Портфель. Архив

Бакыт Асанов: Өкмөт башчысы менен ЖМКлар ортосунда кызматташууну жакшыртуу ниетим бар

37
(жаңыланган 17:27 08.06.2015)
Өкмөт башчысынын маалымат катчысы Бакыт Асанов азыркы кызматы жооптуу экендигин жана коомдогу болуп жаткан окуя, көйгөйлөр туурасында өкмөт башчысын объективдүү кабардар кылып турууга аракет кыларын айтты.

БИШКЕК, 8-июнь — Sputnik. Өкмөт башчысынын маалымат катчылыгына мурдагы журналист Бакыт Асановдун дайындалгандыгын өкмөттүн маалымат кызматы билдирди.

Жаңы маалымат катчы Бакыт Асанов бул иш жооптуу жана түйшүктүү болорун, бирок өкмөт менен ЖМК арасындагы кызматташуунун жакшы бир көпүрөсүн түзүүгө ниеттенип жаткандыгын Sputnik маалымат сайтына билдирди. 

"Бул кызмат жооптуу, оор болот, ошентсе өзүмдү сынайын деп чечтим. Премьер-министр менен жалпыга маалымдоо каражаттарынын ортосунда жогорку деңгээлдеги кызматташууну түзүүгө болгон аракетимди жумшасам деген ниетим бар. Ошол эле учурда коомдогу болуп жаткан окуя, көйгөйлөр туурасында объективдүү кабардар кылып жана ЖМКларда чагылдырылган маселелерге өкмөт башчы тарабынан өз учурунда баа берилип, чара көрүлүүсүнө аракет кылам", — деди ал. 

Асановдун маалымат катчылыгына дайындоо боюнча буйрукка өкмөт башчысы Темир Сариев бүгүн кол койгон.

Бакыт Асанов буга чейин "Азаттык" радиосунун кыргыз кызматында иштеген.

37
Белгилер:
Темир Сариев, Бакыт Асанов, маалымат катчысы
Тема боюнча
Күмүшбек Шамканов МКК төрагасынын орун басарлыгына дайындалды
Жаза аткаруу мамлекеттик комитетинин жаңы төрагасы дайындалды
Мурдагы премьер-министр Сапар Исаков. Архив

Сапар Исаковго издөө жарыяланды. ШИИБ Инандыга паспорт берүү ишин тергеп бүттү

20
(жаңыланган 19:30 18.09.2021)
Сотко чейинки өндүрүш 320 ("Кызмат абалынан кыянаттык менен пайдалануу") жана 319-беренелер ("Коррупция") менен жүргүзүлгөн.

БИШКЕК, 18-сен. — Sputnik. Бишкек шаардык милициясы Сапат лицейлер мектебинин президенти Орхан Инанды жана Түркияда туулган он адамга кыргыз паспортун берүү фактысы боюнча тергөөнүн чоо-жайы тууралуу маалымат берди.

Кечээ аталган кылмыш иши боюнча абактагы мурдагы президент Алмазбек Атамбаевге дагы шектүү катары кабарлама тапшырылган.

Сотко чейинки өндүрүш 320 ("Кызмат абалынан кыянаттык менен пайдалануу") жана 319-беренелери ("Коррупция") менен жүргүзүлгөн.

Тергөөнүн версиясы боюнча, Кыргызстандын жарандыгын алуу үчүн документтер жасалмаланып, бардык бланктар мыйзамды одоно бузуу менен толтурулган. Кыргызстандан башка аймакта жүргөн Түркиянын үч жараны жадагалса өлкөнүн чек арасына кирген да эмес, жетөө КРге келип паспортторун алып кайра чыгып кеткен.

"10 түрк жараны андан мурда Түркияда террордук уюм катары таанылган FETO гүлендик кыймылынын мүчөлөрүнүн тизмесине киргизилген. Өлкөнүн жогорку кызмат адамдары документтерге кол коюп, аларга Кыргызстандын жарандыгын берүү процессин тездетүү боюнча мыйзамсыз көрсөтмө берген", — деп билдирди ШИИБ.

Бул кылмышка шектелип жатканы туурасында мурдагы премьер Сапар Исаковго, президенттин кеңешчиси Фарид Ниязовго, экс-вице-премьер Тайырбек Сарпашевге, УКМКнын мурдагы башчысы Бусурманкул Табалдиевге, Калктын жарандык абалынын актыларын жана калкты каттоо департаментинин экс-директору Дүйшөн Сатыбалдиевге, Мухаббат Пратовага, Г. М. Бердигуловага, Э.М. Апиловго кабарлама берилген.

Исаков менен Табалдиевге мамлекеттер аралык издөө жарыяланды.

ШИИБ Атамбаевге 15-сентябрда 319-берене ("Коррупция") боюнча шектүү катары кабарлама тапшырылып, 16-сентябрда айыптоо актысы чыгарылганын белгиледи. Тергөөнүн материалдары Биринчи май райондук сотуна жөнөтүлдү.

20
Белгилер:
Орхан Инанды, Түркия, жарандык, кылмыш иши
Тема:
Орхан Инандынын Бишкекте жоголушу
Тема боюнча
Түркиялыктарга мыйзамсыз жарандык берүү: дагы бир кызматкер камакка алынды
Жогорку Кеңештин экс-депутаты Руслан Чойбеков. Архив

300 миң доллар пара алды делген экс-депутаттын баш коргоо чарасы каралды

10
(жаңыланган 19:31 18.09.2021)
Тергөө иштеринин жана алынган далилдердин натыйжасында 16-сентябрда Жазык кодексинин 204-беренесинин 3-бөлүгү боюнча өндүрүш ачылган

БИШКЕК, 18-сен. — Sputnik. Былтыркы парламенттик шайлоодо депутаттык мандат убадалап, пара алды деген шек менен кармалган "Кыргызстан" партиясынын мүчөсү, Ч.Р. аттуу экс-депутаттын баш коргоо чарасы каралды. Бул тууралуу УКМКнын маалымат кызматы билдирди.

"Биринчи май райондук соту аны тергөө аяктаганга чейин убактылуу кармоо жайына калтыруу өкүмүн чыгарды", — деп айтылат билдирүүдө.

Эске салсак, Ч.Р. 2020-жылкы парламенттик шайлоодогу коррупциялык иштер боюнча шектелип кармалган. Ал Жогорку Кеңештин депутаты мандатын убадалап 300 миң доллар алганы айтылган.

Тергөө иштеринин жана алынган далилдердин натыйжасында 16-сентябрда Жазык кодексинин 204-беренесинин 3-бөлүгү ("Алдамчылык, өзгөчө ири өлчөмдө жасалган жосун") боюнча өндүрүш ачылган.

Кармалган Ч.Р. аттуу экс-депутаттын инициалы өткөн жылдын июнь айында мандатын тапшырган "Кыргызстан" партиясынын мүчөсү Руслан Чойбековдун аты-жөнү менен дал келүүдө.

Баса, ушул эле ишке тиешеси бар деген шек менен бүгүн Бишкек шаарынын Свердлов районунун мурдагы акими, азыр Нарын шаарынын мэри Б. С. кармалды.

 

10
Белгилер:
УКМК, депутат, мандат, коррупция
Тема боюнча
Нарындын мэри шайлоодогу коррупциялык иштерге шектелип кармалды
Кыргызстан кубогун жеңип алган Нефтчи футболдук клубунун оюнчулары

Футбол: Кыргызстан кубогунун ээси аныкталды

0
(жаңыланган 19:56 18.09.2021)
Эсеп негизги убакытта да, кошумча берилген мөөнөттө да ачылган жок. Финалдык оюндун жеңүүчүсү пенальти сериясынан соң белгилүү болду.

БИШКЕК, 18-сен. — Sputnik. Кочкор-Атанын "Нефтчи" футболдук клубу Кыргызстан кубогунун ээси аталганын Кыргыз футбол союзу билдирди. 

90 мүнөттүк негизги убакытта "Нефтчи" да, ага атаандаш болгон Бишкектин "Алга" командасы да гол киргизе алган эмес. Кошумча берилген эки таймда да эсеп ачылган жок.

Жеңүүчүнү пенальти сериясы аныктап, "Нефтчи" 4:2 эсеби менен жеңүүчү аталды.

Оюн биринчи жолу Баткен шаарынын борбордук стадионунда өттү.

0
Белгилер:
футбол, кубок, мелдеш, команда
Тема боюнча
Кыргызстандын футбол командасы FIFA рейтингинде алдыңкы жүздүккө илинди