Алтыбаева төраганын пленардык отурумдарды алып салуу чечими туура деп эсептейт

© Пресс-служба президента КР / Султан ДосалиевЖогорку Кеңештин төрагасы Асылбек Жээнбеков коргоо кеңешинин жыйынында. Архив
Жогорку Кеңештин төрагасы Асылбек Жээнбеков коргоо кеңешинин жыйынында. Архив - Sputnik Кыргызстан
Жазылуу
Парламенттик комитеттин жетекчиси төраганын пленардык отурумдарды жылдыруу чечими мыйзамдуу экенин белгилейт. Анын айтымында, мында кезектеги мыйзам долбоорлорду кароо үзгүлтүккө учурабайт.

БИШКЕК, 3-сен. — Sputnik. Кийинки чакырылыштагы депутаттардын иши башталгыча Жогорку Кеңештин пленардык отурумдарын алып салуу чечими туура жана мыйзамдуу экенин Sputnik агенттигине депутаттык этика жана регламент боюнча комитеттин жетекчиси Айнуру Алтыбаева билдирди.

Бейшемби күнү Жогорку Кеңеш кворумдун жоктугунан пленардык отурумга чогула алган жок. Каттоодон 31 депутат өткөн, ал эми кворум үчүн 61 адамдын өтүшү талап кылынат. Ушундай эле көрүнүш шаршемби күнү да кайталанган.

Алтыбаеванын айтымында, төраганын ЖК VI чакырылышынын иши башталгыча пленардык отурумдарды алып салуу сунушу мыйзамга дал келет.

"Шайлоо жөнүндө", "Депутаттардын статусу жөнүндө" жана "Регламент жөнүндө" конституциялык мыйзамдар үгүт иштери учурунда администрациялык ресурсту колдонуу ыктымалдыгы бар мамлекеттик кызматкер катары депутаттарды кызматынан убактылуу четтетүү мүмкүнчүлүгүн берет", — деди ал.

Алтыбаева парламенттик комитеттер жана фракциялар мурункудай эле иштей бере турганын белгиледи. Кезектеги мыйзам долбоорлору ушул жыйындарда каралат.

"Карала турган мыйзам долбоорлор биринчи жана экинчи окуудан өткөн. Бирок аларды эми кийинки чакырылыштын депутаттары бекитет. Кийинки чакырылыштагы депутаттардын мурунку мыйзамдарды кабыл алуусу да мыйзам чегинен чыкпайт", — деди депутат.

Кылмыш иши папкасы. Архив - Sputnik Кыргызстан
Депутаттыкка аттанган талапкерлердин 252синин артында калбыры бар
Учурдагы парламенттин 92 депутаты алдыдагы шайлоого өз талапкерлигин коюуда. Партия тизмесиндеги депутат-талапкерлер кызматтык унааны пайдалана албайт, иш сапарлары каржыланбайт.

Мындан тышкары, алардын жардамчылары, консультанттары жана фракция секретариаттарынын кызматкерлери республика боюнча иш сапарга чыга алышпайт.

Аталган шарт-талаптар үгүт иштери баштала турган 4-сентябрдан баштап күчүнө кирет.

Жаңылыктар түрмөгү
0