Биринчи вице-премьер-министр Тайырбек Сарпашев. Архив

Сарпашев: биометрикалык маалымат тапшыруудан баш тарткандарга акт түзүлөт

37
(жаңыланган 17:27 23.07.2015)
Биринчи вице-премьер биометрикалык маалымат чогултуу жараяны бүгүнкү күндө 90 пайызга аяктап калганын белгилеп, шайлоодон кийин биометрия мамлекеттик кызмат көрсөтүүдө пайдаланыла турганын кошумчалады.

БИШКЕК, 23-июль — Sputnik. Биометрикалык маалымат берүүдөн баш тарткан жарандарга жеринде акт түзүп, шайлоого катыша албай тургандыгы айтылышы керек деди биринчи вице-премьер-министр Тайырбек Сарпашев Талас облусуна болгон иш сапары учурунда. 

Өкмөттүн маалымат кызматынын билдирүүсүндө, Сарпашев бүгүн, 23-июлда Талас облусунун Кара-Буура, Манас, Талас жана Бакай-Ата райондорунун активи менен жолугуп, биометрикалык маалымат чогултуунун экинчи этабын талкуулады.

Маалыматка ылайык, бүгүнкү күндө Кара-Буура районунун 26 миң 300 адамы же жалпы туруктуу жашоочулардын 96 пайызы биометрикалык каттоодон өткөн. Манас районунун 14 миң 500 жашоочунун 12 миң 890у, бакайаталыктардын 80 пайызы маалымат тапшырган.

Биринчи вице-премьер талкуу учурунда Талас шаарынын мэри, Бакай-Ата жана Талас райондорунун акимдеринин ишин катуу сынга алды. 

"Кенебестиктен улам шайлоочулардын так тизмесин түзүүнү создуктуруп жатасыздар. Мамлекеттик каттоо кызматы жана Борбордук шайлоо комиссиясы менен кызматташуу дээрлик жокко эсе. Эгер кырдаал 1-августка чейин жөнгө салынбаса, жетекчилерге кескин чаралар көрүлөт", — деди чиновник.

Сарпашев аймакта туруктуу жашаган тургундардын баарынан биометрикалык маалымат чогултулушу керектигин белгиледи.

"Эгер кимдир-бирөө биометрикалык каттоодон өтүүдөн баш тартса, жеринде акт түзүлүп, анын шайлоого катыша албастыгы тууралуу айтылышы керек. Алдыдагы парламенттик шайлоо мамлекеттин 2020-жылга чейинки тагдырын аныктайт. Биздин максат – шайлоону таза жана ачык-айкын өткөрүү", — деди ал.

Биринчи вице-премьер биометрикалык маалымат чогултуу жараяны бүгүнкү күндө 90 пайызга аяктап калганын белгилеп, шайлоодон кийин биометрия мамлекеттик кызмат көрсөтүүдө пайдаланыла турганын кошумчалады.

37
Белгилер:
тизме, Биометрикалык маалыматтар, шайлоо, Тайырбек Сарпашев, Талас
Тема:
Калктын биометрикалык маалыматын чогултуу жараяны кызуу жүрүүдө (64)
Тема боюнча
Мигранттардан биометрикалык маалыматын чогултуу улантылууда
Нарын менен Таласта биометрикалык маалымат чогултуунун жүрүшү текшерилет
Биометрикалык маалыматты жергиликтүү бийлик үймө-үй кыдырып чогултат
Борбордук шайлоо комиссиясынын төрайымы Нуржан Шайлдабекова

Шайлдабекова: үгүт иштеринде концерт, спорттук оюндарды өткөрүүгө тыюу салынат

19
(жаңыланган 17:40 03.08.2020)
Борбордук шайлоо комиссиясынын төрайымы Нуржан Шайлдабекова 4-октбярда өтө турган парламенттик шайлоонун үгүт иштери учурунда массалык оюн-зоокторго тыюу салынарын айтты.
Шайлдабекова: үгүт иштеринде концерт, спорттук оюндарды өткөрүүгө тыюу салынат

Конституцияда шайлоонун үгүт иштери учурунда массалык түрдө эл чогултуп спорттук оюндарды, концерт өткөрүүгө тыюу салынган. Бул мыйзам азыркы эпидемиологиялык шартка абдан туура келип жатат. Бул тууралуу Нуржан Шайлдабекова Sputnik Кыргызстан радиосунун "Ачык кеп" программасына маек куруп жатып билдирди.

Анын айтымында, быйыл октябрь айында өтүүчү парламенттик шайлоодо үгүт иштери көбүнесе интернет платформасында жүргүзүлөт.

Шайлдабекова: шайлоо өткөрүүгө санитардык каражаттар колдоо катары келет

"Баш мыйзамда шайлоо алдындагы үгүт иштеринде спорттук оюндарды, концерттерди өткөрүүгө тыюу салынган. Анткени оюн-зооктордо партиянын программасы, талапкерлер тууралуу маалымат айтылбай эле жөн гана көңүл ачуу максаты аткарылып жатат. Андыктан Конститутция буга чейин эле мындай аракеттерге тыюу салган болчу. Бирок азыр эпидемиологиялык абал курчуп турганда бул мыйзамды аткарылышына өзгөчө көңүл бурулушу шарт. Шайлоону өткөрүү боюнча түзүлгөн республикалык штаб да бул боюнча алгоритмдерди иштеп чыгат", — деди Шайлдабекова.

Ал Кыргызстандын ар бир жараны санитардык-эпидемиологиялык эрежелерди сактоого милдеттүү экендигин кошумчалады.

19
Белгилер:
үгүт, коронавирус, шайлоо, Нуржан Шайлдабекова
Тема:
Шайлоо-2020
Тема боюнча
Бактыгулов: келе жаткан шайлоодо аймактардагы лидерлер чоң роль ойнойт
Кыргызстандын президенти Сооронбай Жээнбеков. Архив

Президент "Маалыматты манипуляциялоо жөнүндө" мыйзамга кол койгон жок. Себеби

102
(жаңыланган 13:45 03.08.2020)
Демилгечилердин айтымында, мыйзам иштей баштаса фейк-аккаунттар өчүрүлүп, ЖМК же социалдык баракча аркылуу жалган маалымат тараткандарды соту жок эле мамлекеттик органдар жоопко тарта алат.

БИШКЕК, 3-авг. — Sputnik. Президент Сооронбай Жээнбеков "Маалыматты манипуляциялоо жөнүндө" мыйзамга карата каршы пикирге кол койду. Бул тууралуу мамлекет башчы "Биринчи радионун" түз эфириндеги маегинде айтты.

Президент мыйзамдын негизги концепциясын — ар бир адамдын укуктарын жана эркиндиктерин интернет тармагында таратылган жалган жана анык эмес маалыматтан коргоонун зарылдыгын колдоп, ошону менен бирге төмөнкү каршы пикирлерди билдирет.

Эмнеси жаман? Депутат соцтармакты чектеген мыйзамга каршы кесиптештерине таң калды

Пикир билдирүүнүн жана маалыматтын эркиндиги өлкөбүздүн негизги мыйзамында, ошондой эле адам укуктары жөнүндө бир катар эл аралык жана региондук келишимдерде кепилдик кылынган адам укуктарынын бири болуп эсептелет жана демократиялык коомду өнүктүрүүдө негизги ролду ойноору айтылат.

"Ошол эле учурда мамлекетибиздин негизги мыйзамы жарандарды башка адамдардын укуктарын, эркиндигин, ар-намысын жана аброюн урматтоону милдеттендирет. Ар бир адам жеке турмушунун кол тийбестигине, ар-намысынын жана аброюнун корголушуна укуктуу", — деп айтылат билдирүүдө.

Ошону менен бирге дүйнөдөгү коронавирус пандемиясы мезгилинде социалдык тармак аркылуу жалган маалыматтарды таратуу аракеттери жарандардын ден соолугуна, өмүрүнө, коомдук тартипке зыян келтирип жатканы кошумчаланды.

Эркектей болгула! Соцтармакты чектөөнү сунуштаган Асылбаева депутаттарга кайрылды

Бул маселенин коомдогу маанисин эске алып, мыйзамдын редакциясын, тактап айтканда, ишке ашыруунун механизмдерин жана жөнгө салуунун техникалык аспектилерин коомчулуктун, эксперттик коомдун жана мамлекеттик органдардын өкүлдөрүн тартуу менен кайрадан карап чыгуу сунушталат.

"Бул мыйзамды кароону адам укуктарын, мамлекеттик саясатты, мамлекеттин технологиялык жана туруктуу өнүгүүдөгү мүмкүнчүлүктөрүн эске алуу менен камсыз кылуу керек деп эсептейм. Баш мыйзамдын 64 жана 81-беренелерин жетекчиликке алып макулдашылган вариантты иштеп чыгуу үчүн кайтарам. Бул каршы пикирди Жогорку Кеңеште кароодо аны сунуштоону Маданият, маалымат жана туризм министрине жүктөйм", — деген президент.

Мыйзам долбоору Жогорку Кеңештин депутаттары Гүлшат Асылбаева, Айнура Осмонова тарабынан демилгеленген. Ал тогуз беренеден турат. Анда интернет колдонуучуларынын, сайт ээлеринин жана провайдерлердин милдеттери тууралуу жазылган.

Депутаттар "Маалыматты манипуляциялоо жөнүндө" мыйзамын кабыл алды

Демилгечилердин айтымында, фейк-аккаунттар өчүрүлүп, ЖМК же социалдык баракча аркылуу жалган маалымат тараткандарды соту жок эле мамлекеттик органдар жоопко тарта алат. Бирок муну менен кайсы орган алектенери так көрсөтүлгөн эмес.

 25-июнда Жогорку Кеңеш аталган мыйзамды кабыл алган. Ага 79 депутат макул болуп, 10 эл өкүлү каршы чыккан.

 

102
Белгилер:
Сооронбай Жээнбеков, фейк, сөз эркиндиги, Жогорку Кеңеш, мыйзам, Кыргызстан
Тема боюнча
Депутаттар "Маалыматты манипуляциялоо жөнүндө" мыйзамын кабыл алды
Англия улуттук курама командасынын машыгуусу. Архив

Атаандашка жөтөлсөң, оюндан чыгасың. Англиядагы футбол эрежеси

0
(жаңыланган 18:28 03.08.2020)
Англиянын футбол жетекчилиги атаандашка карап атайын жөтөлгөн жорукту муштум менен сокку урган оройлук менен бирдей орунга койду.

БИШКЕК, 3-авг. — Sputnik. Англиянын футболдук чемпионатынын калыстары атаандашка тарапка же беттештин өкүлдөрүнө карап атайын жөтөлгөн футболчуларды жазалайт. Бул тууралуу The Times маалымат булагы жазды.

Басылма маалымдагандай, Англиянын Футбол Ассоциациясы жаңы нускамаларды иштеп чыкты, анда коронавирустук пандемия шартында беттештерди тейлеген калыстар үчүн көрсөтмө камтылган.

FIFA Кыргызстандын футболун колдоого 1,5 миллион доллар бөлөт

Андагы бир пунктка ылайык, атаандашка же беттештин расмий өкүлүнө карап атайын жөтөлгөн футболчу беттештен четтетүү каралган. Мындай учурда калыстарга оюнчуга сары же кызыл айып кагазын көрсөтүү тапшырылган.

Муну менен Англиянын футбол жетекчилиги атаандашка карап атайын жөтөлгөн жорукту муштум менен сокку урган оройлук менен бирдей орунга койгону айтылат.

Футбол: кыргыз премьер-лигасында 8 команда калды

Жаңы эреже бардык расмий мелдештерге, атап айтканда Премьер-лига, Championship, Англия Кубогу жана Лига Кубогунда колдонулат.

Англиядагы футбол боюнча жаңы сезон 12-сентябрда башталат.

0
Белгилер:
пандемия, эреже, Англия, футбол
Тема:
Дүйнөгө жайылган коронавирус
Тема боюнча
КРдин курама командасынын лидер футболчусу Бернхарт "Дордойго" кошулду