүк шартына байланыштуу ЖК депутаты Канат Керезбеков чыгарылган.

Кеңешме курамына 10 киши кошулду. Алар:

  • Чолпонбек Абыкеев — коомдук ишмер;
  • Мурат Укушев — көз карандысыз эксперт, конституционалист;
  • Алмамбет Шыкмаматов — Жогорку Кеңештин мурдагы депутаты;
  • Төлөйкан Исмаилова — "Бир дүйнө – Кыргызстан" укук коргоо уюмунун директору;
  • Мурат Карыпов — тобокелдиктерди жана кырсыктарды алдын алуу боюнча эксперт, "Плюрализм" гезитинин редактору;
  • Айдарбек Мамбеткадыров — көз карандысыз эксперт-юрист;
  • Асел Абакирова — юридика илимдеринин кандидаты, Жусуп Баласагын атындагы Кыргыз улуттук университетинин конституциялык жана административдик укук кафедрасынын доценти;
  • Кантемир Мурзабеков — Жогорку Кеңештин мурдагы депутаты;
  • Муратбек Иманкулов — Кыргыз билим берүү академиясынын билим берүү жаатында социалдык-гуманитардык көйгөйлөр лабораториясынын башчысы;
  • Таалайбек Шамурзаев — Кыргыз-орус славян университетинин Жазык процесси жана криминалистика кафедрасынын башчысы, профессор, юридика илимдеринин доктору.
335
Белгилер:
юрист, тизме, жарлык, өкмөт курамы, Конституциялык кеңеш
Тема:
Жаңы Конституциянын долбоору жана референдум
Тема боюнча
Конституция жөнүндө мыйзам долбооруна лингвистикалык экспертиза жүргүзүлөт
Эмгек жана социалдык өнүктүрүү министри Ализа Солтонбекова

Ализа Солтонбекова министрлик ишине расмий киришти

182
(жаңыланган 22:21 25.11.2020)
Кызматка дайындалган аткаминер 2018-жылдын ноябрь айынан ушул күнгө чейин министрдин орун басары болуп иштеп келген.

БИШКЕК, 25-ноя. — Sputnik. Ализа Солтонбекова эмгек жана социалдык өнүктүрүү министри кызматына расмий түрдө киришти. 

Аны дайындоо жөнүндө жарлыкка президенттин милдетин аткаруучу Талант Мамытов кол койгонун мамлекет башчынын маалымат кызматы билдирди.

Султанбекованын талапкерлиги премьер-министр тарабынан сунушталып, бүгүн парламенттен колдоо тапкан.

Солтонбекова 2018-жылдын ноябрь айынан ушул күнгө чейин эмгек жана социалдык өнүктүрүү министринин орун басары болуп иштеп келген.

Белгилей кетсек, эмгек жана социалдык өнүктүрүү министри Улукбек Кочкоров 27-октябрда жумуштан бошотулгандан кийин анын ордуна жаңы эле кызматын тапшырган вице-премьер Аида Исмаилова сунушталган. Бирок анын талапкерлигин ЖК депутаттары колдобой койгон.

182
Белгилер:
Ализа Солтонбекова, жарлык, дайындоо, министр
Тема боюнча
"Алмашкыс" орун басар ордуна кайтканда. Байгончоков Финансы министрлигине барды
UFC чемпиону Хабиб Нурмагомедов. Архив

Көк бөрү көрөбүз! Хабиб машыктыруучусу менен Кыргызстанга келет

84
(жаңыланган 01:19 26.11.2020)
Нурмагомедов Кыргызстанга 2018-жылы келген. Анда ал өлкөдө ушунчалык атактуу экенине таң калганын билдирген.

БИШКЕК, 25-ноя. — Sputnik. UFC чемпиону Хабиб Нурмагомедовдун машыктыруучусу Хавьер Мендез Instagram баракчасына Кыргызстанга келип, көк бөрү оюнун көрүү каалоосу тууралуу жазган.

Посмотреть эту публикацию в Instagram

Публикация от Javier Mendez (@akajav)

Мендез менен Нурмагомедов азыр Бириккен Араб Эмирлигинде жүргөнү маалым болду. Машыктыруучу Кыргызстанды кайрадан көргүсү келип жатканын кыргыз ишкери менен жолукканда айткан.

"Кереметтүү Кыргызстанга барууну чыдамсыздык менен күтүп жатам, ошондой эле көк бөрү оюнун да көрсөк дейбиз", — деп жазган Мендез. 

UFC чемпиону да Instagram баракчасынын сторис бөлүмүнө "Жакында Кыргызстанга барам" деп жазган.

Белгилей кетсек, 2018-жылы Хабиб Нурмагомедов Улуттук олимпиада комитетинин чакыруусу менен өлкөгө келип кеткен. Анда ал КРде ушунчалык атактуу экенине таң калганын билдирген.

84
Белгилер:
Көк бөрү, спортчу, тренер, Хабиб Нурмагомедов, Кыргызстан
Тема боюнча
Миссиямды аткардым. Хабиб кайра октагонго чыгар-чыкпасын айтты