Жогорку Кеңеш. Архив

Укук коргоочулар: акыйкатчыны шайлоону күзгүгө жылдыруу ЖК кызыкчылыгына төп келет

(жаңыланган 13:19 22.07.2015)

БИШКЕК, 21-июль — Sputnik. Кыргызстандын укук коргоочулары Жогорку Кеңештин акыйкатчыны шайлоону күз мезгилине жылдырышын түшүнө бербей тургандыктарын билдиришти.

Шейшемби күнү Жогорку Кеңештин аппарат жетекчиси Раатбек Ешмамбетов акыйкатчыны шайлоо үчүн фракциялардын жана комитеттердин жыйналыштарын өткөрүү зарыл экенин белгилеп, парламент төрагасы Асылбек Жээнбековго кат жөнөткөн. Ага ылайык, кезексиз сессияны чакыруу үчүн президент, өкмөт же Жогорку Кеңештин депутаттарынын үчтөн биринен кем эмеси сунуш кылышы керектиги айтылып, учурда кезексиз сессияны чакыруу жөнүндө сунуш келип түшпөгөнүн, кезексиз сессия өткөрбөй туруп фракциялар, комитеттер акыйкатчыга талапкерлер боюнча чечим кабыл алышы мыйзамсыз болуп калары маалымдалат. Мындан улам Ешмамбетов акыйкатчыны шайлоо маселесин 2015-жылдын 1-сентябрынан кийин кароону сунуштап, төрага катты фракция лидерлерине жана Адам укуктары, конституциялык мыйзамдар жана мамлекеттик түзүлүш боюнча комитетинин кароосуна жиберген.

Укук коргоочулар мында мыйзамдын жана ЖК регламентинин бузулушун белгилешүүдө.

Рита Карасартова, укук коргоочу:

— Таң калычтуу чечим, бирок биз буга даяр болчубуз. Балким, акыйкатчыны деле шайлоону күз мезгилине калтыруу үчүн мурдагысы кызматынан алынгандыр. Мен ЖК мыйзам чегинде иш алып бара албай турганына көнүп деле бүттүм. Депутаттар кааласа, мындан маанилүү иштерди бир эле отурум менен чечип коюшат. Демек, акыйкатчыны шайлоо азырынча кереги жок нерсе.

Атыр Абдрахматова, укук коргоочу:

— Мен акыйкатчылыкка талапкерлигимди көрсөтүп үч фракцияга арыз таштадым, бирок биринен да азырынча жооп келе элек. Шайлоонун күзгүгө жылдырылышын ар кандай чечмелесе болот. Юридикалык көз караштан алганда, парламенттин бул чечими дыкат каралышы керек, ошондо мыйзам бузуу болгон-болбогону аныкталат. Буга чейинки болгон шайлоолордон депутаттар сабак алышы керек болчу. Балким, бул тескерисинче жакшы жөрөлгөдүр. Күзүндө депутаттар шайлоо процессине олуттуу мамиле жасаса керек.

Динара Ошурахунова, укук коргоочу:

— Бул депутаттардын биринчи жолу мыйзам бузуп жатышы эмес. Акыйкатчыны шайлоо – бул өтө деле маанилүү иш-чара эмес. Мындан улам жарандык активдүүлүктүн төмөн болушу кадыресе көрүнүш. Күзгүгө жылдырылганы жакшы болду. Анткени шайлоо процесстин өзүн дагы бир сыйра талдап алууга шарт түзүлөт. Мындан тышкары, бийликтин сөзүнөн чыкпаган эмес, чыныгы кесипкөй адамды тандоо керек.

Үстүбүздөгү жылдын 25-июнунда өткөн кезектеги жыйында ЖК Акыйкатчы Бакыт Аманбаевдин баяндамасын жактырбагандыгына байланыштуу ал ээлеген кызматынан мөөнөтүнөн мурда бошотулган. Мыйзамга ылайык, жаңы Акыйкатчы бир айлык мөөнөттө, б.а. 2015-жылдын 25-июлуна чейин тандалышы керек болчу.

Белгилер:
укук коргоочу, укук коргоо, акыйкатчы, парламент, шайлоо, Кыргызстан
Тема:
Кыргызстандын акыйкатчысын шайлоо (12)
Тема боюнча
Акыйкатчы институту убактылуу кармоочу жайларда адам укугун текшерди
Акыйкатчы аппаратын орун басарлар жетектейт
Аткаминерлер. Архив

КМШ парламенттеринин төрагалары биринчи жолу офлайн жыйын өткөрөт

(жаңыланган 21:54 14.04.2021)
КМШнын парламенттер аралык ассамблеясынын (ПАА) жазгы сессиясы Таврия сарайында болот. Пленардык жыйынды ПАА кеңешинин башчысы, Россиянын Федералдык жыйынынын Федерация кеңешинин төрайымы Валентина Матвиенко өткөрөт.

БИШКЕК, 14-апр. — Sputnik. КМШ өлкөлөрүнүн парламенттеринин төрагалары пандемия жарыялангандан бери биринчи жолу жолугушат. Жыйын 15-апрелде Санкт-Петербургда өтөт.

КМШнын Парламенттер аралык ассамблеясынын (ПАА) жазгы сессиясы Таврия сарайында болмокчу. Пленардык жыйынды ПАА кеңешинин башчысы, Россиянын Федералдык жыйынынын Федерация кеңешинин төрайымы Валентина Матвиенко өткөрөт.

Катышуучулардын болжолдуу тизмеси:

  • Сагиба Гафарова — Азербайжандын Милли мажлисинин төрайымы;
  • Арарат Мирзоян — Армениянын парламентинин төрагасы;
  • Маулен Ашимбаев — Казакстандын парламентинин сенатынын төрагасы;
  • Талант Мамытов — Кыргызстандын Жогорку Кеңешинин төрагасы;
  • Зинаида Гречаный — Молдованын парламентинин төрайымы;
  • Танзила Нарбаева — Өзбекстандын Олий Мажлисинин төрайымы.

Ал эми видео байланыш менен жыйынга Беларусь менен Тажикстандын парламенттеринин спикерлери кошулат.

Парламент төрагаларынын катышуусундагы конференция "COVID-19 пандемия шартында глобалдык чакырыктар жана коркунучтар. Терроризм жана зомбулук экстремизми" аталышында өтөт.

Жогорку Кеңештин төрагасы Талант Мамытов. Архив
© Пресс-служба президента КР / Султан Досалиев
Ошол эле күнү Кеңештин жыйыны болуп, анда делегация жетекчилери Шериктештиктин аймагында өткөн шайлоолорго Парламенттер аралык ассамблеядан катышкан эл аралык байкоочулардын ишин талкуулашат.

16-апрель күнү ПААнын штабында Ассамблеянын 52-пленардык жыйыны өтөт. Анда өзөктүү тема катары пандемия маалында миграциялык процесстерди мыйзам түрүндө көзөмөлдөө талкууланары айтылды. Ошондой эле парламент жетекчилери Ассамблея тарабынан даярдалган КМШга мүчө мамлекеттер үчүн миграциялык кодексти карашат.

Жыйындын жүрүшү Ассамблеянын сайтында www.iacis.ru жана "Вместе-РФ" vmeste-rf.tv. каналынан түз алып көрсөтүлө турганы маалым болду.

Тема боюнча
ЖКнын VI чакырылышына 185 мандат берилди, 65 депутат кайдан келди. Инфографика
УКМК: саясий серепчи Марат Казакпаев мамлекеттик чыккынчылыкка шектелип кармалды
Аткаминер портфель менен. Архив

Салык кызматынын жетекчиси отставкага кетип, ордуна башка келди

(жаңыланган 20:14 14.04.2021)
1-апрелде премьер-министр Улукбек Мариповдун буйругу менен кайра кызматка дайындалган Кабылов отставкага кетти.

БИШКЕК, 14-апр. — Sputnik. Экономика жана финансы министрлигинин алдындагы Мамлекеттик салык кызматынын төрагасы Кабыл Абдалиев кызматынан кетти. Бул тууралуу аталган ведомстводон билдиришти.

Маалыматка караганда, анын ордуна Илияз Иманбетов келди. Ал буга чейин ЕАЭБдин алкагында кыйыр салыктар менен иштеген башкармалыкты жетектеп турган. 

Кабыл Абдалиев 2019-жылдын июль айынан бери ушул кызматты ээлеп келе жаткан. 2021-жылы өкмөттө реформа болуп, Салык кызматы Экономика жана финансы министрлигинин курамына киргендиктен 1-апрелде премьер-министр Улукбек Мариповдун буйругу менен Абдалиев кайра кызматка дайындалган болчу.

Белгилер:
Илияз Иманбетов, Кабыл Абдалиев, отставка, Мамлекеттик салык кызматы
Тема боюнча
Уланбек Асанов Социалдык фонддун төрагасы болуп дайындалды
Бишкек шаардык жана Биринчи май райондук милициясына жаңы жетекчилер дайындалды
Археологические раскопки во время проведения реконструкции участка автомобильной дороги А-290 Новороссийск – Керчь в районе станицы Старотитаровская.

Бишкектен анча алыс эмес жерде балбал таш табылды. Сүрөт

(жаңыланган 22:03 14.04.2021)
Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады.

БИШКЕК, 14-апр. — Sputnik. Бишкектен анча алыс эмес жерде Интернациональный айылынан экскаватор айдоочусу Павел Камаев балбал таш таап алган. Бул тууралуу Sputnik Кыргызстан агенттигине өзү билдирди.

Обнаруженный в грунте балбал в селе Интернациональном недалеко от Бишкека
© Фото / предоставлено Павлом Камаевым
Бишкектен анча алыс эмес жерде Интернациональный айылынан экскаватор айдоочусу Павел Камаев балбал таш таап алган

Балбал — бул адамдын сөлөкөтү чегерилген таш эстелик. Камаев аны кантип таап калганын айтып берди.

"Ал күнү мен жумушта болчумун, жер казып атып бир маалда катуу бир нерсеге тийгендей болдум. Карап, көргөн көзүмө ишенген жокмун. Топурак алдында анча чоң эмес таш эстелиги жатыптыр. Бийиктиги болжол менен бир метрди түзөт. Анын бир колунда чөйчөк тартылган. Табылга жакшы жышаан экенин, мындай жерлерде белгилүү аскер адамы да көмүлгөнүн окугам", — деди ал.

Ал табылгасын адистерге берүү үчүн Маданият, маалымат жана спорт министрилигине барган.

"Балбал ташты өзүмө алып калайын деп эч ойлонгон жокмун. Министрликтегилер айтканымды угуп, анын мынча тереңдикте жатканына таң калышты. Себеби мен аны үч метр тереңдиктен таап чыккам да. Ал жакта бул таш кандайча жатып калганы табышмак", — деди Камаев.

Вид на Государственный исторический музей в центре Бишкека во время реконструкции
© Sputnik / Табылды Кадырбеков
Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады

Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады.

Тема боюнча
Енисейди бойлой Барсбектин мүрзөсүн издегенде... Юлий Худяков менен маек