Катуу сүйлөгүч. Архив

Партиялар үмүт арткан үгүт материалдары туурасында

59
(жаңыланган 10:55 28.09.2015)
Көпчүлүк шайлоочуларды өткөн кылымдан калган ыкмалар менен жүргүзүлгөн агрессивдүү, таңуулама үгүт иштери кыжырлантат. Эл азыр өз добушун анык жана жакшы иштер үчүн берет.

БИШКЕК, 4-сен. — Sputnik. Эми бир ай бою кыргызстандыктар парламентте орун алууга умтулган саясий партиялардын үгүт иштерине аргасыз күбө болушат. 4-сентябрда үгүт кампаниясы башталды. Ураандар илинген мамылар, стадиондо жолугушуулар, жалпы чай ичүү, ата мекендик эстрада жылдыздарынын концерттери … — мунун баары 3-октябрда "Жымжырттык күн" келгенге чейин уланат.

Байбичелер менен аскерлердин, дарыгерлердин, дагы башка шайлоочулардын добушу үчүн талапкерлер колунан келгендин баарын жасаганга даяр турат. 

Ар бир кыргызстандыктын көңүлүн өзүнө буруш үчүн, партиялар салтуу үгүт жолдору болуп эсептелүүчү жарнама мамылары, ар бир үйгө таратылган баракчалар менен катар унааларга жарнамаларды илүү же өз убадалары менен программаларын түз ободон берүү сыяктуу чечкиндүү ыкмаларды да колдонушат. Ошон үчүн партиялардын үгүт материалдары сиз күтпөгөн жерлерден, мисалы, бала бакча же кинотеатрлардын дааратканаларынан табылып калышы таң каларлык деле болбос. 

Кыргызстандыктар — көптү башынан өткөргөн эл, үгүт иш-чараларына биринчи жолу туш болуп жаткан жок. Партиялардын ойлоп тапкычтары, элдин оюнда, көпчүлүктүн кыжырын келтирип, күткөндөн такыр тескери натыйжа берет. 

Sputnik үгүттүн кайсы түрлөрү жагымдуу болуп, 4-октябрда шайлоодо добуш берүүгө ынандыра ала турганы жөнүндө шайлоочулардан кызыгып сурап көрдү. 

Энвер Хавазов, сактык компаниясынын башкы директорунун орун басары:

— Жеке мен үчүн эч бир үн жагымдуу таасир бербейт. Сабаттуу түзүлгөн, көрүп кабыл алууга багытталган үгүт баарынан жакшы болмок. Бирок, бардык партиялардын талапкерлеринин ортосундагы түз эфирден берилчү дебаттар же элге түзмө-түз чыгып маектешүүлөр эң мыкты болмок.

Алексей Лысогоров, дизайнер:

— Чыгармачылык менен жасалган бардык үгүттүн түрү кызыктуу. Ал эми 70-80-жылдардагы идеяларды колдонуу бала бакчадай сезилет да, кыжырга тиет. Чечкиндүү болуш керек, үгүт ишин анык искусствого айланткыдай күчтөрдү тартыш керек. Кардарлар өзүнүн консервативдүү көз караштарынан улам өз шайлоочусун жоготуп алгандан коркуп, чекчкиндүүлүк кыла албайт, ал эми жаштар болсо, тескерисинче, жаңы жана курч идеяларды жактырат. 

Аделя Лаишева, Бишкектин тургуну:

— Үгүт материалдары үйлөрдүн, подъезддердин кейпин бузганы аябай кыжырлантат. Соцтүйүндөрдөгү үгүт да жакпайт, ал эми чындап көрсөтүлгөн жардам сөзсүз жагымдуу болмок. Үгүт агрессивдүү, таңууланма болбошу керек. 

Атыр Абдрахматова, юрист: 

— Жол бойлой желектерди илип койгондорун мен айдоочу катары жактырбайм, себеби аябай жолтоо кылат. Ал эми алардын бир түстө баары кызыл болушу жөн гана кыжырды келтирет. Мага көчөлөрдү кыдырып, мегафон аркылуу тиги же бул партияга добуш берүүгө жасаган чакырыктары жагат. Салтка айланган той-концерттер дебат же талкуу түрүндө талапкерлер менен жандуу баарлашууларга орун бериши керек. Талапкердин ийгилигин баяндаган жеке кат алуу да шайлоочулар үчүн жагымдуу болмок. Жан-дүйнөңдү козгой турган аңгемелер өзүнө элди көбүрөөк тармак. 

Марат Амир, актер:

— Мен деги эле эч нерсени байкабайм, менин кызыктырган эч нерсе жок. Көп убакыттан бери мен үгүт материалдарын этибар албаганга үйрөнүп калгам, менин көңүлүмдү бура турган эмне бар экенин айта да албайм. Партиялар жоон топтон чындап бөлүнүп, өзүн көрсөтүш үчүн чыгармачыл жана тапкыч болушу керек.

59
Белгилер:
шайлоо-майлоо, үгүт иштери, талапкер, добуш, шайлоо
Тема боюнча
Парламенттик шайлоо эки депутаттын мушташына себепкер болду
Сариев: добуш албай калгандар чычалабай, шайлоо жыйынтыгын таанышы керек
Президент Садыр Жапаров Россиянын лидери Владимир Путинден белекке алган кылыч

Владимир Путин Садыр Жапаровго кунда жок кылыч белек кылды. Сүрөт

1822
(жаңыланган 17:14 28.02.2021)
Жапаровдун Россия президентинен алган белеги Тарых музейине тапшырыла турганын мамлекет башчынын маалымат кызматы билдирди.

БИШКЕК, 28-фев — Sputnik. Президент Садыр Жапаров Россиянын лидери Владимир Путинден белекке кылыч алды. Бул тууралуу Sputnik Кыргызстан агенттигине ишенимдүү булактар кабарлашты.

  • Меч подаренный президенту КР Садыру Жапарову главой РФ Владимиром Путиным
    Президент Садыр Жапаров Россиянын лидери Владимир Путинден белекке кылыч алды
    © Фото / источники
  • Меч подаренный президенту КР Садыру Жапарову главой РФ Владимиром Путиным
    Эске салсак, Жапаров 24-25-февралда Москвага иш сапары менен барган
    © Фото / источники
1 / 2
© Фото / источники
Президент Садыр Жапаров Россиянын лидери Владимир Путинден белекке кылыч алды

Эске салсак, Жапаров 24-25-февралда Москвага иш сапары менен барган. Ошол эле күнү РФ лидери менен жолуккан. Кийинчерээк ал ЖМКларга берген маегинде Путинге кыргыз усталары жасаган кылыч тартуулаганын айткан.

"Баарынын кызыгы, Владимир Владимирович дагы Садыр Нургожоевичке баалуу металлдар менен кооздолгон кылыч белек кылган. Президенттик протокол кызматы белектерди дайыма кылдаттык менен ойлонуп, аны ар бир персона үчүн тандап эрте эле камдашат. Эки өлкө президенттеринин бири-бирине курал бериши чоң жана тарыхый мааниге ээ", — деген ишенимдүү булактар.

КР президентинин маалымат катчысы Галина Байтерек аталган билдирүүнү тастыктады.

"Садыр Нургожоевич Владимир Владимировичке берген белегин да, андан алган кылычты да өтө деле жарнамалагысы келген жок. Анын үстүнө мамлекет башчы алган белегин Тарых музейине тапшырууну табыштады", — деди Байтерек.

Жапаров Москвага болгон иш сапарында Путинге жолуккандан тышкары парламент төрагасы, өкмөт башчысы, кыргыз мигранттары жана россиялык ишкерлер менен да кезиккен.

1822
Белгилер:
белек, кылыч, Владимир Путин, Садыр Жапаров
Тема:
Садыр Жапаровдун Россияга сапары
Тема боюнча
Россия Кыргызстанга жардам катары 4,5 миң тонна үрөн жөнөтөт
Кыргызстандын армиясы россиялык С-300 системасын алмай болду
Россиянын жана Евробиримдиктин желектери. Архив

Россияны ооздуктоо боюнча милдеттенмелерден арыла албаган Европа

62
(жаңыланган 12:15 28.02.2021)
Батыш Россияга каршы санкциялардын жаңы топтомун киргизүүдө: апта башында Евробиримдик "Навальныйды куугунтуктоого" катыштыгы бар россиялык аткаминерлердин бир тобуна жекече санкция киргизүүнү макулдашты.

Ал эми Кошмо Штаттарда Навальный эле эмес, Россия айыпталып жаткан америкалык мекемелер жана компанияларга хакердик чабуул үчүн да "санкция жана башка чаралардын" бүтүндөй топтому даярдалып калды. Жаңы чектөөлөр жаатында Петр Акоповдун макаласы РИА Новости сайтына жарыяланган.

Жети жылдан бери РФке көрсөтүлгөн санкциялык кысымды айтпаганда да мунун баарын болжоого болот эле. Албетте, Россиянын Батыштагы "өнөктөштөрү" өз аракеттерин бекемдеп келген дооматтар ар убак эле кызыктуу эмес. Ал эми мотивдери таптакыр түшүнүксүз. Алардан РФ президенти Владимир Путин ФСБнын коллегиясында кеп кылды.

"Биз Россияны ооздуктоо саясатына тушугуп келебиз. Кеп мында эл аралык мамилелерге таандык табигый атаандаштык тууралуу эмес. Алардын аракети биздин өнүгүүнү үзгүлтүккө учуратып, аны басаңдатуу, тышкы периметрлери боюнча көйгөй жаратып, ички туруксуздукту козгоп, баалуулуктарды солгундатып, натыйжада Россияны чабалдатып, тышкы көзөмөлгө мажбурлоого багытталган ырааттуу жана кыйла агрессивдүү нуктагы чагымчылдыктарга багытталган. Биз күбө болуп тургандай, мындай көрүнүш постсоветтик мейкиндиктеги айрым өлкөлөрдө да байкаларын билебиз" – деди РФ лидери.

Путин белгилегендей, мындай максаттар жашыруун эмес, "ачык булактардагы стратегиялык документтер менен таанышып, бир катар өлкөлөрдүн мамлекеттик ишмерлеринин ачык билдирүүлөрүн карап чыгуу эле жетишерлик".

Ооздуктоонун бардык ыкмалары жакшы белгилүү, Путин тек гана аларды санап чыкты:

"Бизди экономикалык жана башка санкциялар менен тушап, биз эле эмес, биздин өнөктөштөр да кызыкдар болгон ири эл аралык долбоорлорго бөгөт коюуга, өлкөбүздүн коомдук жана саясий турмушуна, демократиялык жол-жоболоруна түз кийлигишүүгө тырышат. Анан да, албетте, атайын кызматтардын арсеналынан инструменттерди кызуу пайдаланышат".

Мунун баары Россиянын тарыхында биринчи ирет болуп жаткан жок, бул методдордун баарын аталган өлкөгө каршы колдонушкан. Андыктан ага россиялык бийлик туруштук берип, жооп кайтарууну деле үйрөнүп калды көрүнөт. Дал ушул себептен Путин "Россияга карата мындай аракет майнапсыз" экенин баса белгиледи өңдөнөт. Ошону менен бирге эле Россия өз суверенитетин жана кызыкчылыктарын коргогон коргонуучу ролу тууралуу жар салып, мындан тышкары, баары менен мамилени өнүктүрүүгө, өз ара ишеним жана сый-урматтын негизиндеги ачык диалогго даярдыгын баса белгилеп келишет. Путин да дал ушуну эске салды. Бирок буга кандай жооп болду?

"Россия Европа биримдиги менен кызматташууга кызыкдар эмес, ал эми россиялык бийлик өлкөнү авторитаризмге карай алып бара жатат" деген бүтүмгө келишти ЕБ өлкөлөрүнүн тышкы иштер министрлери. Натыйжада жаңы санкциялар жөнүндө чечим кабыл алышты. Ал эми европалык демократия башчысы Жозеп Боррель Россияны "өзүн душман сымал алып жүрүүнү чечкен коңшу" деп атады. Калыстык үчүн анын:

"Тескерисинче, аракет этүүнү чечкен коңшулар менен тирешүүдөн кача алгыдай үлгүнү аныктап алууга тийишпиз" деп баса белгилегенин да айтып коюу керек. Башкача айтканда, Европа жана Батыш тирешүүгө шылтоону Россия издеп, мамилени өнүктүрүүнү каалабай, ал гана эмес европалык иштерге дайым кийлигишип, ЕБге кысым көрсөтөт имиш. Ошондуктан Евробиримдик эми Москва менен үч принципте мамиле курмакчы. Боррель сүрөттөгөндөй, Москва эл аралык укук жана адам укуктарын бузганда каршы туруу, эгер Россия ЕБге кысым көрсөтүүнү күчөткөн учурда ооздуктоо, Евробиримдик кызыкдар багыттарда Россия менен кызматташуу керек. Күрөшүү, ооздуктоо, ЕБге пайдалуу жерлерде кызматташуу – булардын баары европалык дипломатиянын салгылаш топтому. Бирок кеп эмне жөнүндө болууда?

"Эл аралык укук жана адам укуктарын бузуу" дегендери Крым менен Навальныйдан башка бардык, анан калса, россиялык ички да, эл аралык темалар да ачыкталат. Россияда гей никенин жоктугу, башкача айтканда адам укугунун бузулушу үчүн санкцияларбы? Алгыла. "Абхазияны Грузияга кайтаруудан" баш тартууга да чектөөлөрбү? Сөзсүз. Германиялык бундестагдын компьютердик тутуму талкаландыбы? Албетте, Россияны жазалоо абзел.

Ушундай эле нукта ЕБге кысым көрсөтүү иретинде баарын атай берүүгө болот. Москвага "Германия үчүн альтернатива" парламенттик фракциясынын өкүлдөрү келсе – орустар Меркелге ор казууда дешет. Москва Польша же Чехиядагы советтик жоокерлердин эстелигин кулатууга каршылыгын билдиреби – эркиндикти сүйгөн байкуш чыгыш европалыктарды кысмакка алып жатканын айтышат. Газ түтүгүн курса, Европаны бөлүп-жарууда дешет. Куруудан баш тартса, Европаны тоңдургусу бар деп кине тагышат. Бирок иш жүзүндө баары башкача: өзүн кас катары алып жүргөн коңшу дал Европа биримдиги. Россияга шарт коюп, насаатын айтып, РФтин ички иштерине кийлигишип, эң кызыгы, муну кадыресе көрүнүш катары санайт.

Атлантикалык демилге болсо да Украинаны Россиядан жүз буздурууга, Чыгыш менен Батыштын тарыхый чек араларын өзгөртүүгө, өз турмуштук мейкиндигин орус цивилизациясынын эсебинен кеңейтүүгө тырышкан жана буга Россиянын унчукпай тим калышын каалаган дал Евробиримдиктин өзү. Кандай болгон күндө да Россия Европа менен өзү үчүн ылайык келген шарттарда алакасын кайра түзөт. Муну ЕБдегилер канчалык эрте түшүнсө, бул процесс ошончолук оңой жана тез жүрөт. Баары бир Европанын башка альтернативасы жок. Ал өзүн Россиядан оолактатып же коңшудан Россиянын душманына айлана да албайт. Антсе өзүнө өзү залал келтирет.

62
Белгилер:
милдеттеме, алака, Владимир Путин, Алексей Навальный, санкциялар, Европа, Россия
Тема боюнча
Россия менен Евробиримдик мамилеси: Лавровдун билдирүүсү көңүл чордонунда
Уктап жаткан кыз. Архив

Дем алуу көнүгүүсүн жасап бир мүнөттө уктап калса болот. Адистин кеңеши

0
Көнүгүү жасагандан тышкары уктаар алдында тамак, кофе ичпеш керек, ошондой эле гаджеттерди алысыраак коюу сунушталган.

БИШКЕК, 28-фев. — Sputnik. Дем алуу көнүгүүсүн жасап бир мүнөттө уктап калса болорун Аризон университетинин (АКШ) интеграциялык медицина боюнча адиси Эндрю Вайлга таянып Daily Mirror жазды.

Адис сунуштаган ыкма "4–7–8" деп аталып, терең жана бирдей ыргакта дем алуу бир эле мүнөттүн ичинде уктап калууга жардам берет. Муну Индияда йога менен машыккандар колдонуп жүрөт.

"Түндө ойгонуп кеткенде дагы ушул көнүгүүнү жасап уктап калса болот", — деген Вейл.

Мурун менен төрт секунд жай дем алып, аны жети секунд кармап, сегиз секундда демди чыгарып салуу керек. Муну уктап калгыча кайталоо зарыл. Бул дем алуу көнүгүүсү чыңалуудан арылууга да жардам берет. Адис ыкманы бир жасап таштап койбой кайталап туруу керектигин айткан.

Көнүгүү жасагандан тышкары уктаар алдында тамак, кофе ичпеш керек, ошондой эле гаджеттерди алысыраак коюу сунушталган.

0
Белгилер:
кеңеш, көнүгүү, уйку
Тема боюнча
COVID-19дан кийин мээни кантип калыбына келтирүү керек? Неврологдун кеңеши
Рактын этибар албаган беш белгиси аталды